Policia dokumenton një rast të pushtimit nga djalli

Një djalosh 9- vjeçar në SHBA i ka befasuar anëtarët e stafit mjekësor në një spital kur nisi që të ecte në mur me kokë poshtë.
Sikur të mos mjaftonte kjo, në dokumentet zyrtare, punonjësit e shërbimeve sociale dhe infermierët kanë pranuar se e kanë parë djaloshin duke e bërë një gjë të tillë.
Por historia bëhet më e tmerrshme për shkak se ka vërtetuar deklaratat e mamasë së djaloshit se shtëpia e saj është e pushtuar nga djalli.

Madje Latoya Ammons thotë se tre fëmijët e saj janë pushtuar nga djalli.
Ajo thotë se vajza e saj 12 vjeç mund të qëndrojë pezull në ajër, ndërkohë që fëmijët e tjerë kanë buzëqeshje djallëzore dhe një zë të thellë jo natyror.

Një prift është dërguar për të bërë ekzorcizëm në shtëpi, me urdhër zyrtar nga dioqeza e zonës.

Policia vetë e ka pranuar se në atë shtëpi ndodh diçka e çuditshme.

Madje kapiteni i policisë thotë se shtëpia është e mallkuar. Ai pranon se nuk futet aty brenda pasi bie nata.

Nëna e tre fëmijëve thotë se tani fëmijët e saj janë më mirë, pasi janë larguar nga shtëpia dhe i janë nënshtruar disa seancave të ekzorcizmit.