Angli - UFO

UFO-t “shfaqen” sërish në Britani

Disa persona kanë deklaruar se kanë parë alienë dhe qenie hapësinore në një zonë detare në afërsi të Kornuellit (Cornwell). Një burrë i quajtur Edward, tregon me detaje formën e çuditshme të një objekti, që dukej në pamje të parë si “disk fluturues”. Ai deklaron se “janë marre disa foto nga një helikopter që ndodhej atje pranë.

Më pas objekti fluturoi për në lindje dhe më pas u rikthye sërish ku ishte më parë, ndërkohë që me një shpejtësi tepër të madhe pas disa minutash u zhduk në hapësire”. Duket se është gati e njëjta ngjarje dhe i njëjti subjekt fluturues që është parë edhe në fillim të kësaj jave.
Turisti amerikan Ian Mulford, deklaron se ka parë të njëjtin objekt thuajse në të njëjtin vend, ashtu siç e ka parë edhe Edward-i. “Kam qenë duke bërë disa fotografi dhe nuk po më zinte syri ndonjë gjë të bukur sa për të më tërhequr vëmendjen.

Por në moment, pasi kisha fshirë disa foto që nuk më pëlqyen, papritur gjeta diçka që ishte e pazakonshme në sfondin e një fotografie që gjendej në njërit prej aparateve fotografikë të familjes”. Ian shton se ka qenë duke parë sërish me vëmendje fotografitë pasi ishte kthyer në shtëpi nga pazari dhe përqendrimi ishte fiksuar sërish tek objekti i çuditshëm që po fluturonte në qiell, në sfondin e fotografisë. “Nuk kam asnjë dyshim dhe jam më se i sigurt se bëhet fjale për një UFO.


Nëna e Rachel Clarke, 25 vjeçe, është e bindur se UFO-t kanë fluturuar dy herë lart në qiell sipër anijes. “Isha me këmbë në ballkon dhe pranë shtëpisë sime ishte një festë e vogël, tek një fqinj. Isha duke parë natyrën dhe festën, meqë ishin pranë detit. Papritur shfaqet një dritë e shndritshme në qiell, më pas edhe një tjetër dhe të dyja dritat u bënë një e vetme. Nisën të lëvizin me të vërtetë shumë shpejt. Nuk ishin duke fluturuar si aeroplanët apo helikopterët e zakonshëm”, rrëfen 25-vjeçarja.

Maria, një grua 57-vjeçare, thekson se ka parë edhe ajo skenën, duke u shprehur se ka parë lëvizjen e shpejtë të UFO-ve në Bristol në prag të Vitit te Ri. Maria tregon se po qëndronte në këmbë në kopshtin e saj, së bashku me tre persona të tjerë, kur në moment u shfaq një dritë e fortë në qiell. “Ne jetojmë afër aeroportit të Bristolit dhe shpesh shohim avionë dhe helikopterë në qiell, por kjo ishte diçka krejtësisht ndryshe për ne. Unë nuk kam besuar kurrë tek UFO-t më parë, por pasi e pashë vetë me sytë e mi tani, besoj se mund të ketë diçka të vërtetë për ta. Nuk ishte ndonjë objekt fluturues i zakonshëm siç jemi mësuar të shohim. Ishte me të vërtetë i çuditshëm dhe të gjithë e panë”, u shpreh Maria.


Si mendohet të jenë alienët:

¨ Ndërsa elementi kryesor në trupin e njeriut është karboni, mendohet se ai në trupin e një alieni është silic.

¨ Alienët kanë trup të vogël, me një gjatësi sa pothuajse një e dyta e trupit të një njeriu normal.

¨ Kanë kokë të madhe, e cila vjen e ngushtë pranë qafë dhe zgjerohet në majë.

¨ Kanë sy të mëdhenj e të zinj së bashku me veshë të mprehtë e të mëdhenj.

¨ Nuk kanë hundë, por në vendin e saj ndodhen dy vrima.

¨ Janë ngjyrë gri dhe nuk kanë flokë dhe qime në trup.

¨ Zhvillimi i inteligjencës tek këto qenie jashtëtokësore është shumë më i zhvilluar se tek njerëzit.

¨ Nuk komunikojnë, mendohet se lëshojnë ultratinguj.

¨ Disa objekte UFO kanë formën e një pjate filxhani, me majë në formën e lodrës apo në formën e diskut pa një forcë shtytëse të dukshme apo të dëgjueshme.

¨ Disa objekte të tjera UFO mendohet të kenë formën e puros pa dritare të shndritshme

Projekti “Blue Book” (Libri Blu)

Projekti “Blue Book” (Libri blu) ishte një prej serive sistematike të studimit e verifikimit të UFO-ve (Objekteve fluturuese të paidentifikuara), i kryer nga Forcat Ajrore Amerikane (U.S.A.F). Ky projekt filloi në vitin 1952 dhe ishte ringjallja e dytë e një studimi të këtij lloji. Urdhri për pezullimin e këtij projekti u dha në dhjetor të vitit 1969.

Projekti “Blue Book” kishte dy qëllime: të përcaktonte nëse UFO-t ishin kërcënim për sigurinë kombëtare dhe të analizonte shkencërisht të dhënat që kishin lidhje me UFO-t. Në kohën që “Blue Book” u pezullua, kishte mbledhur rreth 12,500 raportime mbi objektet fluturuese të paidentifikuara duke arritur në përfundimin se shumica e tyre ishin keqinterpretime të fenomeneve natyrore si retë, yjet, etj, apo objekte fluturuese të zakonshëm.

Disa prej tyre u cilësuan si mashtrime. Raportimet mbi UFO-t janë të arkivuara dhe janë të disponueshme nën “Aktin e lirisë së informimit”, por emrat dhe informacionet personale të gjithë dëshmitarëve janë redaktuar.


Marrë nga “Hermes News”

UFO, e vërteta e arkivave britanike

160 dosje sekrete do të vihen në dispozicion të publikut

E lodhur tashmë nga hamendësimet dhe spekulimet e pafundme për UFO-t, nga teoricienët e konspiracioneve dhe gazetarët që nuk i ndaheshin për vite, Ministria e Mbrojtjes së Britanisë së Madhe vendosi t‘i hapë të gjitha dosjet që zotëron mbi këtë subjekt për publikun e gjerë.

Në total që të 160-ta dosjet që përmban arkivi do të vihen në dispozicion të publikut përmes sitit zyrtar të Arkivave Kombëtare gjatë 3-4 viteve të ardhshme.

Njëra nga tetë dosjet e para, një prej të cilave përmban 450 faqe, mund të lexohet nga të gjithë në këtë sit që të mërkurën e kësaj jave. Dosjet, të cilat i përkasin fillimit të viteve tetëdhjetë janë mjaft të komplikuara, kështu që Arkivat e Shtetit kanë vënë në dispozicion një guidë ndihmëse të përgatitur nga Dr. Deivid Klark, ekspert i historikut të ufo-ve. Dhe për këdo, për të cilin as kjo ndihmë nuk mjafton, të gjithë të pasionuarit mund të blejnë një material video të punuar nga Nik Pop, një nëpunës civil që ka punuar gjatë në Ministrinë e Mbrojtjes britanike në këtë sektor. Dhe çfarë fshehin këto arkiva?

Një prej raporteve me ngjyra më të ndezura të dokumentacionit mban datën 1985 dhe i përket dikujt që pohon se ka qenë në kontakt me alienët që në moshën 7-vjeçare.

Pretendon se ka vizituar bazat e alienëve në dy qytete të Anglisë dhe se ka parë me sytë e vet një mjet fluturues të rrëzuar në një qytet të tretë. "Pashë me sytë e mi se si pjesa e përparme e mjetit preku sipërfaqen e ujit dhe se si më pas u zhduk i tëri si të qe një qenie e padukshme", shkruan.

Pas kësaj, përpiqet të krijojë mundësitë për një takim mes alienit të quajtur Algar dhe qeverisë britanike, por vazhdon duke rrëfyer se Algari qe vrarë nga alienët e tjerë përpara se takimi të kryhej. Një tjetër rrëfim mjaft i ngjyrosur i përket një peshkatari 77-vjeçar.

Në orët e para të mëngjesit të 12 gushtit 1983, tregon se ka takuar qeniet që udhëtonin mbi një pjatë fluturuese. Qenë pak më të gjatë se një metër, qenë veshur me kostume jeshile dhe në kokë mbanin helmeta me xhama të zinj përpara.

Pasi e shëtitën nëpër mjetin fluturues i thanë: "Mund të largohesh. Je shumë i moshuar për të shërbyer për ndonjë qëllim". Rrëfenja e peshkatarit mund të lexohet në faqen 67. Më i besueshëm është raporti i vitit 1985, i bërë nga stafi i një helikopteri të tipit "RAF Sea King".

E lodhur tashmë nga hamendësimet dhe spekulimet e pafundme për UFO-t, nga teoricienët e konspiracioneve dhe gazetarët që nuk i ndaheshin për vite, Ministria e Mbrojtjes së Britanisë së Madhe vendosi t‘i hapë të gjitha dosjet që zotëron mbi këtë subjekt për publikun e gjerë.

Hapen dosjet e UFO-ve monitor kishin parë dy objekte që udhëtonin me shpejtësi rreth 5 mijë kilometra në orë. Kushdo mund ta lexojë gjerë e gjatë rrëfimin në faqen 39. Një pjesë e mirë e kontakteve vizive me objekte të panjohura janë raportuar nga forcat e policisë.

Një çerek ore pas mesnatës së ditës së Krishtlindjeve të vitit 1985, një grup prej tre policësh ishte gjetur i papërgatitur përpara një drite të bardhë në zonën Horsell. Në faqen 233 mund të gjendet një tjetër rrëfim i bërë nga disa policë më 26 prill të vitit 2004. Tregimi është pasuruar edhe me vizatime dhe skica të asaj që kishin parë
atë natë.

Vatikani: Zoti nuk bie ndesh me alienët

Për numrin një të astronomëve të Vatikanit nuk ka asnjë konflikt mes besimit në Zot dhe mundësisë së pranisë së "vëllezërve jashtëtokësorë", ndoshta edhe më të përparuar se njerëzit.

"Për mendim tim ekziston jetë në planetë të tjerë", tha imzot Hose Gabriel Funes, një jezuit 45-vjeçar që kryeson Observatrin e Vatikanit, por njëherësh shërben edhe si këshilltar shkencor i Papa Benediktit. "Si mund të përjashtojmë idenë se jeta mund të jetë zhvilluar edhe diku tjetër", tha të martën gjatë një interviste për gazetën e Vatikanit "L‘Osservatore Romano", duke shpjeguar se numri i madh i galaktikave e bënte shumë të mundshme diçka të tillë.

Pyetjes nëse qenë të ngjashëm me njeriun apo më të zhvilluar, iu përgjigj:
"Sigurisht, në një univers kaq të stërmadh, kjo hipotezë nuk mund të përjashtohet". Në intervistën me titull "Jashtëtokësori është vëllai im", ai shtoi se nuk ka kurrfarë konflikti mes besimit në Zot dhe pranisë së krijesave jashtëtokësore.

"Ashtu siç vërejmë shumëllojshmëri krijesash mbi Tokë, mund të gjenden edhe qenie të tjera, mbase edhe inteligjente, të krijuara gjithashtu nga Zoti. Kjo shkon ndesh me besimin tonë, pasi nuk mund t‘i vendosim limite lirisë krijuese të Zotit", tha ai, për të shtuar: "Përse të mos flasim për vëllezër jashtëtokësorë? Edhe kjo do të qe pjesë e krijimit".

Funes, i cili drejton një observator me degë në Romë dhe në Arizonë, foli edhe për mundësinë që raca njerëzore të jetë "delja e humbur" e universit: "Ndoshta diku larg ekzistojnë qenie të tjera, në marrëdhënie të shkëlqyera dhe të drejtpërdrejta me krijuesin".

"Big Bengu"? Të krishterët shpesh nuk kanë qenë dakord me shkencëtarët lidhur me faktin nëse Bibla duhet lexuar fjalë për fjalë, ndërkohë që çështje si kreacionizmi e Selia e Shenjte Vatikani: Zoti nuk bie ndesh me alienët darvinizmi kanë shkaktuar debate të nxehta.

Inkuizicioni e dënoi Galileon në shekullin XVII pasi tha se toka rrotullohej rreth diellit. Kisha katolike nuk e rehabilitoi deri në vitin 1992.

Funes tha se dialogu mes besimit fetar dhe shkencës mund të shkojë përpara nëse shkencëtarët mësojnë më shumë rreth Biblës dhe kisha i vëren më nga afër progreset shkencore. Funes, me origjinë argjentinase, u shpreh se si astronom beson që shpjegimi më i mundshëm për zanafillën e universit është "Big Bengu".

Por edhe në këtë rast tha se qëndrimi nuk shkonte ndesh me besimin në Zot: "Zoti është Krijuesi. Krijimi ka një arsye. Ne nuk jemi pjella të rastësisë...". "Si astronom vazhdoj të besoj se

Zoti është krijuesi i universit dhe se nuk jemi produkt i një ngjarjeje të rastësishme, por bij të një ati të mirë, i cili ka për ne një projekt ku dominon dashuria".

Një ditë mund të zbulohet jetë aliene

Astronautët, të cilët u kthyen së fundmi nga një udhëtim në hapësirë, thanë të hënën se ekzistenca e qenieve jashtëtokësore është e mundshme.

"Jetë si e jona mund të ekzistojë edhe diku tjetër nëpër univers", u tha reporterëve astronauti Takao Doi, i cili prej pak ditësh është kthyer nga një mision 16-ditor në Stacionin hapësinor Ndërkombëtar.

Doi dhe kolegët e tij thanë se nuk kishin parë me sytë e tyre asgjë që ta vërtetonte këtë tezë, por duke iu referuar përmasave të sistemeve galaktike, një gjë e tillë është më se mundshme.

Maik Foreman, një prej specialistëve të misionit tha: "Po t‘i shtyjmë kufijtë tanë shumë më larg nga ç‘janë tani, jam i sigurt që do t‘i hasim".

Në dhjetor të vitit të shkuar, Nobutaka Maçimura, sekretari i Përgjithshëm i kabinetit qeveritar japonez, tha se qe tërësisht i bindur që ufo-t ekzistojnë dhe se diku larg jetojnë alienë.

Nga Gazeta Shqip

Së fundi ministria britanike e mbrojtjes se bashku me arkivin kombëtar anglez kanë publikuar dokumenta sekrete rreth jashtetoksoreve.

Behet fjale për burime te shumta rreth alieneve te mbledhura nga njerëz te ndryshëm duke filluar qe nga qytetare te thjeshtë deri te zyrtare te shtetit britanik midis viteve 1978-2002.

Lidhja nga ku mund te lexohen këto dokumenta ndodhet këtu: http://ufos.nationalarchives.gov.uk/

Dosjet britanike mbi UFO-t, më shumë pyetje se përgjigje

Ekzistojnë alienët? Jemi vizituar nga jashtëtokësorë? A ka parë ndokush vërtetë mjete të panjohura fluturuese? Tetë dosjet e bëra publike përpara disa ditëve nga Ministria Britanike e Mbrojtjes përmbajnë qindra raportime për vërejtje objektesh të panjohura fluturuese në hapësirën kohore 1978 e 1987. Mes mijëra faqeve që përmbajnë hasen dëshmi që luhaten nga budallallëqet te mjaft interesantet.

Si kanë qenë kontaktet me UFO-t?

Disa mistere janë më të lehta për t‘u zgjidhur se të tjerët. Vështirë se duhet t‘i trembemi ndonjë pushtimi alien, pasi disa njerëz në të dalë të një pabi në Tunbridxh Uells panë një objekt të çuditshëm fluturues me drita të forta të kuqe e të gjelbra. As nuk duhet të prishim gjumin nga rrëfimi i një zotërie, i cili në Veri të Uellsit hasi një objekt që lëshonte dritë të fortë dhe një zhurmë "të ngjashme me motorët e avionëve" (Që mund të ketë qenë fare mirë edhe avion).

Por rrëfimi ndoshta më mbresëlënës është bërë në janarin e vitit 1985. Dëshmitari, pasi shpjegon se është kontaktuar nga jashtëtokësorët që në moshën shtatëvjeçare, rrëfen se si ka qenë i pranishëm gjatë rrëzimit të një UFO-je në lumin Mërsi. Me të prekur ujin, mjeti u zhduk. Nga sa tregon dëshmitari mësohet se miku i tij jashtëtokësor, Algari, pranon të takohet me përfaqësues qeveritarë britanikë, por vritet nga një alien tjetër pas 11 orësh.

A provojnë raportimet se jashtëtokësorët ekzistojnë?

Për fat të keq, Ministria Britanike e Mbrojtjes nuk u vihet pas raportimeve të këtij lloji deri në çastin kur bëhet i mundur identifikimi i një UFO-je. I vetmi motiv që i zgjon nga gjumi shfaqet në çastin kur ndonjë "mjet i huaj" shkel ilegalisht hapësirën ajrore mbretërore. Kjo do të thotë se në raporte nuk flitet as për mjete të panjohura që mbahen diku në ndonjë hangar, e as për alienë pas tryezave të punës.

Por po t‘i vëresh me durim 450 faqet që përbëjnë dosjet, nuk ka dyshim se duhet pranuar që disa prej rrëfimeve të bëjnë të futesh në mendime. Shumë prej tyre vijnë nga pilotë, kontrollorë të trafikut ajror dhe policë. Një raport i bërë prej disa policëve në Uoking përshkruan një dritë të bardhë që zbret mbi sipërfaqen e tokës. Dëshmia e tyre mban shënimin: "Raport i besueshëm".

A zbulojnë ndonjë të dhënë periodike?

Jashtëtokësorët duket se nuk e kanë vizituar Britaninë, ashtu, kot së koti. Raportet vijnë nga Devoni, Malet e Larta, Uellsi dhe Londra. Vërehet edhe një lloj prirjeje për t‘i dekoruar mjetet fluturuese me një mori dritash e ngjyrash të ndritshme. Një UFO gjigand i vërejtur në Oksforshajër në vitin 1981 rrethohej nga drita të kuqe, blu dhe të bardha - ngjyrat që përzgjedhim më lehtësisht. Ndërsa një tjetër objekt fluturues i raportuar tre vjet më pas ishte zbukuruar me më shumë fantazi; kësaj here ngjyrat qenë portokalli, të bardha dhe të gjelbra. Ndërkaq kanë qenë të formave dhe përmasave të ndryshme. Më të shumtë janë ato të formave konike, por gjenden edhe përshkrime më të pazakonta si njëri i vërejtur në Pleimuth në formën e cigares, ndërkohë që një observator nga Noruiçi e përshkruan mjetin fluturues që iu shfaq para syve në formën e një "arkivoli të sheshtë".

Cilat janë shpjegimet racionale?

Shumë nga raportet mund të konsiderohen si fenomene të zakonshme. Kushtet atmosferike mund të kenë luajtur rol të rëndësishëm te shumë prej raportimeve. Netët me re sigurisht që i bëjnë raportet më pak të besueshme, por e njëjta gjë mund të thuhet edhe për netët e kthjellëta - yjet, planetët apo objektet e tjera qiellore mund të ngatërrohen lehtë me gjëra më të pazakonta. Siç vëren Ministria Britanike e Mbrojtjes në vitin 1979, "Venusi ngatërrohet shumë shpesh". UFO të tjera mund të kenë qenë balona të thjeshta meteorologjike, iluzione optike madje edhe halucinacione.

Cili është këndvështrimi zyrtar i Ministrisë Britanike të Mbrojtjes?

Sipas Nik Pop, i cili për ministrinë britanike është tamam i së njëjtës rëndësi që ka në serialin "X Files" agjenti Fok Mulder, disa prej të dhënave më të rëndësishme në këtë aspekt vijnë pikërisht falë qëndrimit të ministrisë përpallë Ufologjisë. Ministra raporton për një fjalim lidhur me këtë temë që do të mbahet në Dhomën e Lordëve në vitin 1979. "I ranë shumë shkurt", tregon Pop. Mësohet se qeveria e shihte me shqetësim rritjen e "Industrisë së UFO-ve", e cila është shtuar ndjeshëm pas suksesit të filmit "Takim i afërt i llojit të tretë", të autorit Stiven Spilberg (1977). "Nuk ekziston asgjë që të bëjë të mendohet se urologjia s‘është tjetër veçse një tufë me broçkulla", shkruan Ministria e Mbrojtjes.

E megjithatë, nëpër korridoret e pushtetit gjendeshin njerëz të cilët besonin tek ekzistenca e jashtëtokësorëve. Lordi Klankarti, i cili kërkoi hapjen e një debati në Shtëpinë e Lordëve mbi këtë subjekt, shkroi një libër me titull "Vizitorët misteriozë", ku ia atribuonte pikërisht UFO-ve zhdukjen e një regjimenti britanik në kohën e fushatës së Galipolit gjatë Luftës së Parë Botërore. Ushtarët qenë zhdukur të përpirë nga një re. Sa për mungesën e provave bën me faj CIA-n amerikane. Sipas politikanit, ata kanë fshehur gjithçka.

Sa vlen e gjitha kjo?

Për sa i përket interesit të publikut mbi dosjet, tashmë që të gjithë mund t‘i kenë nëpër duar. Edhe vetë fakti që Ministria e Mbrojtjes ka mbajtur dosje mbi këtë temë për shumë njerëz përbën interes të veçantë. Amerikanët ndalën së shqyrtuari raportet mbi hasjen e UFO-ve në vitin 1969, pasi një studim i zhvilluar nga Universiteti i Kolorados arriti në përfundimin se 90 për qind e raportimeve mund të shpjegoheshin si keqinterpretime më se të zakonshme. Ndërkaq, Ministria Britanike e Mbrojtjes vazhdoi të tregojë shumë interes për 10 përqindëshin tjetër. Edhe arkivat kombëtare britanike vazhduan të tregonin po kaq interes.

A do të marrin fund teoritë e konspiracioneve?

Asnjë sasi dhe asnjë lloj dokumentacioni mbi UFO-t nuk do të jetë në gjendje të kënaqë disa mbështetës të teorive konspirative. Këta do të vazhdojnë të besojnë se këto letra u janë paraqitur për t‘i shmangur nga e vërteta. Vetëm pak orë pas publikimit të dokumentacionit, Pop, i cili ndihmoi arkivat kombëtare në përzgjedhjen e dokumenteve me përmbajtje më të rëndësishme, mori një mori mesazhesh përmes postës elektronike ku akuzohej si agjent dizinformues i sponsorizuar nga shteti.

Dosje të ngjashme të publikuara nga Franca vitin që shkoi u konsideruan nga disa krejt pa vlerë, duke këmbëngulur se qeveria vazhdonte të mbante të fshehta ato me përmbajtje të rëndësishme.

GSh

Dëshmi UFO-sh; Anglezët i kanë parë 4 herë në 2008

Ministria e Mbrojtjes angleze para disa ditëve raportoi se vetëm për vitin 2007 janë marrë 135 shenja shikimi për jashtëtokësorët në Angli dhe se 97 janë raportuar vetëm në 2006-n.

Numri ka qenë duke “fluturuar” së fundmi duke marrë si bazë raportimet, nga vëzhguesit okularë, të cilët kanë pohuar se në të shumtën e rasteve kanë parë drita të shndritshme, forma objektesh të mysëta apo trekëndore madje edhe rrëmbime nga alienët.

Por jo vetëm kaq, pasi UFO-t duket se e kanë marrë turizmin në tokë shumë seriozisht së fundmi, përfshi këtu edhe vizitat e këtij fillimviti edhe në kontinentin e Amerikës.

E martë 12 shkurt 2008 / Disku fluturues mbi Portsmuth. Një fotograf, i cili ndaloi për një kapriçio profesionale për të fotografuar natën mund të jetë një tjetër përgjigje aprovuese për skeptikët mbi ekzistencën e UFO-ve.

Fotografitë tregojnë një objekt misterioz në formën e një disku fluturues, për të cilën ekspertët e UFO-ve thonë se mund të jetë provë për ekzistencën e këtij fenomeni. Hab Rahman, një fotograf i mprehtë u trullos kur pa imazhin në sfondin e fotografive, kur i rishikoi disa nga fotografitë të cilat i pati marrë natën.

Habs, djali 28-vjeçar nga Portsmuth po ngiste makinën nga puna për në shtëpi përmes një mjegulle të trashë kur ai vendosi të ndalonte dhe të merrte ca fotografi në natyrë.

Ai u tërhoq lart dhe shkoi të fotografonte nga një makinë në afërsi të Rrugës Komerciale të Portsmuthit pak pas mesnate. Sapo mbërriti në shtëpi ai i transferoi fotot në kompjuter dhe pa objektin misterioz në to “nuk vura re asgjë gjatë kohës që po fotografoja, por vetëm kur unë i afrova fotografitë për të parë me detaje imazhet bëra dhe zbulimin tronditës”.

“Vërtetë nuk jam i sigurt se çfarë është por çfarë mund të jetë tjetër?”, - vijoi ai. Hilary Porter, studiuese në Tokën Britanike dhe pjesëtare e Shoqatës se Mistereve Mbinatyrore pohon se mund të bëhet fjalë për UFO.

Është e vështirë të fotografosh një UFO, por në foto duket që objekti është pasqyruar duke fluturuar në mënyrë anësore ashtu sikurse disqet fluturuese normalisht fluturojnë.

Ministria e Mbrojtjes nuk do të bënte asnjë koment për fushëpamjet individuale dhe nuk mund të kontrollonin për kalimin e ndonjë aeroplani në afërsi të vendit ku ishin marrë fotot.

15 shkurt 2008/ Në një gazetë tjetër të përditshme angleze shkruhej se gjatë një udhëtimi familjar, në datën 9 shkurt rreth orës 06:20 të pasdites ata panë një objekt me formë të çuditshme të lëvizte në qiell deri sa u zhduk.

Familja kërkoi që të mbeste anonime nga frika se mos talleshin nga njerëzit. Nëna shtoi se objekti ishte tepër i madh, me ngjyrë të errët në formë trekëndëshi, gjë që bënte të vështirë përcaktimin e mënyrës së lëvizjes. Ajo madje shtoi se i shihte e çuditshme se pse ky lajm nuk ishte bërë publik pasi më lartë objektit fluturues, fluturonte dhe një helikopter dhe po i drejtonte dritat nga UFO-t.

19 janar 20008/ Një akademike mbeti e shokuar kur ajo po kontrollonte fotot e marra nga turistët, nga horizonti i Londrës dhe pikëshënoi atë çka dukej si pjatë fluturuese. Akademikja e Karolina, Slavka Mueller, e Universitetit të Exeteri-t ishte në Londër për fundjavën kur ajo mori disa fotografi të shenjave me kamerën e celularit të saj.

Por kur ajo ju rikthye fotografive për t’i parë edhe njëherë më 19 janar të këtij viti, në pamjet e Urës së Kullës dhe të Syrit të Londrës ajo u shokua pasi pa një UFO. Dhe ekspertët janë të bindur që bëhet fjalë për një ngjarje të vërtetë dhe aspak për një iluzion optik.

Karolina tha se “ajo që është shumë e çuditshme për këtë fakt është se ne nuk e pamë këtë objekt në qiell, ndërkohë që po bëja fotografitë, unë e zbulova këtë vetëm kur i hodha fotografitë në kompjuter dhe deri atëherë nuk i kisha parë fotografitë asnjëherë.

Imazhet e bëra rreth orës 3:50 të mëngjesit ishin marrë tetë minuta në largësi nga njëra tjetra kur Karolina dhe dy shokët e saj u mblodhën në Qendrën e Londrës.

UFO-ja është një engjëll dhe duket sikur lëshon një dritë misterioze të kaltër”. Karolina shtoi se “askush nga ne mund të arrijë të japë një përgjigje të arsyetuar se për çfarë bëhej fjalë.

Madje, njëri nga miqtë e mi, shoferi, ka lindur në Londër dhe po si unë dhe ai nuk di të më japë një përgjigje të arsyetuar. Ai thotë se asnjëherë nuk ka parë diçka të tillë dhe definitisht nuk ka asnjë ndërtesë në këtë zone që të ngjajë sado pak me imazhet.

Ekspertët e UFO-ve kanë “kruar kokat” shumë përpara se këtyre informacioneve të reja. Editorët, kameramanët dhe kërkuesi i UFO-ve, Chris Martin, tha “po kërkoja për prova për të parë që këto imazhe ishin të fabrikuara, pra false, dhe nuk mund atë gjeja asnjë të tillë.

Është e paprecedentë sepse ajo dha tre fotografi, të cilat së bashku tregonin edhe fluturimin e objektit. Vlerësimi im për këtë ngjarje është se, këto fotografi janë më se të vërteta dhe nuk janë manipuluar dixhitalisht apo për të na vënë në lojë.

Ai shtoi “këto fotografi janë për opinionin tim si studiues i UFO-ve absolutisht shtangëse dhe tregojnë një objekt real i drejtuar nga forca kontrolli superinteligjente. Ai është një objekt klasik fluturues me formën e diskut.

17 janar 2008/ Duzina dëshmitarësh në Teksas raportojnë për UFO. Në Stefenvill të Teksasit disa duzina njerëzish duke përfshirë këtu edhe një pilot, një kryetar konteje dhe disa biznesmen këmbëngulin se kanë pare një objekt me drita të shndritshme, duke fluturuar në heshtje në lartësi të ulët por me shpejtësi të madhe.

Edhe pas pohimeve të shumë dëshmitarëve si dhe një piloti, zyrtarët e qeverisë nga ana tjetër këmbëngulin se duhet të ketë një shpjegim logjik për këtë ngjarje. Nëse do të isha vetëm unë dëshmitari okular i diskut fluturues, do të mendoja se isha çmendur ndoshta por fakti që dëgjova edhe dhjetëra njerëz të tjerë, me të njëjtat përshkrime dhe detaje më lehtësuan shumë”, – tha makinisti Riki Sorells.

Nga Lorena Kollobani

Anglezët më tepër besojnë në jashtëtokësorë, se sa në Zot

Anglezët me tepër besojnë se ekzistojnë UFO dhe qenie jashtëtokësore, se sa një Zot i plotfuqishëm, tregojnë hulumtimet e fundit të publikuara në gazetën londineze ‘’Telegraf’’.

Kështu që, 54% e të anketuarve pohojnë se janë fetarë dhe besojnë në Zot, ndërsa 58% se besojnë në një fuqi mbinatyrore.

Kërkimi ka zbuluar se gratë besojnë më së shumti në fuqi mbinatyrore, ndërsa 25% e tyre kanë pohuar se të paktën një herë në jetë kanë pasur takime me fenomene paranormale.

Hulumtimi ka përfshi gjithsej 3000 njerëz dhe është realizuar pas editimit për tregun e gjerë të DVD edicionit ‘’Dosja X’’, një grumbuj dokumentarësh kushtuar fenomeneve paranormale dhe ekzistencës të jashtëtokësorëve.

Petrit Bexheti

Britanikët i gjuajnë UFO-t



Një ish-zyrtar i Ministrisë së Mbrojtjes i Britanisë thotë se forcat ajrore britanike vazhdimisht kanë hapur zjarr kundër UFO-ve.

Deri tani, sidoqoftë, nuk kanë arritur të qëllojnë objekte të UFO-ve. Por kjo nuk e ndryshon faktin se Forcat Ajrore Mbretërore në fshehtësinë më të madhe, kanë marrë urdhër për t'i rrëzuar UFO-t.

Këto i pretendon ish-zyrtari i Ministrisë së Mbrojtjes të Britanisë, Nick Pope, sipas gazetës angleze, The Sun.

"Unë i di rastet kur janë dhënë urdhra për të hapur zjarr kundër UFO-ve," tha për The Sun, Nick Pope.

Pope, 43-vjeçar, nga Londra, thotë se urdhrat për "t'i rrëzuar" UFO-t janë dhënë nën direktiva shumë sekrete, që kur kanë filluar në vitet 1980.

Urdhrat janë dhënë nëse ne kemi vërejtur objekte që vlerësoheshin si kërcënime.

Por, akoma asnjë armë ajrore nuk ka arritur që ta rrëzojë ndonjë UFO, por është vetëm çështje kohe kur kjo do të ndodhë, thotë Nick Pope.

"Mendoj se do ta rrëzojmë ndonjë UFO.Ne gjithnjë e më shumë jemi duke zhvilluar armë të sofistikuara " thotë ai.

Më herët gjatë këtij muaji, The Sun kishte shkruar rreth asaj që besohej se ishte një UFO që e kishte goditur një turbinë të ajrit në Conisholme, Lincs.

Banorët atje kishin parë "drita të çuditshme" që vinin nga turbina e ajrit e lartë 90 metra.

Por çdo betejë me alienët do të mbahet sekret, sipas z. Pope, i cili ka punuar për 21 vjet në Ministrinë e Mbrojtjes.

"Publiku kurrë s'do t'i dijë këto gjëra, përveç nëse ndonjë objekt i UFO-ve rrëzohet në ndonjë zonë të populluar."

The Sun

Anglia hap dosjet sekrete për UFO-t

Në korrik të viti 2008 është radha e Britanisë së Madhe, por në 2008-ën i ka hapur dosjet Franca dhe Ekuadori. Hapja e dosjeve do procedojë gradualisht.

Dokumentet më interesante janë ato që kanë lidhje me raportet e ish-KGB-së (127 faqe të dhënash për ngjarjet jonormale), si dhe një dëshmi që mbërrin në Ekuador. Kjo lidhet dhe me një ngjarje të ndodhur ditët e fundit.

Në Uells, para disa ditësh ishte pjesa e fundit e një historie pambarim: tre shoferë helikopterësh kanë deklaruar se kanë parë një objekt të çuditshëm që prodhonte drita të forta dhe se janë përpjekur ta ndjekin.

Nuk kanë arritur sepse në një farë pike, objekti është zhdukur. Këta tre ushtarakë dhe operativë, çka do të thotë se janë njerëz të detyruar të kontrollojnë metodat dhe rregullat: ngjarja e tyre minimalisht duhet të peshohet me vëmendje, sepse objektet e tilla të paidentifikuara nuk kanë munguar asnjëherë.

Hapja e dosjeve

UFO-t dhe ufologjia vazhdojnë të jenë aktualitet, ndaj duhet pranuar se ato nuk kanë dalë kurrë nga moda. Përpara fakteve në Uells, ka pasur vëzhgime objektesh të paidentifikuara në Feniks, SHBA. Më pas, janë hapat e ndërmarrë nga qeveritë e ndryshme për deklasifikimin e dosjeve X, që kanë lidhje me çështjen.

Në korrik të këtij viti është radha e Britanisë së Madhe, por në 2008-ën i ka hapur dosjet Franca dhe Ekuadori. Hapja e dosjeve do procedojë gradualisht. Dokumentet më interesante janë ato që kanë lidhje me raportet e ish-KGB-së (127 faqe të dhënash për ngjarjet jonormale), si dhe një dëshmi që mbërrin në Ekuador.

Në kufi të 44 rasteve të deklasifikuar, një zyrtar, Ulliam Salgago pranon pa asnjë hije dyshimi se "ka objekte fluturuese me origjinë jashtëtokësore në atmosferën tonë dhe se duhet të ndajmë hapësirën tonë me qenie të botëve të tjera".

Po pse këto qeveri po hapin dosjet në këtë kohë? "Fenomeni UFO është kthyer në një fenomen masiv, ka nevojë për një përgijgje", shprehet Enrico Baçarini, drejtues i Qendrës Ufologjike Kombëtare (CUN) në Itali.

Dhjetëra studime nga qeveri të ndryshme botërore, kanë prodhuar më shumë pyetje se përgjigje. Mbetet për të kuptuar tashmë nëse zgjedhja lidhet me mundësinë "Teoria e përshtatjes me fenomenin ndiqet nga shumë qeveri të vetëdijshme, jo gjithçka është thënë", deklaron CUN. Frika është tek shoku kulturor që mund të shkaktojnë informacione të tilla. Ndërkohë, në gjithë botën rritet dëshira për alienët.

Kjo ndodh, jo vetëm për përbërësit e jashtëzakonshëm të fenomenit, por edhe për faktin se po rritet gjithnjë e më shumë vetëdija se jeta nuk është pronë ekskluzive e tokës.

Libri blu

Projekti "Blue Book" (Libri blu) ishte një prej serive sistematike të studimit e verifikimit të UFO-ve (Objekteve fluturuese të paidentifikuara), i kryer nga Forcat Ajrore Amerikane (U.S.A.F).

Ky projekt filloi në vitin 1952 dhe ishte ringjallja e dytë e një studimi të këtij lloji. Urdhri për pezullimin e këtij projekti u dha në dhjetor të vitit 1969. Projekti "Blue Book" kishte dy qëllime: të përcaktonte nëse UFO-t ishin kërcënim për sigurinë kombëtare dhe të analizonte shkencërisht të dhënat që kishin lidhje me UFO-t.

Në kohën që "Blue Book" u pezullua, kishte mbledhur rreth 12,500 raportime mbi objektet fluturuese të paidentifikuara duke arritur në përfundimin se shumica e tyre ishin keqinterpretime të fenomeneve natyrore si retë, yjet, etj, apo objekte fluturuese të zakonshëm. Disa prej tyre u cilësuan si mashtrime.

Raportimet mbi UFO-t janë të arkivuara dhe janë të disponueshme nën "Aktin e lirisë së informimit", por emrat dhe informacionet personale të gjithë dëshmitarëve janë redaktuar.

UFO

Një objekt fluturues i paidentifikuar ose ndryshe, "UFO" quhet çdo objekt i dukshëm, i cili nuk mund të identifikohet nga vëzhguesi dhe që mbetet i paidentifikuar pas hetimeve.

Në kulturën popullore, termi "UFO" shpesh përdoret për t'iu referuar çdo anijeje hapësinore hipotetike apo të paprovuar aliene. Termi "pjatës fluturuese" përdoret po kaq shpesh. por raporte "UFO"-sh janë bërë edhe më të zakonshme kur janë publikuar fillimisht në Shtetet e Bashkuara, në vitin 1947. Me dhjetëra mijëra raportimesh "UFO"-sh janë bërë që nga ajo ditë në të gjithë botën.

Megjithatë edhe më shumë pamje mbeten të paraportuara, për shkak të frikës ndaj shoqërisë dhe për stigmën shoqërore që rrethon subjektin e "UFO"-ve, dhe për shkak se shumë vende nuk kanë autoritetin zyrtar të sanksionuar për të marrë dhe për të vlerësuar raportet e "UFO"-ve. Sapo një "UFO" identifikohet si një objekt i njohur (për shembull një mjet ajror apo një balonë), atëherë nuk klasifikohet më si një "UFO" dhe riklasifikohet përsëri si një objekt i paidentifikuar.

Historia

Fenomene të pazakonta ajrore janë raportuar gjatë gjithë historisë. Shumë prej këtyre fenomeneve padyshim që janë astronomik në natyrë: Kometa, meteorë të shndritshëm, njëri apo të pestë planetët që mund të shihen me syrin e zbuluar, udhëkryqe planetare apo fenomene optikë atmosferikë si lloje të ndryshme resh.

Raportime të tjera historike duken se e sfidojnë shpjegimin prozaik, por vlerësimi i të dhënave të tilla është i vështirë, meqë informacioni në një dokument historik mund të jetë i pamjaftueshëm për të bërë një vlerësim praktik.

Për më tepër, shkalla në të cilën një raport historik nuk e përshkruan me kujdes apo madje e zbukuron ndodhinë, një fenomen i vëzhguar është mjaft i vështirë të vlerësohet.

* Ramayana e lashtë hindu e përshkruan përdorimin e makinave të ndërlikuara fluturuese, të cilat janë bërë objekt i spekulimeve ufologjike.

* Gjatë mbretërimit të faraonit Thutmose III, gjatë vitit 1450 para Krishtit, ekziston një përshkrim i shumë "rrathëve prej zjarri", më të shndritshme se dielli dhe rreth 5 metra në masë, të cilat janë shfaqur në ditë të ndryshme. Ato më në fund kanë zbritur nga qielli.

* Autori romak, Iulius Obsequens, shkruan se në vitin 99 para Krishtit, "në kohën e perëndimit në Tarquinia, një objekt i rrumbullakët si një glob, një mburojë rrethore, mori rrugën nga qielli nga perëndimi për në lindje".

* Në shtator të vitit 1235, gjeneral Kujo Yoritsune dhe ushtria e tij, vëzhguan rrathë të paidentifikuar drite në modele të çrregullta në qiell, natën pranë Koyoto, Japoni. Këshilluesit e gjeneralit i thanë të mos shqetësohej, ishte thjesht era që bënte që yjet të lëkundeshin.

* Në 14 prill të vitit 1561, qielli mbi Nuremberg, Gjermani, thuhet të jetë mbushur me një mori objektesh që dukej se ishin përfshirë në një betejë ajrore. Sfera dhe disqe të vegjël thuhet se kanë dalë nga cilindra të mëdhenj.

Këto ngjarje janë trajtuar si ogure të mbinatyrshme, engjëj dhe shenja të tjera fetare. Disa hetues kontemporanë besojnë se ata janë ekuivalenti i lashtë i raportimeve moderne të UFO-ve.

Rastet e para të raportimit të UFO-ve në histori

Para se termat "pjata fluturuese" dhe "UFO" të shpikeshin, ka pasur një numër të madh raportimesh për fenomene të çuditshme dhe të paidentifikuara. Këto raportime datojnë që nga mesi i shekullit të 19-të dhe deri në fillim të shekullit të 20-të. Ato përfshijnë:
* Në qershor të vitit 1868, hetuesit e këtij fenomeni përkufizojnë pamjen e parë moderne të dokumentuar dhe ajo ka ndodhur në qytetin Copiago, Kil.

* Në 25 janar të vitit 1878, "Denison Daily News" shkroi se një fermer nga vendi, John Martin, kishte raportuar se kishte parë një objekt fluturues të madh, të errët dhe rrethor, që i ngjante një tullumbaceje fluturuese "me një shpejtësi të mahnitshme". Ai e krahasoi masën e saj kur i qëndroi mbi kokë me atë të "një pjate filxhani të madhe".

* Raportime të "anijeve kozmike të mistershme" janë shfaqur në vitet 1887 dhe vitet 1896-'97, dhe një tjetër valë ngjarjesh të tilla kanë ndodhur në vitet 1909-'12 në New England, Evropë dhe në Zelandën e Re.

* Në 28 shkurt të vitit 1904, tre anëtarë ekuipazhi të "USS Supply", 300 milje në perëndim të San Franciskos, të raportuar nga lejtnant Frank Schofield, që më vonë është bërë kryekomandanti i Flotës së Betejës së Paqësorit.

Schofield shkroi për tre objekte të kuq të shndritshëm dhe rrethorë të cilët fluturonin në një formacion skalioni që është afruar pranë reve, më vonë ka ndërruar kurs dhe është "ngjitur" mbi re, duke u ngritur menjëherë larg tokës pas 2 ose 3 minutash. Më i madhi kishte një pamje të dukshme, sa për gjashtë diej.

* Një fenomen i pazakontë ka ndodhur më 17 nëntor të vitit 1882, i cili është vëzhguar nga astronomi Edward Walter Maunder, nga "Greenwich Royal Observatory" dhe nga disa astronomë të tjerë evropianë. Raporte të ndryshme për ngjarje të UFO-ve janë shkruar në revistën "Nature" dhe në gazeta të tjera shkencore.

Maunder tek "The Observatory" raportoi një "vizitor të çuditshëm qiellor", i cili kishte formën e diskut, formë siluri, formën e aksit apo ndoshta si një aerostat zepelini. (Kështu përshkruhej në vitin 1916).

Ishte më e shndritshme se shfaqjet e dukshme mëngjesore, cepat i kishte të përcaktuar mirë dhe ishte i zbehtë në qendër, në ngjyrë të bardhë në të gjelbër, rreth 30 gradë i gjatë dhe 3 gratë i gjerë. Ai lëvizte me vendosmëri në qiellin e veriut, në më pak se 2 minuta nga lindja drejt perëndimit.

Maunder tha se ishte shumë i ndryshëm në karakteristika nga një top meteori apo çdo auroral tjetër që kishte parë. Megjithatë, Maunder (dhe disa astronomë të tjerë) mendonin se me siguri kishte lidhje me stuhinë magnetike të njollave diellore që kanë ndodhur në të njëjtën kohë. Maunder i quajti ato "rrezja mëngjesore".

* Incidenti i quajtur "Fatima" apo "Mrekullia e diellit", ka pasur dëshmitarë me dhjetëra mijëra njerëz në Fatima, Portugali, më 13 tetor të vitit 1917.

* Më 5 gusht të vitit 1926, ndërsa udhëtonte në malet Humboldt të krahinës Kokonor të Tibetit, Nicholas Roerich raportoi se anëtarët e ekspeditës së tij kanë parë lart në qiell një shqiponjë, të cilën po e vëzhgonin, "diçka të madhe dhe të shndritshme që pasqyronte diellin, si një vezë gjigante që lëvizte me një shpejtësi të madhe" (nga ditari i udhëtimeve në Altai-Himalaja, i publikuar në vitin 1929).

Edhe pse Roerich nuk e thotë se çfarë mendonte se do të kishte qenë objekti, në pasazhet më poshtë diskutohen dëshmimet teozofike të civilizimeve të lashta dhe teknologjinë e tyre.

* Në teatrot ajrore evropiane dhe japoneze gjatë Luftës së Dytë Botërore, "Luftëtarët-Fu" (topa me forma të shndritshme që ndiqnin anijet hapësinore), janë raportuar nga pilotë të Aleatëve dhe Boshtit.

* Më 25 shkurt të vitit 1942, Ushtria Amerikane gjurmoi një mjet hapësinor në radar mbi Los Anxhelos, në krahinën e Kalifornias. Anija qëndroi lart edhe pse ndërkohë kishin kaluar 20 minuta. Origjina e anijes nuk është identifikuar asnjëherë. Incidenti më vonë u bë i njohur si Beteja e Los Anxhelosit ose sulmi ajror i Bregut Perëndimor.

* Në vitin 1946, ka pasur më shumë se 2 mijë raporte të anijeve të paidentifikuara në vendet skandinave, së bashku me raporte të izoluara nga Franca, Portugalia, Italia dhe Greqia, të cilat më vonë janë quajtur "breshëria ruse", dhe më vonë si "raketa fantazmë", për shkak se mendohej se këto objekte misterioze ishin teste ruse të raketave të kapura gjermane Vi dhe V2.

Më vonë doli se nuk ishte ky shpjegimi i saktë dhe fenomeni mbetet i pashpjeguar. Më shumë se 200 të tilla janë gjurmuar në radar dhe mendohet se janë "objekte reale fizike" nga ushtria suedeze. Një fraksion i rëndësishëm i pjesës së mbetur mendohet se ka qenë një fenomen i keqidentifikuar natyror, si për shembull meteorë.

Blendina Cara

Fotografohen UFO-t

22.03.2009



Një punëtor britanik që punonte në çatinë e një pallati në Convent Garden në Londër, ka
fotografuar me celularin e tij një grup objektesh, për të cilat pretendon se janë UFO.

Në fakt ai nuk i kishte vënë re, por kur i ka shkarkuar në kompjuter fotot, ka pikasur katër
objektet fluturuese. Përveç orës Big Ben, Westminsterit dhe Syrit të Londrës, celulari ka
fotografuar edhe katër UFO-t.

Fotoja e Derek Burton-it është publikuar nga "Daily Telegraph".

Burton punonte në katin e 16 të Orion House, kur ka vendosur të bëjë disa foto të qytetit nga lart për t'ia çuar së shoqes, që nuk kalon shpesh nga qendra e Londrës.

Një burim tha për gazetën "The Telegraph" se fotot nuk janë të montuara.

Britania ndal hetimet për UFO-t

E vërteta-dhe fluturaket e paidentifikuara (UFO)-ndoshta gjenden diku jashtë aty, por askush më në radhët e ushtrisë së Britanisë nuk dëshiron të dëgjojë më.

Ministria e Mbrojtjes në heshtje ka mbyllur vijën e saj të nxehtë të komunikimit për UFO-t dhe nuk do të zhvillojë më hetime në lidhje me informatat më të reja për vërejtjen e fluturakeve të paidentifikuara.

Veteranët e përfshirë në këto hetime kanë theksuar se do t’i japin fund përpjekjeve, për të zbuluar një prej enigmave më të mëdha të te gjitha kohërave.

Britanikët, të cilët mendojnë se kanë parë UFO, nuk do të kenë më në shërbim njësinë hetuese të forcave të armatosura të mbretëreshës.

Vendimi për të mos ju përgjigjur informatave për UFO dhe që këto raste mos të hetohen më ka hidhëruar shumë britanikë, të cilët janë të mendimit se hulumtimet e këtilla janë të domosdoshme.

“Mendoj se është kjo një çmenduri, ngase kjo mund të kërcënojë sigurinë tonë kombëtare. Ne e marrim këtë seriozisht. Ne e dimë se gjërat nganjëherë mund të shpjegohen si fenomene natyrore, por mund të ketë gjëra, që nuk janë të tilla. Mendoj se qeveria e di fare mirë se çfarë po ndodh atje lart dhe se po e fsheh këtë”, tha Roy Lake, themelues i Grupit për Studimin e UFO-ve në Londër.

Vija e nxehtë e komunikimit ka operuar që nga viti 1959. Ushtria deri me tani nuk ka marrë ndonjë qëndrim për ekzistencën apo mos-ekzistencën e UFO-ve, por ka ardhur në përfundim se gjatë pesë dekadave të fundit, asnjë prej 12 mijë rasteve të raportuara të vërejtjes së UFO-ve nuk ka paraqitur kërcënim për sigurinë kombëtare të Britanisë.

“Asnjë nga rastet e raportuara të vërejtjes së UFO-ve nuk kanë ofruar dëshmi të besueshme për ekzistencën e jetës jashtëtokësore”, deklaroi një zëdhënës i Ministrisë së Mbrojtjes.

Ky zëdhënës theksoi se me mbylljen e shërbimit për hetimin e UFO-ve, ushtria për çdo vit do të kursejë nga 73 mijë dollarë, duke theksuar se është më mirë që këto para të shpenzohet për të ndihmuar forcat britanike në Afganistan.

Nick Pope, i cili me vite me radhë ka ndihmuar ushtrinë, gjatë hetimit të rasteve të UFO-ve, e cilësoi si të gabuar këtë vendim.

“Është ky një turp i madh. Është ky fundi i 50 viteve të hulumtimeve në lidhje me një prej enigmave më të mëdha të kohës tonë”, tha ai.

Pope theksoi se ky vendim do të dëmtojë sigurinë kombëtare të Britanisë.

Gjatë një ligjërate në vitin 1996, fizicienti i famshëm britanik, Stephen Haëking, kishte theksuar se me UFO-t lëvizin qeniet nga pjesët tjera të gjithësisë.

Forcat ajrore të SHBA-së kanë theksuar se që nga viti 1969 ato nuk kanë hetuar më rastet e UFO-ve, kur i dhanë fund projektit Blue Book, i cili ka hulumtuar 12.600 raste të UFO-ve, përfshirë këtu edhe 700 prej tyre, të cilat nuk janë shpjeguar asnjëherë.

Kanadaja ende heton raportet për UFO apo të gjitha kërcënimet tjera ndaj territorit të Kanadasë, ka theksuar zëdhënësi i Ministrisë së Jashtme të Kanadasë, Rob Bungay.

Disa raporte për UFO-t dukej se ishin mjaft të besueshme, si dëshmia e disa kontrolluesve të trafikut ajror në vitin 1984, të cilët theksuan se një fluturake e paidentifikuar kishte ateruar në një aeroport të vogël, për t’u ngritur më pas nga aty me një shpejtësi tejet të madhe.

Opinioni publik në Britani duket se është i përçarë në lidhje me atë se a duhet apo jo të mbahet i hapur shërbimi për hetimin e rasteve të UFO-ve.

Zyrtari për zhvillim nga Manchesteri, Andreë Mac Donald, thotë se është e arsyeshme që të merret ky vendim, pasi që hetimet gjatë pesë dekadave të kaluara nuk kanë dhënë ndonjë rezultat.

“Nuk besoj në ekzistencën e tyre. Nëse vija e nxehtë ka qenë e hapur për pesë dekada dhe nuk është zbuluar asgjë, atëherë ka ardhur koha që t’i japim fund kërkimit”, tha Mac Donald.

Por banorja e Londrës, Rachel Keane, thotë se kjo vijë e nxehtë është e rëndësishme.

“Kush mund të thotë se atje jashtë nuk ka asgjë? Nëse ka, atëherë është paksa e frikshme se nuk do të ekzistojë askush për ta njoftuar. Mendoj se dikush është jashtë atje dhe se neve duhet të na ofrohet mundësia që të raportojmë, nëse shohim ndonjë gjë të pazakonshme”, theksoi Keane.

Dritë mbi misterin më të madh të UFO-s në Skoci



Incidenti A70 përbën një pjesë të madhe të librit më të fundit të Malcolm, Dosjet e UFO-s në Skoci, i cili analizon shfaqje të ndryshme të këtyre fenomeneve nëpër Skoci gjatë viteve të fundit. Për momentin ai është duke ndihmuar producentë filmash që kanë në plan ta kthejnë këtë histori në një film.

Malcolm si dhe të dy protagonistët e incidentit janë kontraktuar tashmë nga prodhues filmash dhe atyre nuk u lejohet që të flasin publikisht në lidhje me incidentin A70.

Një libër i ri, tashmë shumë i kërkuar eksploron botën e mistershme të UFO-ve dhe shfaqjeve të tyre në Skoci, si dhe rrëfen deri në hollësi të parin rast të raportuar në këtë vend të rrëmbimit prej alienëve. Shkrimtari dhe investiguesi Malcolm Robinson ka hetuar në lidhje me incidentin që ndodhi teksa dy shokë, Garry Wood dhe Colin Wright, tashmë respektivisht 46 dhe 42 vjeç ishin duke ecur me makinën e tyre në fshatin e Tarbrax, West Lothian, 17 vjet më parë. Udhëtimi i tyre duhej të zgjaste 30 minuta.

Dhe kur mbërritën në destinacion, ata ishin një orë e gjysmë me vonesë, dhe për më tepër, nuk ishin në gjendje të llogarisnin kohën.

Më vonë, në gjendje hipnoze, ata arritën të kujtojnë deri në detaje befasues se si një anije kozmike u ndal mu përpara tyre, ata u morën me forcë brenda saj, u zhveshën dhe u ekzaminuan nga krijesa të çuditshme, përpara se të riktheheshin përsëri në Tokë. Të dy burrat nuk e kanë ndryshuar asnjëherë versionin e tyre të historisë, e madje kanë kaluar edhe një test të detektorit të gënjeshtrave në televizion. Përvoja e tyre tashmë përmendet si ‘Incidenti A70”.

Malcolm, themelues i Investigimeve të Fenomeneve të Çuditshme dhe një ekspert i njohur i çështjeve të UFO-ve, kreu një investigim të hollësishëm të pretendimeve të tyre, dhe ky investigim pati një impakt të thellë tek ai. Pasi rasti u bë publik, ai deklaroi: “Unë kam qenë një skeptik i thekur. Me të vërtetë mendoja që nuk kishin pikë vlere këto përralla për makina dhe disqe që fluturonin nëpër qiejt e Skocisë.

Por, pasi angazhohesh fizikisht në investigimin e këtyre subjekteve, atëherë duhet që të kapërcesh me të vërtetë gardhin. Pas disa vitesh investigime, ka të dhëna të mjaftueshme për të bërë të vlefshme deklaratat e njerëzve që i kanë thënë këto gjëra”.

Incidenti A70 përbën një pjesë të madhe të librit më të fundit të Malcolm, Dosjet e UFO-s në Skoci, i cili analizon shfaqje të ndryshme të këtyre fenomeneve nëpër Skoci gjatë viteve të fundit. Për momentin ai është duke ndihmuar producentë filmash që kanë në plan ta kthejnë këtë histori në një film. Malcolm si dhe të dy protagonistët e incidentit janë kontraktuar tashmë nga prodhues filmash dhe atyre nuk u lejohet që të flasin publikisht në lidhje me incidentin A70. Kur historia e tyre të tregohet në ekranin e madh, atëherë e gjithë bota do të mbesë e shastisur nga ngjarjet e asaj nate të vitit 1992.

Pothuajse të gjithë raportet për shfaqje UFO-sh kanë shpjegime të natyrshme dhe të identifikueshme, pothuajse 95 për qind e tyre. Kjo lë vetëm një pesë përqindësh të rasteve të paidentifikuar. Malcolm Robinson e krijoi Investigimin e Fenomeneve të Çuditshme për të studiuar rastet e UFO dhe paranormales në vitet shtatëdhjetë, por u deshën të kalonin më shumë se njëzetë vite përpara se të thyhej skepticizmi i tij i fortë.

Ishte 17 gushti i vitit 1992, pak pas orës 11.30 të mbrëmjes kur Garry Wood dhe miku i tij, Colin Wright u nisën nga Edinburgu. Ishin nisur drejt shtëpisë së një mikut të tyre në Tarbrax, për të lënë aty një sistem satelitor. Makina e Garryt po ecte me 40 milje në orë dhe kishte shumë pak trafik. Makina sapo kishte kaluar Rezervuarin e Harperring, kur Garry dhe Colin panë një objekt në formë disku me dy shtresa që lëkundej njëzetë këmbë mbi rrugë, dhe ai nuk ishte as një avion dhe as një helikopter.

Të dy ishin të shqetësuar, dhe Garry që me profesion ishte ndreqës ambulancash shkeli me forcë frenat dhe nisi të ulërasë nën objektin, duke përdorur bërrylin për të mbyllur dyert. Objekti lëshonte një lloj tymi të argjendtë dhe në momentin që ai preku makinën, të dy burrat u mbështollën nga një errësirë totale. Pas jo më shumë se një sekonde, të dy nisën të shohin sërish.

Garry, që vazhdonte të ngiste makinën si i çmendur, por luftonte që të kishte nën kontroll makinën, por arriti të rifitojë pozicionin e tij. Me mbërritjen në destinacion, Garry kujton që i binte derës si i marrë. Miku i tij i shqetësuar u përgjigj se ku dreqin kishin qenë, pasi ishin 90 minuta me vonesë. Ata i rrëfyen eksperiencën dhe i kërkuan lapës dhe letër për të vizatuar atë që kishin parë.

Të dy u rikthyen në Edinburg duke zgjedhur një tjetër rrugë, por Garry kishte ndjesinë që diçka tjetër kishte ndodhur atë natë. Shumë pak kohë pas këtij takimi, ai shqetësohej nga ëndrra të çuditshme, më pas pati dhimbje të rënda koke dhe madje shkoi kreu edhe një skanim, por asgjë e pazakontë nuk u gjet. Ai nisi të mendojë se ishte ndoshta një UFO, por nga ana tjetër nuk dëshironte ta pranonte mundësinë që të ishte vërtetë kështu. Në fund të fundit, nuk ishte aspak i interesuar në histori të tilla dhe Colin sigurisht që nuk besonte në kësi gjërash.

Garry vizitoi librarinë e tij me shpresën se do të gjente letërsi mbi UFO-t. Ai ndeshi në detaje për Investigimet e Fenomeneve të Çuditshme dhe vendosi që të kontaktojë themeluesin, Malcolm Robinson. Robinson e dëgjoi me kujdes dhe e kuptoi menjëherë se diçka e çuditshme u kish ndodhur të dyve, shumë më e jashtëzakonshme se çdo lloj eksperience tjetër të raportuar deri atëherë. U organizua një takim dhe Robinson i ftoi Garryn dhe Clinin në shtëpinë e tij.

Vetë Robinsoni është shprehur: “Nuk kam takuar asnjëherë njerëz kaq të ndershëm dhe të sinqertë. Mund të dalloje shumë qartë traumën që ata kishin pësuar. Më shkaktonte të dridhura deri në palcë. I besova që në çastin e parë”. Helen Walters, një hipnoterapiste e kualifikuar dhe njëkohësisht psikike u thirr për të ndihmuar në shkuarjen deri në fund të këtij misteri përmes regresionit hipnotik. Gjatë sesionit të tij të parë, Garry shpërtheu në lot dhe ishte krejt i çorientuar, por Colin e ruajti qetësinë.

Me kalimin e javëve, Garry nisi të kujtojë se kish parë forma jo shumë të qarta, ndërkohë që trupat e të dyve shkundeshin teksa rikujtonin atë që kishin përjetuar. Rezultati i hipnozës regresive solli një lexim alarmues dhe trazues të asaj që kish ndodhur. Të dy deklaruan se makina u ndal, dhe pas kësaj dyert u hapën nga tri entitete.

Colin kujtonte se Garryn e kishin vendosur në një barelë. Garry kish përjetuar dhimbje të tmerrshme të organeve të brendshëm dhe kujtonte një tjetër entitet që qëndronte prapa UFO-s. Colin e morën dhe e futën në objekt, ku u gjend në një sallë me një karrige në formë harku. Aty u zhvesh lakuriq dhe u vendos mbi karrige, dhe mbi të u krye një ekzaminim mjekësor. Garry mbante mend që e lëviznin nëpër dhomë mbi një tryezë me rrota. Edhe ai ishte zhveshur dhe vendosur mbi tavolinë.

Historia e Garryt

Një krah ngjyrë gri iu vendos mbi kraharor. Qenia ishte e vogël me një trup si prej fëmije, një kokë të madhe në formë dardhe dhe sy të zinj. Edhe Garry kish parë qenie ngjyrë kafe me flegra që u mbulonin fytyrat dhe një burrë të vogël të veshur me kostum të zi dhe me kollare. Ai kujtonte që kish qëndruar shtrirë me dy krijesa në fundin e tavolinës, njëra që mbante në duar një objekt të madh në formë diamanti që pulsonte me një dritë ngjyrë portokalli. Më pas, krijesa nisi të lëvizë diamantin mbi trupin e tij. Në të majtë, ulur përtokë ishte një femër lakuriq që qante dhe dridhej. Në mendjen e tij, ai kish thënë: “Përse e bëni këtë?” Përgjigja që mori ishte thjeshtë: “shenjtërore”.

Historia e Colinit

Colin e pa veten në një sallë të madhe prej xhami, lakuriq dhe i lidhur në kyçet e duarve dhe në këmbët. Ndonëse mund të lëvizte vetëm pak kokën, vërejti shumë dhoma të tjera me njerëz.

Ai kujtoi se kish ndier gjithashtu sikur një mashë e madhe ngjyrë e keqe i ishte futur në sy dhe në tru. Më pas, ishte tërhequr nëpër dhomë nga krijesat përpara se të vishej sërish nga “alienët e vegjël” dhe ata ta rikthenin në makinë. Të dy erdhën me shenja pas këtij takimi me jashtëtokësorë, shenja që më parë nuk i kishin pasur, gjë që e bëri edhe më të madh misterin.

Më vonë, Robinson do të thoshte: “Deri tani, ky është ndoshta rasti më i jashtëzakonshëm i shfaqjes së UFO-s në Skoci. Nuk kish të bënte vetëm me afërsi të objekteve të paidentifikuar, por edhe me qenie. Për mua, ishte rasti që më largoi nga gardhi i skepticizmit. Unë jam marrë vetë me të dhe kam parë traumën që kishin përjetuar të dy personat. Ndjeva dhimbjen e tyre. Isha krejtësisht i bindur që ata nuk e kishin sajuar këtë histori. Ata nuk donin publicitet. Publiciteti erdhi vetëm se i mbrojta unë. Unë doja që Garry dhe Colin të dilnin publikisht, me shpresën se edhe të tjerë do ta bënin. Kam qenë i tronditur nga reagimi botëror dhe furia në media”.

Garry dhe Colin kanë mbetur të mahnitur nga i gjithë episodi. Jetët e tyre mund të kenë ndryshuar, por ata janë ende njerëzit që ishin, ndonëse me një tjetër këndvështrim për jetën.

Britania zbulon dosje të tjera sekrete mbi UFO-t



Rreth 6 mijë faqe tregojnë dëshmitë për ekzistencën e objekteve fluturuese të
Dokumente të reja nga arkivat kombëtare britanike tregojnë mundësi të tjera për ekzistencën e UFO-ve në Britaninë e Madhe në 20 vitet e fundit, si dhe interesin e Winston Churchill për çështjen e objekteve të paidentifikuara fluturuese që prej vitit 1952.

Lajmi është publikuar nga BBC. Edhe më parë, arkivat britanikë kishin publikuar të tjera dosje, për të shuar kureshtjen e madhe të publikut mbi këtë temë.

Më shumë se 6000 faqe përshkruajnë përvojat e një numri të madh njerëzish nga viti 1994 deri në vitin 2000. Publikimi i tyre u vendos në kuadrin e një projekti të Ministrisë së Mbrojtjes dhe Arkivit Kombëtar.

Dokumentacioni përfshin ngjarje të bujshme si ajo e parjes së UFO-ve në rrethinat e “Stamford Bridge” të çelsit në vitin 1999, apo në shtëpinë e ish-ministrit Michael Howard, dhe është e pasur me dizajne të realizuara nga dëshmitarët mbi objektet fluturuese që ata kishin parë.

Janë të shumtë dëshmitarët që tregojnë se kanë parë objekte të paidentifikuara të rrotulloheshin afër shtëpisë së ish-ministrit anglez dhe pastaj të zhdukeshin menjëherë në një rreze drite.

Një vajzë tregon se ka parë për disa minuta një objekt trekëndësh të fluturonte jo shumë lart nga Toka. Të tjerë e përshkruajnë objektin të madh sa një makinë dhe plot me drita që shkëlqenin. Atë ditë, sipas dokumenteve, nuk kishte “asnjë stërvitje ushtarake ajrore”.

Incidenti, i ndodhur më 8 mars të vitit 1997, është vetëm një prej qindra dëshmive të këtyre objekteve që katalogohen si të pashpjegueshme.

Mes episodeve që nuk kanë gjetur shpjegimin janë edhe ato të forcave të rendit në Lincolnshire, kur agjentët arritën të filmonin UFO-t, apo rrëfimet e disa zyrtarëve të ushtrisë që tregojnë se kanë parë filmime të realizuara nga pilotët e Raf që nga mesi i viteve ‘70.

Tregimi më magjepsës mbetet ai i dy të rinjve nga Staffordshire, që në vitin 1995 tregojnë se kishin parë “një objekt me ngjyrë argjendi të errët, në formë pjate, të kthyer përmbys, që emetonte dritë të kuqe nga poshtë. Përreth tyre temperatura ishte rritur.

Objekti ishte shfaqur në një distancë prej 15 metrash me një lartësi të krahasueshme me një pallat me katër kate. Pastaj papritur një zë (nuk është saktësuar se në cilën gjuhë): “Ju duam ju, erdhi me ne”.

Por dy të rinjtë nga frika e rrëmbimit nga jashtëtokësorët tregojnë se ia kishin mbathur nga sytë këmbët. Të rinjtë, thotë raporti i policisë, ishin në një gjendje konfuzioni.

Në atë kohë, tregojnë dokumentet, UFO-t kishin ngjallur interesin e Kryeministrit Winston Churchill, që në vitin 1952 kishte kërkuar një dosje: “çfarë është kjo çështje për disqet fluturues? Cila është e vërteta?”.

Nga ana tjetër, autori i "UFO files", David Clarke, konfirmon se si njerëzit sugjestionohen dhe influencohen nga telefilma dhe xhirime gjithmonë e më të sofistikuara mbi këtë temë, në veçanti në formën e objekteve që dëshmitarët përshkruajnë: “është e pamundur të tregosh një lidhje të drejtpërdrejtë mes asaj që njerëzit lexojnë apo shikojnë në televizor dhe asaj që përshkruajnë si UFO në përshkrimet e tyre. Por duhet thënë se inovacionet e fundit teknologjike ndikojnë në ato çka njerëzit shohin në qiell”.

Por ndërsa rrëfimet janë gjithmonë e më të besueshme për ekzistencën e alienëve, Ministria e Brendshme britanike njoftoi mbylljen e departamentit zyrtar për sinjalizimet e njoftimet për praninë e objekteve të paidentifikuara në qiell.

Ky departament kishte 50 vite që funksiononte dhe ka marrë mijëra njoftime për UFO.

UFO-t ndjekin Çelsin në “Stamford Brixh”

Londër - UFO-t kanë qenë tifozët specialë të skuadrës së Çelsit në një ndeshje të luajtur në “Stamford Brixh”, në mars të vitit 1999.

Ky fakt interesant është regjistruar në 6 mijë faqe raport në arkivin shtetëror britanik. Një nga policët e pranishëm me detyrë në stadium, emri i të cilit nuk bëhet i ditur për arsye sigurie, ka raportuar se ka para UFO që reflektonin drita jeshile dhe të forta.

Sipas raportit që ndodhet në arkivin shtetëror, UFO-t kanë lëvizur pa zhurmë mbi stadiumin “Stamford Brixh” të Londrës, duke marrë forma katrore dhe diamanti.

Agjencia amerikane Associated Press shtron pyetjen: “Mos vallë skuadra e Çelsit ka edhe tifozë të tjerë për të cilët ne nuk kemi dijeni?”

Në arkivin shtetëror të Ministrisë britanike të Mbrojtjes ekziston një dosje e fshehtë vetëm për qeniet jashtëtokësore, ku ndodhet edhe raporti në fjalë.

Edhe Winston Churchill i interesuar per UFO-t

Mbreteria e Bashkuar eshte vene shpesh here ne qender te vemendjes per shkak te “vizitave” te vazhdueshme nga ana e jashtetokesoreve.

Kjo gje ka bere kureshtar edhe ish kryeministrin e famshem, Winston Churchill. Detaji ne fjale behet gjendet mes 6 mije faqeve te dokumentuara ne Arkivin Kombetar Britanik per kete ceshtje.

Sipas BBC, dokumenti rrefen mijera deshmi per UFO ne Britani gjate 20 viteve te fundit. “Cfare jane gjithe keto gjera per UFO-t? Cila eshte e verteta?”, pyeste ne vitin 1952 Winston Churchill.

Ne kete permbledhje bien ne sy deshmite mes viteve 1994-2000 ku perfshihen edhe rrefime qe kane pare UFO mbi stadiumin “Stamford Bridge” apo mbi shtepine e ministrit Michael Howard.

Mes dokumenteve te shkruar ka edhe shume skica te deshmitareve, madje edhe forcat e rendit ne Lincolnshire kane pranuar se jane gjetur perballe objekteve te panjohura.

Keto dite ne nje ferme private ne Angli,ku jane instaluar gjeneratore te prodhimit te energjise elektrike me ane te eres,eshte vene re nje situate e cuditeshme.Elikat e 4 gjeneratoreve jane deformuar dhe si rrjedhoje jane jashte funksionit.
Sipas deshmitarve okulare flitet per nje perplasje te nje Disku Fluturues me elikat e gjeneratorve.
Per kete dhe TV kombetar Sky News ka transmetuar nje kronike ku jep versionet e mundeshme te kesaj ngjarje te cuditeshme,e cila nuk kishte ndodhur me pare.






Ky eshte njeri nga gjeneratoret e demtuar.







Kjo harte legalizon vendin ku ka ndodhur fenomeni i perplasjes se U.F.O.s me gjeneratorin elektrik.

Ne kete vidio e realizuar me 9 mars 2010,dy deshmitare deklarojne se per 6 nete me rradhe mbi liqenin Ohio,ne Angli,jane pare objekte qe shkelqenin me drita te ndryshme,por qe gradualisht vinin duke u zbehur.Per kete ngjarje ka shkruar dhe Fox News.Keta deshmitar deklarojne se megjithse nuk jemi specialiste ne fushen e ufologjise,thone qe ato objekte nuk jane ndertuar nga dora njerzore