Pentagoni kundër alienëve

Pentagoni kundër alienëve



Agjencia e Projekteve Kërkimore të Avancuara të Pentagonit, e njohur në Shtetet e Bashkuara si DARPA, së bashku me prodhuesit më të mëdhenj të armatimeve në botë, janë duke fantazuar mbi armët e së ardhmes

Ndërkohë që ka filluar sezoni veror i filmave aksion si "Hakmarrësit", "Luftanija" apo "Prometeu", të kujtojmë edhe një herë diçka që karakterizon të gjithë amerikanët në përgjithësi: frika e një sulmi alien.

Këto filma gjithashtu kanë treguar se kur një sulm hapësinor t'i drejtohet Tokës, njerëzimi nuk do të dorëzohet pa luftuar kundër pushtuesve përtej galaktikës. Njerëzit do të bashkohen së bashku për t'i dalë kundër armatimeve të teknologjisë së jashtëzakonshme aliene. Por, me çfarë? A jemi ne gati për t'u përballur me një sulm të tillë nga hapësira?

Fatmirësisht, Agjencia e Projekteve Kërkimore të Avancuara të Pentagonit, e njohur në Shtetet e Bashkuara si DARPA, së bashku me prodhuesit më të mëdhenj të armatimeve në botë, janë duke fantazuar mbi armët e së ardhmes.

Me ndihmën e çdo teknologjie ekzistuese, që nga laserat e deri tek avionët luftarakë hipersonikë të padukshëm nga radarët, ndoshta njerëzimi do të kishte mundësi të mos ta dorëzonte lehtë Tokën pa luftuar për të.

Kjo ndoshta mund të duket si shaka, duke qenë se prova të sakta dhe të vërtetuara të ekzistencës së alienëve nuk ka patur, ose të paktën nuk janë pranuar zyrtarisht. Megjithatë, ja ku janë projektet më të guximshme që janë duke u gatuar për t'i bërë ballë një lufte hipotetike hapësinore:

HELLAD, sistemi i mbrojtjes me laser të lëngshëm të energjisë së lartë

Titulli zyrtar i tij mund të duket si diçka e zakonshme, por mos u gënjeni, bëhet fjalë për një laser të teknologjisë së jashtëzakonshme. Aktualisht janë duke u zhvilluar nga DARPA dhe bëhet fjalë për lasera të aftë për të shfrytëzuar shpejtësinë dhe fuqinë e madhe të dritës për t'u kundërvënë sulmeve të shumëfishta.

Laserat e përdorur si armë tashmë janë realitet, por janë tepër të mëdhenj për t'u përdorur në një fushëbetejë. DARPA aktualisht po shpreson të krijojë një armë 150 kilovatëshe, që të jetë e lehtë mjaftueshëm sa për t'ju bashkëngjitur një avioni luftarak. Ky lloj armatimi do të jetë i domosdoshëm kur avionët luftarakë të vërshojnë drejt Tokës nga një UFO gjigante të zbritur nga hapësira.

Avioni luftarak hipersonik

Ndonjëherë fati i të gjithë luftimit bie në dorën e disa avionëve të vegjël luftarakë. Megjithatë, për të dalë përballë sulmuesve nga hapësira nuk të duhen vetëm aftësi të mira pilotimi...