Astrologjia Indiane

Astrologjia vedike

Astrologjia Hindu ( e njohur gjithashtu si astrologjia indiane dhe së fundmi si astrologjia vedike) është sistemi i lashtë indian i astronomisë dhe astrologjisë.
Astrologjia indiane është një shkencë e vjetër e bazuar në njohuritë e trashëguara nga dijetarët e lashtë indianë në ndikimet planetare. Ajo është zhvilluar shumë kohë më përpara lindjes së astronomëve dhe astrologëve perëndimorë. Rrënjët e saj i ka në Vedas dhe daton 1500 vjet para Krishtit.

Jyotish-Jyothisha ose Drita

Asnjë shkencë tjetër nuk mund të jetë më interesante, udhëzuese dhe e dobishme për njerëzimin për të ndihmuar në përparimin moral dhe material sesa astrolgjia indiane. Astrologjia indiane bazohet në parashikimet e së ardhmes tek individet, kombet apo ngjarje të tjera që lidhen me lëvizjet planetare. Në sanskritisht, njihet si Jyotisha ose Drita.
Astrologjia indiane interpreton së çfarë thuhet për të ardhmen e njerëzimit në bazë të kohës së lindjes.

Degët e astrologjisë indiane

Astrologjia vedike ka tri degë kryesore:

1. Siddhanta (Astronomia): astronomia dhe përdorimi i saj në astrologji.

2. Samhita (Astrologjia e zakonshme): Parashikon ngjarje të rëndësishme lidhur me vendet si luftrat, tërmetet, ngjarjet politike, astro-meteroologjia (moti), gjendet financiare, përzgjedhjet, kafshët, paralajmërimet dhe oguret.

3. Hora (astrologjia parashikuese)

Kjo degë ka disa stile:

- Jaatak Shaastra / Hora Shaastra : parashikimet në bazë të horoskopit individual.
- Muhurt or Muhurtha (astrologjia e përzgjedhjes): përzgjedhja e kohës së dobishme për të nisur një aktivitet, për të marrë realizimin maksimal nga veprimtaritë e jetës.
- Swar Shaastra (astrologjia fonetike): parashikime bazuar në emra dhe tinguj.
- Prashna (astrologjia horare): Parashikime të bazuara në kohën kur bëhet pyetja.
- Ankjyotisha / Kabala (Numerologji): Një fushë e astrologjisë bazuar tek numrat.
- Astrolgjia Nadi: një udhërrefyes mesimor e lashtë që bën parashikime të detajuara.
- Tajik Shaastra / Varsha Phal (Horoskopi vjetor): Astrologji e bazuar në rikthimet vjetore të Diellit.
- Jaimini Sutras: Një metodë e pazakonshme për parashikimin e ngjarjeve e bazur te astrologu I famshëm Indian, Acharya Jaimini.
- Nastjaatakam (Horoskopi i humbur): arti i gjetjes apo ndërtimit të horoskopëve të humbur.
- Streejaatak (astrologjia femërore): degë e veçantë e astrologjisë që përputhet me lindjen e femrave.

Nadi

Pavarësisht nga këto shkolla të astrologjisë në Indi, kemi atë që mund ta quajmë astrologjia Nadi ose Nadi Shastra e cila na jep imazhin dhe fatin e jetës tek njerëzit e lindur në intervalet e 12,24,48 sekondave. Këto janë shkruar nëpër palma nga dijetarët e lashtë. Vetëm shumë pak ekspertë mund t’i lexojnë dhe t’i kuptojnë ato. Por rezultatet dhe parashikimet kanë dale çuditërisht të sakta.

Nakshatras (yjesitë)

Studimi i astrologjisë indiane përbëhet nga 27 Nakshatra (yjesi) në 12 shenjat e zodiakut. Lëvizja e dy ndriçuesve Diellit dhe Hënës, e pesë planetëve kryesorë, Marsi, Jupiteri, Saturni, Venusi dhe Merkuri dhe dy pikat e Nyjeve të Hënës d.m.th Rahu dhe Ketu. Planetët e jashtëm si Plutoni, Neptuni dhe Urani nuk njihen nga astrologjia indiane.

Hëna dhe Rasi/Rashi

Hënës i jepet shumë rëndësi në astrologjinë indiane meqënëse është më afër me tokën dhe ushtron shumë ndikim tek ne. Rritjet dhe zvogëlimet e Hënës lidhet me baticat dhe zbaticat, ndikojnë tek bimët, kafshët si dhe njeriu preket shumë nga këto efekte. Pozicioni i Hënës në hartën e lindjes së një individi quhet Rasi ose shenja hënore. Dhe kjo bashkë me Nakshatrën përdorën për parashikime.

Teknikat astrologjike indiane përdoren shumë në Indi dhe botë për parashikimin e lindjeve, natyrës së martesave, karrierën, financën, sëmundjet, vdekjen e njerëzve. Përdoret gjithashtu në analizat e zakonshme (mundane) për të parashikuar të ardhmen e vendeve, katastrofat natyrore.

Astrologjia indiane përdor një zodiak ndryshe nga astrologjia perëndimore dhe është degë e shkencës vedike. Në Indi besimi në astrologji është shumë i përhapur dhe përdoret plotësisht në jetën e zakonshme. Në perëndim kjo astrologji nisi të nxiste interes në fillim të viteve 90.

Ndryshe nga astrologjia perëndimore, astrologjia vedike lidhet më shumë me shkaqet natyrore dhe nuk përdoret per llotari dhe numra fati. . Siddhanta, Samhita dhe Hora janë baza e astrologjisë vedike dhe së bashku ato parashikojnë ngjarje natyrore si tërmetet, shirat, gjendjen ekonomike etj dhe kohët e përshtatshme për ngjarjet e ndryshme të jetës së përditshme.

Kohët e fundit, shkencëtarët indianë kanë propozuar që paratë e shtetit të përdoren edhe për kërkime në astrologjinë vedike meqë është pjesë e trashëgimisë indiane dhe një shkencë që vazhdimisht mësojmë prej saj.

Horoskopi indian
12 kafshë zbulojnë të ardhmen dhe karakterin tuaj



Njeriu gjithmonë është munduar të jetojë në pajtueshmëri me natyrën dhe ndryshimet që sjell ajo.

Në horoskopin indian shenjat janë të lidhura me kafshët, karakteristikat dhe mënyrat e jetesës së tyre janë ideale për të simbolizuar ardhmërinë dhe personalitetin e njerëzve.

Zbulojeni kafshën sipas astrologjisë indiane dhe më pas zbuloni ardhmërinë tuaj.

Horoskopi indian është shumë i vjetër dhe është shumë i lidhur me elementët e natyrës.

Sokoli (Dashi) 21.3. - 19.4.

Tiparet: dinamik

Sokolin është shumë e vështirë për ta zbutur ngase ai është simbol i lirisë dhe pavarësisë. Njerëzit e lindur në këtë shenjë gjithmonë janë të gatshëm për aksion dhe kanë dëshirë të hatashme për të përjetuar aventurat. Shumë shpesh janë iniciues, dëshirojnë t’i udhëheqin të tjerët, por kohë pas kohe dinë të jenë shumë impulsivë. E kanë të vështirë që në një rreth ta ruajnë identitetin e tyre.

Kastori (Demi) 20.4. - 20.5.

Tiparet: sinqeriteti

Shkaku i nevojave të tij për t’u siguruar, kastori simbolizon varësinë dhe komforin. Adhuron të jetë pronar i gjërave të çmuara, kjo e qetëson. Po ashtu janë të palodhshëm, të qëndrueshëm dhe të durueshëm. Janë të njohur për durimin e tyre pakufi.

Dreri (Binjakët) 21.5. - 20.6.

Tiparet: forca

Kurrë nuk janë të qetë dhe nuk lodhen kurrë, prandaj personave që janë të lindur me këtë shenjë u jepet përshtypja se janë shumë inteligjentë dhe shpresojnë se me veprat e tyre mund t’i ndryshojnë gjërat. Po ashtu janë shumë zemërgjerë dhe janë kureshtarë, janë kreativë dhe intuitivë.

Qukapiku (Gaforrja) 21.6. - 21.7.

Tiparet: ndjeshmëria

Personat e lindur në shenjën e qukapikut gjithmonë kërkojnë siguri dhe mbrojtje dhe shpesh janë të brengosur shkaku i ndjeshmërisë së tyre. Adhurojnë shtëpinë e tyre dhe janë shumë të ndjeshëm. Posedojnë imagjinatë të bujshme dhe vuajnë nga ndryshimi i rrënjësishëm i disponimit. Qëllimi jetësor i tyre është të jetojnë në harmoni me të tjerët.

Salmoni (Luani) 22.7. - 21.8.

Tiparet: vetëbesimi

Forca dhe pasioni i brendshëm i salmonit njerëzve të lindur në këtë shenjë u fal fuqi të kapërcejnë të gjitha sfidat dhe vështirësitë me krenari. Pra janë shumë krenarë, spontanë dhe të vendosur. Janë të guximshëm, ambiciozë dhe janë të etshëm për sukses. Janë të vendosur si udhëheqës. Në jetë dëshirojnë të dominojnë ngase aty janë më të mirët.

Ariu (Virgjëresha) 22.8. – 21.9.

Tiparet: praktikë

Ariu i murrmë është një krijesë e turpshme dhe e butë. Njerëzit e lindur me këtë shenjë më së miri ndihen kur janë të rrethuar me jetë të organizuar, që e parashohin dhe mund ta kontrollojnë si më së miri. Janë diskretë, kanë ndjenjë për detaje dhe shpesh janë të përsosur. Toleranca dhe optimizmi janë ana e fortë e tyre.

Korbi (Peshorja) 22.9. - 22.10.

Tiparet: diplomacia

Njerëzit që janë të lindur në këtë shenjë posedojnë një fuqi të madhe, e cila u lejon atyre të merren me gjithçka. Janë socialë, sharmantë dhe të shoqërueshëm dhe rrallë mbeten të vetëm. Janë inteligjentë, të mençur dhe mistikë.

Gjarpri (Akrepi) 23.10. - 22.11.

Tiparet: mbijetesa

Në shumë kultura gjarpri do të thotë respekt ngase konsiderohet mbrojtës i mistereve të jetës. Personat e lindur në këtë shenjë posedojnë aftësi të gjykimit të gjërave dhe kanë një intuitë shumë të zhvilluar, po ashtu janë ekspertë për shpirtin e njeriut. Janë shumë realë dhe vështirë të kontrollohen nga të tjerët.

Bufi (Shigjetari) 23.11. - 21.12.

Tiparet: shkathtësia

Në kulturat antike bufi ka simbolizuar shkathtësinë dhe dijen. Personat e lindur në këtë shenjë dallohen për nga spontaniteti, entuziazmi dhe idealizmi. Gjithmonë janë një hap përpara, shohin në thellësi, janë kureshtarë, të shoqërueshëm dhe të besueshëm.

Pata (Bricjapi) 22.12. – 19.1.

Tiparet: këmbëngulja

Personat e lindur në shenjën e patës posedojnë një ndjenjë për garë dhe janë këmbëngulës. Zakonisht kanë plane të mëdha, por me hapa të sigurt mbërrijnë shumë larg. Moto e tyre është: “Uji i qetë pushton brigjet“. Janë të kujdesshëm, të pavarur dhe mirë përshtaten me situatat e krijuara. Personat që i duan i mbrojnë nga të tjerët.

Vjedulla (Ujori) 20.1. - 18.2.

Tiparet: kreativiteti

Vjedullat janë kafshë të lumtura, prandaj personat e lindur në këtë shenjë i karakterizon stimulimi intelektual, shpirti i lirë dhe kreativiteti. Posedojnë shkathtësi të theksuara verbale. Shkaku i idealeve të larta nga të tjerët kërkojnë më tepër se që mund t’u ofrojnë ata. Mbi të gjitha kërkojnë të vërtetën.

Ujku (Peshqit) 19.2. -20.3.

Tiparet: lojaliteti

Edhe pse duket që ujku të jetë shumë i fuqishëm, ai po ashtu është i frikësuar dhe i kujdesshëm. Personat e lindur në këtë shenjë janë shumë të prerë me të tjerët dhe janë shumë të sinqertë. Qëllimi kryesor i tyre është ta gjejnë dhe ta ruajnë dashurinë.