Kafkat politike shqiptare

A mundemi ne shqiptaret...?


NenkryetarI i Keshillit per Marredhenie me serbet jashte Serbise shprehimisht ka deklaruar «do te kerkoj nga kuvendi dhe qeveria shqiptare qe te mbeshtese kerkesen e pakicave per shtyrjen e regjistrimit te popullsise». Serbet kane filluar te interesohen per nje komunitet serb ne rrethin e Shkodres dhe te bejne emisione per ta ne televizione duke theksuar idene se atje kane jetuar shume serbe, por me presion ne kohen e komunizmit kane ndryshuar emrat e tyre.

Ndjej mllef e neveri dhe cuditerisht kesaj radhe nuk kerkoj ndjese nga askush! Turp i pashoq! Situate delikate! Heshtje popullore! Servilizem krupendjelles! Mendje te ngushta e zemra te liga! Symbyllur dhe spordhjake! Xhahila dhe fodulla! Sahanlepiresa dhe brekeshkyer! Hajdute dhe me keq, xhepista! Baballare «pusht», me falni pushtetar, qe neser apo pasneser bijve te tyre nuk kane cfare modeli edukativ t'i japin.

Furgona me analiste televizionesh, te cilet per para mohojne e pohojne cdo gje! Editoriale te imponuara! Gazeta partiake pro regjistrimit mbi baza fetare dhe etnike, kunder interesave kombetare.

Minoritete qe lehin per kinse te drejten e tyre per t'u vetedeklaruar dhe kundershtimin e artikullit 20 te ligjit per regjistrim, i cili parashikon, sipas tij, gjobe prej 1000 dollaresh per dhenien e te dhenave te pasakta! Nje tufe idiotesh, te cilet kane uzurpuar karriget dhe mezi c'prisin te dilinin ne terren per te intervistuar shqiptaret, tashme nje pjese e tyre te blere nga «shkjau» serb e «shovinizmi» grek...

Sot, kjo eshte nje pjese e pasqyres se realitetit ne Shqiperi! Ky eshte kabllogrami me serioz dhe i rrezikshem i pathene ne faqen e Wikileaks, e jo humbja e vemendjes nga disa gjera te tjera te rendomta, qe fundja nuk eshte se ne shqiptaret nuk i kemi ditur.

Sinqerisht, me kohe pandehja se shume norma morale, por edhe disa zakone po humbisnin mes shqiptareve. Edhe pse shume shqiptare jane bere pjese, kunder regjistrimit te popullsise, permes nenshkrimit te peticionit te hartuar nga Aleanca «Kuq e Zi», perseri eshte shume pak, thjesht nuk mjafton vetem ky reagim qytetar.

O mjerane, pa kujtoni pakez ato shqiptare te se premtes se «zeze» te 21 janarit 2011 qe sulmuan kryeministrine! I pyesni te gjithe pse protestuat! Me siguri nje pjese kish vajtur qorrazi pas turmes, nje pjese per gjendjen e veshtire ekonomike e sociale, nje pjese per ate e per kete etj.

Ndersa regjistrimi i popullsise eshte shumefish me i rrezikshem se perballja aktuale me situatat e perditshme qe ka cdo familje shqiptare. Regjistrimi i popullsise mbi baza etnike dhe fetare eshte nje rrezik historik, rrezik social, rrezik kombetar, rrezik territorial, rrezik asimilues, rrezik nenshtrues, rrezik konflikti ne te ardhmen, por edhe rrezik ekonomik, fundja nje «armik brenda ne shtepi».

A ju kujtohet se cfare presioni beri Greqia per paktin detar! I tha troc vendit tone, Shqiperise sone te dashur duke i derguar te fala nepermjet «dulecave» me shoke: «Mirupafshim MSA, nese nuk nenshkruani paktin detar», pra shitjen e detit. Fatmiresisht, gjykata Kushtetuese e hodhi poshte.

Mos kujto ti o sylesh qe virresh, cirresh e perdridhesh e me nxjerr gjoksin e fryhesh si nje dordolec, duke pretenduar se paktin detar e anullove ti me shoke! Jo dhe jo, nuk ishim ne dhe as TI, ishte nje njeri i cili u gjend ne kohen e duhur ne vendin e duhur per te treguar shitjen e detit ne diten me diell.

E ne, ne te heshtur po merrnim pakez rreze dielli... Besoni se nese ne Shqiperi rritet artificialisht numri i minoritetit grek dhe atij serb nuk do te na bejne presion te vazhdueshem?! Eh, madje, ato do te perpiqen te nderhyjne kudo dhe per cdo gje, si me qene ne toke te tyre. Obobooooooo!

Nejse, une jam i ndergjegjshem se ka edhe shqiptare te mire dhe te devotshem. Te gjithe ato qe jane pro interesave kombetare, zeri rinor i mijera studenteve qe kane nenshkruar kunder regjistrimit mbi baza etnike dhe fetare, sigurisht me kenaq e me ngroh pa mase.

Edhe nje pjese e medias po solidarizohet me situaten ne fjale. Ato e kuptojne rrezikun e asimilimit. Ato e kuptojne se me kalimin e viteve jugu i Shqiperise do te kete me shume shkolla greke se sa shqiptare. Keto qytetare te denje e dine mire se «gjuha amtare eshte dinjitet, ndersa gjuha e huaj eshte kulture».

E nese jugu fillon e greqizohet, e sipas ketij «surratdhelpres» Aleksandar Cotoric, Shkodra do te na flasin serbisht, atehere me plot gojen ne kemi humbur identitetin tone kombetar.Shkodra ka shume familje te vjetra qytetare,midis tyre dhe shume te afert te mij, por po te diskutohet me secilen prej tyre te tregojne se sa serbe na paska Shkodra qe heret e deri ne ditet e sotme.

Tundu e shkundu o shqipetar! Jo nga muzika, jo nga moda e jo nga gjerat qe ti ke qejf cdo dite te besh. Tundu e shkundu se e ardhmja nuk premton per ty. Te ardhmen tende, ti nuk po e mbron. Femijet e tu nga heshtja jote, nga rreziku i bukes dhe i karriges qe mban, nuk jane asgje se sa kur ai te vihet ne gare me fqinjet e tij ballkanik apo edhe bashkemoshataret e tij europian e te ndihet koketul e mjerane, pasi nuk di c'te thote, vec pelpelit mjerueshem duke thene: «kemi qene popull i varfer dhe nuk kemi mundur t'i bejme balle presioneve te huaja!».

Mjaft! Mjaft mashtrimit te perditshem! Mjaft injorances masive! Mjaft mosreagimit per fatet tona, fatin tone! Mjaft te qeshures se dalur me veshtiresi nga zorret e barkut per te pershendetur deputetin e zones! Mjaft mjerimit dhe vajtimit, pasi ndodhin ngjarjet! Ne mundemi... Te gjithe bashke jemi dakord qe regjistrimi te behet, por te mos dalin rezultate per etnine dhe fene.

Si perfundim, mua dhe shume te rinjve me gjak shqiptari na intereson atdheu yne, e jo fatet e Kreshnikut apo aleances.Joooooo, keto jane mjegulla kasten te krijuara me dashje qe shprehimisht do te thote «je me mua apo me ato?».

Ne jemi te gjithe me Shqiperine. Regjistrimi i popullsise duhet te behet qe c'ke me te, por jo mbi baza etnike dhe fetare. Ne duam nje Shqiperi europiane, por te sigurte dhe me vlera te mbartura. Kurrsesi nuk mund ta pranoj qe gjoja per hir te hyrjes ne Europe, ne shqiptaret duhet te hyme sic do Greqia apo Serbia, sic na do Nastradini me shoke pa mbathje e pa koke.

Jo dhe jo! Kjo nuk eshte Shqiperia, keta nuk jane shqiptaret. Veriu dhe Shqiperia kane aq pak serbe e pak me shume greke edhe sec na merr mendja neve. Prandaj, ketyre zerave zyrtar me prapavije strategjike duhet t'i themi ndal qytetarisht, por edhe politikisht.




Ne mundemi! PO, ne mundemi te ndalojme qe Serbet te peshkojne «krap» e «ngjala» me thase ne Dejlan. Nese te vjetrit heshtin, rinia duhet te ndeze. Fqinjesi te mire me te gjithe, por une ne shtepine time dhe ti tenden o serb dhe grek..

..por s' din Shkjau me mbajtë miq'sí !...
Serbi vëlla do ta humbasë,
Pa kqyre t'drejtë paa kryre arsye,
Serbin shqype ke mbi krye.
Ka me t'lanë ky i ditë pa sy,
Thellë n'rrashte, po t'ue t'i gërrye,
Se kshtu ecte në shekull lodra,
Ulu maje e çohu kodra...
Gjergj Fishta

Me këtë kryeministër jo vetëm Shkodra por edhe Durrësi (ah Durrësi ëndrra e Serbis) mund të serbizohet pa farre problemi i ka miq ky derziu (vëllëzër të Sllobodankës) E ka bërë Shqipërin si të ishte Çifligu i tij.........

Ligji i ri per administraten,zyrtaret mund te bejne fushate.



Klikoni ne qender 'expand' per te hapur gazeten,klikoni tek shigjeta lart djathtas dhe lexoni ne faqen e dyte te kesaj gazeta artikullin e plote.Me roten e mausit mund ta zmadhoni

Shqipëria e 52-ta në botë, ku jetohet më së miri

Shqipëria renditet e 52-ta ndër vendet ku preferohet të jetohet më mirë në botë, sipas Indeksit “Living Life 2011”. Krahasuar me dekadën e fundit, Shqipëria ka ecur shumë përpara me “Cilësinë e jetës”. Nga viti 2005, kur Shqipëria ishte e 100-ta, në një grup me vende të tilla si Zimbabve, Haiti, Republika e Afrikës Qendrore, Afganistani, Sierra Leone, Guinea Ekuatoriale, Guinea, Angola, Sudani, Jemen, Çadi, Somalia. Vetëm me një vit më parë Shqipëria renditej në vendin e 66-të.
Ndërkohë, në krye të listës renditen Shtetet e Bashkuara, me këto rezultate: Kostoja e jetesës 76 pikë, Kultura 87, Ekonomia 100, Mjedisi 51, Liria 100, Shëndeti 90, Infrastruktura 100, Rrezik dhe Siguri 100, Klima 85.


Me rezultati final prej 86 pikëve në renditjen e Cilësisë së Jetës, mes 190 vendeve nga e gjithë bota, Shqipëria ka shënuar këtë rezultat : Kostoja e jetesës 75, Argëtimi & Kultura 76, Ekonomia 57, Mjedisi 64, Liria 67, Shëndeti 68, Infrastruktura 36, Rrezik dhe Siguria 71, Klima 90 pikë.


Në renditje merren parasysh vendet, ku mund të jetohet më mirë, jeta më e lirë, të paguhen më pak taksa, të ketë mot më të mirë, të merren avantazhe nga mundësitë në tregjet e reja, vende ku mund të fillohet një jetë e re, një biznes apo të kalohet pensioni, ku ambienti është i ruajtur nga ndotja, klima është e mirë, infrastruktura është e mirë, argëtohesh dhe ka kulturë e art. Për të arritur në vlerësimet për secilin vend merren parasysh nëntë kategoritë e sipërpërmendura, ku secila ka maksimumin e pikëve 100.
Të dhënat, që të nxirret klasifikimi, sipas revistës “International Living” me bazë në Çikago, merren nga shumë faqe të zyrtarizuara të internetit, si adresat qeveritare, të dhënat e Organizatës Botërore të Shëndetit, Ekonomisë, Bankës Botërore, Fondit Monetar Ndërkombëtar, Bashkimit Evropian, OKB-së e shumë institucioneve amerikane, dhe të tjera anembanë botës. Ky është si një studim vjetor në të cilin sapo merren të dhënat, ato analizohen në terren nga korrespondentët e agjencisë “International Living” për çdo vend, në mënyrë që të kuptohet se sa reale janë ato dhe ku bazohen rezultatet e tyre.


Shqipëria ka më shumë se pesë vjet që nuk shikohet më në hartë si një “njollë e zezë” për të jetuar. Shqipëria vitet e fundit ka krijuar një imazh të shkëlqyer në botë. Çka shihet qartë sipas të dhënave më të fundit, krahasuar jo më larg se me një vit më parë, ku vendi ynë ka bërë përpara për sa i përket cilësisë së jetës duke zbritur në 14 vende më poshtë. Kosto e jetës ka fituar 75 pikë, ndërkohë që një vit më parë ishte 64 pikë. Në të njëjtin nivel ka qenë edhe treguesi i lirisë me 67 pikë. Të ardhurat dhe kultura për këtë vit janë vlerësuar me 59 pikë, ndërsa një vit më parë me 65 pikë.
Ndërsa numri total i pikëve për këtë vit është 64, duke pësuar një rritje të mirë krahasuar me një vit më parë, duke lënë pas vetes gjithë vendet e Ballkanit, Serbinë, Malin e Zi dhe Maqedoninë.
Kjo eshte nje qeverisje e mir te Dott. Berishes dhe te PD-se.

Përkujtohet 21 Janari, Rama: Mos mendoni se e kam harruar, autorët para drejtësisë








Sot shënohet 3-vjetori i ngjarjeve të 21 Janarit të vitit 2011. Partia Socialiste mbajti një ceremoni përkujtimore në bulevardin “Dëshmorët e Kombit”, ku kryeministri Edi Rama zbuloi fillimisht pllakat përkujtimore prej bronzi, në nder të katër viktimave Hekuran Deda, Ziver Veizi, Faik Myrtaj dhe Aleks Nikaj.

Përpara nisjes së ceremonisë Rama ka dhënë edhe një mesazh të fortë ndaj sistemit të drejtësisë, duke paralajmëruar një reformë të thellë dhe zbardhjen e plotë të vrasjes së 4 protestuesve.

“Vetë nuk e kam harruar për asnjë çast, që nga dita që kam hipur këto shkallë se nuk u votuam për të zëvendësuar një qeveri me një tjetër, por të ndryshuar rrënjësisht Shqipërinë. S’do ta harrojmë se, ky i yni është një mandati për t’i dhënë kuptim fjalës ‘Drejtësi”. Për të luftuar që drejtësia të bëjë drejtësi. Që e drejta të mos jetë një mall që blihet dhe shitet në dyert e Prokurorisë apo gjykatave. Shumë gjëra kanë ndryshuar, por një nga gjërat që s`ka ndryshuar për Shqipërinë është ferri i sistemit të sotëm të drejtësisë. Është ferri ku përpëliten nënat që kërkojnë hakun e djemve të vrarë. Është ferri ku treten shpresat dhe kur përqeshet një Shqipëri e tërë përpara sprovës, mes të drejtës dhe organeve të drejtësisë”, ka theksuar Rama.

Rama në fjalën e tij u shpreh se, kanë ndryshuar shumë gjera nga 21 janari, pasi qeveria e re nuk do të ngjallë më frikë te qytetarët, por do të punojë për ta.  “Kjo godinë nuk është më fasada ku dilnin tytat e armëve për të qëlluare mbi njerëzit në emër të pushtetit të vjetër, por qeveria e zgjedhur nga njerëzit punon me njerëzit dhe për njerëzit. Ky bulevard nuk është kufiri i frikës, dhe qytetarët protestojnë pa frikë. Kanë ndryshuar shumë gjëra nga 21 janari i 2011”.  

Ai i cilësoi ngjarjet e 21 Janarit një pushkatim pa gjyq, pa ligj pa mëshirë, në sytë ë një populli të tërë të marrë peng. Sipas Ramës, “ky popull s’është më peng i një votë të vjedhur, i një qeverie të pazgjedhur, i një pushteti që e grabit sa të mundet, që e tradhton si të mundet. Ende s’jemi çfarë meritojnë të jemi, pasi Shqipëria vuan ende varfërinë, papunësinë, borxhet e një qeverie të shkuar. Por, sot Shqipëria as rrezikon të kthehet më aty ky ishte, në 21 janarin e tre viteve më parë, as rrezikon të mbetet aty ku ishte, sot pushteti është kthyer në duart e popullit. Shumë gjëra kanë ndryshuar”, tha kryeministri Rama.

Më pas kryeministri i shoqëruar edhe nga familjarët kanë vendosur lule në 4 pllakat përkujtimore prej bronzi të katër viktimave.   Ndryshe nga vitet e tjera këtë herë bashkë me kryeministrin Rama, veç deputetëve të PS-së dhe familjarëve, në bulevard kanë qenë edhe aleatët e qeverisë, deputetë dhe drejtues të LSI-së. Kryetari i grupit parlamentar të LSI-së, Petrit Vasili theksoi se, duhet të zbardhjet ngjarja e 21 Janarit. “Kemi ardhur për të nderuar viktimat, nuk ndryshuam qëndrim,21 Janari duhet të zbardhet”, u shpreh ai.


Katër persona janë vrarë gjatë protestës së zhvilluar përpara Kryeministrisë në 21 janar të vitit 2011. Çështja e vrasjes së katër protestuesve, aktualisht po shqyrtohet në gjykatën e Lartë, por asnjë prej përgjegjësve për këtë tragjedi nuk ndodhet aktualisht në burg.
Familjarët: Kërkojmë vepra, jo fjalë

Djali i njërit prej viktimave është shprehur i indinjuar me drejtësinë shqiptare, edhe pse kanë kaluar 3 vite, asnjë përgjegjës nuk është vënë para drejtësisë për vrasjet në protesta.


Renato Myrtaj, djali i Faik Myrtaj i vrarë në protestën e “21 janarit”, pas tre vitesh të vrasjes së babait të tij vazhdon të kërkojë drejtësi dhe fajëson ish-kryeministrin Berisha, i cili i ka mbrojtur personat që vranë katër njerëz të pafajshëm. “Berisha në momentet e fundit, ata njerëz që kanë kryer krimin, i ka mbrojtur tepër mirë, duke i larguar jashtë vendit, ndërkohë që sistemin e gjyqësorit e ka bërë si i ka dashur qefi, prandaj populli shqiptar, ashtu si dhe familja ime nuk ka pse të çuditen, kur për këto vrasje nuk ka asnjë autor”, u shpreh Renato Myrtaj për “A1 Report”.

 Djali i Faik Myrtaj thotë se beson se kryeministri Rama do të punojë për zbardhjen e ngjarjes, ndërsa thekson se tani nuk “do më fjalë, por vepra”.

 “Tani besimi im është vetëm të kryeministri Rama. Është shpejt pasi me tre muaj nuk mund të bëhet gjë për të zbuluar autorët, pasi ai ka marrë një qeveri që ishte komplet në humnerë. Kryeministri është shprehur se kjo do të zbardhet, por boll me fjalë, dua vepra”, vijoi Renato Myrtaj.



Shekulli 21/01/2014

“LUFTA E FTOHTË” BRENDA SHUMICËS PARLAMENTARE, DUHET TË MARRË FUND.
Marrëveshja politike, Berisha – Rama – Meta, duhet të shkatërrohet.



Klasa politike shqiptare sot, është produkti më i keq i mbeturinave të trashëguara prej dy “arkivolëve politikë” të kohës. Ajo e ka ndotur shumë rëndë mjedisin social politik dhe ekonomik shqiptar. Kjo situatë është drejt kalbëzimit të plotë, me pak shanse për të rilinduar, apo për t’u trasformuar në një sistem politik të qëndrueshëm, me vlera humane e demokratike. 

Sot shikojmë një klasë politike dhe një përfaqësi të pushtetit politik (qeverisja) të angazhuar në një fushbetejë inproduktive, pasojë e një kundërvënie të mirëmenduar. Po vërejmë goditje me prapavijë politike, për ta kompromentuar rëndë pushtetin dhe për të rrëzuar shtetin. Kjo situatë ka shkakruar reagime dhe pështjellim në opinionin shqiptar, të pasigurtë për jetën, pronën dhe rendin publik. 

Konstatohet lehtë një qeverisje, e cila po merret shumë me formën e problemeve dhe aspak me thelbin e tyre. Shikojmë lehtë një orientim politik dhe diplomatik jo të zakontë me fqinjin jugor, Greqinë. 

I tërhequr në këtë situatë të shkurtër komplekse dhe shumë problematike, mënyra dialektike e analizës nuk lë vend për njëanshmëri. Ajo që vlen të theksohet, në seriozitetin e shtrimit të problemit, mbetet tmerri i mendimit që ekziston mbi rrezikshmërinë e lartë me pasoja shumë të rënda të ndërthurjes së rrjeteve të krimit të organizuar me mafien ekonomike e politike, dhe skajshmërisht, depërtimi i tyre në institucionet e shtetit, në të gjithë piramidën e institucioneve shqiptare, veçanërisht në Parlamentin ligjvënës. Ky orientim i frikshëm, po kthehet në një realitet të deformuar, që mbart brenda vetes rrezikun e madh kombëtar, me parametra regresiv kundër interesave kombëtare të popullit shqiptar.

E thënë më drejtëpërdrejtë, njerëzve që u pëlqen joshja e pushtetit të parasë, pavarësisht nga ajo buron, rezultojnë njerëzit me karakterin më të dobët dhe pa personalitet. Aq më tepër, joshja që të ofron pushteti i inkriminuar, është në kufijtë e një kombi ogurzi dhe pa perspektivë. Në këto kushte, në deklarimet e niveleve më të larta të politikës dhe shtetit, konstatojmë mungesën e aftësisë për të arsyetuar mbi një realitet të prekshëm, të aftësisë për të perceptuar drejt gjithçka që buron nga ballafaqimi me ligjet shqiptare dhe realitetin e rënduar psikosocial, dhe mbi të gjitha, mungesën e aftësisë për të gjykuar mosveprimin, nisur nga interesa vetjake e klanore, që nuk kanë asgjë të përbashkët më aspiratat e 1 milion votuesve që ndërruan pushtetin politik në 23 qershor. Nuk ka qeverisje të pafajëshme, por nuk mund të ketë qeverisje të padënueshme, përballë shkeljes dhe abuzimit me ligjet dhe të drejtën. 

1. Aspekti psikologjik i situatës.

Duke ju përmbajtur termit filozofiko politik të fenomenologjisë, nuk mund të lë pa trajtuar çfarë dominon sot në psikologjinë e opinionit shqiptar për situatën. Kemi të bëjmë me formalizmin ose formalizimin e pushtetit. Në lojë është vënë përpunimi psikologjik i shoqërisë shqiptare. Kemi një shumicë të paaftë të bindë popullin për drejtësi, kundër fenomeneve më negative që trashëguam nga qeverisja e mëparëshme. Dosje në organin e akuzës dhe lojë arrestimesh e lëshimesh, pa kurfarë vlere. Opinion gjendet i frustuar nga dështimi i qeverisjes dhe institucioneve me mungesa të kapaciteteve dhe aftësive për të vepruar. Edhe pse është krijuar opinion për një “qeverisje të mirë”, në fakt po kërkohet me çdo kusht rezultat. Periudha kalimtare duhet të ketë fund. Një qeverisje që nuk kujdeset për institucionet e Sigurisë dhe të Mbrojtjes, për ato të Kontrollit dhe Akuzës, duke u dorëzuar përballë luftës së papajtueshme për të nxjerrë nga bataku gjithçka të ndotur si deri tani, ajo nuk mund të ketë sukses dhe nuk mund të quhet qeverisje e mirë. Druajmë dhe parashikojmë se kjo qeverisje nuk do të ketë sukses. Ne duhet ta besojmë këtë që po ndodh, për sot dhe për të ardhmen tonë.

Limitet deri në marrjen e pushtetit, në periudhën parazgjedhore dhe deri në marrjen e drejtimit nga Qeveria Rama, përbëjnë periudhën më të poshtër, më të paskrupullt, më dëmprurëse të qeverisjes së kaluar. Sot Qeveria Rama vuan pasojat e këtij fenomeni abuziv. Nuk kam të drejtë të argumentoj se si do të jetë kjo hapësirë kundërveprimi në të ardhmen. I takon Qeverisë Rama të dëshmojë me vepra dobinë e pushtetit dhe të shtetit që ai drejton. Fenomenologjia e rrezikut (alarmit) është pjesë e çdo qeverisje kur merr pushtetin. Po përballemi në një periudhë të shkurtër, me shumë raste të ngjarjeve të bujëshme brenda sistemit të institucioneve që po ngarkojnë psikologjikisht rëndë opinionin shqiptar. Grabitje, vrasje, grupe terroriste të paguara, përdorimi i mjeteve të sofistikuara të krimit, vrasje e përdhunime brenda familjes, grupe të organizuara të krimit, asgjësime me telekomandë, arratisje të burgosurisht, hedhje e shtyllave të tensionit ne erë, atentat kundër biznesit në kushtet e konkurrencës së pandershme, grabitje të bankave, deri tek vrasje të njerëzve të pafajshëm, trafikantë të drogës etj. Rastet dhe ngjarjet janë të shumta. 

E kuptojmë shumë thjeshtë se, çdo qeverisje që merr drejtimin e vendit, nuk mund t’u shmanget ngjarjeve të tilla, të cilat kurrësesi nuk mund të merren të shkëputura. Kjo është sfida, dhe qeverisja shqiptare po të ketë këllqe, le ta përballojë për të mirën e vendit dhe të shoqërisë.

Kriza e besimit po rritet me shpejtësi. Po sëmuremi nga çdo lloj modeli me interpelanca, komisione parlamentare, evakuime, amplifikime të skajëshme mediatike, testime të opinionit me “mikrofonin e rrugës”, pa menduar saktë se përse të gjitha këto “parodi” jehojnë në një oktavë, pikërisht në këtë kohë?! Çfarë po dëshmojmë me këtë situatë? Kujt po ja dëshmojmë? Me çfarë kostoje është kjo për vendin tonë? Kujti i shërben amplifikimi i situatës së kriminalitetit deri tek frika dominuese mbi aktet terroriste me pasoja të rënda? Përballë shpjegimeve jo bindëse, sot qeverisja shqiptare po përpiqet të dëshmojë me sforco të lartë, se është e interesuar për një qeverisje të mirë. Mbase është dhe kështu dhe le ta besojmë për një moment. Kjo përpjekje po bëhet veçanërisht në Ministrinë e Brendëshme, të Mbrojtjes dhe në elementët e tjerë të Sigurisë Kombëtare (Prokurori, Gjykata, Polici Gjyqësore, Shërbim Informativ), duke pretenduar për reforma, luftë kundër korrupsionit dhe krimit të organizuar, por pa fshehur dot tendencën për uzurpim të këtyre institucioneve, me një situatë prezente, por të përfunduar me gjakftohtësi në grirësen e letrave të zyrës së titullarëve të shtetit. 

2. Ngërçi i reformave kushtetuese.

Rezulton se akoma një pjesë e pushtetit politik në Shqipëri është në dorë të ish kryeministrit shqiptar, Sali Berisha. Mjaftë nga drejtuesit institucionalë, përfshi dhe Presidentin e Republikës, rezultojnë të shfaqen partiakë dhe cënojnë në mënyrë të vetëdijëshme pavarësinë e institucioneve nga politika, duke u bërë pengesë për zbatimin e legjislacionit në vend. Rezulton se kryministri aktual, Edi Rama, është vënë përballë goditjeve frontale, të cilat nuk vijnë vetëm nga opozita, por indirekt dhe nga krahu i mazhorancës. Midis dy liderëve politikë, Rama e Meta, konstatohet një “luftë e ftohtë”, e cila po shfryn përditë fuqinë “e frikëshme” të kësaj shumice me 84 vota parlamentare.


Dalja në lojë e “Vasilit të madh”, dikur “Vasil i vogël”, të ministrave dhe deputetëve të LSI-së për kërkesa interpelance ndaj qeverisjes, pjesë e së cilës janë edhe vetë, apo dhe kritika të drejtëpëdrejta, bind këdo se midis kësaj mazhorance ka shumëçka që nuk shkon. Nga të gjithë krahët konstatohen aktivitete dhe qëndrime partiake për kredo politike, dhe aspak qëndrime institucionale efektive për përmirësimin e situatës në vend. 

Mungësa e trasparencës për shumë çështje delikate të jetës së vendit, që rrezikojnë seriozisht politikat strategjike të zhvillimit dhe mbështetjes, si në rastin e “armëve kimike” të grabitjes së ujit të lumënjve, të ngërçit kushtetues etj, nuk mund të pranojnë politika dhe vendime personale, duke injoruar trasparencën, institucionet dhe gjithçka tjetër kushtetuese. Megjithatë edhe në këtë paraqitje formale jo gjithçka shkon në ngjyrën rozë. Në emisionin e fundit tek “Zona e Lirë” në sytë e Ilir Metës vërejtën jo vetëm nuance nostalgjie, por dhe nuance lamtumire. Herët apo vonë, ajo që zjen brenda kësaj shumice “të frikëshme”, që nuk dihet se ku qëndron “frika” e saj, kazani pa valvula shkarkimi do të shpërthejë. 

Përballë dështimeve të qeverisjes, shfaqet një opozitë aspak misionare, shumë kërcënuese dhe aggressive deri në destabilitet, me thirrje për përmbysjen e pushtetit, duke pasur si qëllim në vetevete, jo interesat e shtetit dhe të popullit, por ruajtjen e perandorisë së krimit dhe të grabitjes, ruajtjen e monopoleve, pa kurfarë arësye politike të përgjegjësive të saj për keqqeverisjen e mëparëshme. Paralelisht shfaqet një President politik dhe partiak, aspak bashkëpunues për interesat e vendit. Reformat kushtetuese aq të përfolura, ende mungojnë. Atëherë ku qëndron “frikshmëria” e kësaj shumice?! Ku ishim?! Asgjëkundi!!

Jeta politike në Shqipëri po degradon. Pushteti vazhdon të gërryhet majtas e djathtas dhe mbahet peng për shkak të interesave partiake të LSI. Politikës shqiptare, si pozitës dhe opozitës, i është prishur aksi politik, për shkak të gjithpërfshirjes në zullumet e pista në kurriz të popullit. Kjo klasë politike nuk ka moral. Qëllimet, veçoritë dhe funksionet e saj nuk janë të paracaktuara nga disiplinat etike dhe shkencore, por nga amoraliteti dhe makutëria, me prapavija të dyshimta politike, brenda dhe jashtë Shqipërisë. Nëse nuk do të shkatërrohet marrveshja parazgjedhore Berisha – Meta – Rama, askush të mos pretendojë se vërtet ky vend do të “rilindë”. Ndjenja e fajit tek kjo klasë politike nuk ekziston. Me një popull të përgjumur, jeta e tyre dhe e farës e sojit të tyre, është e garantuar në qindra vite.



Dr. Sulejman ABAZI