Shkencëtarët: Është koha të telefonojmë alienët

Një grup shkencëtarësh kanë pohuar se tani është koha që njerëzit të përpiqen të kontaktojnë me jetët inteligjente në hapësirë.

Kjo thirrje është bërë nga Instituti për Kërkimin e Inteligjencës Jashtëtokësore.

Shkencëtarët nga e gjithë bota janë duke diskutuar se si mund të përmirësojnë kërkimin për inteligjencë jashtëtokësore.

” Vallë mos kemi qenë duke kërkuar në vendin e gabuar, në kohën n gabuar, në mënyrën e gabuar?“, tha astrofizikanti Paul Davies për revsitën “New Scientist”.

Ndërsa astrofizikanti nga Universiteti Princeton Richard Gott tha se nëse alienët kanë të njëjtën “mënyrë” si ne, “ne të gjithë thjesht duhet të vijmë vërdallë për t’i dëgjuar“.

Astrofizikanti australian Paul Davies, tha se studimet që janë bërë nga instituti SETI supozojnë se alienët komunikojnë të njëjtën mënyrë siç bëjmë ne në Tokë.