Joga po aq e shëndetshme sa vrapimi

Për të gjithë ata që nuk kanë mundësinë që të dalin dhe të bëjnë vrap për t’u mbajtur në formë ja ku vjen një lajm i mirë.
Joga ka të njëjtat përfitime në shëndet po ashtu si dhe vrapimi apo ecja me biçikletë.



Organi kryesor që ka përfitime të drejtpërdrejta nga bërja e seancave të jogas është zemra.

Por studimet e kryera thonë se ka dhe një sërë përfitimesh të tjera në shëndet të cilat e rrisin rëndësinë e ushtrimeve në joga.

Sipas studiuesve joga ul kolesterolin, shkakton humbje në peshë dhe rregullon presionin e gjakut.

Por sikur të mos mjaftonte kjo, joga ndihmon jashtëzakonisht shumë edhe në lenien e duhanpirjes.

Studiuesit nuk e kanë gjetur ende arsyen përse joga ka kaq shumë përfitime, por thonë se çelësi i saj është largimi i stresit.

Ky kërkim ka shumë rëndësi pasi të gjithë personat që nuk kanë mundësi fizike të bëjnë vrap mund të praktikojnë joga për të qenë të shëndetshëm.
Kërkuesit përfshinë 37 studime të ndryshme dhe më se 2700 persona për të parë efektet e jogas.

Gjatë studimit u pa që personat që bënin joga humbën tre kilogramë më shumë se ata që nuk bënin joga.

Madje kërkuesit thonë që joga mund të jetë edhe më efektive se një pjesë e antibiotikëve.