Teoritë konspirative për avionin e rrëzuar në Ukrainë

Në fluturimin e kobshëm të avionit malajzian ndodheshin shkencëtarë dhe studiuesë që gjithë jetën ia kishin kushtuar kërkimit të ilaçit kundër virusit të sidës. Ekziston mundësia që në avion të ndodhej edhe ilaçi për sidën, i cili tani mund të ketë humbur përgjithmonë.



Ata ishin nisur për në Konferencën Botërore “Sida 2014” që do të hapet të dielën në Melburn të Australisë. Organizatorët thonë se konferenca do të mbahet dhe pritet të arrijnë mbi 14 mijë njerëz nga e gjithë bota. Fjalime do të mbajnë edhe ish-Presidenti amerikan Bill Klinton dhe aktivisti Bob Geldof.



Mes të vdekurve janë një numër i madh shkencëtarësh të kalibrit më të lartë, duke përfshirë edhe Xhozef Langen,  kryetarin e Shoqatës Ndërkombëtare të HIV-it, i cili ishte drejtues i kërkimeve për sidën që nga viti 1983.

Të gjithë shkencëtarët janë të mendimit se kjo do ketë pasoja në nivel global, sepse vdekja e 100 ekspertëve të lartë përfaqëson një humbje të madhe.

Ndërkohë që bota vazhdon të kërkojë përgjigjet mbi arsyet e rrëzimit të fluturimit MH17, interneti është mbushur plot me teori konspiracioni gjatë së premtes.

Web'i ka qenë prej një kohe të gjatë një strehë për numerologjistët dhe të “çmendurit” pas konspiracioneve, të cilët sheshin teoritë e tyre analizuese të ngjarjeve që kanë shokuar botën.



E premtja nuk ishte ndryshe nga ditët e tjera pas ngjarjeve të mëdha, teksa faqet e internetit anembanë botës përpiqeshin të hipotezonin mbi atë se çfarë mund të ketë ndodhur ndaj avionit të pasagjerëve të “Malaysia Airline”.

A ishte ai që rrëzoi MH17, dikush që po përpiqej të vriste Vladimir Putin?

“Russia Today” ngriti disa spekulime natën e kaluar, pas publikimit të një raporti, që pretendonte se fluturimi i rrëzuar po ndiqte thuajse të njëjtin kurs me avionin presidencial të Putin-it, i cili kishte kaluar andej rreth 40 minuta më vonë.

Raporti citonte një burim të agjencisë së lajmeve “Interfax”, i cili thoshte: “Mund të them se avioni i Putin dhe Boeing-u malajzian janë shkëmbyer në të njëjtën pikë dhe në të njëjtin nivel komande. Kjo pikë ishte pranë Varshavës në lartësinë e 10100 metrave. Avioni presidencial ishte atje në orën 16:21 me orën ruse, ndërsa avioni malajzian në orën 15:44”.

Në raport vazhdohet të theksohet se avioni presidencial i Putin kishte të njëjtat shenja të kuqe e blu, me ato të vizatuara në avionin e “Malaysian Airlines”. 10 minuta pas raportit, Tëitter-i u pushtua nga pretendimet se raketa e hedhur ndaj këtij avioni mund të kishte qenë një përpjekje e dështuar për vrasjen e presidentit rus.

Madje, disa prej tyre e interpretuan atë, sikur të kishte qenë presidenti amerikan Barack Obama, që kishte urdhëruar CIA-n të ndërmerrte sulmin e akuzuar. Disa të tjerë fajësonin dinastinë bankare të familjes Risthchild, kurse të tjerë e lidhnin këtë ngjarje me punën okulte dhe sekrete të shoqërisë “Illuminati”.

Masterplani i Illuminat-ëve për të nxitur luftën e tretë botërore dukej të ishte i lidhur me numrin 7.

Fluturimi i “Malaysia Airlines” MH17, ishte një Boeing 777 dhe fluturimin e tij të parë e kishte kryer më 17 Korrik 1997, 17 vite më parë, thonë shumë teoricienë. Korriku është muaji i 7 i vitit, madje edhe po të mbledhësh numrat 2+0+1+4, rezultati del sërish 7. E megjithatë, gjithçka mbetet në nivelin e teorive, për sa kohë që gjërat nuk vërtetohen.