Shenja e UJORIT

Si të njohim Ujorin

Shumë njerëz e pёlqejnё ylberin. Fëmijët shprehin dёshirat e tyre kur shohin njё ylber; piktorёt i vizatojnё ose pikturojnё ata, ëndërrimtarëti ndjekin pas, por personi i shenjёs sё Ujorit ia kalon tё gjithëve. Ai jeton në një ylber. Për më tepër, ai e ka marrë dhe e ka shqyrtuar atë, pjesë-pjesë, ngjyrё mё ngjyrё dhe ai ende beson në të. Nuk është e lehtë tё besosh nё diçka, pasi ke marrё vesh se çfarё ёshtё nё tё vёrtetё ajo, por Ujori është në thelb realist, edhe pse adresa e tij ёshtё e nesёrmja, aty lart, me njё yll tё shndritshёm blu si kod postar. Ashtu si Liza e hutuar nё labirintet e Botёs sё Çudirave, tё shkruar nga Lewis Carroll i shenjёs sё Ujorit, ju duhet tё jeni vazhdimisht tё përgatitur për të papritura me njerёzit e udhёhequr nga planeti i Uranit.

Në përgjithësi, tё sjellshёm dhe të qetë nga natyra, Ujorёt megjithatë i gëzohen sfidёs qё i bёjnё opinionit publik dhe ata fshehurazi kënaqen nga tronditja qё pёsojnё njerëzit prej sjelljeve të tyre tё çuditshme të rastit.Kёta njerёz zakonisht tё butё dhe tё mirё, mund t’ju lenё pa fjalё me deklaratat dhe veprimet e habitshme nё momentet mё tё paparashikueshme. Ai do të ecё zbathur nё rrugё , nёse dёshiron ta bёjё kёtё dhe do tё qeshё me ju, pse ju po qeshni me tё. Ujorёt shpesh vishen nё mёnyrё tё pazakonte qëllimisht për të treguar antikonformizmin e tyre tё lindur.

Ju shpesh mund ti dalloni njerëzit e lindur në këtë shenjë ajri, nga përdorimi i shpeshtë fjalës “mik” .Fjalimet e zjarrta tё Franklin Roosevelt-it i shenjёs sё Ujorit, fillonin gjithmonё me shprehjen :”Miqtë e mi ..." dhe pyetja tipike qё bёn njё person i udhёhequr nga Urani pasi i ka dhenё fund njё lidhjeje romantike ёshtё: "A mund të jemi ende miq?"

Ujori nuk është as i mёrzitshёm dhe as naiv, as entuziast dhe as i pandershёm. Eksperimentimi i vazhdueshëm thjesht e bёn atë kurioz për të depërtuar në misterin e ardhshёm dhe ky misternё horizont mund tё jesh ti. Ai person, i cili duket sikur ёshtё njё mijё kilometra larg mendёrisht ose ai tjetri qё duket sikur po ju vёzhgon me njё mikroskop të padukshёm, është ndoshta një Ujor. Politika e magjeps atë, sportet e pёrthithin dhe fëmijët e intrigojnё. Po kёto reagime i shkaktojnё kuajt, makinat, zbulimet mjekësore, autorët, astronautët, alkoolistët, pianot dhe lutjet.

Shikoni për një vështrim të çuditshёm, të largët në sy, sikur të kenё njёlloj magjie,njё njohuri misterioze ku ju nuk mund të depërtoni. Sytë e Ujorit janë zakonisht të paqarta, me shprehi pёrhumbёse dhe ёndёrrimtare dhe shpesh (por jo gjithmonë) janё blu, jeshile apo gri. Flokët zakonisht i kanё tё drejtё dhe tё butё, ndonjёherё bjond ose kafe e çelur. Çehrja e fytyrёs është e zbehtë dhe gjatёsia e tyre është zakonisht mё e lartё se mesatarja. Ju do të vini re një fisnikëri tё theksuar të profilit. Ujorёt tipik do të marrin pamjen me kokёn e anuar, kur janë duke menduar për një problem, ose pasi ata kanë bërë një pyetje. Koka bie befas përpara, ose nё njёrёn anё duke pritur për reagimin tuaj.

Ujorёt liridashës mund të jenë mjaft gazmor, tё çoroditur, origjinalё, mendjemadh dhe tё pavarur, por ata gjithashtu mund të jenë diplomatike, tё butë, tё këndshëm dhe tё turpshëm. Ujori do të kërkojë pothuajse dëshpërimisht sigurinë e turmave dhe ta mbush veten me miqësi. Pastaj ai do të bie në një magji të errët dhe tё zymtë vetmie dhe do tё dojё tё rrijё absolutisht vetёm. Por edhe nёse ёshtё vetёm apo me tё tjerё, ai do të ketё tё njёjtin perceptim të mprehtë, i cili është në të njëjtën kohë edhe më i thellë dhe më i shpejtë se të tjerët. Urani e bën atë një rebel, i cili instiktivisht ndjen se të gjitha zakonet e vjetra janë të gabuara dhe se ndryshimi drastik dhe revolucionar është ajo qё bota dhe njerëzit kanë nevojë (edhe pse, në qoftë se ai është aktivist nё fushёn e politikёs, ai është aq i mençur sa të mos i transmetojë pikëpamjet e tij, para kohe dhe tё prishё strategjinë e tij ).

Për këtë qëllim, Ujorёt janë gjithmonë duke analizuar situatat, miqtë dhe të huajt. Kjo mund të jetë shqetësuese, kur ata fillojnë të bërë pyetje tё drejtёpёrdrejta, pa takt duke zhbiruar deri nё detaje zemrёn dhe shpirtin tuaj. Kur ata zbulojnë se misteri nuk ishte aq i ndërlikuar sa prisnin, ata mërziten. Asgjë nuk është më fyese se sa njё Ujor, i cili pasi ju ka ekzaminuar me mikroskopin e tij, shkon te personi tjetёr mё interesant, pikёrisht kur sapo ju ka bindur qё ju ishit njeriu mё interesant nё kёtё tokё.

Pavarësisht fiksimit të tyre në miqësi, Ujorёt nuk kanë shumë miq tё ngushtё. Ata kërkojnë sasi dhe jo cilësi në shoqёritё e tyre dhe ata rrallë krijojnё marrëdhënie të qëndrueshme, për më shumë se një periudhë të kufizuar. Ka shumë për të zbuluar nё kёtё botё, qё ai tё mbetet i lidhur me një ose dy miqësi nё mёnyrё ekskluzive.

Ka një lloj tё veçantë izolimi tё Ujori dhe ai shpesh keqkuptohet nga njerëzit. Kjo për shkak se njerëzimi ende nuk e ka kuptuar Utopinё e Ujorёve. Ujori jeton nё tё ardhmen dhe vjen vetёm pёr pak kohё nё tё tashmen. Kjo e bёn atё tё ndihet ndryshe nga tё tjerёt. Ai e ndjen këtë dhe kjo thellon ndjenjën e tij të izolimit. Kështu që ai endet midis reve të tij i vetmuar, ndërsa ne njerёzit e thjeshtë pyesim veten se çfarë ёshtё ai duke bёrё aty. Astrologjia na mëson se "Si mendon Ujori sot, do të mendojё bota pas pesëdhjetë vjetёve." Kjo mund të jetë e vërtetë, por sigurisht qё kjo nuk do ta ngushtojё hendekun mes Uranit dhe pjesa tjetër tё njerёzimit.

Kjo shenjë e Diellit njihet si shenjë e njerёzve qё janё gjeni, pasi mbi shtatëdhjetë për qind e njerëzve në Muzeumet e tё Famshmёve janё Ujorё ose kanё ashedenten e tyre Ujori. Në anën tjetër, ka një përqindje e lartë tё konsiderueshme të personave tё mbyllur në institucionet mendore, ose që shkojnё rregullisht nё seanca me analistё kёshillimi, qё janë gjithashtu tё shenjёs sё Ujorit.

Ёshtё thёnё se ka njё kufi shumё delikat midis gjenialitetit dhe marrёzisё dhe miqtë tuaj tё shenjёs sё Ujorit, ndonjëherë mund t’ju bëjnë qё të pyesni veten se nё cilёn anë ndodhёn ata. Ujorёt janë një përzierje e ftohtësisё, prakticitetit dhe jostabilitetit tё çuditshëm dhe ata duket se kanë një ndjeshmëri instinktive me probleme mendore. Është një fakt i habitshёm që pothuajse çdo Ujor mund të reduktojë ndjeshëm ankthin e çmendurisё te njerёzit me probleme mendore, thjesht duke biseduar me ta në heshtje. Ai ka një aftësi të mrekullueshme për qetësimin e njerëzve histerike dhe pёr tё qetësuesuar fëmijët e frikësuar.

Kёndvёshtrimi i Ujorёve ёshtё aq i gjerë, sa që ju rrallë do të gjeni një që është me paragjykime,vetёm nëse ka ndikime të forta planetare në tabelën e tij tё lindjes. Madje edhe atëherë, ai do të tronditet kur paragjykimi i tij është vënë në dukje. Instinkti i tij i vëllazërisё, është aq i fortё tek ai, saqё nёse ndodh qё njё Ujor tё fajёsohet sё ka qenё jo tolerant, ai jo vetёm nuk ёshtё nё dijeni tё veprimit, por edhe etiketimin do ta urrejё shumё.

Zakonisht, të gjithë janë vëllai apo motra e tij. Ai do të endet nëpër shoqëritё e pasura dhe ato tё varfëra, ashtu me shtambën e tij simbolike, duke mbledhur ujërat e dijes dhe duke i derdhur ato jashtë përsëri, me përjashtim të atyre gabimeve rastёsore. Fshehja e tij nuk zgjat shumё dhe para se tё mendoni se e keni humbur atё, ai do tё kthehet qё tё vazhdojё xhirot e rradhёs. Mos u mundoni të ndërprisni vetminë e tij. Kur ai dëshiron të jetë vetëm, vёrtet e do kёtё gjё dhe do tё insistojё tё rrijё vetёm, por nuk ka hequr dorё nga njerёzit, sepse Ujorёt nuk mund tё jetojnё pa ta.

Zakonisht, është e vështirë pёr tё lёnё njё orar fiks mё njё Ujor pёr tu takuar. Ai do preferonte tia linte rastёsisё takimin, sepse urren tё ndihet i detyruar me obligime nё orar tё caktuar. Megjithatë, ju siguroj se nёse arrini ta bёni atё tju japё fjalёn, ai do tё vijё nё orarin e caktuar dhe mirё ёshtё qё mos ta lini tё presё.

Ai do tju japё mendimin e tij nё mёnyrё tё sinqertё, por ai nuk do të përpiqet tju diktojë se si duhet të mendoni apo se si duhet të jetoni jetën tuaj. Ndёrkohё, ai nuk do qё ju ti tregoni atij si tё mendojё apo tё jetojё. Ai nuk ka dëshirë të japё idetё e tij te tё tjerёt. Filozofia e Ujorёve është se të gjithë kanë tё veçantёn e vet, mendimet dhe dёshirat e tyre unike. Çdo person e drejton vetё kёrcimin e jetёs sё tij dhe individualiteti duhet respektuar.

Ju rrallë do të gjeni njё Ujor tё luftojё pёr njё çёshtje tё madhe shoqёrore. Ata jetojnë sipas kodit tё tyre dhe mendojnë se kjo është e mjaftueshme. Njerёzit e udhёhequr nga Urani, janë shumë të zënë duke gjetur arsyen e revolucionit, duke dëgjuar problemet e njerëzve dhe ndarё tё kuptuarin empatik. Ujori beson në ndryshimin me forcё, por ai e lë dhunën për të tjerët. Ai nuk është një frikacak moral apo fizik. Ai thjesht nuk përshtatet me luftën. Kur një konflikt e kap atë tё papёrgatitur, ai mund të behet konfuz, ose ai thjesht mund të bie dakord, për t'i dhënë fund debatit. Reagimi i tij është e paparashikueshёm, por një gjë është e sigurt:ditën tjetër mendimi i tij do të jetë fiks siç ishte më parё.

Një tjetër arsye pse Ujorёt shpesh kritikohen është se ata janë plot me surpriza. Ata mund t'ju çojnë në perëndim, pastaj papritur të kthehen dhe të marshojnë në lindje, pa asnjё paralajmërim. Ujori ka një tendencё shumё kokëfortë, qё mos tju lejojё tё dini atё qё ёshtё duke bёrё apo menduar.

Ujorit nuk i vjen natyrshёm qё ti besojё njerёzit, tё paktёn jo derisa ti ketё shqyrtuar motivet e tyre dhe pse jo edhe shpirtin, nёse do ishte e mundur. Është e vёshtirё tё qёndrosh i qetё nёn analizën e tij tё çdo fjalë dhe gjesti tuajin. Asnjëherë mos prisni qё Ujori tju vlerёsojё nga pamja e jashtme. Mirësjellje e tij e lindur nuk do ta ndalojё atё tju hedh njё vёshtrim zhbirues nga koka te kёmbёt. Ai dëshiron të dijë se çfarë është pas asaj fytyre dhe ai do të drejtojё disa pyetje tё thella dhe ndoshta edhe te sikletshme , me qёllim pёr tё mёsuar me tepёr pёr ju.

Por është inkurajuese të dini se sapo tju ketё aprovuar dhe pranuar, ai do të jetë besnik dhe miqёsinё e tij nuk do tё mund ta lёkundin as thashethemet dashakeqe. Nëse ju jeni miku i tij i vërtetë, ai nuk do të besojë nё pëshpëritjet negative tё armiqve të tu, edhe pse pa dyshim, ai do ti dёgjojё nga kurioziteti absolut. Megjithatё rrini tё sigurt se ai e ka mbledhur mendjen nё analizёn e fundit.

Sëmundjet e njerёzve tё udhёhequr nga Urani janë lidhur zakonisht me sistemit qarkullues. Ata janë të ndjeshëm ndaj variçeve dhe dёmtimit të arterieve në moshën e vjetër, në qoftë se emocionet e tyre janë të drejtuara në mёnyrё negative dhe ata kanë tendencë që të kenë aksidente nё zonёn e këmbëve, sidomos në shputat e këmbëve. Kyçet janë shpesh të dobëta, dhe mund të kenë dhimbje në këmbë, për shkak të qarkullimit të dobët; shqetёsime tё shpeshta tё fytit dhe nganjëherë rrahje tё shpeshta zemre; probleme kёto zakonisht jo serioze nëse nuk ka ndikime të mёdha në tabelën e lindjes. Ujorёt kanё nevojё pёr shumë ajër të pastër, gjumë dhe stërvitje, por ata rrallë përfitojnë nga këto mundёsi.

Ata nuk mund të marrin shumё ajër të pastër, sepsezakonisht mbyllin dritaret, mbulohen me batanije dhe prapё ankohen se ngrinё sё ftohti. Tensioni i lartё nervor që shoqëron aktivitetin mendor tё Ujorit, i bёn ata tё mos flenё gjumё sa duhet dhe atё pjesё gjumi e kalojnё shpesh me ёndrra tё çuditshme. Shëndeti i Ujorёve është zakonisht i shkëlqyer në fëmijëri, sepse pas ankesave, arrijnё tё diagnostikohen.

Problemet e vërteta do të fillojnë kur sё bashku me moshёn, tё rritet dhe kokёfortёsia pёr tё shkuar nё spital. Këta njerëz janë shumë të ndjeshëm ndaj hipnozës. Nё mёnyrё intuitive, shumë prej tyre e ndjejnë këtë dhe nuk do ta ekspozonin veten ndaj kёsaj eksperience as për dashuri dhe as pёr para, por kjo është e gabuar, sepse sugjerimi i hipnozës nga një hipnotizues i mirë mjekësor mund të heqё me sukses fobitё e tyre të panumërta.

Ujorёt nuk kanë memorien më të mirё në botë, por mё vonё, ata me të vërtetë nuk kanë nevojë për të mësuar përmendësh shumë, pasi duket sikur i marrin njohuritё nё ajёr, nёpёrmjet disa antenave tё padukshme. Përqendrimi i Ujorit mund të jetё i shkёlqyer. Gjithashtu, ata janë nё gjendje të kapin gjёrat qё po ndodhin rreth tyre, nёse ata vendosin ta bёjnё kёtё, si tё jenё radarё. Ata mund të jenё duke diskutuar njё çёshtje tё komplikuar dhe sёrish nuk do tё humbasin asnjё detaj tё asaj qё po ndodh në anёn tjetër të dhomës, nëse ata vendosin ta bёjnё kёtё.

Ndonjëherë ju mund të jeni i bindur se Ujori me tё cilin po flisnit nuk mban mend asnjё gjё nga ato qё diskutuat, por të nesërmen ai do ti përsërisё fjalёt si një magnetofon. Kurrë mos e nënvlerësoni proçesin e marrjes sё njohurive tё personit tё udhёhequr nga Urani, ndonёse mund tё duket i pavёmendshёm dhe me raste i papёrqёndruar.

Çdo burrë apo grua Ujori mendon se është çelёsi i tё ardhmes. Megjithatë, nuk ka asgjë paragjykuese në lidhje me të menduarin e tyre. Si njё shkencëtar i vërtetë, edhe në qoftë se është një mekanik ose një muzikant, Ujorёt nuk do të arrijnё në përfundime, deri sa ta testojnё atё nё mendjen e tij të etur.

Megjithatë, sapo formon një opinion apo mendim, ai mbetet i fiksuar në mënyrë të vendosur në trurin e tij. Aq shumё sa e do ndryshimin në shoqëri apo qeveri, po aq shumё nuk do asnjё ndryshim nё mendimet e veta. Ai është plotësisht me mendje të hapur në lidhje me përparimin dhe emancipimin e botës, por mendja e tij qёndron hermetikisht e mbyllur kur përfshihen sjelljet e tij personale, të cilat mund të jenë papritur konservatore. Ju mund të shihni se liberalizmi i tij ka kufijtë e vet.

Ujorёt përbuzin gënjeshtrёn dhe mashtrimin dhe ata shmangin huamarrjen dhe huadhënien. Ata do tju japin pará si dhuratë, por asnjёherё mos i kёrkoni borxh. Një premtim i thyer apo njё borxh i pashlyer, mund të shkaktojё njё çarje të madhe në miqësinë tuaj. Ujorёt e mbajnë fjalën dhe gjithmonё i paguajnë faturat, prandaj presin edhe të tjerët të bëjnë të njëjtën gjё. Llogaritë e parave nuk u pёlqejnё shumё dhe kartat e kreditit mund ti frikësojë ata. E gjithë kjo dashuri pёr ndershmërinё, megjithatë, ndonjëherë mund të devijojё në sjellje të diskutueshme. Ndonёse ai e urren shumё hipokrizinë dhe sjelljen e dyfishtë, Ujori ёshtё nё gjendje qё tu pёrgjigjet pyetjeve nё mёnyrё shumё tё zgjuar, sa tё japё edhe pёrshtypje tё rreme.

Megjithatë, ai do të zemёrohet shumё nёse kap dikё tjetёr duke pёrdorur tё njёjtёn mёnyrё delikate mashtrimi. Ai rrallë do të tregojё një gënjeshtër të drejtpërdrejtë, por ai mund mund tju bёjё pёr budalla në mënyra shumë të holla, që vështirë se kanё lidhje me ndershmërinё qё ai predikon vazhdimisht. Kërkimi i tij të paepur për të vërtetën dhe dëshira për të fshehur motivet e tij janë tipare të papajtueshme me njёra tjetrёn dhe Ujori duhet përfundimisht të përballet me këtë mospërputhje, në qoftë se ai do të mësojë të vërtetën për veten e tij.

Ujorёt kёrkojnё attribute pёr tё qenë idealistë, ndoshta shumё tё tilla, pasi idealizmi i vërtetë përbëhet prej besimit të verbër dhe optimizmit dhe Urani është shumë mendjemprehtë për të mashtruar veten me çёshtje tё humbura për kohë të gjatë. Ai e di se shumica e ëndrrave janë iluzione, ashtu si ylberi qё ai e ka analizuar gjatё dhe ende e do. Tradita dhe autoriteti nuk i bёjnё aspak përshtypje. Ai me edukatë do ti respektojë, por ata nuk mund ta ndalojnё atё nё rrugёn e tij pёr tё zbuluar mashtrimet, shtrembërimet dhe supozimet e palogjikshme.

Mendja dhe trupi i tij duhet të jetë po aq tё lirë si era. Tё pёrpiqesh te gozhdozh njё Ujor, ёshtё si tё tentosh tё bёsh njё flutur tё mos lёvizё, tё fusёsh njё fllad pranvere nё njё dollap apo tё mbyllёsh njё furtunё dimri nё njё shishe. Kjo nuk mund të bëhet dhe përveç kësaj, kush nё kёtё botё do tё donte ta provonte? Edhe pse ai është aq shumë përpara nё kohë dhe ju keni vёshtirёsi pёr tё kuptuar menjёherё pikёpamjet e tij , ja vlen tё bёni njё pёrpjekje. Pas kёsaj pёrvoje , ju do tё ktheheni padyshim mё i mençur dhe mё shumё i hutuar.

Shpirti i mbajtёsit tё ujit të ujit është i ndarë nёdy pjesёnë mënyrë të vazhdueshme nga Urani, planeti i ndryshimeve tё paparashikueshme dhe të dhunshme, të cilate lejojnё atё të shohin përpara me qartësi drejt të ardhmes. Ujëderdhësi i takon njerëzimit. Ai përfaqëson shpresat e saj mё tё vёrteta dhe idealet mё tё mёdha. Madje edhe metali i tij, uraniumi, nuk është me të vërtetë një metal, por një lёndё kimike radioaktive metalike, qё gjenden vetëm në kombinime.

Personalitete tё Famshёm Ujori

Charles Dickens, Jimmy Durante, Thomas Edison, Mia Farrow, Gable Galileo, Jack Lemmon, Abraham Lincoln, Paul Newman, Louis Nizer, Kim Novak , SJ Perelman, Ronald Reagan, Vanessa Redgrave, Norman Rockwell, Franklin Roosevelt, Ann Sothern

Mashkulli Ujori

Mё lejoni tё hidhem me trimёri direkt dhe në qendër të problemit duke ju thёnё pikёsёpari se mashkulli i shenjёs sё Ujorit nuk sillet nё dashuri ashtu siç veprojnё tё tjerёt, prandaj nuk duhet tё keni pritshmёritё e zakonshme ndaj tij. Nёse e bёni kёtё, do tё merrni njё goditje tё fortё, ndoshta edhe njё sёrё tёrmetesh.Kur vjen puna për të miqësitё, ai është gjithçka qё ju do tё donit tё njё shok apo mik. Dashuria? E pra, ashtu siç ka thёnё dikur njё i njohuri im Ujor "Çdokush mund të ketë një tё dashur. Por dashuria është diçka tjetër." Ky ishte një vëzhgim i zgjuar. Ёshtё e vёrtetё qё dashuria është "diçka tjetër” me Ujorёt.

Një njeri i shenjёs sё Ujorit, nuk dëshiron të zbulojë ndjenjat e tij të vërteta, pavarësisht dёshirёs sё tij tё thekshme pёr tё depёrtuar nё shpirtin dhe ndjenjat e tё tjerёve. Reagimet dhe motivet e veta janë komplekse dhe ai ka për qëllim ti mbajё ato nё këtë mënyrë,thjesht pёr tu kёnaqur ndёrsa bёn shaka me ju.

Shumë përvoja të çuditshme do të kalojё ky njeri, qoftё nga miqёsia apo dashuria dhe ai do tё vёzhgojё dhe analizojё secilёn prej tyre me zell tё madh. Deri sa ju ta çoni atë para altarit, ju jeni vetëm një tjetër përvojë, një tjetër eksperiment, sado e vështirë tё jetё kjo pёr tu pranuar..Edhe ai mund tё mashtrohet, pavarёsisht kujdesit tё tij tё madh. Por, para se të filloni ta mashtroni atë, përpiquni të kuptoni më mirë se si të përballeni me pikёpamjen e tij të veçantë për njerëzit.

Ai është një njeri qё e pёlqen shoqёrinё dhe puna në ekip vjen natyrshëm tek ai. Ujori i kupton rregullat e lojёs sё sportit, si të kishte shpikur ato dhe ai i zbaton këto rregulla në marrëdhëniet e tij personale. Interesat e tij janë të shpërndara ngado. Kjo për shkak se dashuria e tij pёr njerëzit është kaq shumё e papërcaktuar; ai i jep një vlerë të veçantё çdo personi qё takon, ndёrkohё qё pjesa tjetër e njerёzve i bёjnё tё tilla pёrpjekje vetёm pёr njerёzit special tё jetёs sё tyre. Për një Ujor, gjithkush është i veçantë. Dua tё them “te gjithё”. Edhe ata që ai nuk i ka takuar ende. Pak njerëz Urani janë ose egoist apo mendjengushtё.Nёse nё njё moment ai i shfaq kёto cilёsi dhe ju ia vini nё dukje, kjo do ta bёjё atё tё ndihet shumё keq dhe tё reflektojё. Ujorёt thjesht nuk mund ta durojnё tё quhen mendjengushtë.

Ai i përgjigjet idealeve jashtëzakonisht të larta, në sajë të kodit të tij të ngurtë tё moralit (edhe pse do jetё mirё tёkuptoni se ky është kodi i vet, i cili nuk mund tё reflektojё domosdoshmёrisht ose tё korrespondojë me kodin e pranuar nga shoqëria në përgjithësi). Ai do të jetё pothuajse padyshim nё krye tё ndryshimeve, polemikave dhe ngjarjeve të papritura. Megjithatë, shpesh do të ketë çaste qetësie të përsosura, e pamundur për ta gjetur nё shenjat e tjera tё Diellit. Pasi ai e ka kaluar tronditjen, sesi i lejoi vetes tё interesohej pёr njё femёr dhe ta vinte atё nё krye tё interesave tё tij njerёzore, ai mund tё bёhet njё i dashur shumë i vëmendshëm. Zona e rrezikut është para se ai tё kalojё tronditjen.

Duke qenë se ai është mësuar të neglizhojё problemet personale nё interes të shumicës, tё shpresojmë se disa prej kёtyre qëndrimeve do tё ndryshojnё me ardhjen e dashurisё nё jetёn e tij. Por mos mbani shumё shpresa nё kёtё. Shanset janë qё ai papritmas tё kuptojё se po ju kushton shumё kohё dhe besnikёri, kur ka gjithë ata njerёz të tjerё të cilët kanë nevojë për të. Atëherë ai mund të tёrhiqet mbrapsht, për ti provuar vetes sё tij senuk e ka humbur dashurinë për miqtë e tij dhe pjesën tjetër të njerëzimit, nga lidhja qё ka krijuar vetёm me njё person.

Gjithmonё duke analizuar, mashkulli Ujor shpesh do tё pyesё veten, "Vras mendjen, çfarë do të thotë ajo me këtë?"Ai nuk do të pushojё deri sa ta gjejë se çfarё ёshtё ajo. Një mister e bёn atё tё paduruar, ndaj mos u mashtroni nga moskokëcarja e tij. Kur ai ndjen se diçka është e fshehur, ai nuk do të flejё natën deri sa ta nxjerrë në dritë kёtё mister. Ka gjithmonë mundësi që ai tё zhgënjehet nga ajo qё gjen, prandaj sigurohuni qё t’ia vlejё ajo qё do tё zbulojё. Nëse nuk ia vlen, ai do ta thotё pa keqardhjen mё tё vogёl dhe menjёherё do fillojё tё kёrkojё tё zbulojё diçka tё re.

Vajza që dëshiron ta pushtojё atё pёrfundimisht, sё pari duhet ta intrigojё atё. Një libër i hapur kurrë nuk do tё tёrheqё kuriozitetin e tij. Sa mё tё mbyllura faqet, aq me shumё ngjallet instikti i dedektivit tek ai. Kur një femër ose e injoron atë, ose i qёndron besnike bindjeve tё veta, (në fillim të paktën), sytë e tij do të hapen pak mё shumё se zakonisht dhe fytyra do ti marrё njё pamje alarmuese, njёsoj si ajo e njё dedektivi, tё cilit diçka i mungon nё skenёn e krimit. Pse është ajo kaq e emocionuar? A është ajo me të vërtetë e paqёndrueshme apo bёn si e tillё?

Çfarë e plotёson atё mё shumё? Ndërsa ai heton, pyet dhe analizon, vajzёs nё fillim i bёhet qejfi nga gjithё ky interes qё tregon mashkulli Ujor, por kur ajo e sheh se ai është po aq kurioz për kamerieren që sapo u shërbyeu, ajo fillon të ftohet disi. Tё ndihet sikur ёshtё nёn lupёn e një shkencëtari nuk është pikёrisht ajo qё mund tё shkaktojё rrahjet e zemrёs te njё vajzё. Pra, ajo më në fund do tё shohё pёr një mashkull më të zjarrtë dhe Ujori do tё psherёtijё me trishtim pёr njё çast ose dy, para se te fillojë hetimin e tij të ardhshëm romantik.

Mashkulli Ujor mund tё jetë i butë dhe i urtë, por nuk duhet tё harroni se qetësia e tij sipërfaqёsore është një mirazh. Ai nuk do të tolerojë asnjё moment oportunizmi nga një femër. Nëse ai mendon se ai është duke u shfrytëzuar, atёherё sharmi i paparashikueshёm i Uranit, mund të zhduket në mënyrë të shpejtë. Gjëja e frikshme është se njё Ujor shumё i nevrikosur, është në gjendje të bёjё veprime shumё tronditёse. Çfarë është edhe më e frikshme është se ju mund të falni atë. Mos e bёni! Të paktën, jo më shumë se një herë. Ai e admiron një grua që respekton dhe ruan territorin e vet, nëse ajo nuk është shumë mashkullore në lidhje me të dhe nëse ajo e lejon atë të fluturojë herё pas herё,i pakufizuar nga premtimet e squllta dhe akuzat e mbytura në lot.

Disa nga njerëzit e udhёhequr nga Urani e adhurojnё pastërtinё. Ju mund të pёrplaseni verbalisht me tё nёse pёrdorni peshqirin e tij apo të merrni frymë mbi ushqimin e tij. Pas kёsaj qёndron njё fobi gati neurotike ndaj mikrobeve dhe sëmundjeve. Ujori nuk i lejon fobitё tё ndikojnё nё jetёn e tij dashurore,edhe kur ato mund tё sherbejnё pёr njё qёllim tё caktuar, edhe pse ndonjёherё ai mund ta bëjë këtë në mënyrë të pandërgjegjshme. Mos u habitni nëse ai ankohet se është alergjik ndaj buzёkuqit qё keni vendosur dhe kjo e bёn atё të teshtijё.

Ai nuk është tipi që tju bindë me gjeste ekstravagante. Ai ka mё shumё gjasa tё kёpusё njёluleradhiqe dhe t’jua hedhё nё flokё, sesa tju sjellё njё orkide apo gladiolё. Për të qenë e sinqertë, më shumë ndodh ky skenar. Ai nuk do tju japё diamante dhe peliçe tё shtrenjta. Por jeta me të ende mund të jetë joshëse, edhe pa shkёlqimin e gurёve tёçmuar.

Tani le të përballemi me guxim me faktin mё tё keq. Pa anashkalime dhe supozime. Atёherё, ndryshe nga Gaforrja, Luani, Bricjapi dhe Peshorja, Ujorёt nuk e mendojnё martesёn si fёmijёt mendojnё karamelet. Për të qenë të sinqertë, shumica e tyre e shmangin atë për aq kohë sa është e mundur.

Një Ujor mashkull rrallë do të bindet tё martohet nё moshё tё re dhe statistikat japin shifra jo inkurajuese. Bllokimi ndaj martesёs, zakonisht fillon me miqësinё e lavdishme, tё bukur, tё mrekullueshme qё Ujori krijon mbi bazёn e dashurisё. Ata zgjedhin një vajzë e cila është gjithashtu një shoqe e ngushtë dhe qё mund tё ndajnё tё njёjtat interesa. Pse? Kjo është e lehtë. Me kaq shumë tema për të folur, ka më pak kohë për të dhёnё dhe marrё dashuri, të cilat mund ta bёjnё atё tё përfshihet seriozisht dhe të përkushtohet maksimalisht. Femra etij ideale është ajo qё mund tё jetё dhe shoqja e tij mё e mirё, e cila nuk ka kërkesa të mёdha emocionale për të. Ku do të shkojnë prej kёndej? Zakonisht, askund!

Meshkujt e Ujorit e kanё të vështirë qё tёjenё tё lirshёm nё shprehjen fizike të dashurisë. Puthja e parё mund tё dojё kohё tё gjatё tё materializohet. Duhet pranuar se shpesh herё ёshtё me vlerë ta presёsh atё dhe pritja e bёn edhe mё tё veçantё. Edhe pasi tё gjejё guximin për tё thënë "të dua", ai do ta shmang çështjen e martesës me çdo justifikim tё mundshёm. Kur justifikimet mbarojnё, ai mund tё mendojё disa tё tjera imagjinare. Ai do tju shpjegojë me durim që nuk mund tё kujdeset pёr ju në mënyrën që meritoni, prindërit e tij kanë nevojë për tё në shtëpi, ose se ai nuk është nё nivelin e duhur pёr ju.

Nëse kjo nuk funksionon, ai do të pretendojë se e ardhmja është shumë e pasigurt, sidomos me kërcënimet nga shkatërrimet bërthamore dhe tё tjera rreziqe. Megjithatё, ky nuk ёshtё fundi i gjithçkaje. Edhe pse është e vërtetë se shumica e Ujorёve martohen vonë, ata do të martohen njё ditё. Natyrisht, do ta bёjnё kёtё papritur- si njerёz tё Uranit qё janё.

Në fazat e hershme tё lidhjes suaj, ju mund të mendoni se ai ka nevojë për një mësim dhe ju vendosni qё ta bёni atё tё mendojё se ju ka humbur. Më lejoni tju paralajmёroj se ai qё do tё humbasё jeni ju. I dashuri juaj Uran nuk do tё vijё zemёrthyer pas jush, me lot nё sy dhe tё thotё me zё tё mekur “ Mё jep njё mundёsi tё dytё”. Ai do tё heqё dorё nga ju me njё lehtёsi fyese. Madje mund tё shkojё deri aty sa tju drejtojё pyetjen :” A mund tё mbetemi shokё”? Në qoftë se ju i thoni nё mёnyrё tё prerё se kjo ёshtё e pamundur, ai ndoshta do tё mbledhё supet dhe do tё largohet ngadalё, pa e kthyer kokёn pas. Nëse ju i pёrgjigjeni pozitivisht, ateherё do ta filloni aty ku e niset- si shokё.

Xhelozia nuk është pjesё e Ujorit. Ai do t’ju besojё derisa ti vёrtetojё tё kundёrtёn. Jo sepse ai ёshtё natyrё qё beson, por sepse shqyrtimi i tij analitik, e ka bindur tashmë atë në lidhje me karakterin tuaj. Nëse ai ka një goditje tё rrallë xhelozie, ju nuk do ta merrni vesh, nёse ai nuk e tregon vetё. Ai rrallë(nëse do tё ndodhё ndonjёherё) do të jetë fizikisht i pabesë vetë, kryesisht për shkak se e gjithё tema e seksit, edhe pse interesante, nuk e tёrheq atë. Pasi një Ujor ka zgjedhur partnerin, ai relaksohet dhe përqëndrohet në gjëra më të rëndësishme. Ai mund të hetojë i qetё marrëdhënien djalë-vajzё ose burrë-grua, në kohën e lirë, në laboratorin e tij privat.

Marrёdhёnia seksuale pёr njё Ujor ёshtё pjesё e njё imazhi apo ideali mё tё gjerё. Nёse ai tundohet tё hyjё nё njё marrёdhёnie tё ndaluar (tё palejueshme pёr sytё e tij) ai zakonisht do ta pёrfundojёatё befas, edhe pse kjo mund ta lёndojё atë thellë, në vend qё të vazhdojë atë që ai e konsideron të jetë një marrëdhënie e pandershme. Situata që e bëri atë të ndjehet fajtor mund të jetë pothuajse çdo gjë, nga mosmiratimi i prindërvetё tu ose një premtim që ai bëri vetes kur ishte tetё vjeç, apo diçka që ai lexoi një herë në një libër. Çfarёdo qё tё jetё, ai duhet ti japё zgjidhje pёrpara se tё ripёrtёrijё marrёdhёnien, pavarёsisht se kjo dashuri mund tё jetё e destinuar pёr tu bёrё. Ujori gjithmonë do ta le zemrën e tij tё thyhet nё heshtje, ndёrsa ёshtё duke dёgjuar dhe biseduar mё shokёt e tij.

Ai është i aftë për të pritur deri sa tё jetё nëntëdhjetë vjeç për tju kërkuar, ndonёse ju mund tё mendoni se ёshtё pak vonё pёr tё pritur kaq gjatё. Më e keqja nga tё gjitha ёshtё se ai nuk do tju japё ndonjё arsye pёr ndarjen..Ai do tju çoroditё ju duke ju bёrё tё mendoni se e gjithё kjo ishte vetёm njё fantazi qё prej fillimit. Mund tё jetё mizore, por kjo është mënyra se si ai e luan lojën.

Nga tё gjitha kёto qё sapo thashё, ju mund tё arrini nё pёrfundimin se mashkulli i shenjёs sё Ujorit mund tё jetё mjaft kokёfortё, kur vjen puna tё dashuria. Keni shumё tё drejtё. Fiksimi i tij nё çёshtjet e afeksionit mund tju bёjё ju tё kurdisni ndonjё plan idiot ose tё hidheni nё krahёt e dikujt tjetёr nё momente dёshpёrimi. Kjo është një humbje e madhe kohe. Ai nuk është xheloz, e mbani mend? Edhe nёse ёshtё , nuk do ta tregojё kёtё. Përveç kësaj, me intuitën e tij tё Uranit, ai e di se e gjitha kjo ёshtё thjesht aktrim. Mos harroni, ai të ka studiuar për një kohë të gjatë. Prandaj e vetmja gjë që ju mund të bëni është tё shpresoni që do të vazhdoni të jeni tërheqëse në moshёn nëntëdhjetë vjeçare.

Pasi tё martoheni, bashkёshorti juaj Ujor mund tё ushtrojё njё farё pushteti mbi ju. Mos e lejoni tju prishi ekuilibrat. Në sajë tё tendences së përjetshme tё Uranit për miqësi, kurdo dhe kudo që ta gjejë atё, mund të ketë raste kur ju nuk do të dinë se ku ndodhet ai, edhe pse tashmё jeni bashkёshortja e tij. Por bindeni veten se, pavarёsisht sa vonё qёndron ai me njё mik, ose sa vonё vjen nё shtёpi nga puna, kjo vjen vetёm nga kureshtja e tij e pafund pёr njerёzit dhe punёn. Nëse shoku është femёr, bёni sikur nuk e dini kёtё Ju mund të prisni të vёrtetёn absolute prej tij, kur i drejtoni njё pyetje të drejtpërdrejtë.

Por nëse keni ndonjë dyshimnё atё qё thotё dhe e pyesni përsëri, ai do të mendojё se ju nuk doni të vërtetën. Për t’ju ndëshkuar, ai do të sajojё historinë mё tё egёr ( dhe ai mund të përfytyrojё disa mjaft të egra). Ju mund tё pendoheni pёr dyshimet tuaja, pasi tё kaloni disa orё duke vrarё mendjen nese ai vёrtet e takoi atё vajzёn flokёkuqe me trup tё mahnitshёm. Mos u ofendoni kur ai kёrkon tё rrijё vetёm me ёndrrat e tij, nё njё nga ato ditёt qёёshtё i heshtur. Ai do të kthehet për ti ndarë ato me ju, mё gjithё ngrohtёsinё dhe butёsinё e mundshme. Çdo gjё qё ngroh shpirtin e tij duhet tё inkurajohet.

Shumicёn e kohës Ujori do të jetë i arsyeshëm në lidhje me paratë, por duhet tё kurseni kur keni mundёsi dhe mos i zbrazni llogaritё bankare. Ai asnjёherё nuk do ti miratojёshpenzimet e tepruara nga ana juaj. Ndonjëherë ai mund t’ju befasojё me bujarinё e tij, por ai nuk do ta teprojё, vetёm nёse ka njё ashedente mbizotёruese te Dashi, Luani, Shigjetari ose Peshqit. Madje edhe atëherë, ai do tё jetё i kontrolluar.

Fëmijët do ta quajnё atё dёgjuesin mё tё madh nё lagje. Ai do të mahnitet nga fryma e fuqishme e ujkut qё donte tёhante tre derrkucat dhe do tё jetё kurioz nёse Borёbardha e kafshoi mollёn e helmuar nga mbretёresha magjistare. Telashet e një djali të vogël pёr tё mësuar se si të ndёrtojё njё shtёpi dhe sytё me lot tё vogёlushes para kukullёs sё thyer, janë thjesht problemet e disa miqve në telashe, për një baba Ujor. Ai është një kampion pёr pyetje të ndërlikuara aritmetike, gjithashtu.

Mos lejoni qё karriera juaj të bëjë që ju ta lini pas dore burrin tuaj Ujor. Mos i ftoni shoqet tё ulen nё kolltukun e tij tё preferuar ose tё flisni me to nё telefon pёr orё tё tёra nё prezencё tё tij. Mos u ngulni para televizorit pёr tё parё telenovela apo tё lexoni njё roman, kur ai dëshiron që ju të gjeni topin e tij të vjetër në papafingo apo ti hiqni njё cifël nga gishtin e tij. Ai ёshtё martuar me ju pёr disa arsye. Edhe pse romanca mund të luajë rolin e saj, arsyeja më e rëndësishme ishte që tju ketë ju rreth vetes, kështu që ai gjithmonë do të ketë dikё për ti bёrё purenё me patate, pёr ti qepur kopsat, pёr ti gjetur sendet qё i kanё humbur. Ai nuk do qё televizori, libri apo shoqet tuaja tё ndёrhyjnё nё kёto detyra. Ideja e tij për një bashkëshorte dhe nënёtë mirë është fare e thjeshtë: një grua që kujdeset pёr tё pothuajse nёçdo moment.

Por ju nuk duhet tё merakoseni shumё pёr kёtё pjesё. Ai është kaq plot i mbushur me surpriza interesante, sa ju nuk do keni nevojё pёr telenovela, revista, apo biseda me shoqe , pёr tu mbushur me emocione. Ju gjithmonë mund tju krijohet mundёsia pёr tё bёrё thashetheme me shoqet tuaja, kur ai tё jetё i zёnё me njё projekt tё ri dhe mos ta ketё shumё mendjen tek ato qё ju jeni duke bёrё. Por vetëm sigurohuni qё do jeni aty, kur ai tё lёndojё gishtin, sepse ai mund të bёhet një idhnak i vërtetë kur lihet pas dore.

Çuditёrisht, ndonёse ai është shumё realist në lidhje me gjërat më të mёdha,Ujori kurrë nuk do të harrojë dashurinë e tij të parë. (Nuk është takimi i parë, por vajza e parë qёi dha atij një ylber.) Ujorёt shpesh martohen me tё dashurat e fёmijёrisё shumё vite mё vonё, ose kapen pas një iluzioni tё venitur. Një Ujor zakonisht mund ta përshkruajë dashurinë e tij të parë në mënyrë të detajuar, qё mund të jetë e bezdisshme për partneren aktuale. Zgjidhja është që të bёheni ju dashuria e parё dhe ti dhuroni ylberin.

Pavarësisht ngathtësisё sё tij romantike, ai mund tju thotё fraza të papritura, të cilat mund tё duken se janё shpikura nga engjëjt. Ai mund të harrojë pёrvjetorin tuaj të dasmës, por ai do t'ju sjellë trёndafila në janar. Krishtlindja? Kush thotë se duhet të jetë më 25 dhjetor? Mund të jetë nё çdo kohë që ju dëshironi që të jetë. Ai mund të kalojё ditë apo javë apo muaj pa një fjalë të vetme dashurie. Pastaj një mëngjes, ndërsa ju jeni duke prerё byrekun e preferuar me spinaq, ai do të shikojë thellë në sytë tuaj dhe do tё tё pyesё me butёsi, "A e di se sa e bukur je?"Mёnyra sesi e thotё do tё bёjё qё gjunjёt tuaj tё dridhen.

Viti i Ri nё breg tё detit, ditëlindje në agim. Dita e Shën Valentinit në Halloween, ylberёt nё mesnatё. Një zemër e kuqe gdhendur në një kungull ngjyrё portokalli, vezët e Pashkëve tё vizatuara në dëborë, dritë qirinjsh mbi tortën e vendosur nё kuvertёn e njё anijeje- ju jeni dashuruar me njё Ujor, harrove? Por duhet tё bёsh kujdes. Mund tё humbasёsh nё Botёn e Çudirave! 　

Gruaja Ujori

Mënyra më e sigurt për të hyrë në romancë me një femër tё shenjёs sё Ujorit, është të mbani mend se ajo është aq paradoksale në dashuri, ashtu si në çdo gjë tjetër. Është e mundur që të keni një marrëdhënie të lumtur me femrёn e udhёhequr nga Urani, në qoftë se ju nuk e lini atё tё lirë për të ndjekur interesat e saj të panumërta dhe të qarkullojë në mesin e miqve të saj. Asnjëherë mos u përpiqni ta lidhni atë në kёmbёt e tavolinёs apo krevatit. Pyesni dikё qё e ka provuar, sesi ka qenё rezultati. Ajo papritmas mund të vendosë tё studiojё balet, tё bёjё ekskursione nё male apo tё bashkohet me Korpusin e Paqes. Ajo i takon të gjithëve dhe askujt.

Dashuria e saj mund të jetë e ndjeshme dhe frymёzuese, por gjithmonë do të ketë një cilësi të turbull tё pakapshme në lidhje me të, si një këngë qё ju vjen nё mend. Ju mund të fishkёllёni melodinë, por fjalёt nuk ju vijnё. Kërkesa e vajzës Ujor për liri është këmbëngulëse, por besnikëria e saj për të gjithë ata që mund ta pranojnë romancën brenda kufijve të tilla, është e pakufishme. Këtu ka diçka që ju do të dëshironi ta dini: Ajo nuk do tё jetё e interesuar pas llogarisё suaj bankare. (vetёm nëse ka Gaforren, Bricjapin ose Demin nё ashedenten e saj ) . Paraja nuk është parёsore pёr njё femёr tipike Ujori. Ajo nuk do të merakoset nёse ju nuk jeni burri mё i pasur nё qytet, por ajo do të presё që ju të respektoheni në një farë mënyre për arritjet tuaja intelektuale.

Kur tё vendosni për të kapur këtë flutur në rrjetёn tuaj, mos harroni se ajo kurrë nuk do ta kalojë jetën e saj të paparashikueshme me një burrë që nuk është i vërtetë për veten e tij.

Kodi i saj i etikës mund të jetë me i çuditshëm se çdo gjë tjetёr qё ju keni parё ndonjёherё dhe krejt i ndryshёm nga kodet e pranuara të shoqërisë, por ajo jeton tërësisht sipas tij. Ajo do të kuptojёqë rregullat tuaja mund të jenё gjithashtu shumë individuale. Kjo është në rregull pёr të, por nuk do tё bёjё kompromiseme këto rregulla. Nëse jeni duke kërkuar për një lule pasionante, ju keni zgjedhur lulen margaritё tё gabuar. Pasioni nuk është pika e saj e fortё, nёse ёshtё njё Ujor tipik. Ajo do të mendojё se dashuria fizike është mjaft e këndshme, nëse nuk mbivlerёsohet.

Me fjalë të tjera, ajo mund të marrë ose lëre atё pa u menduar dy herё. Femrat e Uranit mund ti pёrgjigjen dashurisё intime fizike mё njё intensitet të thellë, por në qoftë se ju preferoni ti mbani gjёrat platonike për periudha të gjata kohore, prapё ёshtё nё rregull pёr tё. Ashtu si të gjithё personat e Ujorit, ajo mund të ketë një frikë të pandёrgjegjshme se dёshira pёr njё person, do ta burgosё atё dhe do ta mbajё larg dashurisё sё saj mё tё madhe- lirisё sё pakushtёzuar.

Mungesa e saj e dyshimit në rrethana normale është një bonus i veçantë. Një biznesmen i rёndёsishёm qё udhёton shumё, do tё gjejë vajzën e ëndërrave te femra tipike e Ujorit. Nëse ajo me tё vёrtetё ju kap duke e tradhёtuar, kjo do ti shkaktojë një plagë të thellë, pёr shkak tё natyrës sё saj të ndjeshme. Ju do të kuptoni kёtё sapo tё brenda syve tё saj tё çudishёm. Por ajo nuk do të të dyshojё pa shkak dhe ajo rrallë do të vё nё dyshim fjalën tuaj. Gruaja tipike e Uranit kurrë nuk do tju kontrollojё pasi tё largoheni nga ajo. Kjo femёr nuk do tё telefonojё nё zyrё pёr tё parё nёse jeni aty apo tё kontrollojё shamitё tuaja pёr njolla buzёkuqi apo fije flokёsh bjondё nё rrobat tuaja.

Mashtrimi dhe pabesia duhet tё demostrohen fuqishёm para sajqё ti tёrheqё vёmendjen, pasi ajo nuk do të dalë në kërkim për të. Para se ti jepni asaj shumë atribute, merrni nё konsideratё se mungesa e saj e xhelozisë pasionante është për shkak të diçkaje më tё madhe se forca e karakterit. Para së gjithash, ajo ndoshta e ka analizuar psiqikën tuaj nën një mikroskop, para se tju hidhte shikimin e dytё.

Përveç kësaj, ajo ka kaq shumë interesa tё tjera dhe kaq shumё njerёz pёr tё biseduar mё ta, sa qё nuk ka shumë kohë tё shqetësohet për atë që jeni duke bërë, kur nuk jeni me tё. Tё qёnit larg nga sytё pёr njё Ujor, shpesh do tё thotё se je dhe larg nga mendja. Mungesa e partnerit, rrallë e bën zemrën e Uranit të rrahё fort. Me raste, një grua Ujor do të vuajë pёr dikё qё e tёrheq, sepse ka diçka, që ajo ka nevojë për të,tё cilёn ajo mund ta gjejё vetëm tek ai. Nga ana tjetër, në qoftë se ajo nuk ka nevojë për ju, atёherё forca morale do të punojë në të kundërt dhe kjo do jetё prova e parë e vërtetë e të qenit e pabesё. Ajo thjesht do të largohet. Mos u mundoni tё ndizni qymyrin, pasi do jetё thjesht njё gur i ftohtё. Sigurisht, ju ende mund të jeni miq. Pse jo?

Ajo është e diponueshme nёçdo moment pёr tё gjithё. Njё vajzё Ujori gjithmonё mund tё jetё dashamirёse me ish tё dashurit apo ish- bashkёshortёt. Ajo e harron të kaluarën dhe i fshin kujtimet e vjetra. Ka një përjashtim tё veçantë dhe tё dukshëm nga ky rregull. Ashtu si mashkulli i Uranit, edhe femra e udhёhequr nga ky planet, do ta mbajё mend dashurinё e parё tё vёrtetё dhe tё sinqertё gjatё gjithё jetёs sё vet. Por vetёm kёtё dashuri tё parё. E keni pyetur veten nёse ajo vajza Ujor qё donit dikur ju kujton akoma? Përgjigjia varet nga përkufizimi i saj i dashurisë.

Femrat e udhёhequra nga planeti i Uranit, rrallё do tё pёrfshihen nё marrёdhёnie jashtёmartesore. Ato mund të joshen në situata të jashtëzakonshme, por një marrëdhënie e pandershme shkon kundër kimisёsë tyre. Nё ato raste tё rralla kur ndodh, kjo romancё zgjat shumё pak. Megjithatë, ka shumë gra tё divorcuara tё shenjёs sё Ujorit. Ka një arsye pёr kёtё fenomen. Nëse një situatë bëhet e patolerueshme, natyra e Uranit bёhet e ftohtë akull papritmas. Ata mund të zhduken brenda natës dhe kurrë mos ta kthejnё kokёn pas. Ata nuk e kërkojnë, as i gёzohen divorcit, por edhe tronditje shokuese nuk është pёr ta. Ju e dini qё Urani ёshtё planeti i ndryshimit. Femra e Ujorit, kurrë nuk heziton të bëjë rrugën e saj e vetme, nëse lind nevoja.

Presni qё ajo tё hetojё zemrёn tuaj derisa tё mos ketё asnjё tё fshehtё brenda saj, ose asnjё endёrr tё pa analizuar. Por asnjёherё mos u pёrpiqni tё njihni mendimet e saj personale. Kjo ёshtё mёnyra sesi e luan lojёn njё Ujor. Ajo do ti mbajë motivet e saj të fshehura dhe ndonjëherë do të ndiejё kënaqësi ndёrsa qёllimisht ju bёn konfuz. Ajo zakonisht do të jetë e sinqertё pёr gabimet, por mos harroni, me një Ujor, tё thuash njё gёnjeshtёr ёshtё njё gjё; tё mos thuash gjithё tё vёrtetёn ёshtё njё gjё tjetёr.

Pamja e saj është e mistershme. Shumica e grave tё shenjёs sё Ujorit janë të bukura, me një bukuri tё paqetё. Por ato janë të ndryshueshme. Ato mund të japin një përshtypje tё kremit tё vaniljes, pastaj papritmas tё bёhen si pica pik ante dhe nё njё moment tjetёr tё bёhen si njё rrufe shndritёse elektrike Urani. Femrat e Ujorit shpesh janë gratë më të bukura tё zodiakut. Mё e pakta, ato kanё njё pamje interesante. Mënyra sesi vishet njё femёr Ujori, mund t’ju bёjё tё mbani frymёn dhe tju dalin sytё vendit nga habia.

Ka disa prej tyre që mund ta hijeshonin kopertinёn e njё reviste mode, por zakonisht, vajza Ujor do ketё veshje shumё konvencionale. Ajo mund të veshё disa fustane qё dhe njё cigan do ti kishte zili dhe individualiteti i saj i veçantё, mund të prodhojë disa kombinime të fuqishme unike. Ajo zakonisht do të jetë e para për të provuar një modë të re, pa marrë parasysh sa ekstravagante mund tё jetё, por ajo gjithashtu mund të veshё edhe stile tё vjetra nё modё, tёepokёs sё gjyshes sё saj. Ajo mund të veshё këmishën e natёs me dantella në një banket formal, pupla struci në supermarket, pantallona të gjera nё fund kur shkon nё opera, atlete në teatër ose diamante kur viziton kopshtin zoologjik.

Një bisedë me të mund të jetë mё e pakta, e jashtëzakonshme. Ajo ka sjellje tё kёndshme dhe zakonisht sillet në një mënyrë të turpshme, pothuajse të rezervuar. Pastaj vjen një nga ato momentet e papritura tё Uranit dhe ajo do thotё diçka qё mund tё mos ketё asnjё lidhje me bisedёn qё po bёhet. Mendjet e tjera mund të përparojnë me hapa mjaft logjike, por mendja e saj do shkojё nё tё ardhmen, pastaj do kthehet nё tё tashmen me shpejtёsinё e njё rreze drite.

Herё pas here, ajo do të lёshojё papritmas ndonjё frazё prekёse. Nё fillim tё paqartё- pastaj praktike. Njё herё tё ndrojtur- pastaj tё rrёmujshme. Asnjёherё mos e nёnvlerёso njё femёr tё Ujorit. Ajo nuk e duron dot mos ta trajtoni tё barabartё me ju dhe njё qёndrim mospёrfillёs do ta bёjё atё tё pakapshme pёr ju.

Duke qenё se Urani udhёheq tё ardhmen, ju mund të imagjinoni që këto femra do të jenё nëna me ndjesi mёmёsie natyrore. Fëmijët, në fund të fundit, i përkasin së ardhmes. Por gruaja mesatare Ujori, mund të hutohet nga mëmësia në fillim. Ajo duhet të përshtatet qё ti kushtojё gjithёvëmendjen dhe energjinё e saj, vetëm njё personi, për një periudhë kohe, kur ajo është mёsuar tё shpёrndahet shumё mё gjerё.Ftohtёsia e saj natyrore mund ta bëjë të vështirë për të, që të tregojë dashuri dhe afeksion nga pamja e jashtme. Nëna tipike Ujor është e përkushtuar për pasardhësit e saj, por edhe të shkëputur disi ndaj tyre. Ajo do të flasё për orë të tëra me shokёt e vegjёl tё fёmijёve tё saj, duke e bёrё bisedёn nё nivelin e tyre dhe ajo do të heqë dorë nga pasditet e saj, për të punuar për një projekt të ri tё shkollës. Fëmijët do të marrin mësimete para tё vëllazërimit dhe humanizmit fillimisht duke e vёzhguar atё.

Nënat Ujori nuk janë mbrojtëse të ashpra pёr fëmijët e tyre. Ata marrin një pamje tolerante edhe para rrëfimit më befasues. Një grua Urani rrallë do të dënojë një fëmijë,pasi ai ka thënë të vërtetën, pa marrë parasysh atë që ai ka bërë. Me këndvështrimin e saj jo paragjykues, ajo do të fitojë besimin e plotë të fёmijёve tё saj tё vegjёl. Ajo mund të kthejё lotët e tyre nё të qeshura në çast. Fëmijët do të gjejnё argëtim tё këndshëm te ajo, jo tё rrёmujshme, të relaksuar për punët e shtëpisë, të dobishme me detyrat e shkollёs dhe të butë kur ata janë të sëmurë. Ajo nuk do të mbysё ata me dashuri dherrallë do ti bezdis.

Edhe pse Urani pëlqen të kundërtat e rregullave ekzistuese të gjërave, pёrpara se femra juaj Ujor tё bëhet nënë, ajo duhet tё bёhet bashkёshorte.

Dhe para se ajo të bëhet gruaja juaj, ju duhet ta keni bindur atë se martesa nuk është sinonim me burgun famёkeq tё Alkatrazit. Ajo nuk do të nxitojё pёr tu martuar. As nuk ka pёr tё rendur për të marrë mbiemrin tuaj deri sa t’ju ketё peshuar mirё,tju analizojё dhe testojё deri nё imtёsi. Mendimet e miqve dhe familjarёve tё saj nuk do të thonë asgjë pёr tё, edhe pse ajo mund ti pyesё se çfarë mendojnë, thjesht nga kurioziteti. Ajo ka njёsinё e vetё matёse pёr tju vlerёsuar ju. Duke supozuar që do ta kaloni testin e saj, martesa me një vajzë Ujori mund të jetë konfuze. Ajo do tju dëgjojë me vёmendje kur ti jepni kёshilla, por seç ka diçka nё formimin e personit tё udhёhequr nga Urani, qё e pengon atё tё marrё udhёzime direkte.

Duke qenё se natyra e saj ёshtё kaq e jashtёzakonshme, shprehja e ndjenjave tё thella ёshtё e vёshtirё pёr tё. Por sapo ato gjejnё njeriun e duhur, lidhja e tyre do tё jetё njё nga ato modelet e lumtura. Kufiri mes të miqësisë dhe dashurisë është shpesh i dukshmё pёr tё gjithё njerёzit, por i padukshme për njerёzit e shenjёs sё Ujorit. Këngët e dashurisё për njerëzit që i kanë sytë vetëm për partnerin e tyre, janё pa kuptim pёr femrёn e Ujorit.

Ajo do të jetë e gatshme, ti mbani dorën dhe tё ecni pranë saj, ndёrkohё qё ajo shikon me kënaqësi lindjen e diellit, një makinë antike, kalin e shitësit tё qumështit, një kazan plehrash të verdhë, një buf tё mbushur apo një tullumbace tёkuqe tё ngecur nё pemё. Por mos i kёrkoni asaj mё shumё afrimitet sё bashku. Lejojeni atё të endet nëpër botёn e saj tёçudirave kur ajo e kёrkon kёtё dhe ajo nuk do tju bezdisё kurrё, ndёrsa jeni duke kaluar kohё me shokёt tuaj.

Mënyra mё e shpejtë për ta humbur atё janë xhelozia, paragjykimi, posesiviteti, kritikat dhe konservatorizmi. Ju gjithashtu duhet tё pёlqeni dhe pranoni miqtё e saj, të cilët do të vijnë në të gjitha format dhe madhësitё e çuditshme.

Ajo është e ndjeshme ndaj goditjeve tё papritura tё frymëzimit dhe intuita e saj është e mprehtё. Gjykimi i saj nuk mund të duket i shëndetshёm ose praktik në fillim, sepse ajo sheh muaj dhe vite përpara. Vajza Ujor jeton në tё nesërmen dhe ju mund të shkoni atje, vetëm nëpërmjet asaj. Çfarё do që ajo thotë do të bëhet realitet, ndoshta pas shumë vonesash dhe problemesh, por nё fund do tё realizohet. Unë mendoj se në fund të fundit, kjo është gjëja më e veçantë në lidhje me gruan tuaj tё shenjёs sё Ujorit. Ajo ka pak magji brenda saj.

Fëmija Ujori

Kjo foshnjё është bërë nga lënda e parë e Uranit dhe ai/ajo do të bëjë që ta ndiqni atë drejt të nesërmes.Njё i porsalindur i Ujorit është masё e ndjeshme, kokёfortё, e pavarur shpikjesh dhe impulsesh elektrike. Edhe në qoftë se ai ka një mbizotërim tё ashedentes sё Demit, të ngadalshëm dhe të kujdesshëm, proçeset e tij mendore do të jenё tё shpejta si vetëtima e Uranit. Çdo prind mendon se fëmija i tij është i veçantë, i ndryshëm dhe unik, në krahasim me fёmijёt e tjerë. Por ky Ujor i porsalindur, është thjesht i paparashikueshёm.

Shumica e prindërve të një fёmije Ujor janё nё dilemё nёse duhet ta dёrgojnё atё nё njё fshat tё thellё, ku nuk do ketё mundёsi tё shqetёsojё dhe frikёsojё fqinjёt, apo ti lёnё njerёzit rrotull tij, me shpresёn se njё ditё do fitojё çmimin pёr shpikjen mё tё madhe. Cilёn rrugë duhet të ndjekin? Dilema ёshtё e madhe. Çmimi i parё pёr shpikje ёshtё i mundur, por këshilla ime do të ishte ta provonit ta linit nё fshat pёr disa sezone verore dhe tё shikoni si do tё ecё. Vëzhgoni. Prisni. Ai do tё krijojё njё korrёse tё re ose do tё hajё tё mbjellat nga kopshti. Kjo varet. Kurrë nuk ka një prerje tё caktuar dhe rregulla të qarta me njё Ujor.

Ai mund të përfundojë duke punuar për FBI ose një grup i organizuar investigimi private (ai kёrkon tё zbulojё misteret) dhe tё bёhet njё qytetar i zakonshëm konservatore. (Mos e mbani frymën, por kjo është një mundësi.) Le tё përqendrohemimë mirë në vitet e fёmijёrisё sё brishtё. Në këtë mënyrë, ju do të keni një shans për të udhëhequr këtë raketë Urani në ndonjë drejtimit.

Derisa maturimi tё zbusё influencat e Uranit dhe shoqëria tё brymos qëndrime më konvencionale, një fёmijё Ujori mund të jetë shumë negativ. Reagimi i menjëhershëm ndaj një komande (ose edhe një sugjerimi të këndshёm) është shpesh një “jo” e theksuar. Por jepini kohё atij të mendoj për këtë, ta pёrpunojё mirё dhe do tё habiteni se sa herë reagimi i tij final do të jetë i ndjeshëm-përgjigjia qё ai e gjeti vetë do jetё korrekte dhe e pranueshme.

Tё rrisёsh dhe tё edukosh këto "mrekulli" mund të jetë një përgjegjësi e madhe. Mendjet e tyre janё njё kombinim i praktikёs me perceptimin e çuditshëm dhe të mprehtë dhe llogjikёn analizuese. Prisni qё fëmija juaj i shenjёs sё ujorit tё ketë një ëndërr dhe do ta dojё fort atё derisa tё gjejё njё tjetёr.Vajza Ujor ka gjasa ta projektojё veten si balerinё dhe ti pёrkushtohet me shpirt kёsaj ёndrre ose tё bёhet presidentja e parё femёr nё vendin e vet me nje dёshirё pёr tu admiruar.

Endrrat e djemve mund tё jenё pёr tu bёrё arkeolog, oqeanograf, antropolog, një shfarosës insektesh ose një biolog.Zgjedhjet e zakonshme të karrierës si infermierë, sekretarë, nëpunës, agjent shitjesh, mësues, bankierë dhe menaxherё janë shumë të zakonshme për fantazinё e njё fëmijë Ujori. Ai mund të duhet të zgjedhe vetёm njё nё fund, por ёndrra e tij e zjarrtё do qёndrojё diku nё mendjen e tij dhe nuk do harrohet. Është e habitshme, por Ujorёt ndonjëherë mund ti shkaktojnë gjёrat tё ndodhin, thjesht duke u përqëndruar në to dhe duke pritur.

Ju asnjёherё nuk do tё dini çfarё tё prisni nga njёra ditё nё tjetrёn. Ky është një fëmijë i cili mund të mos dojё të qëndrojë në ambiente të mbyllura kur bie shi. Ai do të jetë jashtё me pirunin tuaj tё servisit mё tё shtrenjtё prej argjendi, duke gёrmuar njё gropё dhe duke e mbushur me guriçka atё.

E anashkalova fazën foshnjore, sepse këta fëmijë nuk sillen si foshnja. Ata janë të lindur me moshë tё mesme. Megjithatë, shumë prej tyre e kalojnë fazën e fёmijёrisё sё hershme dhe gjatë kёsaj periudhe të pasigurt, ju mund të mendoni tё bleni njё qen shtёpie qё ta ruajё atё vazhdimisht. Mbajeni kёtё qen te paktёn derisa fёmija juaj Ujor tё bёhet tё paktёn 10 vjeç. Ai mund të ketë probleme tё vijё vёrdallё nё lagje pa pёsuar njё incident. Mungesa e vёmendjes sё Ujorit i shkakton atij thyerje kockash, perdredhje gjymtyrёsh dhe zemёrimin e mёsuesve.

Mësuesit shpesh ankohen se fëmija juaj Ujor refuzon të shpjegojё, hap pas hapi, se si arriti tё zgjidhte atё problemin kaq shumё të komplikuar tё fizikёs apo matematikës, para se ajo (mёsuesja) ta pёrfundonte sё shkruari nё dёrrasёn e zezё. Ka një arsye pёr kёtё dhe njё arsye shumё e mirё madje. Intuita e tije Uranit, që punon me disa frekuenca valёsh tё padukshme, e bёjnё mendjen e tij tё punojё kaq shpejt sa ai thjesht nuk arrin tё mbaj mend mend se çfarё ndodhi.

Ata harrojnё shumё shpesh adresën e tyre dhe nuk ёshtё e habitshme tё harrojnё edhe mbiemrin e tyre ndonjёherё, aq mё tepёr nёse nuk kujtojnё orёn qё duhet tё kthehen nё shtёpi. Fёmija juaj brilant i Ujorit- ka shumё gjasa tё jetё i tillё- duhet tё mësohet se qëllimi i tij duhet të përfshijë më shumë se të qënit një kompjuter njerёzor. Ai ka nevojë të mësojё rëndësinë e organizimit tё mendimeve tё tij në mënyrë llogjike. Përndryshe, një gjeni, filozof, inxhinier, shkencëtar, mjek, avokat i mundshёm, mund të kthehet në një të person tё rritur tё çuditshëm, tё drejtuar nё disa rrugё në të njëjtën kohë, qё do tё përfundojë nё njё cikёl interesant, por jo shumë fitimprurës.

Inkurajoje atë të marrë pjesë në aktivitete fizike ose ai do ta kalojё ditёn duke ёndёrruar me sy hapur. Shpesh duhen nxitur kёta fёmijё drejt aktiviteteve fizike, ndonёse ata mund të kenë një dashuri të madhe për sportet. Nga ana mendore, ata janё super tё shpejtё. Por trupi i tyre mund të jetë pak më i ngadaltё. Ata mund të kenë një interes për zogjtë, pemët, natyrën dhe bregun e detit. Ata gjithmonë do të preferojnë tё bёjnё zbulime tё pavarura gjatё aktiviteteve tё organizuar. Ju do të shikoni te ata njёtendencë për të thënë "Unë nuk mundem" për të shmangur përgjegjësinë. Lejeni atё të marrë vendime vetё, por inkurajojeni atë ti zbatojё ato.

Tensioni i pashprehur mund ta shqetësojё sё brendshmi atё. Këta të rinj pothuajse mund të shohin në shpirtrat e të tjerëve dhe të dëgjojnё mendime të cilat as nuk janë shprehur me zё, të cilat mund ti shqetësojnë ata dhe ti lënë ndjenja pakënaqësie. Kujdesuni qё tё inkurajoni qetësinё dhe harmoninё, pёrqёndrimin dhe kujtesën, në qoftë se ju nuk doni një beqar nervoz, tё çuditshëm, tё hutuar apo njё grua tё pamartuar, me ëndrra tё parealizuara, në shtёpinё tuaj, tridhjetë vjet mё vonё.

Problemet e dashurisё nё adoleshencё asnjёherё nuk do t’ju shqetësojnё. Në fakt, fëmijёs Ujor mund të duhet ti kujtosh herё pas here qё janё dy gjini. Pak prej këtyre të rinjve bёjnё çmundurira romantike nё adoleshencё. Pak çmenduri mund tё quhet veshja e tyre e çuditshme dhe flokёt me modele tё veçanta qё i dallojnё nga tё tjetrёt. Kjo mund të jetë njё kohё kur fёmijёs Ujor ti lindё dashuria pёr poezinё, e cila duhet tё inkurajohet. Ujori juaj ka bretkosa nё xhepa dhe yje tё shndritshme nё sytё e tij, por ai është shumë i veçantë. Ai është human. Ai i do njerëzit. A e dini se sa e rrallё është kjo? Ndёrkohё qё njerёzimi lëviz drejt epokёs sё Ujorit, urtësia e tij pa paragjykime po na çon drejt saj. Djemtё dhe vajzat e Ujorit, janë zgjedhur nga fati për të përmbushur premtimet e sё nesёrmes.

Shefi Ujori

Pikё sё pari, kontrolloni dhe verifikoni edhe njёherё nёse shefi juaj ёshtё i shenjёs sё Ujorit. Drejtuesit e udhёhequr nga planeti i Uranit janё aq tё rrallё,sa njё ari panda. Nëse ju keni një shef tё shenjёs sё Ujorit, konsiderojeni atё njё artikull tё rrallё. Një ditë, ai mund të bёhet jashtëzakonisht i vlefshёm.

Ujori tipik do të preferonte tё ishte njё nga punonjёsit e zakonshёm me orarin zyrtar tetё me katёr. Shumica e Ujorёve nuk pёlqejnё tё marrin vendime, tё japin urdhёra të pakëndshme, aq mё pak tё drejtojnё të tjerët apo tё marrin pjesё nё takimet mbytёse tё bordit, pale ato takimet me drejtorёt. Kjo nuk do të thotë qё Ujorёt nuk janë shefa kompetente. Urani është plot me surpriza dhe drejtuesi ekzekutiv Ujor krejtësisht i pakualifikuar i kthyer nё njё shef absolutisht tё domosdoshёm, është një prej kёtyre surprizave.

Kur një Ujor rastёsisht bёhet drejtues ekzekutiv, me mungesё kualifikimesh, ai merr me vete nё çantёn e tij edhe disa truke tё reja. Ai mund të jetë i papёrqёndruar dhe i hutuar,  i çuditshëm dhe i paparashikueshёm, njёherё i ndrojtur pastaj i guximshёm, por ai gjithashtu ka një mendje brilante, pas atyre syve me shikim tё paqarta dhe tё vagullt. Shtoji dhe intuitёn e mprehtё dhe kjo do t’ju bёjё tё mendoni se ai ka njё sferё kristali nё xhepin e tij. Pёrveç aftësisё sё tij të çuditshme për të analizuar dhe pёr tё peshuar faktet me pёrpikmёri, instinkti i tij bёn qё ai tё jetё njё mik i mirё pёr tё gjithё nё punё, qё nga djali i postёs deri tё bashkёpunёtori mё i madhi kompanisё. Filozofia liberale e Uranit kilometra mё tutje dhe vite mё larg dhe ai mund tё shohё njё pamje tё plotё tё tё gjithё fushёs, ndёrsa tё tjerёt shohin vetёm njё pjesёz sё saj ose vetёm detajet.

Ka dhe njё anё tjetёr tё medaljes. Ai mund tё harrojё emrin tuaj ndёrkohё qё ju prezanton si sekretaren apo zёdhёnёsen e tij “ Sekretarja ime, zonjusha …ah…ah …uh…si e ke emrin dhe njё herё?”Ai mund të bёhet acarues kur ёshtё duke planifikuar programe pune dhe jua thotё ato nё minutёn e fundit. Apo t’ju japё njё detyrё krejt ndryshe nga ajo qё prisnit dhe mos tё japё asnjё shpjegim pse e ndryshoi atё. Por pavarёsisht tё gjitha kёtyre, ai prapё se prapё ёshtё njё person i dashur pёr ju, apo jo? Shumica e Ujorёve janë, sapo tё mёsoheni mё mёnyrat e tyre tё veçanta tё sjelljes, me ndryshimet e menjёhershme dhe surprizat e papritura. Gjithashtu, kini parasysh, mendimet e tyre janё tё palёkundura, kur ata e kanё mbledhё mendjen pёr to.

Ai nuk do të jetë impulsiv në lidhje me rritjen e pagёs, por as nuk do tё jetё i shtrёnguar apo koprac. Ju do të merrni vetëm atë që meritoni nga shefi juaj Ujor. As më shumë dhe as më pak. Ai mund të jetë më bujar kur ai mendon se dikush ka bërë një punë, përtej kёrkesёs sё detyrёs. Mos bëni asnjë gabim. Ai pret më të mirën nga ju- maksimumin tuaj.

Një shef Ujor nuk shikon asnjё tё mirё te njerёzit qё tallen gjysmёn e ditёs dhe paguhen pёr ditё tё plotё. Për të, kjo është një formë e shёmtuar e pandershmërisë dhe ai e urren pandershmërinë aq shumё, sa macja urren ujin.

Kur është fjala për jetën tuaj personale, shefi Ujor nuk ka dëshirën më të vogël pёr tju gjykuar apo këshilluar. Megjithatë ai e ka dëshirën të dijё rreth saj dhe ju mund ta keni pak tё vёshtirё ti shpёtoni kuriozitetit tё Uranitkur është fjala për çështjet tuaja private. Por ju mund ti thoni atij çdo lloj gjёjё, pa u shqtёsuar se ai mund tё tronditet. Asgjë nuk e trondit atë. Ai është studenti më i mire i natyrës njerëzore në zodiak dhe ai kurrë nuk do tju paragjykojё ju. Pёr gjykimin e tij, si veset ashtu edhe virtytet tuaja, shkrihen nё një model interesante dhe plot jetё. Ju nuk do të dёgjoni  asnjë fjalё paragjykuese ose tё shihni veprim diskriminues në qoftë se ai është një Ujor i vёrtetё.  

Me fjalë të tjera, ju jeni mё i rrezikuar për t'u pushuar nëse ai ju kap duke vjedhur pullat postare ose nёse keni fshehur një raport të papërfunduar në tryezën tuaj, sesa nёse zbulon se ju keni dy gra, ose që babai juaj ka qenё nё burg pёr njёzet vjet dhe se djali juaj drogohet prej kohёsh.  Nё kёto raste, ai vetëm do të mbledhё supet, do tju thotё qё kjo ёshtё jeta juaj dhe ndoshta do tju mbrojё nga kritikat e ashpra qё i drejtoni vetes suaj. Vetëm mos e mashtroni,mos e gёnjeni dhe as mos i thyeni premtimin qё i keni thёnё.

Premtimet,  etika dhe gjёra tё kёtij lloji, janё ato qё hyjnё nё kategorinё, ku ai bёhet mendje ngushtё. Jetojeni jetën tuaj në mënyrë që ju zgjidhni dhe kurrё mos tentoni tё ndёrhyni nё kodin e tij personal. Ai nuk do të tregojë zemërim,madje ndoshta as nuk do tё ndiej diçka tё tillё. Ai madje mund të buzëqeshё , me atë vështrim e largët në sytë e tij, por do tё jetё sikur jeni duke biseduar me murin. Ai nuk do tё dёgjojё askёnd.

Edhe pse ai ka kodin e vet të etikës dhe i qёndron fanatik atij nё lidhje me jetën e tij personale dhe private, vendimet e biznesit janë një çështje tjetër. Ai do tu kёrkojё tё gjithёve mendim mbi proçedurat e planifikuara dhe ndonjëherë edhe mund ti kërkojё një vartësi të marrë vendimin përfundimtar. Ka një metodë tё qёllimshme pas kёsaj çmendurie dhe kjo nuk është e njëjtë si me Peshoren e pavendosur. Ujori qёndron atje i ulur, me atё pamjen “Tё thashё qё.. “ kur ju shikoni se vendimi qё keni marrё(kundër intuitës së tij mjaft të saktë) bie poshtё dhe kjo ёshtё njё mёsim shumё i mirё pёr ju.

Shefat Ujor janë zakonisht të gatshëm për t’ju dhёnё njё litar pёr tё varur veten, nёse keni nevojё pёr ta bёrё kёtё, madje edhe metra shtesё nёse ja kerkoni. Ju jeni me fat nëse ai shpjegon edhe një herë tё vetme saktësisht se pse ai mendon se ju jeni në rrugën e gabuar. Kur ai e bёn kёtё-e cila është e pazakontë - ai nuk do ta shpjegojë për herë të dytë. Dёgjoni dhe kuptoni atё qё thotё ai, në mënyrë të qartë, qё herёn e parё ose do merrni komente konfuze kur tju kujtojё qё tё jeni i vёmendshёm ndaj atyre qёs apo ju tha.

Ai pret që ju të jeni në gjendje të lёvizni antenat tuaj dhe tё kapni çdo gjё qё lёviz nё ajёr. Ai nuk e kupton se njerëzit e tjerë nuk kanë dhuntinё e Uranit për thithjen e informacionit nga tre persona duke folur të gjithё njёherёsh, ndërsa ai qёrron një portokall, i bie njё numër telefoni dhe kontrollon edhe shkresat qё i ndodhen mbi tavolinёn e zyrёs.

Ai mund të kalojnë një ditë tё duke ju lodhur veshёt me biseda gjithё ditёn dhe javën e ardhshme tё izolohet brenda zyrës së tij, duke injoruar stafin, klientët dhe furnizuesit,i zhytur thellё në mendime. Ai ёshtё duke i bёrё pushim shpirtit tё tij dhe kёto periudha qetёsie janë të nevojshme pёr tё. Pavarësisht se ju kohёt e fundit filluat punё nё kompaninё e tij, ai do tju konsiderojë ju shokun e tij. Ai është mik edhe me konkurrentёt. Pёrfundimisht, biznesi i vërtetë i shefit tuaj Ujor është miqësia.

Punonjësi Ujori

Ju nuk do ta keni tё vёshtirё tё dalloni kush nga punonjёsit tuaj ёshtё i shenjёs sё Ujorit. Ёshtё ai qё i ka tё gjithё shok e shoqe. E keni parasysh- ai që harroi çantёn e punёs pa marrё nё mёngjes; i njëjtë njeri i cili rastësisht kaloi nё zyrёn tuaj pёr tё marrё njё stilograf hua dhe ju dha njё ide brilante, qё i solli njё fitim shumё tё madh kompanisё suaj, sipas analizёs sё fundit tё financierit tё kompanisё.

Gjithashtu duhet tё jetё e lehtё tё kujtoni ditёn qё e morёt nё punё. Nëse ju nuk e mbani mend atë, atёherё me siguri sekretarja juaj e mban mend shumё mirё. Meshkujt e  Ujorit duket se bёjnё një përshtypje të menjëhershme dhe të qëndrueshme te femrat, madje edhe ata që duken si të lënë pas dore dhe jo tё kuruar. Disa njerëz mund të dalin nё pёrfundimin se ky interes ka tё bёjё me instiktin e nёnёs,  por e kanё gabim. Nё tё vërtetë, kjo tёrheqje e femrave pёr personat e udhёhequr nga Urani , vjen nga indiferenca absolute e Ujorit për ekzistencën e tyre.

Kjo i bёn ato tё shpёrqёndrohen. Ai është një sfidë që ato nuk mund ti rezistojnë. Ndonёse ato mund tё pёrpiqen ta joshin atё ose tё reagojnё me mospёrfillje, Ujori sёrish do tё jetё indiferent dhe nuk do tё impresionohet aspak prej tyre. Ai mund të jetë tërësisht i verbër ndaj njё kolege femёr pёr javё tё tёra, praktikisht as mos ti ketё hedhur sytё ndonjёherё, kur njё ditё tё bukur, ti thotё se sytё e saj kanё ngjyrёn e njё insektit qё ai gjeti dikur poshtё lёvozhgёs sё njё peme. Ajo ka pёr ta humbur fare toruan dhe nuk do tё thotё asnjё fjalё gjatё gjithё ditёs.

Shumë Ujorё janë të kthjellët, tё ftohtë, tё përmbajtur dhe të shkёputur nga bota e çmendur rreth tyre. Problemi i vetëm është se ata kanë e kanёçuar veten pesëdhjetë vjet përpara dhe kur ata kthehen përsëri njё herё nё disa ditё, ata sjellin njё thes ide të pazakonta nga stratosfera. Nëse ju jeni një drejtues ekzekutiv i zgjuar, ju do ta ftoni punonjёsin tuaj tё udhёhequr nga Urani në zyrën tuaj, për një bisedë, një herë në javë. Kjo mund të jetë fitimprurëse. Kush e di çfarё mund tё nxirrni prej tij? Megjithatë, biseda jozyrtare me të,jo gjithmonë mund të kthehet fitimprurёse. Ai mund të largohet pa mbaruar bisedёn, sepse duhet tё rezervojё biletat pёr nё Konferencёn e Shoqatёs Kerkimore tё hetimit tё fenomeneve psikike apo diçka tjetёr. Interesat e Ujorit janë të shpёrndara nё tёgjithë botën.

Shanset janë që ky djalë i ri, në dukje i qetë, i shkëlqyer dhe miqësor, nuk do të qëndrojë rreth jush pёr njё kohё tё gjatё, aq sa ju tja fiksoni mirё fytyrёn. Mashkulli Ujor ose do të fillojë punё nё pozicionin mё tё lartё,tё qёndrojё aty disa javё apo muaj, pastaj tё vendosё tё punojё pёr hesap tё tij si kompozitor, fotograf, balerin, këngëtar, klloun, shkrimtar, xhongler, atlet, gjeolog, spiker nё radio apo television, etj-apo të largohet nga ju duke ju thёnё “ dua tё gjej veten” .  Një ditë ai do ta gjej veten e vet. Kur kjo tё ndodhё, ai do tё rrijё aty pёr gjithё jetёn. Deri sa tё vijё ky moment i tёvërtetës, megjithatë, miqtë tanë tё sunduar nga Urani do tё kalojnё njё periudhё duke kёrkuar, eksperimentuar, mësuar, hetuar dhe gjetur miq tё rinj.

Ai nuk është sentimental për nga natyra. Ai ka një qëndrim shkencor, por ka gjithashtu një interes të fortë te njerëzit,te  ajo që i bën të qeshin dhe çfarë i bën ata të qajnë. Një Ujor nuk mallëngjehet kollaj, as mbytet nga emocionet. Për fat të keq, idetë dhe mendimet e tij janë konsideruar shpesh të paarsyeshme dhe jopraktike, por kjo është vetëm për shkak se kritikët e tij nuk janë të sinkronizuar nё frekuencat e tij, qё janё gjysёm shekulli përpara.

Ju mund të vëreni punonjёsin Ujor me një mik të ndryshёm çdo javë. Është e vështirë për të,  tё kёnaqet me çdo një individ në një kohë, prandaj simpatitë e tij drejtohen në shumë kanale. Është e zakonshme për të, prandaj, ai mё shumё jep miqёsi sesa merr.

Shumica e Ujorёve janё punonjёs të ndërgjegjshëm.Ata kanë një shkallë të lartë inteligjence,perceptim tё çuditshëm dhe një ndjeshmëri të mirë për të gjithë rreth tyre. Kujtesa e tyre ёshtё e dobёt,  por kompetencat e tyre intuitive janё tё forta. Ata janë jashtëzakonisht të çuditshёm në zakonet e tyre, tё butë dhe tё këndshëm, zakonisht shumë tё sjellshëm dhe ata veshin kombinime të pazakonta rrobash. Ata janë besnik, tёsinqertë dhe kanё një kod të rreptë, i cili kurrë nuk shkelet.

Ky punonjës nuk do tju bezdisё vazhdimisht pёr ti rritur rrogёn, sepse paratё, zakonisht janё nё fund tё listёs, se bashku me gratё. Por ai është mjaftueshёm mendjemprehtë për të ditur vlerën e tij, prandaj nuk ёshtё e mençur tё pёrfitoni prej tij. Ai mund të shkaktojë disa vetulla tё ngrysura,  por rrallë mund tё shkaktojё ndonjë skandal apo thashetheme zyre.  Ju nuk do të shihni tek ai ambicie tё fortё, ndonёse ai ka njё nga mendjet mё tё zgjuara tё zodiakut. Nëse ju njё ditё vendosni ta bёni partnerin tuaj, ai kurrё nuk do tua marrё biznesin tuaj dhe ndoshta njё ditё, do ti sjellё biznesit prestigj ndёrkombёtar.

Kur ai do të vendosë përfundimisht për t'u martuar, ju mund të humbisni një sekretare të mirë (ai nuk do qё ta ketё gruan nё tё njёjtёn punё me tё ), por ju doni qё lëkura me puçrra e vajzës sё  shkretё të pastrohet, apo jo? Kёsaj, vetёm punonjёsi juaj Ujor mund ti japё zgjidhje !


Nga Linda Goodman