Qan ikona e Shën Mërisë

Griffith (ShBA), 11 prill - Me qindra njerëz janë habitur duke parë statujën e Shën Mërisë, para kishës St Mary në Griffith të Indiana (SHBA).

Kjo situatë e pazakontë ka befasuar një grup studentësh, pasi këta të fundit kanë parë gjurmët e lotëve që mendohen të kenë dalë nga syri i saj. Lidhur me këtë situatë kanë qenë të shumtë ata që e kanë quajtur si mrekulli, ashtu sikundër të tjerë të cilët e kanë shpjeguar si gjurmë dëbore që kishte shkrirë.

Prifti Theodore Mens, duke synuar që t'iu japë fund dilemave tha se, ''Duhet të ketë një shpjegim natyral, i ftohti ose dëbora që ka shkrirë. Sa herë që ndodhin gjëra të kësaj natyre duhet kërkuar kryesisht shpjegimi te fenomene natyrore''.

Statuja rreth 1.5 metër e gjatë është e para 21 vitesh, ndërsa ''loti'' në sytë e saj u pa gjatë një mëngjesi, ndërsa në mbrëmje u zhduk.