Foto që nuk ju lënë indiferentë

Foto që nuk ju lënë indiferentë



Lee Jeffries është një artist autodidakt, i cili ka befasuar botën me fotografitë e tij bardhezi, të të pastrehëve nga Londra, Los Angelesi, Parisi, Roma, Las Vegasi, New Yorku dhe zonat e tjera urbane.

Jeffries nga afër ka bërë portrete të njerëzve të pastrehë. Kështu ka kapur grimasat e fytyrës të cilat shpeshherë janë të padukshme për shumicën e njerëzve.

"Unë nuk mund të ndryshoj jetët e këtyre njerëzve”, tha Jeffries për revistën Time. "Nuk mund ta lëvizi shkopin magjik, por kjo nuk do të thotë se nuk mund të bëj foto të tyre e të tentoj kështu të shtoj ndërgjegjësimin e botës dhe të tërheq vëmendjen për situatën në të cilën gjenden ata”.

Në tri vitet e fundit, ai ka fituar shumë shpërblime në garat e fotografëve amatorë.