Parashikoi vdekjen personale

Mikey Welsh parashikoi vdekjen



Mikey Welsh, artist dhe ish- basist i grupit Weezer, vdiq nga një overdozë në moshën 40 vjeçare. Babai i dy fëmijëve u gjet në një dhomë hoteli në Çikago.Më herët ai kishte parashikuar vendin e saktë dhe kohën se kur do vdiste, në një mesazh në Twitter.

Më 26 shtator ai shkroi se ‘ëndërrova sikur vdiqa në Çikago fundjavën që vjen (atak në zemër në gjumë). Duhet të shkruaj amanetet’.

Më pas shtoi: ‘Fundjavën pas kësaj’.Policia nuk ka dalë me një deklaratë zyrtare për këtë vdekje, por thotë se ka mundësi që të jetë overdozë.

Gruaja që kishte parashikuar vdekjen e saj



Pak kohë para se të shkonte në udhëtimin e saj për në Tajlandë, Serena Booker kishte vizituar shumë miq e dashamirë të saj, me të cilët ajo ishte ndarë mallëngjyeshëm, duke dhënë përshtypjen sikur të ishte hera e fundit që ajo po shihej me ta.

Për më tepër, para se të merrte rrugën, nga e cila nuk ishte kthyer më kurrë, Serena kishte shkruar edhe një testament, i cili fillonte me fjalët: “Nëse më ndodh ndonjë e papritur në Tajlandë ...” dhe më pas specifikonte se kujt do t’ia linte pasurinë e saj.

Pak kohë para se të nisej, ajo kishte shpeshtuar edhe vizitat dhe lutjet në kishë, duke bërë të mendohej që ajo më të vërtetë e kishte parashikuar vdekjen e tmerrshme në Tajlandë.