Da Vinçi parashikoi fundin e botës në 4006

Da Vinçi parashikoi fundin e botës në 4006



Sipas studiueses Sabrina Sforza Galitzia në Vatikan, Leonardo Da Vinçi parashikoi se fundi i botës do të jetë data 1 nëntor 4006.

Sipas studimeve të Sforza Galitzia, Kodi i Da Vinçi ekziston vërtet.

Në veprën e saj “Darka e Fundit e Da Vinçi ” ajo shpjegon se gjeniu nuk shprehej vetëm me vepra arti dhe libra shkencorë por fliste edhe për enigma të mëdha dhe përfshinte në pikturat e tij kode të vecanta, vetëm për ata që ishin në gjendje ti kuptonin.

Këto kode shërbenin për të transmetuar mesazhe të rëndësishme.

Sipas studiueses italiane, Leonardo fliste në këto kode për një profeci sipas të cilës në 21 mars të vitit 4006 do të fillojë një ndryshim thelbësor i njerëzimit që do të përfundojë në 1 nëntor të këtij viti.

Ndoshta bëhet fjalë për fundin e botës, ose për një “fillim të ri për njerëzimin” shpjegon studiuesja.

Sabrina Sforza Galitzia ka studiuar dorëshkrimet e Da Vinçi në Universitetin e Kalifornisë në Los Anxhelos, ndërsa tani punon në arkivat e Vatikanit.