Ben Laden është i vdekur!

Pakistan e ke rradhen ti,xhaxha semi do te pushtoj se shpejti:

Legjendat mbi Bin Ladenin

Miti i parë ka të bëjë me besimin, se “ka qënë CIA ajo që ka shpikur e krijuar Bin Ladenin”. Ka qënë regjizori Michael Moore ai që ka thënë menjëherë pas 11 shtatorit, se “ne e kemi krijuar përbindëshin e njohur me emrin Bin Laden. E dini se çfarë shkolle të terrorizmit ka ndjekur ai? Shkollën e CIA-s”.

Nuk është kështu. Gjatë luftës sovjeto-afgane (në vitet ’80), kur doli në skenë Bin Ladeni për herë të parë, SHBA-të nuk kishin lidhje me arabët afganë, apo me muxhahedinët afganë. Kjo është një gjë e dokumentuar dhe dëshmuar nga shumë drejtime.

Miti i dytë thotë: “Bin Ladeni na sulmoi neve ngaqë urrente lirinë tonë”. Interpreti i këtij miti është ish-presidenti George W. Bush, i cili një javë pas 11 shtatorit u shpreh, se “ata na urrejnë neve; ata urrejnë lirinë tonë fetare, lirinë tonë të fjalës, lirinë tonë të votës e lirinë tonë për të mos qënë dakord me njëri-tjetrin.” Nuk ka dyshim që kjo optikë është shumë sipërfaqësore dhe e thjeshtëzuar, bash në stilin e presidentit Bush.

Me fraza të tilla mund të bëhet propagandë, por nuk mund të shkohet tek e vërteta. Vetë Osama, në të gjithë deklaratat e qëndrimet e mbajtura, nuk para ka folur për vlerat e shoqërisë amerikane, dhe nuk ka lënë të kuptohet se e ka me to ‘tërbimin’.

Përkundrazi, e ka me politikën e jashtme të SHBA-ve në Lindjen e Mesme. Politologu James L . Payne ka futur në ‘scanner’ të gjitha fjalimet e tij në dhjetëvjeçarin 1994-2004, dhe ka arritur në përfundimin se mbi 70% e përmbajtjes së këtyre fjalimeve ka patur të bëjë me sulmet hebreo-amerikane kundër popullsive myslimane.

Andej nga viti 2004, Bin Ladeni është shprehur në përgjigje të këtij afermacioni të Bushit: “Është krejt e kundërta e asaj që deklaron presidenti amerikan. Nuk na shqetëson liria e amerikanëve.

Të ish për këtë, do të sulmonim edhe Suedinë”. Duhet besuar? Ndoshta jo 100%, por logjika se terrori i tij motivohej prej urrejtjes për vlerën e lirisë amerikane është ca fluturake.

Miti i tretë na thotë, se “ideologjia e Al-Qaeda-s nuk ka të bëjë fare me Islamin”. Ka qënë po ish-presidenti Bush, që është shprehur pas rrëzimit të Kullave Binjake, se “Al-Qaeda është një pervertim i Islamit”.

Mirëpo, përfaqësuesit e pjesëtarët e kësaj organizate kanë patur vazhdimisht pretendimin se gjithçka ata bëjnë është në mbrojtje të Islamit autentik.

Dhe Bin Ladeni i është referuar më se njëherë librit të shenjtë të myslimanëve për të përligjur veprat e tij; i është referuar pasazhit kuranik që thotë, se “me të kaluar muajt e shenjtë dhe me të kuptuar se ata [që nuk ndjekin islamin dhe që nuk konvertohen në islam] refuzojnë të bëjnë paqe, ju mund t’i vrisni, t’i ndëshkoni e të përballeni sa herë që ndesheni me ta.

Nëse ata kapen nga pendesa, ndërrojnë mendje, zënë të bëjnë lutjet tona, e zënë të japin lëmoshën e detyrueshme, atëherë lërini të shkojnë në punët e tyre”

Përveç kësaj, nuk ka dyshim që ky pasazh është dekontekstualizuar, dhe është fjala për një lexim selektiv të Kuranit. Për besimtarët e thjeshtë, megjithatë, mjafton shpesh fakti, që kjo frazë është në Kuran; dhe Kurani nuk është një libër dosido; ai libër është fjala e Zotit.

Miti i katërt ngrihet mbi pretendimin, se “truri i vërtetë i Al-Qaeda-s nuk ka qënë Bin Ladeni, por Ayman al-Zawahiri”. Ky i fundit, një doktor egjyptian, ka qënë gjithë kohën i dyti në rangjet e kësaj organizate; por është besuar si i pari de facto.

Mund të ketë qënë e vërtetë deri në një farë momenti, por Bin Ladeni u njoh si leader me të bërë vëzhgimin, sipas të cilit “armiku ynë nuk janë regjimet e korruptuara të Lindjes së Mesme, por Shtetet e Bashkuara të Amerikës”.

Këtë gjë, sipas dëshmisë së një militanti islamik libian (Noman Benotman), Bin Ladeni ia ka shprehur në sy edhe vetë al-Zawahiri-t. “Mos shiko armikun e afërt”, e ka porositur egjyptianin e kapur nga obsesioni për të rrëzuar regjimin e Mubarakut, “por shiko amerikanët; këta janë armiqtë e mëdhenj”.

Përveç kësaj, dihet tanimë që Bin Ladeni e ka lënë të painformuar zëvendësin e tij mbi aksionet e bujshme terroriste; madje, edhe planin e 11 shtatorit ia ka mbajtur fshehur për vite me radhë.

Miti i pestë është një mit taze; ka të bëjë me vdekjen e Bin Ladenit. Dhe sipas këtij miti, “vdekja e Bin Ladenit është e rëndësishme në pikëpamje simbolike, por kur vjen puna tek lufta reale kundër terrorizmit nuk ka ndonjë rëndësi kushedi se çfarë”.

Në fakt, kush ka lexuar gazetat e ditëve të fundit, nuk mund të mos e ketë lexuar këtë pohim të bërë nga pothuaj të gjithë, politikanë, diplomatë, ushtarakë, columnistë, etj.

Nuk është se nuk ka asgjë të vërtetë në këtë që thuhet, por nuk duhet të na dalë nga mendja se Al-Qaeda është krijim i Bin Laden-it, dhe se 11 shtatori ishte bëmë ekskluzive e tij. Përveç kësaj, formula e betimit gjatë rekrutimit ngrihej mbi një besnikëri ndaj Bin Ladenit, e jo ndaj organizatës.

Më në fund, Bin Ladeni ka qënë një nga njerëzit më influentë të botës gjatë dy dekadave të fundit.

Ai kish një karizmë e staturë të jashtëzakonshme, dhe ndodh gjithnjë me të gjithë leader-të e këtyre përmasave, që vdekja e dëmton kauzën. Kështu do ndodhë dhe këtë herë.

Peter Bergen

Populli amerikan kurre nuk do te pranonte se Bin Laden ka vdekur ndryshe por vetem nga ata.
Prandaj qeveria e SHBA-se kishte nevojëe pas orkestrimit të 11 shtatorit, te bej edhe orkestrimin e vdekjen se armikut nr 1 kur ky ka disa vite që ka vdekur.