Po na vëzhgojnë nga Toka

Lindin dyshime pas zbulimit të ishullit misterioz


Një ekip studiuesish ka zbuluar diçka të pazakontë. Një ishull të çuditshëm në formën e një rrethi të përkryer i ndodhur në mes të një pellgu moçalor në verilindje të Argjentinës.

Është quajtur “syri” për shkak të formës së tij dhe duket të jetë thjesht një copë toke në formë rrethi të rrumbullakët nga një kanal me ujë të pastër. Shumë mendojnë se ai është në fakt kamuflazh për një bazë anijesh aliene që fshihet nën sipërfaqe.

Një ekip studiuesish dhe producentë filmash kanë hapur një fushatë për të mbledhur fonde për një studim që do të jepte përgjigje përfundimtare mbi këto hamendësime.

Ishulli dhe sipërfaqja e ujit që e rrethon kanë të dyja formë rrethore. Copa e tokës mes ujit rrotullohet sipas një aksi të caktuar.

“Syri” mund të gjendet në “Google Maps” me koordinatat: 34°15'07.8'S 58°49'47.4"W.

Ai ndodhet në deltën e lumit Parana mes qyteteve Campana dhe Zarate në Buenos Aires, Argjentinë. Ishulli është zbuluar krejt rastësisht nga një ekip xhirimi, që po kërkonte vendin e përshtatshëm për të xhiruar skenat e një filmi ku ndërthuren fenomene paranormale dhe shfaqja e alienëve.