Të pavdekshmit që supozohet se momentalisht gjenden në Tokë

Kërkimi i njerëzimit për pavdekshmëri është i vjetër po aq sa edhe raca njerëzore. Tani e shohim një rilindje të ideve transhumaniste që bëjnë të duket sikur teknologjia do të jetë kurë e mortalitetit


Ajo që dikur i ka takuar mbretërisë së perëndive dhe magjisë tani është në duart e hulumtuesve dhe shkencës – ndërsa rezultatet, natyrisht, priten. Edhe pse shoqëria si tërësi mund të jetë ende duke kërkuar të jetojë përgjithmonë, disa pohojnë se kjo gjë tashmë është arritur nga një numër i vogël i njerëzve. Këta janë të ashtuquajturit e pavdekshëm për të cilët disa besojnë se ecin nëpër Tokë edhe sot e kësaj dite


Ziusudra



Ziusudra ishte një mbret i lashtë sumerian i identifikuar si hero i mitit të vërshimit të Sumerisë në të cilin është bazuar tregimi biblik i Noas. Emri Ziusudra do të thotë “jeta e ditëve të gjata dhe reflekton aspektet e legjendës së tij, që tregojnë mbretin duke iu dhënë pavdekshmëria nga perënditë – dhuratë kjo për veprimet e guximshme të tij gjatë vërshimit të madh. Pa ndonjë të dhënë ose varrezë të dokumentuar, disa besojnë se mbreti Ziusudra ka vazhduar të jetojë për një kohë të gjatë pas përfundimit të sundimit të tij.


Hebraiku bredhës



Gjatë shekullit të 13-të filloi një legjendë në tërë Evropën në lidhje me ‘Hebraikun bredhës’ të mallkuar me pavdekshmëri, pasi që kishte përqeshur Jezu Krishtin gjatë bartjes së kryqit. Besohet se ai ka qenë këpucëtar ose portier për Pontius Pilatin, ndërsa supozohet se do të vazhdojë të jetojë deri në paraqitjen e dytë të Jezu Krishtit. Edhe pse hollësitë e sakta ndryshojnë, shumica e përshkrimeve dhe dokumentacionet sugjerojnë se ky njeri, nëse është gjallë, vazhdon që të plaket pa ndonjë prishje të dukshme fizike.


Flamelët



Nicholas dhe Perenelle Flamel ishin burrë e grua alkimistë të shekullit të vonë, 14, për të cilët thuhet se kishin zbuluar gurin legjendat të filozofit dhe kështu kanë arritur pavdekshmërinë. Edhe pse për këtë çift nuk është folur shumë deri në shekullin 17, besimtarët thonë se kisha kishte bërë një komplot për fshirjen e dëshmive të ekzistimit të tyre si arsye për mospërputhje historike.


Konti i Shën Zhermenit



Origjinat misterioze të aristokratit të shkolluar e të pasur të shekullit të 18 të njohur si konti i Shën Zhermenit ishin burim i spekulimeve intensive gjatë periudhës së iluminizmit. Kur pyetej me ngulm, konti pohonte se ishte më se 500 vjet i vjetër dhe, sipas burimeve, dituria e gjerë dhe përvoja e tij nuk kanë bërë shumë që ta bëjnë idenë të pabesueshme. Voltaire-i nuk i besoi, siç nuk i besojnë shumica e historianëve, por disa besojnë se konti vazhdon të jetojë edhe sot e kësaj dite.


Dmitry Itskov



Përpjekjet moderne për ta arritur pavdekshmërinë janë gjithnjë e më shumë duke marrë një qaske kibernetike. Ithtarët e këtij lloji të pavdekshmërisë e shohin precizitetin dhe potencialin afatgjatë të të dhënave digjitale dhe dëshirojnë që t’i transferojnë të dhënat e ndjeshme nervore njerëzore në këtë format. Më lehtë e thënë sesa e bërë, por miliarderi Itskov pohon se ai tashmë është duke përparuar shumë në implementimin e pavdekshmërisë kibernetike, duke besuar se ai vetë do të jetë i pavdekshmi i parë i dëshmuar deri në vitin 2045.

(Kosova Sot)