Gjenden piktura prehistorike që dëshmojnë ekzistencën e UFO-ve

​Disa piktura parahistorike të gjetura në një shpellë në Indi, mund të bëhen një dëshmi e madhe e faktit se në lashtësi, toka mund të jetë vizituar nga qenie jashtëtokësore.



Pikturat tregojnë disa qenie të ndryshme nga njeriu, me fytyra gjigante dhe disa objekte që mund të kenë qenë anijet kozmike të tyre.

Ky zbulim i veçantë u bë në një shpellë në rajon Charama, në rrethin Kanker të shtetit indian të Chhattisgarh. Të dhënat paraprake tregojnë se fotografitë janë të paktën 10.000 vjet të vjetra.

Arkeologu JR Bhagat, beson se pikturat mund të shërbejnë si një provë e hipotezës se në lashtësi njerëzit kanë pasur kontakte me jashtëtokësorët.

Po sipas këtyre të dhënave, besohet se Toka parahistorike është vizituar nga anëtarët e një qytetërimi të huaj dhe të përparuar.

"Gjetjet sugjerojnë se njerëzit në kohët parahistorike mund të kenë parë apo imagjinuar qeniet nga planete të tjera, të cilat ende krijojnë kureshtje në mesin e njerëzve dhe të studiuesve. Por hulumtime të shumta janë ende të nevojshme për këto të dhëna", tha Bhagat për shtypin indian.

G.Express