Çifti i vampirëve britanikë: “Pimë gjak dhe flemë gjatë ditës”

Këta dy persona pretendojnë se janë vampirë të vërtetë. Vanian 53 vjeç dhe  Ethereal Dark, 27 vjeçe janë nga  Manchesteri, por nuk janë persona të thjeshtë pasi vetëquhen vampira.

Ata thonë se gjakun e pijnë vetëm nga njëri-tjetri, dhe janë të mërzitur pasi njerëzit e tjerë nuk i pranojnë ata mes tyre.

Gjithashtu çifti i çuditshëm britanikë pohon se ato që thuhen për vampirët janë mite dhe janë tërësisht të gabuara.

Ata të dy gjithashtu kanë thënë se është një mit që vampirët mund të kafshojnë dikë për të marrë gjak, sepse ky do të ishte një sulm, shpjegon  me durim  Vanian duke shtuar se “Nuk mund ta dish ç’infeksione mund të ketë dikush që mund ta kafshosh papritmas”.

Sipas këtij çifti vampirët nuk e marrin gjakun përmes sulmeve, por me dhurim.  Megjithatë, ata shijojnë një pikë gjaku ose dy nga vullnetarët të cilët quhen “Mjellma e zezë”, i  komunitetit vampir, apo nga njëri-tjetri.
Çifti ka shpjeguar se hanë shumë hudhra, ndërsa nuk flenë ne arkivole. Ata gjithashtu kanë folur kundër filamve me vampirë pasi sipas tyre janë sajesa.

 Ata gjithashtu thonë se janë larg nga të kthyerit me forcë në  vampir siç tregohet në filma dhe seri televizive të tilla si True Blood. Procesi ndodh nëpërmjet asaj, që ata e përshkruajnë si një “zgjim të butë“.

“Kjo mund të ndodhë në çdo moshë,” shpjegon Vanian. “Është një thirrje. Një progres natyror. Ti e kupton se nuk ndihesh më si gjithë të tjerët.

Do të donim që njerëzit ta kuptonin kush ne jemi vërtetë dhe ne jemi këtu për të qëndruar, vazhdon Vanian. Ne nuk jemi të tmerrshëm dhe as djalli. Ne duam pranim për atë që ne jemi”.