Universi është një Hologram

Universi është një Hologram



Universi është një hologram dhe gjithcka që ju shihni në të, përfshirë edhe këtë artikull që lexoni, është pjesë e një projeksioni të thjeshtë.

Në vitin 1997, fizikanti Juan Maldacena publikoi teorinë e tij, sipas të cilës ajo që ne shohim, që nga objektet që kemi pranë e deri tek trupat qiellorë miliona kilometra larg, janë një hologram 3D i një universi tjetër 2D.

Deri më tani, kjo teori nuk ishte testuar kurrë matematikisht. Por së fundmi, modelet studiuese të saj sugjerojnë se hipoteza kurajoze e Maldacena-s mund të jetë e vërtetë.

Sipas kësaj teorie, graviteti në univers ekziston falë valëve lëkundëse në hapësirë, që nga ana e tyre janë holograme të ndodhive dhe ngjarjeve që ndodhin në një tjetër kozmos të sheshtë. Modeli i profesorit Maldacena sugjeron se universi ekziston në 9 dimensione në hapësirë dhe një në kohë.

Kur ka kaluar më shumë se 1 dekadë e gjysmë nga hedhja e kësaj teorie, studiuesit japonezë u përpoqën ta zbatojnë atë në kushte laboratorike, duke siguruar të dhëna matematikore që sugjerojnë se parimi holografik i ndërtimit të universit tonë, mund të jetë i vërtetë.

Ky parim thotë se ekziston një sipërfaqe 2 dimensionale që nevojitet për të përshkruar një objekt 3 dimensional. Sipërfaqja 2 dimensionale, gjithnjë sipas kësaj teorie, është një tjetër univers, ndërsa ajo 3 dimensionale është universi ynë, gjithë ajo cka ne shohim.

Maldacena përforcon teorinë e tij duke pretenduar se të dhënat që përmbajnë përshkrimin e masës në hapësirë, si njeriu apo kometa, mund të ‘strehohen’ në zona të caktuara të universit të sheshtë.

Këto zona, thotë fizikanti, janë “Vrimat e zeza”. Në këto pjesë të universit, shkencëtari thotë se të gjitha objektet që bien në to, ‘ruhen’ si një kujtim të dhënash, jo si objekte fizike që vërtet ekzistojnë.

Me pak fjalë, i gjithë universi ynë mund të shihet si një “strukturë 2 dimensionale e projektuar në hapësirë”, ose më thjeshtë akoma, “universi në të cilin ne besojmë se jetojmë, është një projeksion 3D i një universi tjetër 2D”

Unë besoj se e "GJITHA", i gjithe universi, gjendet ne nivelin atomik, e gjitha e vendosur ne Mandelbrot, fraktal.   

Ouroboros pafundesisht i madh dhe pafundesisht i  vogel.

Universi ynë, një hologram 2D



Një grup shkencëtarësh austriakë pretendojnë se kanë bërë mirë ‘detyrat’ matematikore dhe mbërrijnë në përfundimin se me gjasë universi ynë është më shumë një hologram dydimensional se një hapësirë tredimensionale.

Shkencëtarët e Universitetit të Teknologjisë në Vjenë kanë tri vite që vëzhgojnë lidhjen mes teorisë së gravitetit dhe teorisë kuantike dhe tani besojnë që kanë të dhënat e nevojshme për të hedhur në qarkullim hipotezën e tyre..

“Përllogaritjet tona konfirmojnë se parimet holografike mund të zbatohen edhe në hapësira të sheshta dhe ka prova për zbatimin e këtyre parimeve më së miri në universin tonë”, thotë Max Riegler, udhëheqës i studimit.

Se çfarë do të thotë kjo tezë e studiuesve austriakë për jetën në Tokë, është paksa e vështirë të shpjegohet, por e thënë me terma më të thjeshtë; gjithçka që shohim, prekim dhe njohim mund të jetë pasqyrim i një universi paralel.

A është universi një simulim i sofistikuar?


Neil de Grasse Tyson dhe shkencëtarë të tjerë e diskutojnë këtë mundësi

Edhe pse ne e perceptojmë universin si diçka të madh dhe real, gjatë viteve të fundit, një numër gjithnjë e më i madh i shkencëtarëve e kanë konsideruar mundësinë që, çdo gjë që ne e perceptojmë si realitet, në fakt mund të dalë të jetë një simulim i sofistikuar.


Mendimi i disa shkencëtarëve


Një grup shkencëtarësh të dalluar, duke përfshirë edhe emrat, si: Neil deGrasse Tyson, Lisa Randall, nga Universiteti i Harvardit; Max Tegmark, kosmolog nga Instituti i Masaçusetsit për teknologji (MIT); David Chalmers, profesor i filozofisë në Universitetin e Nju Jorkut; Zohreh Davoudi, një fizikan teoricien nga MIT dhe James Gates, fizikan teoricien nga Universiteti i Merilendit, ishin mbledhur në Muzeun e Historisë natyrore në Nju-Jork, për ta diskutuar mundësinë që universi, në fakt, një simulim i sofistikuar. Duket se kërkuesit shkencorë janë duke u bërë tepër mendjehapur gjatë viteve të fundit.

Mundësia që universi të jetë simulim, nuk është e re, meqë shumë shkencëtarë e kanë diskutuar këtë mundësi në të kaluarën. Bile, disa kanë shprehur mendimin se universi mund të jetë një hologram, derisa të tjerët sugjerojnë se, çdo gjë që ne e konsiderojmë si univers, në të vërtetë mund të jetë pjesë e një “kodi” tepër të avancuar.

Sipas teorisë holografike, graviteti në univers vjen nga telat e hollë, që vibrojnë. Kërkuesit thonë se këta tela janë holograme apo ngjarje që ndodhin në një kozmos shumë më të thjeshtë dhe më të rrafshët.

Max Tegmark beson se deri në 17% të universit tonë mund të jetë simulim i sofistikuar.

Filozofi Chalmers thoshte: “Ne nuk mund të kemi dëshmi se nuk gjendemi në një simulim, meqë çdo dëshmi do të simulohej”.

Ngjarja, e cila ishte pjesë e serisë së Debateve memoriale “Isaac Asimov”, mbahet çdo vit në shenjë të jetës së njërit prej shpikësve dhe kërkuesve më të dalluar shkencorë.


Çka thotë Max Tegmark


“Nëse shikoni sesi lëvizin këto kuarke, atëherë shihni se rregullat janë në tërësi matematikore”, thotë Max Tegmark, kozmolog në Institutin e Masaçusetsit për teknologji.

“Kjo më bën që të mendoj sikur unë të isha karakter i një loje kompjuterike, e cila fillonte duke bërë pyetjet e njëjta, të mëdha rreth botës sime të lojës, unë po ashtu, do ta zbuloja herët a vonë se rregullat duken tepër rigide dhe matematikore“.

Në të kaluarën, kërkuesit shkencorë po ashtu thoshin se universi, në fakt, mund të jetë simulim i përkryer kompjuterik.

Robert Lawrence Kuhn, autor dhe moderator i programit “Closer to Truth” (Më afër të së vërtetës), tash vonë eksploroi teorinë e tij në një episod, ku intervistoi disa shkencëtarë, duke përfshirë edhe Nick Bostromin, filozof nga Universiteti i Oksfordit, i cili thotë se skenari i prezantuar në filmin e filozofit që punon në Universitetin e Oksfordit, i cili thotë se skenari i prezantuar në filmin “Matrix” mund të jetë i vërtetë, “po në vend të truve të lidhur me një stimulator të madh, trutë tanë po ashtu do të ishin pjesë e simulimit multivers”