A është ky këmbëmadhi?

A është ky këmbëmadhi?




Shumë dekada pas zhdukjes, duket se këmbëmadhi do të shfaqet sërish. I njohur si njeriu i akullt, qenia misterioze e vrarë në fillim të viteve ’60 të shekullit të shkuar, do të ekspozohet në Austin të Teksasit javën e ardhshme, shkruan "Daily Mail".

Drejtori i muzeut, Steve Busti, tha të mërkurën se këmbëmadhi, i cili mbahet i ngrirë prej dekadash, do të ekspozohet për publikun duke filluar nga 3 korriku.

Njeriu i akullt, apo këmbëmadhi, u gjet nga një person i quajtur, Frank Hansen, i cili u përball me të dhe më pas e vrau duke ruajtur trupin.

Në atë kohë, dy mjekë morën përsipër të bënin autopsinë dhe rezultatet ishin mahnitëse. Qenia ishte mjaft i ngjashëm me njeriun, por dy mjekët nuk arritën të zbulonin më shumë.

Në këtë mënyrë, në lojë hyri edhe FBI-ja, pasi Hansen, fillimisht tha se e kishte gjetur këmbëmadhin në Siberi, por më pas rrëfeu se e kishte vrarë në Minnesota.

Policia mendoi se mos Hansen kishte vrarë një njeri dhe më pas kishte fshehur trupin. Por hetimet nuk sollën asgjë në dritë.