UFO –të vizitojnë Shqipërinë

UFO –të vizitojnë Shqipërinë



Një objekt fluturues i paidentifikuar, i quajtur ndryshe edhe si disk fluturues, është parë dje në orët e para të mëngjesit, në Vlorë, në zonën mbas Karaburunit, pikërisht në vendin e quajtur Gjiri i Dafinës, një zonë e qetë dhe e papopulluar. Ky objekt fluturues, është parë nga disa peshkatar që ishin nisur që në mbrëmje me peshkarexhën e tyre, për aktivitetet rutin në këtë zonë.

Objekti ka qenë në trajtën e një sateliti, me diametër perreth 3 metra, i cili është parë nga tre pjesetaret e ekuipazhit, që ndodheshin në det, për te terhequr rrjetat e peshkimit.

“Isha duke terhequr rrjetat e peshkimit, në moment mbi kokat tona kalon një objekt i madh, qëndron vetem 5 sekonda dhe mënjëherë u zhduk duke u larguar me shpejtësi. Objekti gjatë ikjes lëshoi një shtellung tymi dhe ngjyra e saj ishte gri në të bardhë… edhe në këto momente ndihem i shokuar, e pamundur. Dukej vërtet si një disk fluturues”, shpjegon Shpëtim Alushaj, njëri nga peshkatarët.

Ngjarje të ngjajshme janë përsëritur dhe ndëgjuar shumë herë në vende të ndryshme të botës, siç duket radhën e kishte edhe vendi jonë.

Për shumë njerëz mund të jetë e pabesueshme përderisa ndëgjon këto fjalë, por pikerisht sytë e tyre kanë parë ketë skenë, këtë objekt.