Joga për gjumë të mirë

Joga për gjumë të mirë

Provoni këto 5 lëvizje rutine dhe qetësoni trupin, shpirtin e mendjen para se të flini. Më e bukura? Për çdo pozicion mund të përdoret krevati!

Harroni të numëruarin për t'ju, zënë gjumi.

Qetësim me këmbët ngritur
Koha: 0:00 : 2:00 minuta

• Uluni përballë murit të dhomës (afër kokës së krevatit) me vithet rreth 20 cm larg murit.
Shtrihuni me kurriz e ngrini këmbët në mur.
• Nëse ky qëndrim ju duket i vështirë, mundohuni t'i largoni vithet pak më larg nga muri.
Nëse nuk ju pëlqen, afrohuni edhe pak më afër murit.
• Shtrijini duart anash trupit lirshëm, me pëllëmbët drejtuar sipër e merrni frymë qetë; ndërkohë ndieni tërheqjen në pjesën e pasme të këmbëve (kofshëve).



Rrotullime të trupit me përdredhje
Koha 2:00 : 3:00 minuta

• Uluni në shtrat me këmbët e kryqëzuara dhe nxirrni frymën ndërsa vendosni dorën e djathtë mbi gjurin e majtë e dorën e majtë pas kockave të legenit.
• Rrotulloni lehtë në të majtë trupin.
• Ngulini sytë tek supi i majtë dhe qëndroni pak ashtu. Merrni frymë thellë, më pas kthejeni trupin në qendër dhe përsëriteni ushtrimin në anën tjetër .



Poza e perëndeshës së natës
Koha 3:00 : 5:00 minuta

• Shtrihuni me kurriz me këmbët përthyer.
• Bashkojini shputat e këmbëve dhe lërini gjunjët të bien mbi krevat; këmbë të formojnë një diamant.
• Lëshoni krahët në shtrat .
• Nëse ndieni sforcim, vendosni ndonjë jastëk nën gjunjë.



Pozicion fëmijë
Koha 5:00 : 7:00 minuta

• Mbështetuni qetë mbi thembra.
• Përkuleni trupin përpara, duke e vendosur ballin mbështetur mbi krevat.
• Afrojeni kraharorin sa më afër gjunjëve, po u sforcuar dhe duke shtrirë krahët drejt përpara.
• Qëndroni në këtë pozicion dhe merrni frymë thellë.



Përkuljet e fundit para gjumit
Koha 7:00 : 8:00 Minuta

• Qëndroni shtrirë me kurriz dhe përqafoni këmbët e mbledhura me gjunjët afër kraharorit.
• Kryqëzoni kyçet e këmbëve dhe mbështillni të dy krahët rreth kërcinjve me duart mbërthyer.
• Merrni frymë dhe lëvizeni trupin sikur ngriheni; nxirrni frymën ndërsa shtriheni.
• Vazhdoni kështu për 1 minutë, më pas shtrihuni, hapni krahët dhe këmbët, qetësohuni e
“Gjumë të ëmbël!"