Pse është kaq e vështirë të jemi të lumtur?!

Elizza 02.09.11 13:21

Pse është kaq e vështirë të jemi të lumtur?!

(Për këtë shkrim mora shkas nga një Mp që mora para ca ditësh nga një antarë me të njëjtën pyetje, një pjesë të përgjigjes dua ta ndaj me ju)

Pse është kaq e vështirë të jemi të lumtur?! SpiritualityEN1

Eshtë folur shumë dhe ende folet për lumturinë, por nuk është aq e thjeshtë të arrihet kjo, por në anën tjetër nuk është as e pamundur. Në njërën anë nuk të duhet të bësh asgjë, në anën tjetër duhet shumë. Kjo tingllon si paradoksale, por edhe vetë jeta është e tillë dhe pikërisht në këtë paradoksalitet mund të arrijmë të kuptojmë shumë (po qe se jemi të zgjuar). Të gjithë janë në kërkim të lumturisë, e lumturia nuk kërkohet, Ajo gjendet! Të gjithë e duan lumturinë, por zgjedhin mjerimin!

E dini pse është e vështirë të arrihet Lumturia?! Sepse gjithmonë na kanë mësuar se nuk duhet të qeshësh shumë, duhet të jesh i matur, duhet të jesh i përulur, duhet të përpiqesh shumë, njeriu i drejtë/i mirë gjithmonë heq në jetë... Askush nuk na mëson të jetojmë me dinjitet, të jetojmë në lumturi, të jetojmë momentin, të jetojmë jetën ashtu si na pëlqen, ashtu si është natyrshëm... Për tek lumturia janë pengesë gjithcka duke filluar nga familjet tona, rrethi ku jemi rritur, shkolla jonë ku kemi mësuar, pastaj shoqëria e më gjerë...

Më thuani një gjë, por mendoni më parë për këtë: KUSH E DO NJE NJERI TE LUMTUR?!

ASKUSH!!! Mbase do te cuditeni, të nderuar, por më jepni leje që ta sqaroj:

Do të donte rrethi yt që ju të jeni i lumtur vetvetiu pa qenë ai shkaktari?!
Do te donte gruaja burrin, nëse nuk do të ishte ajo shkak i lumturisë së tij apo anasjelltas?!
Do te donte shoku/qja depresiv/e një shok/qe të lumtur?!...
Asnjeri! Sepse njerzëve iu pëlqen të jenë të varur vetë, por edhe të tjerët të jenë të varur prej tyre. Shikoni kënaqësinë që ndjejnë politikanët, hoxhallarët, priftërinjët, drejtorët, udhëheqësitë e tjerë... shumë njerëz varen nga ata, shumë njerëz i ndjekin, shumë njerëz i duan e janë gati të bëjnë gjithçka për ta, e kjo i bën të ndihem superior, por jo të lumtur. Asnjëri prej tyre nuk është i lumtur! Shikoni sytë e tyre, ata kanë frikën e humbjes së atij superioriteti, frikën se mbeten vetëm një ditë, se do të mbarojë ëndrra e tyre, e kur kanë kaq shumë frikë, si mund të jenë të lumtur?!

Njeriu i lumtur është "rrebel" në kuptimin pozitiv të fjalës, ai nuk nënshtrohet ai nuk është i varur nga asgjë dhe askush, bën atë që dëshiron, jeton ashtu si do (brenda kufinjëve të natyralitetit), nëse i flihet - fle, nëse i qahet - qan, nëse i qeshet - qesh,,, pa menduar se cka do të mendojnë e thonë të tjerët ... Këtë njeri nuk e do feja, sepse ai nuk i nënshtrohet; nuk e do politikani, sepse ai nuk e përkrah, nuk e do gruaja, sepse ajo don ta kontrollojë, të jetë i varur prej saj; nuk e do shoku, sepse vetë është depresiv dhe lumturia e tij bëhet urrejtje...

Kur dikush qanë, njerëzit afrohen e pyesin: “Cka ke?” - Asnjë nuk bën tjetër vetëm se e ngushëllon me fjalën ''e famshme'': "Ka edhe më keq!" - Kjo i bie sipas logjikes sime: "VUAJ, SE VUAJTJA JOTE NUK ESHTE ASGJE, SHIKO RRETH VETES E LAKMO NE VUAJTJEN TENDE!"
Por kur dikush qesh, thonë: "QENKA BERE BUDALLA!"

Na kanë mësuar të jemi të urtë, të butë, të sjellshëm, të ndershëm, të devotshëm... me një fjalë 'të mjerë' qysh në vegjëli, me arsyen kinse do të fitojmë respekt, famë, pushtet, para... gjithçka! Gjithsecili prej jush mund të keni pasur fëmijë në familje dhe qysh të vegjël iu mësojmë "diplomaci" atyre. I mësojmë si të arrijnë atë që duan disa përmes rrebelimit, disa përmes viktimizimit, e kjo e dyta është shumë më e shpeshtë fatkeqësisht. E keni parë se kur fëmija do dicka, pak hidhërohet edhe menjëherë prindërit ia plotësojnë kërkesat, po qe pak i sëmurë të gjithë do të jenë në këmbë për të plotësuar teket e tij, ai është i vogël, por jo edhe i marrë, kështu që ne krijojmë një 'diktatorë të vogël', i cili rritet dhe pastaj kërkon t'i plotësojë të gjitha teket e veta qoftë duke manipuluar e shtypur të tjerët.

Eshtë shumë më lehtë të jetohet me një burrë të dhunshëm, është më lehtë të zbatosh urdhëra se sa të jesh i/e lirë, është më lehtë ta gjesh Zotin e fabrikuar në kisha e xhamia, se sa ta kërkosh vetë… Burri i mjerë është i trajnuar t’i zbatoj urdhërat e shefit në punë, urdhërat në fe, ‘teket’ e gruas së frustruar, madje edhe të fëmijëve vetëm që të gjej pak qetësi. Gruaja është e trajnuar të jetë e urtë, e dëgjueshme, e butë… e sa më shumë të jetë e tillë aq më shumë shikime në të, të cilat forcojnë egoizmin e saj.

Keni pare feja si vepron?! A keni pare ndonjëherë një hoxhë apo prift apo ndonjë predikues tjetër fetar të qeshë nga thellësia e zemrës e të jetë i lumtur plotësisht?! Mund të thoni edhe po, por unë them: JO! Si prifti si hoxha, si ndonjë përfaqësues tjetër fetar janë të mbushur me frikë nga Zoti, këtë frikë e përcjellin edhe te masa, e cila cuditërisht beson sepse nuk është mësuar të mendojë me kokën e vetë. Pse do të më dënonte Zoti për dicka që kam bërë e nuk iu ka përshtat hoxhës ose priftit?! Pse të rrëfehem, pse duhet të jetë prifti ndërmjmetsues tek Zoti?! Cila është përparsia e tij?! Për ndjekësit e tij, ai mund të jetë një njeri i Zotit, por unë e barazoj me një të mjerë – një i mjerë që sakrifikon gjithcka për të qenë një rob më mëkatar se sa vetë mëkatarët që i rrëfehen.

Para pak kohe pata një bisedë me një prift. I parashtrova një pyetje shumë të thjeshtë për kompetencat e “larjes” së mëkateve të atyre që rrëfehen. Mora me mijëra fjalë të kota, që nuk ma mbushen mendjen. Shihej se ishte i humbur në atë botën e vetë, në labirintin e errët të ideologjisë së vetë, sa fillova të ndjej keqardhje për të e po bëhesha gati t’i thoja: “Pa hë, rrëfehu, se jam gati t’i dëgjoj marrëzitë tua!”

As hoxha nuk e do lumturinë tuaj, sepse ka nevojë për ju, ju shkoni për t’ju ndihmuar, ai ju jep letra t’i mbani me vete, t’i digjni, t’i hidhni në ujë, e pse mos të manipulojë me njerëz injorantë, të cilët mendojnë se problemet i zgjidh një letër, kur ata fitimin e kanë të madh?!

S’mund ta lë pa e përmendur edhe shtetin këtu. A keni menduar ndonjëherë, pse ka kaq shumë varfëri në botë edhe a ekziston mundësia e përmirsimit të jetës në mbarë globin?! Mundësitë janë shumë të mëdha, por kjo nuk do të ndodhë kurrë! Njerëzit më nuk mashtrohen aq lehtë, nuk bëhen viktimë e shtetit të vetë, e ky i fundit s’do ta ketë më marionetën për ta manipuluar. Politikani forcën e merr nga njerëzit e varur, nga ata e ushqen egon.

Gjithkush mund të manipulojë me një të gjorë, me një të mërzitur, të varfër, me një të pikëlluar e pa shpresë, por kurrë askush nuk mund të manipulojë me një të zgjuar, me një të lumtur sepse për atë nuk ka rëndesi nderimi, paraja, fitorja, nuk ka rëndësi fama, emri, luksi, as humbja…

Nëse jeni të mjerë vjen prifti ju bekon, ai merr përgjërimin tuaj, nëse jeni të varfër, i pasuri ju fal dicka nga pasuria e vetë që prapë nga ju e ka vjedhur, dhe merr përkujlejn tuaj, politikani të jep fjalë sa duash dhe merr votën e adhurimin tuaj dhe nga këto ‘dhurata’ fitohet lumturia e rreme, filloni të qeshni me këto, ju duket lumturi sepse nuk jeni i vetëdijshëm lumturisë së pavarur. Kjo në një fare mënyre bëhet edhe si koalicon ekzistencial. Unë ty mjerimin, ti mua lumturinë. Sa më i madh që të jetë mjerimi juaj aq më i madh është egoizmi i tyre, e kjo ju jep ndjenjën se janë vetë Zoti në tokë.
Kjo është arsyeja pse në një shoqëri egoiste, lumturia është një Luks i tepruar. Lumturia mund të lulëzojë vetëm në një shoqëri të pavarur, të lire nga ideologjitë e jodogmatike.

Por, a është dikush që e do lumturinë tuaj?! Ai që është vetë i lumtur! Kur je i lumtur e do edhe lumturinë e tjetrit, nuk do të mundohesh t’ia zbehësh atë, t’ia fanitësh, as ta injorosh, thjesht i bashkohesh një lumturie edhe më të madhe.

Shumë më lehtë është të jemi të lumtur sesa të mjerë! Mendojeni këtë si një spirale, për mjerimin duhet të ngjitesh lartë, kërkon energji të madhe, kërkon mund, përpjekje, ndërsa për lumturinë vetëm të dorzohesh, t'i lëshohesh rrjedhës së jetës, të shkosh me të, të mos rezistosh, as të mos e shtysh atë, sepse këto janë kot. Por, është vështirë ta lësh pas mjerimin sepse mësohemi me të, ai është bërë pjesë jona e pandashme. Shpirti kërkon lumturinë, kërkon natyralitetin e humbur në kohë, te dikush me një intensitet të dobtë, te dikush më të lartë, por te secili ekziston dëshira për lumturi, dëshira e kthimit në fëmijëri, kur jeta ishte e bukur, pa halle e pa probleme, e lumturia është këtu, në të tashmen, as në fëmijëri as në pleqëri.

E kuptoni tash, pse njerëzit nuk mund të jenë të lumtur,,, kanë shumë paragjykime, janë mësuar me mjerimin, janë mësuar me vuajtjen, po t'iu flasesh për lumturi të thonë: " CKA PO MENDON SE UNE IA KAM INAT VETES?!" - edhe ti duhet të tërhiqesh, sepse për ta mjerimi është Perlë e vlefshme, që iu garanton Parajsën në botën tjetër...

Paqe!
Elizza

ILIRA 02.09.11 13:37

Bukur e ke thene Elizza me pelqeu shkrimi yt , po na thuaj a je e lumtur ti?? Ne te kundert te asaj qe shkruajte do te me behej qejfi shume po te ishe e lumtur sepse te them te drejten nuk kam pare njerez te lumtur.

vjollca! 02.09.11 13:40

Eliiza,ti po bie ne kundershtim me vetveten nese keto fjale jane te thena nga ti.
Pse?
Sepse ti me pare je deklaruar qe beson ne zot,prandaj kur thua se nuk jemi te lumtur ngase njerezit na kane mesuar qe te mos qeshim shume,te jemi te motur,te jemi te kujdesshem,te jemi te moralshem etj,dhe thua se nuk na kane mesuar qe ta shijojme momentin,ta jetojme egon,ta jetojme jeten ashtu siq duam vete.
Atehre keto qe thua jane ne kundershtim me zotin e nderuar.

nitty 02.09.11 13:48

vjollca! shkruajti:Eliiza,ti po bie ne kundershtim me vetveten nese keto fjale jane te thena nga ti.
Pse?
Sepse ti me pare je deklaruar qe beson ne zot,prandaj kur thua se nuk jemi te lumtur ngase njerezit na kane mesuar qe te mos qeshim shume,te jemi te motur,te jemi te kujdesshem,te jemi te moralshem etj,dhe thua se nuk na kane mesuar qe ta shijojme momentin,ta jetojme egon,ta jetojme jeten ashtu siq duam vete.
Atehre keto qe thua jane ne kundershtim me zotin e nderuar.

Mos ia prish imazhin kësaj teme o i krisur?!

Nuk do të thote që nëse ti beson në zot nuk je i lumtur,por i lumtur je kur bënë atë që ndihesh mirë...

Elizza rrallë shkruan por e hijeshon forumin fare!

E priftërinjët janë më të palumturit ,mendoj?!

Te lumtë!

vjollca! 02.09.11 13:55

Cfare ke me mua ore i gjore,po kujt i ra ndermend qe je ti gjalle,qe nuk di as ti a dallosh njerezve gjinine.
Elizza vazhdimisht shkruan tema te bukura,por ketu ne kete rast ajo ra ne kundershtim me vetveten,sepse nese njeriu vertete beson ne zot,atehere ai duhet te jete i matur,i moralshem,i kujdesshem,jo egoist,etj.
Kurse elizza ka thene se per te qene i lumtur duhet shmangur ketyre gjerave,qe qe eshte shume e vertete,por une e pata fjalen vetem tek elizza sepse ajo me pare ka thene se besoj ne zot.

nitty 02.09.11 14:02

vjollca! shkruajti:Cfare ke me mua ore i gjore,po kujt i ra ndermend qe je ti gjalle,qe nuk di as ti a dallosh njerezve gjinine.
Elizza vazhdimisht shkruan tema te bukura,por ketu ne kete rast ajo ra ne kundershtim me vetveten,sepse nese njeriu vertete beson ne zot,atehere ai duhet te jete i matur,i moralshem,i kujdesshem,jo egoist,etj.
Kurse elizza ka thene se per te qene i lumtur duhet shmangur ketyre gjerave,qe qe eshte shume e vertete,por une e pata fjalen vetem tek elizza sepse ajo me pare ka thene se besoj ne zot.

Ore si nuk kupton ti shqip apo çfarë:

I lumtur je kur bënë atë që ndihesh mirë,Elizza me siguri ndihet mirë që beson në zot,dhe kaq është e lumtur...

Gjinkallë ka ardhur koha të ta përjashtojn edhe këtë llogari,ore kokëqarë?!

Dimitrov Xhunga 02.09.11 14:03

Lumturia personale arrihet ne liri te plote.Kur kjo liri nuk prek,cenon ose demton lirine e tjetrit.Kur je i lire te besh ate qe do e deshiron vetvetja jote ne cdo moment atehere je i lumtur.Dhe ne rrethanat e jetes se perditshme jo gjithmone mund te jesh i lumtur sepse jo gjithmone ben ate qe do.

Elizza 02.09.11 14:04

Vjollca, nëse më parë kam thënë se besoj në Zot, unë vetëm e përsëris edhe një herë, dhe për asnjë cast nuk e mohova!
Mos i shkëput vetëm mbiemrat, por lexo tërë paragrafin, e shihe pse e kam thënë ashtu!
...Jemi mbushur me moralitet të rrejshëm aq shumë sa tani e kemi vështirë edhe të bëjmë dallimin!

ILIRA 02.09.11 14:17

Elizza na trego te lutem a je e lumtur???

Gon! 02.09.11 15:37

Mendimi im është se "Njeriu në këtë botë është edhe i lumtur edhe i pa-lumtur po në të njejtën kohë dhe në të njejtin moment!"

ILIRA 02.09.11 15:46

Kjo gjendja edhe i lumtur edhe i palumtur perkufizohet "gjendje amullie".

john abraham 02.09.11 17:35

Lumturia?
Eshte e pa imagjinueshme qe dikush te gjeje lumturine duke ndjekur deshirat e veta, sepse normalisht kjo do ta fuste ne nje labirint degjenerimi dhe genjeshtre sa per te vashduar ne kerkimin e lumturise do tu zhyste akoma me thelle dhe do te ishte shume e veshtire te dilte nga ajo sketerre.

Lumturia nuk eshte dicka qe fitohet apo kerkohet, por qe duhet tja dhurosh vetes; nese njeriu eshte i prirur ne zemren e vete per te bere nje veper te mire, menjehere sa e ben ndjehet i lumtur, por pse ndodh kjo?

Gjithmone kemi degjuar se duhet te ndjekesh deshirat e tua, duhet te mendosh ne fillim per veten, etj, por keto gjera nuk te dergojne askund perpos se ne skamje te lumturise; duke u bere ziliqar egoist dhe imoral deri ne graden me te fundit.
Te jesh i lumtur nuk do te thote te kesh njerez qe te duan, por njerez qe i don!
Lumturia vjen si rrjedhoje e mospendimit per aktin qe kryen, dhe nese dikush ndjek deshirat e tij per te qene i lumtur ai domosdo do te pendohet.
Pershembull me thoni nje njeri qe eshte i dhene pas pijes dhe ai nuk pendohet pasi ka pire, ose nje maniak seksual qe nuk pendohet pasi ka kryer dicka te tille, ose nje vrases qe nuk eshte penduar per vepren e vet pasi e ka kryer?
Te gjithe pendohen pasi e bejne llumin, por asnjeri nuk pranon ta ndreqe qe pas pendimit te kerkoje falje dhe te vashdoje jeten e tij, por vashdojne ne egon dhe deshirat e tyre mishtore duke u bere edhe me kerkues ne ate rruge qe kane ndjekur qe nga fillimi.

Nese une apo dikush tjeter do te shikonim te afermin apo mikun tone te lumtur, vetvetiu do te ndjenim nje lumturi, por nese ne ne mbizoteron zilia, ne nuk i prishim pune te lumturit por largojme veten nga lumturia.

Personalisht une jam musliman dhe ambienti ku une jetoj nuk ka aspak te tille, une ndjehem i lumtur, edhe pse shpesh here degjoj fjale jo te pershtatshme ndaj meje, por kjo nuk do te thote qe une te jem menefregist ndaj tyre kur ata me thone se "nuk eshte e natyrshme qe te ndjehet i lumtur nje njeri qe beson ne te padukshmen".
Ata me kane ngritur mua ne nje shkalle te larte si besues i te padukshmes, dhe ata vete pohojne qe une jam i lumtur edhe pse ju duket absurde dhe jo e natyrshme.

A mund te jete nje njeri qe nuk i intereson familja i lumtur? Jo ne asnje menyre, por nuk eshte i lumtur as ai qe kontrollohet nga qenia njerezore.
Nje njeri ndjehet i lumtur kur arrin te dhuroje ate te mire nga vetja qe te tjeret te qeshin, kur dhuron ate te mire dhe ate dashuri qe njeriu ndjehet i perkrahur.
Pershembull kur nje djale i thote nje vajze qe "te dua" vajza nuk ndjehet e lumtur nga fraza, as sepse dikush interesohet per te, por sepse ajo vete i ka dhuruar dashuri dikujt saqe kjo e ndihmon per ta bere te lumtur te dyja palet, por nese ne njeren pale ka deshira qe deshirojne vetem lumturine e vet, kjo nuk eshte lumturi por fallsiture absolute, sa te dergon ne shprehjen shume te perdorur " ja futa filanes".

Tallësi nuk e do atë që e kritikon; ai nuk shkon tek të urtët.
Një zemër e gëzuar e bën të lumtur fytyrën, por nga pikëllimi i zemrës fryma dërrmohet.
Zemra e njeriut me mend kërkon dijen, por goja e budallenjve ushqehet me marrëzi. (bibla fjalet e urta 15:12-14)

ILIRA 02.09.11 18:34

po me pelqen kjo teme, po ti John je apo nuk je i lumtur?? Nga ajo qe ke postuar deri tani kam kuptuar qe nuk je ... te me falesh edhe mund ta kem gabim

Gon! 02.09.11 22:38

(Shembull!) John Abraham është "Edhe i lumtur edhe i palumtur". I lumtur është kur poston diqka të mirë në këtë forum që për vete e di, mirëpo e poston që ta mësojnë atë të mirë edhe të tjerët, pastaj ata që e lexojnë atë shkrim të Johnit, disa prej tyre anëtarëve e pëlqejnë atë dhe i japin komente pozitive apo falemnderuese Johnit për shkrimin që postoi. Pra, Johni po sa të lexoj ato komente pozitive që i janë drejtuar atij, në ato momente ai ndjehet tepër "i lumtur", por kur lexon edhe disa komente negative nga disa anëtar të këtij forumi të cilët e akuzojnë Johnin për atë shkrim që ka bërë dhe për ata anëtar shkrimi është i pa vlerë, atëher Johni po në ato momente ndjehet tejet "i palumtur" (i zhgënjyer). Kjo pra është "Lumturia dhe Pa-lumturia" që ekzistojnë në shpirtin e njeriut në të njejtën kohë dhe në të njejtin minut.
ILIRA, ky shembull që mora unë Johnin në këtë rast është një nga shembujt e shumt që ekzistojnë në lidhje me lumturin dhe jo-lumturin e shpirtit të njeriut të cilat përjetohen në kohë të njejt.

Xhemajl 02.09.11 23:47

Gon! shkruajti:(Shembull!) John Abraham është "Edhe i lumtur edhe i palumtur". I lumtur është kur poston diqka të mirë në këtë forum që për vete e di, mirëpo e poston që ta mësojnë atë të mirë edhe të tjerët, pastaj ata që e lexojnë atë shkrim të Johnit, disa prej tyre anëtarëve e pëlqejnë atë dhe i japin komente pozitive apo falemnderuese Johnit për shkrimin që postoi. Pra, Johni po sa të lexoj ato komente pozitive që i janë drejtuar atij, në ato momente ai ndjehet tepër "i lumtur", por kur lexon edhe disa komente negative nga disa anëtar të këtij forumi të cilët e akuzojnë Johnin për atë shkrim që ka bërë dhe për ata anëtar shkrimi është i pa vlerë, atëher Johni po në ato momente ndjehet tejet "i palumtur" (i zhgënjyer). Kjo pra është "Lumturia dhe Pa-lumturia" që ekzistojnë në shpirtin e njeriut në të njejtën kohë dhe në të njejtin minut.
ILIRA, ky shembull që mora unë Johnin në këtë rast është një nga shembujt e shumt që ekzistojnë në lidhje me lumturin dhe jo-lumturin e shpirtit të njeriut të cilat përjetohen në kohë të njejt.

Bash per kete arsye Elizza e ka ceke, se nuk duhet te shqetesohemi se çfare mendojne te tjeret,sepse mendimet e tyre ekzistojne vetem ne mendjen e tyre, çdo mendim nuk eshte realiteti, kur ne vertet fillojme qe te mos shqetesohemi per mendimet e te tjereve, besoj se fillojme te ndjehemi te lumtur..

nert 03.09.11 20:18

Pergezime per temen qe ke zgjedhur si dhe per argumentat e tua

john abraham 04.09.11 23:21

Gon! shkruajti:(Shembull!) John Abraham është "Edhe i lumtur edhe i palumtur". I lumtur është kur poston diqka të mirë në këtë forum që për vete e di, mirëpo e poston që ta mësojnë atë të mirë edhe të tjerët, pastaj ata që e lexojnë atë shkrim të Johnit, disa prej tyre anëtarëve e pëlqejnë atë dhe i japin komente pozitive apo falemnderuese Johnit për shkrimin që postoi. Pra, Johni po sa të lexoj ato komente pozitive që i janë drejtuar atij, në ato momente ai ndjehet tepër "i lumtur", por kur lexon edhe disa komente negative nga disa anëtar të këtij forumi të cilët e akuzojnë Johnin për atë shkrim që ka bërë dhe për ata anëtar shkrimi është i pa vlerë, atëher Johni po në ato momente ndjehet tejet "i palumtur" (i zhgënjyer). Kjo pra është "Lumturia dhe Pa-lumturia" që ekzistojnë në shpirtin e njeriut në të njejtën kohë dhe në të njejtin minut.
ILIRA, ky shembull që mora unë Johnin në këtë rast është një nga shembujt e shumt që ekzistojnë në lidhje me lumturin dhe jo-lumturin e shpirtit të njeriut të cilat përjetohen në kohë të njejt.

Pershendetje Gon!
Nese deshiroje te merrje nje shembull ne kete menyre mund ta beje me veten apo me nje antar "paemer", dhe jo me mua, ok?

Une ndjehem i lumtur kur shkruaj, pra kur them ate qe mendoj dhe nuk me intereson aspak a e pranojne apo jo te tjeret.
Dhe ne nuk jemi të obliguar për tjetër, përveç t'ju kumtojmë ashtu qartë".(Jasin,17)

ILIRA! shkruajti:
po ti John je apo nuk je i lumtur?? Nga ajo qe ke postuar deri tani kam kuptuar qe nuk je ... te me falesh edhe mund ta kem gabim

Qendrimi im ndaj kesaj pyetje eshte:
Lumturia nuk eshte dicka qe fitohet apo kerkohet, por qe duhet tja dhurosh vetes; nese njeriu eshte i prirur ne zemren e vete per te bere nje veper te mire, menjehere sa e ben ndjehet i lumtur, por jo gjithmone lejohesh/mundesh te besh ato vepra qe deshiron!
Shembull: Dikush do te donte te shdukte varferine ne bote, por ama nuk mundet; hidherimi qe perjeton ai njeri per ata qe vuajne eshte shume i madh, aq sa i rrjedhin lotet si lum dhe nuk pajtohet me kete ide edhe pse e din se kjo gje nenjefare menyre eshte e paarritshme.

maqomaqo3 05.09.11 3:11

respekte maksimale per elizzen qe i jep frymemarje ktij forumi te mrekullueshem dhe eshte si mushkeri per kete forum me temat e shkelyqera qe hap dhe me shpjegimin e saj te endrave . duhet ta falenderoni elizzen te gjithe ju qe jeni pjese e ketij forumi ,pa elizzen ky forum do ishte shume kot . dhe po shikoj qe injorantet dhe bicimsezat perseri duhan te prishin temat ,po ate pune kini ju se aq e keni hard dikun ,skeni kapacitet per kete forum ,dhe beni bla bla gjith diten .

Gon! 05.09.11 7:57

John, deri sa diskutojmë së bashku ne mund të themi se jemi shok apo jo. Unë guxoj t'ia përmend emrin shokut, por ti me reagimin tënd tregove që nuk dëshiron miqësi, pra më fal i nderuar.

john abraham 05.09.11 12:14

maqomaqo3 shkruajti:respekte maksimale per elizzen qe i jep frymemarje ktij forumi te mrekullueshem dhe eshte si mushkeri per kete forum me temat e shkelyqera qe hap dhe me shpjegimin e saj te endrave . duhet ta falenderoni elizzen te gjithe ju qe jeni pjese e ketij forumi ,pa elizzen ky forum do ishte shume kot . dhe po shikoj qe injorantet dhe bicimsezat perseri duhan te prishin temat ,po ate pune kini ju se aq e keni hard dikun ,skeni kapacitet per kete forum ,dhe beni bla bla gjith diten .

Injorantet (une) do te jene gjithmone verdalle, por ju maqomaqo3 mos u beni akoma me shume injorant se te tjeret duke krahasuar shkrimin e Elizes si "frymemarrje per mushkri" kur ne fakt eshte nje frymemarrje per llumin e shoqerise.
Shikoni se c'fare shkruan Eliza:

Elizza shkruajti: Njeriu i lumtur është "rrebel" në kuptimin pozitiv të fjalës, ai nuk nënshtrohet ai nuk është i varur nga asgjë dhe askush, bën atë që dëshiron, jeton ashtu si do (brenda kufinjëve të natyralitetit)

Fiksohu tek fjalet ne kllapa "brenda kufinjeve te natyralitetit;
..epo nje vrasesi i duket e natyrshme te vrase, apo nje dhunuesi te dhunoje, a mos valle mendon se keto gjera ketyre personave do tju sjellin lumturine?

Elizza shkruajti:Do të donte rrethi yt që ju të jeni i lumtur vetvetiu pa qenë ai shkaktari?!

Ehh, normalisht, nje nene nuk do te donte qe femija i saj te ishte i lumtur!!!

Shkrimi i Elizzes eshte perdorur ne nje forme apo nje tjeter gjate revolucioneve seksuale degjeneruese, ku kafshet marrin te drejta.

Paqe maqomaqo3!

Xhemajl 05.09.11 17:44

Elizza shum mire e ka cek (brenda kufinjeve te natyralitetit)dhe ti thua qe nje njeriu(vrases) i duket e natyrshme te vrase,,
te duket ty qe natyra e njeriut qe njeriu te jete vrases(qe vrasesi eshte brenda kufinjeve te natyralitetit)????Sepse mua nuk me duket..

Elizza 05.09.11 17:53

Maqomaqo3: Mos mbivlerëso!
John: Të qenit i lumtur nuk ka të bëj fare me besimin në të dukshmen apo të padukshmen.
...
Kur bën dicka për dikënd, ndihesh mirë, por kjo ka të bëj me kënaqësinë që të ofron veprimi apo fjala që ia thua dikujt, kjo është sipërfaqësore, madje në vete ka edhe një lloj egoizmi, se veprimin po e bën për t'u ndier mirë vetë dhe kjo automatikisht forcon egon e njeriut.

Të dehesh, të jesh vrasës, dhunues, maniak seksual... nuk është e natyrshme, nuk është brenda kufijëve të natyrshmërisë së Ekzistencës edhe pse për disa ta bësh këtë ''është'' më se normale.

Nga lumturia nuk janë të privuar asnjë, para Zotit të gjithë kemi këtë privilegj, por ne kemi edhe vullnetin e lirë për të vepruar. Ne të gjithë jemi meritor të lumturisë, por jo të gjithë e kanë, sepse ne si fëmijë jemi të varur dhe kështu vazhdojmë gjatë. Një nënë normalisht nuk na e do të keqen, por ajo që mund të jetë e mirë për të, ose ajo që ka qenë e mirë për të, nuk është domosdoshmërisht e mirë edhe për ne.

maqomaqo3 05.09.11 17:55

john abraham shkruajti:
maqomaqo3 shkruajti:respekte maksimale per elizzen qe i jep frymemarje ktij forumi te mrekullueshem dhe eshte si mushkeri per kete forum me temat e shkelyqera qe hap dhe me shpjegimin e saj te endrave . duhet ta falenderoni elizzen te gjithe ju qe jeni pjese e ketij forumi ,pa elizzen ky forum do ishte shume kot . dhe po shikoj qe injorantet dhe bicimsezat perseri duhan te prishin temat ,po ate pune kini ju se aq e keni hard dikun ,skeni kapacitet per kete forum ,dhe beni bla bla gjith diten .

Injorantet (une) do te jene gjithmone verdalle, por ju maqomaqo3 mos u beni akoma me shume injorant se te tjeret duke krahasuar shkrimin e Elizes si "frymemarrje per mushkri" kur ne fakt eshte nje frymemarrje per llumin e shoqerise.
Shikoni se c'fare shkruan Eliza:
Elizza shkruajti: Njeriu i lumtur është "rrebel" në kuptimin pozitiv të fjalës, ai nuk nënshtrohet ai nuk është i varur nga asgjë dhe askush, bën atë që dëshiron, jeton ashtu si do (brenda kufinjëve të natyralitetit)
Fiksohu tek fjalet ne kllapa "brenda kufinjeve te natyralitetit;
..epo nje vrasesi i duket e natyrshme te vrase, apo nje dhunuesi te dhunoje, a mos valle mendon se keto gjera ketyre personave do tju sjellin lumturine?

Elizza shkruajti:Do të donte rrethi yt që ju të jeni i lumtur vetvetiu pa qenë ai shkaktari?!
Ehh, normalisht, nje nene nuk do te donte qe femija i saj te ishte i lumtur!!!

Shkrimi i Elizzes eshte perdorur ne nje forme apo nje tjeter gjate revolucioneve seksuale degjeneruese, ku kafshet marrin te drejta.

Paqe maqomaqo3!

e para nuk e kam aspak per ty , e dyta kur e krahasoj elizzen si mushkeri e forumit ,e kam fjalen per shkrimet e saj dhe jo vetme per kte teme ,kuptove tani ? paqe

Estilen 05.09.11 18:13

john abraham shkruajti:
............
duke krahasuar shkrimin e Elizes si "frymemarrje per mushkri" kur ne fakt eshte nje frymemarrje per llumin e shoqerise.

E kush eshte llumi i shoqerise john...?

john abraham shkruajti:Shikoni se c'fare shkruan Eliza:

Elizza shkruajti: Njeriu i lumtur është "rrebel" në kuptimin pozitiv të fjalës, ai nuk nënshtrohet ai nuk është i varur nga asgjë dhe askush, bën atë që dëshiron, jeton ashtu si do (brenda kufinjëve të natyralitetit)

john abraham shkruajti:Fiksohu tek fjalet ne kllapa "brenda kufinjeve te natyralitetit;
..epo nje vrasesi i duket e natyrshme te vrase, apo nje dhunuesi te dhunoje, a mos valle mendon se keto gjera ketyre personave do tju sjellin lumturine?

john miku im,a nuk e kupton se diskutimi juaj eshte gjithmone brenda kuadrit te fese,dhe si i tille bie ndesh me te gjithe komentuesit,qe jane jashte atyre kornizave...?

Pare ne kete aspekt,llumin e shoqerise ne se do e kerkosh,do e gjesh kudo,tek sejcili qe nuk eshte ne nje shine me ty,por fatkeqesisht kundershtaret e fese jane mencuria e botes,se atyre ju duhet te luftojne edhe vehten per te kundershtuar ato qe kane arritur,deri sa te arrijne te vertetojne nje teze,por edhe ne lufte te vazhdushme me errsiren qe mundohet te leshoi religjioni kudo qe hedh hape.

Elizza shkruajti:Do të donte rrethi yt që ju të jeni i lumtur vetvetiu pa qenë ai shkaktari?!

john abraham shkruajti:Ehh, normalisht, nje nene nuk do te donte qe femija i saj te ishte i lumtur!!!

Shkrimi i Elizzes eshte perdorur ne nje forme apo nje tjeter gjate revolucioneve seksuale degjeneruese, ku kafshet marrin te drejta

Ne se do shprehesha pa dorashka ndaj ketyre rreshtave qe ke shkruar me siper,me duhet te them se per here te pare del nga imazhi juaj, kaq i permbajtur me veshtersi gjate kesaj kohe qe je ne forum,per te demonstruar ate qe edhe ti nuk ngelesh pas nga nje mysliman i zakonshem

nitty 05.09.11 18:34

Waaa...mrekulli...

Për herë të parë pajtohem me estilen,fenë ndoshta duhet ta kemi por jo çdo gjë të lidhim me fenë pasi që në këtë rast i bie që feja është ajo që ta largon lumturin?!

Ville Valo 05.09.11 21:03

pajtohem plotesisht me vjollcen dhe me johnin,pra nese elizza ka thene se nese do te jesh i lumtur behu i lire dhe bej cfare te duash ti.
Atehere une dua te vras dhe te bej mardhenie seksuale me kedo qe me pelqen,dua ta thej qdo banke,dua te vjedh ngado qe shkoj,dua te genjej per gjdi gje sepse kjo me ben te lumtur.
Por shtrohet pyetje cfare do te ndodh me njerezimin dhe me boten ne pergjithesi po te behemi te gjithe si kafshe seppse keshtu ndihemi te lumtur apo jo.
sipas shume hulumtimeve qe jane bere eshte ardhur ne konkludim se shumica e ateistave perfundojne me vetvrasje

Elizza 05.09.11 21:25

O i nderuar mos i përziej kafshët këtu! Ke parë ndonjëherë një kafshë që vret për kënaqësitë e veta ose që dhunon, ke parë ndonjëherë kafshë që mërzitet të ketë ndonjë material me vlerë, para, ari, shtëpi apo cadoqoftë? Ke parë ndonjë kafshë që kërkon të jetë e para në gjithcka?...
Kjo që e quan ti ''liri'', quhet marrëzi!

Ville Valo 05.09.11 21:27

E po pikerisht keto marrezira i krijon liria

Nikolaos 05.09.11 21:32

Ville Valo shkruajti:
sipas shume hulumtimeve qe jane bere eshte ardhur ne konkludim se shumica e ateistave perfundojne me vetvrasje

jo mor jo, e ke gabim, vetevrasje bejne ata qe besojne ne parajse dhe ikin nga kjo jete me deshiren e tyre duke shpresuar tek jeta tjeter. Ne ateistet besojme se ka vetem nje jete prandaj e quajme te shtrenjte ate dhe nuk do benim vetevrasje pikerisht sepse nuk kemi shprese per jete tjeter.

Ville Valo 05.09.11 21:35

Jomor zoteri,feja shume mire e denon vetevrasjen,une po flas me fakte mud ta kerkosh edhe vet e google.
Nje gje po ta them " Kjo jete eshte shume e shkurter per te qene i lumtur"
andaj kujdes.

nert 05.09.11 21:39

Po marr disa cope te esese se Elizzes dhe po mar guximin ta komentoj.

E dini pse është e vështirë të arrihet Lumturia?! Sepse gjithmonë na kanë mësuar se nuk duhet të qeshësh shumë, duhet të jesh i matur, duhet të jesh i përulur, duhet të përpiqesh shumë, njeriu i drejtë/i mirë gjithmonë heq në jetë... Askush nuk na mëson të jetojmë me dinjitet, të jetojmë në lumturi, të jetojmë momentin, të jetojmë jetën ashtu si na pëlqen, ashtu si është natyrshëm... Për tek lumturia janë pengesë gjithcka duke filluar nga familjet tona, rrethi ku jemi rritur, shkolla jonë ku kemi mësuar, pastaj shoqëria e më gjerë...

Pra me pak fjale jemi te ndrydhur te shprehim ndjenjat tona, jemi te ndrydhur ta jetojme jeten si na pelqen, dhe kjo nuk do te thote se patjeter do te lendojme dike, jemi te ndrydhur te jetojme momentin pasi jemi mesuar dhe edukuar nga familja rrethi shoqeror se nuk duhet te bejme asnje gje pa u menduar, (kam patur nje shoqen time te cilen familja e kishte rritur me idealet se ajo duhet te ishte e persosur, se nuk duhet te bente gabime ne jete, se duhet te analizonte shume mire te gjitha vendimet e saja, per kete arsye ajo kalonte shpesh ne gjendje ankthi naten ne gjume a mendoni se do te ishte me e lumtur po te ishte rritur me nje fryme tjeter)

Më thuani një gjë, por mendoni më parë për këtë: KUSH E DO NJE NJERI TE LUMTUR?!
Asnje te gjithe thone se na behet qejfi, po te gjithe jane xheloze pse ajo te jete me e lumtur se une, vjen vetvetiu jo se te tjeret jane egoiste dhe nuk e duan lumturine e tjetrit

Do të donte rrethi yt që ju të jeni i lumtur vetvetiu pa qenë ai shkaktari?!
Do te donte gruaja burrin, nëse nuk do të ishte ajo shkak i lumturisë së tij apo anasjelltas?!
Do te donte shoku/qja depresiv/e një shok/qe të lumtur?!...

Sepse njerzëve iu pëlqen të jenë të varur vetë, por edhe të tjerët të jenë të varur prej tyre.

Eshte vet natyra qenieve te gjalla te cilat jane te ndervarura me njera -tjetren.

Shikoni sytë e tyre, ata kanë frikën e humbjes së atij superioriteti, frikën se mbeten vetëm një ditë, se do të mbarojë ëndrra e tyre, e kur kanë kaq shumë frikë, si mund të jenë të lumtur?!

Njerezit nuk i le frika te jetojne te lumtur, a e dini se njerezit kane me shume frike te mbesin vetem se sa vdekjen??

Njeriu i lumtur është "rrebel" në kuptimin pozitiv të fjalës, ai nuk nënshtrohet ai nuk është i varur nga asgjë dhe askush, bën atë që dëshiron, jeton ashtu si do (brenda kufinjëve të natyralitetit), nëse i flihet - fle, nëse i qahet - qan, nëse i qeshet - qesh,,, pa menduar se cka do të mendojnë e thonë të tjerët ... Këtë njeri nuk e do feja, sepse ai nuk i nënshtrohet; nuk e do politikani, sepse ai nuk e përkrah, nuk e do gruaja, sepse ajo don ta kontrollojë, të jetë i varur prej saj; nuk e do shoku, sepse vetë është depresiv dhe lumturia e tij bëhet urrejtje...

Mos e ndyni kaq shume nje esse nqs nuk jeni te zote ta kuptoni , te jesh i lire dhe te besh cte duash ne kete ese nuk eshte thene vrit, e bej cte duash, nuk po flitet per lumturine e njerezve me crregullime mendore, jeteoje jeten ne menyren si te pelqen. Vertete nje nene ia do te miren femijes, por nuk eshte e thene se femija duhet te jetoje sic ka jetuar nena e tij pasi ajo mendon se eshte me e mira per te, njerezit (femijet) duhet te rriten dhe te shohin vet se c eshte me e mira per ta.

Sa studente keni se zgjedhin nje profesion vetem se i pelqen prinderit te tyre por ata vet se kane me deshire.

Elizza[/quote]

Nikolaos 05.09.11 21:39

cfare te shikoj ne google, statistika te bera nga fetaret? jo te gjitha ne google jane te verteta. Perkundrazi kam pare vetem besimtar qe vrasin veten dhe nuk di ndonje ateist. Feja e ndalon vetevrasjen por kjo nuk do te thote qe te gjithe besimtaret e fese i zbatojne te gjitha rregullat e fese. Per shembull ne shqiperi, pavaresisht qe deklarohen besimtar, shumica bejne nje jete ateiste ne menyre te pavetedijshme. Rregullat e plota fetare i zbatojne vetem familjet fanatike, familjet me trashegimi fetare te forta, familjet ne zona te thella rurale, ku dominon injoranca, ose familje qe kane interesa fitimprurese.

nitty 05.09.11 21:40

Ville Valo shkruajti:pajtohem plotesisht me vjollcen dhe me johnin,pra nese elizza ka thene se nese do te jesh i lumtur behu i lire dhe bej cfare te duash ti.
Atehere une dua te vras dhe te bej mardhenie seksuale me kedo qe me pelqen,dua ta thej qdo banke,dua te vjedh ngado qe shkoj,dua te genjej per gjdi gje sepse kjo me ben te lumtur.
Por shtrohet pyetje cfare do te ndodh me njerezimin dhe me boten ne pergjithesi po te behemi te gjithe si kafshe seppse keshtu ndihemi te lumtur apo jo.
sipas shume hulumtimeve qe jane bere eshte ardhur ne konkludim se shumica e ateistave perfundojne me vetvrasje

Kjo tregon që ti je një vulgar i pacipë,kjo tregon që po të mos ekzistonte frika ti do ishe një kriminel i zakonshëm.Turp për ty të të frenoj një frikë,dhe turp që një i rritur si ti shkruaj këto vulgaritete?!

Ti nuk ke kuptuar asgjë se çfarë ka dashur të thotë Elizza me fjalën liri,ti paske lexuar vetëm komentet,kjo tregon një papjekuri nga ana jote,si një individ që ende nuk di të përkthej vetë gjuhën shqipe.Turp!

Ti po deshe jo vetëm një bankë por të gjitha bankat thej,jo vetëm një njeri por të gjithë njerëzit vrit,pastaj ta shohim se a mund të jetosh me ndjenjën e ndërgjegjës?!

Ti je frikacak i rëndomtë i njerëzimit,ti nuk ke fuqi të bësh asnjë nga këto që përmende por dëshiron të kundërshtosh diçka duke menduar që ke të drejtë.Jo ore mos eja të na tregosh pallavra neve këtu se kjo nuk është temë për trurët e sapo lindur,as për ata që nuk kuptojn shqip,dhe krejt në fund kjo nuk është temë për mendimet asburde?!

Nëse një njeri nuk i vë korniza vetës,atëherë kornizat do ta kornizojn atë!

Nikolaos 05.09.11 21:43

Lumturia arrihet kur njeriu ben ato qe ka deshire, por pa i bere dëm askujt.
"Me i lumturi nga te gjithe te lumturit eshte ai qe ben te tjeret te lumtur"

nitty 05.09.11 21:48

Nikolaos shkruajti:Lumturia arrihet kur njeriu ben ato qe ka deshire, por pa i bere dëm askujt.
"Me i lumturi nga te gjithe te lumturit eshte ai qe ben te tjeret te lumtur"

Kaq bre Nikolaos,ku ishte më herët më pëlqen kur dikush flet pak por me kuptim të madhë?!

Të lumtë o Niko si duket pushimi të paska bërë mirë?!

Ville Valo 05.09.11 21:48

Nikolaos shkruajti:Lumturia arrihet kur njeriu ben ato qe ka deshire, por pa i bere dëm askujt.
"Me i lumturi nga te gjithe te lumturit eshte ai qe ben te tjeret te lumtur"

Po e shoh qe qenke ateist.Nje keshille nga ana ime.
Ti dhe te gjithe ateistat tjere jeni vetem humbesa.
Perse?
Nese zoti nuk egziston atehere kurgje kerkujt,kur te vdesim askush spo gjykohet as ateistat dhe as fetaret.
Por qka nese zoti egziston?
Ne kete rast kush po jane humbesit me te medhenje?
Pra ti ne asnjerin rast nuk po fiton ne njerin rast po jemi barazi,ne tjetrin rast dikush po eshte humbes.
Suksese ne lumturine tende,jete shkurter hahahah

nert 05.09.11 21:50

Nikolaos shkruajti:cfare te shikoj ne google, statistika te bera nga fetaret? jo te gjitha ne google jane te verteta. Perkundrazi kam pare vetem besimtar qe vrasin veten dhe nuk di ndonje ateist. Feja e ndalon vetevrasjen por kjo nuk do te thote qe te gjithe besimtaret e fese i zbatojne te gjitha rregullat e fese. Per shembull ne shqiperi, pavaresisht qe deklarohen besimtar, shumica bejne nje jete ateiste ne menyre te pavetedijshme. Rregullat e plota fetare i zbatojne vetem familjet fanatike, familjet me trashegimi fetare te forta, familjet ne zona te thella rurale, ku dominon injoranca, ose familje qe kane interesa fitimprurese.

Akoma merreni me keto tema e me vetvrasje, te vetmit qe bejne vetvrasje jane njerezit te palumtur , njerezit e dobet, qe ne momentin e papershtatshem behen te forte dhe vendosin ti japin fund jetes, dhe njerezit e dobet jane si fetare dhe jofetare,
Jam shume dakord me ty kur thua se pjesa me e madhe evetvrasjeve vjen nga zonat rurale

Xhemajl 05.09.11 21:52

Ville Valo shkruajti:Jomor zoteri,feja shume mire e denon vetevrasjen,une po flas me fakte mud ta kerkosh edhe vet e google.
Nje gje po ta them " Kjo jete eshte shume e shkurter per te qene i lumtur"
andaj kujdes.

Dhe si ta merr mendja,qfare mund te jete qellimi kryesor i yne ne kete jete(ngaqe qdo njeri mund te arrij qfardo qe deshiron mirpo lumturia dhe shendeti si te mungon nuk te duhet asgje kete besoj se e di gjithkush)??

Ville Valo 05.09.11 21:56

xhemajl shkruajti:
Dhe si ta merr mendja,qfare mund te jete qellimi kryesor i yne ne kete jete(ngaqe qdo njeri mund te arrij qfardo qe deshiron mirpo lumturia dhe shendeti si te mungon nuk te duhet asgje kete besoj se e di gjithkush)??

Une i thash atij qe mos te shthuret,sepse ateizmi e krijoi shthurjen

Cimi Elezi 05.09.11 21:56

Lumturin e kemi brenda nesh vetem se duhet te dish ta shfaqesh ne menyren me te mire te mundshme.{ do mundohem njeher tjeter per te komentuar shkrimin e Elizzes }

Nikolaos 05.09.11 21:59

Ville Valo shkruajti:
Suksese ne lumturine tende,jete shkurter hahahah

Jeten e lumtur nuk ta percakton besimi i nderuar. Shoh qe qenke i ri ne forum, por i paditur. I kemi biseduar me qindra here ceshjet e ateizmit dhe te fese, shikoji temat. Dhe ne nuk jemi humbesit, e ke gabim. Kush je ti njehere qe na quan humbes? nje adoleshent qe akoma s'ka mbaruar te larten s'ka aftesi te plota per te gjykuar. Perkundrazi, po te vesh re, ateistet jane njerezit me te zhvilluar ne planet per nga pikepamja mendore. Shikoji dhe ne kete forum se ka plot ateist, te gjithe ateistet e forumit jane njerez me shkolle dhe me intelekt. Madje ne e bejme gjumin e qete. Ju besimtaret shikoni endrra me zot e me djall, e me engjej , fantazma e me xhind sepse u besoni. Sepse edhe une kur isha femije naiv i shikoja ne enderr sepse isha besimtar, tani qe nuk besoj asgje ne keto perralla, bej nje gjume te qete e te lumtur, sepse ia kushtoj vemendjen plotesisht kesaj jete, ndersa ju kurseni gjerat e mira te kesaj jete duke shpresuar se do t'i merrni ne jeten tjeter absurde.

Zattoo 27.03.14 16:10

LUMTURIA ËSHTË KËTU!

Lumturia nuk është diçka për t’u arritur por diçka për t’u vënë re. Nëse jeni të zënë duke u përpjekur të arrrini lumturinë, ju më siguri nuk po e shihni atë. Egoja përpiqet të marrë lumturinë nga të bërit, të paturit, apo të qenit dikush, ndërkohë që egoja shpirtërore përpiqet të marrë atë nga të kapërcyerit e gjithë kësaj. Për egon, liria shpirtërore, apo ndriçimi shpirtëror, është vetëm një tjetër gjë për t'u arritur.

Të dashurit e lumturisë dhe lirisë në vend të vuajtjes së egos janë dëshirat të vlefshme. Problemi është se të dashurit e diçkaje nënkupton që ju tashmë nuk e keni atë. Ju mendoni se ju nuk jeni të lirë kur ju tashmë jeni. Ju besoni se duhet të bëni diçka për të qenë të lumtur, por në fakt ju nuk duhet. Kjo e vërtetë është shumë e vështirë për egon që ta kuptojë.

Egoja nuk e vë re lumturinë që është e pranishme në moment për shkak se lumturia nuk duket ashtu si egoja imagjinon ose dëshiron që lumturia të duket.

dashmir* 27.03.14 21:42

shum siqerisht kjo qe lexova tash eshte teksti me inspirues qe e kam lexuar ne kete jave mund te themi shum e rendesishme eshte te jesh i lumtur dhe te mendosh pozitivisht

Sponsored content