Sportet sipas shenjave

Sportet sipas shenjave të horoskopit

Dashi

Impulsiv, dinamik, nuk frikësohet, i adhuron garat dhe fitoret. Deshtë janë të lindur për, pothuajse, të gjitha sportet luftarake, ndaj të këshillojmë që energjinë tënde të madhe prej dashi ta shpenzosh në karate, taekwondo, boks ose kikboks.

Për dallim nga peshqit, peshoret ose virgjëreshat, deshve nuk u pengon “era” e mashkullit, i duan muhabetet e meshkujve në lokalet e veshjes, ndërsa kur humbin inatosen, por, megjithatë, në fund me armikun e rreptë do të shkonin në pije.

Demi

Përveçse janë fizikisht të fortë, demat kanë edhe një vullnet të paparë (një eufemizëm për kokëfortësinë).

Je i gatshëm që ta mposhtësh çdo pengesë, edhe po qe nevoja ta bësh këtë një mijë herë.

Trajnerët për shkak të këmbëngulësisë së tij tillë të adhurojnë, por kur nuk dëshiron ta dëgjosh këshillën e tyre me dëshirë do të ta jepnin një shqelm by....

Ti vazhdon sipas tëndes! Rezultatet më të mira do t’i arrish në luftë me kronometrin. Sportet që mund të thuhet se janë krijuar për ty janë vrapimi në shtigje të shkurtra, vrapimi me pengesa (përgjithësisht atletika), sikundër edhe noti.

Binjakët

Për binjakët thuhet se janë dyfytyrësh. Kjo është një shpifje e pastër, në të vërtetë i majti nuk e di se çfarë bën i djathti. Një shaka e vogël.

Ajo që është e mirë te binjakët ka të bëjë me faktin se mund t’i bëjnë disa punë njëkohësisht, mund të jenë të përqendruar sa në reagimin trupor, po aq edhe në reagimin mendor.

Me siguri se këta dy komponentë i tërheqin në mënyrë të barabartë. Ja zgjidhja: sporti i vërtetë për ty është golfi, ose bilardoja. Pak matematikë, një lëvizje e vërtetë me kërdhokull… dhe kaq!

Gaforrja

Për ty nuk është e sigurt beteja me kronometrin. Gjithçka që kërkon shpejtësi, vendimi i shpejtë dhe reagimet e përnjëhershme, do ta shkatërrojnë nevojën tënde të natyrshme për qetësi dhe stabilitet.

Takimi yt me sportin më së shpeshti zhvillohet nëpërmjet të zgurdulluarit të syve në ekranin e vogël dhe në rastin më të mirë në monitorin e kompjuterit.

Mirëpo, tani është koha për ndryshime. Kuptohet jo të përnjëhershme. Shpirti i gaforres këtë nuk do të mund ta përballonte. Natyrës tënde ëndërrimtare më së miri do t’i përgjigjej tërheqja në një shkretëtirë.

Prandaj të këshillojmë që të regjistrohesh në ndonjë kurs të lundrimit.

Luani

Luanët e duan luftën, shkëlqimin dhe flakërimin. Janë prijës të shkëlqyeshëm.

Nëse tashmë nuk je bërë kapiten i ndonjë ekipi të futbollit ose të basketbollit, të propozojmë që të shkëlqesh nën reflektorët e kokenrollit akrobatik. Ky është sporti i vërtetë për ty.

Kërkon koordinim të shkëlqyeshëm, udhëheqje, forcën e duarve për ta ngritur partneren, buzëqeshjen bindëse për gjyqtarët dhe për publikun, gjë që është edhe më e rëndësishme.

Ndoshta në fillim do të ankohesh për shkak të veshjes vezulluese, por shpejt do të përfshihesh në vendimet për ngjyrat dhe dizajnin.

Virgjëresha

Preciz, pedant, krenar për intelektin e tij...këto janë cilësitë që do ta orientojnë drejt sportit të vërtetë.

Sigurisht nuk e do tollovinë, turmën e cila vrapon këtu-atje (kjo ty të duket shumë e paorganizuar), polemikat dhe shpjegimet lidhur me atë se kush është më i fortë.

Nëse veç duhet të shpjegohesh mbi diçka, atëherë kjo është më së shpeshti lidhur me markën e pajisje sportive (e cila duhet të jetë ndër më të mirat).

Sporti i cili nënkupton baltën dhe gjunjët e dëmtuar sigurisht se nuk është për ty. Për ty janë sportet e bardha, sikundër janë tenisi ose skerma, por bën edhe shahu (në rast se luan me figura të bardha).

Peshorja

Pjesëtarët e shenjës së peshores janë artistë. A e ndien se shpirti yt kërkon harmoninë e lëvizjes të shoqëruar me trupin e bukur?

Sportet e vërteta për ty janë: kërcimet në ujë ose patinazhi artistik. E vetmja gjë që do të mund të të pengonte në rrugën tënde drejt ndonjë medaljeje është rreptësia dhe qëndrimi tepër kritik ndaj vetes.

Meqenëse peshoret e duan punën ekipore, më së miri do ta kishe nëse do ta zgjidhje ndonjë sport që përfshin një partnere të bukur (ta zëmë patinazhin në çifte) dhe shumë thashetheme pas treningut.

Akrepi

Sporti më i mirë për akrepat është seksi. Ose të paktën ndonjë sport në të cilin do të ndiheshe seksi: për shembull hokeji, ose motokrosi.

Më shumë se sa vetë gara do të eksitojë veshja e gjithë atyre pajisjeve që do të ta japin ndjenjën e forcës dhe të sigurisë.

Përveç pajisjes, të tërheqin edhe hulumtimet dhe paqartësitë. Për ty sport ideal është spelologjia, zhytja në errësirë me përplot pajisje mbi vete…

Shigjetari

Ti je një tip i vërtetë sportiv. Ke energji të shumta, di t’i orientosh drejt, të shoqëron entuziazmi dhe vullneti i mirë. Sportin të cilin e pranon e çon deri në fund.

Ti je nga ata që do t’i mblidhnin të gjitha të dhënat e mundshme në internet (duke përfshirë edhe barsoletat për atë sport), që armatosen me literaturë dhe që i nxisin miqtë që t’u bashkohen.

Secila shigjetë e jotja do ta godasë cakun. Shmangi sportet në të cilat guximi mund të vihet në sprovë (lartësia e madhe, shpejtësia dhe të ngjashme). Përmbaju sporteve ‘të rëndomta’ ekipore, nëse do që të kënaqesh vetë dhe njerëzit përreth teje.

Bricjapi

Sikundër edhe bricjapët e tjerë, edhe ty të veçojnë serioziteti, këmbëngulësia dhe qëndrueshmëria. Nuk je ndonjë tip shumë i shoqërueshëm, ashtu që disa sporte ekipore nuk janë për ty.

Ti duhet të dalësh në natyrë. Më së miri e ke në bjeshkë! Sportet e vërteta për ty janë, kroset, vrapimi i orientuar, ose alpinizmi.

Mirëpo mos u ngjit menjëherë në Everest. Nëse nuk je në formë të shkëlqyeshme, bartja e çantës së mbingarkuar dhe ndezja e muskujve do të ta rrëmbejnë gjithë kënaqësinë e bjeshkatarisë.

Nisja në fillim të vraposh nëpër kodrinat e vogla rreth shtëpisë, përdori shkallët në vend të ashensorit dhe mos harro që të shtrihesh së gjati mirë para dhe pas ushtrimeve! Pavarësisht se do që të djersitesh vetëm, nëse ngjitesh në kodra gjithsesi merre dikë me vete.

Ujori

Jokonvencional, sharmant, origjinal, i prirë për ekzibicionizëm. Nëse nuk je nga ata tipa të cilët varen nga adrenalina, sporti yt i vërtetë është brixhi.

Megjithatë, nëse u përket të tjerëve, atëherë vëre helmetën, mbrojtëset dhe sprovoje veten në trials, paraguajding dhe planerizëm. Si shenjë e vërtetë ajrore, adhuron të jesh në ajër, t’i kundërvihesh gravitetit.

Kujdes vetëm që liciditeti yt të mos shndërrohet më marri (lexo: ruaje kokën). Sigurisht se në asnjë sport nuk do të mund të qëndrosh aq gjatë që t’i arrish disa rezultate, mirëpo kjo as që është e rëndësishme.

Derisa të tjerët, në saje të këmbëngulësisë, do të fitojnë medalje, ti do t’i përshëndesësh nga lart duke fluturuar me balon.

Peshqit

Dikush do të thoshte se peshqit janë të lidhur me disa sporte në ujë – por jo! Peshqit janë aq të ndjeshëm, enigmatikë, të prirë për komplikime dhe misticizëm, ashtu që është vështirë ta gjesh një sport që të mos i dëshpëronte.

Për këtë më së miri është që ta shtrosh qilimin të marrësh frymë thellë dhe ta fillosh jogën.

Ose pilatesin. Në këto peshqit mund të jenë aq të suksesshëm sa nga nxënës shpejt bëhen mësues.

Nëse, megjithatë, e urren këtë lloj të ushtrimeve dhe mendon se nuk është mjaft maço, atëherë provoje veten edhe në shenjëtari ose shigjetari.

Vetëm mos qaj kur të humbësh.

Horoskopi fizik, sporti qe ju duhet te bëni



Të merresh me sport është e rekomandueshme për këdo, por jo çdo sport është i përshtatshëm për çdo individ.

Ndërsa ka shumë që praktikojnë vrapin, të tjerë nuk e honepsin dot këtë formë të mbajtjes së trupit në formë.

E njëjta vlen edhe për çiklizmin, notin, futbollin apo shumë të tjera.

Duke studiuar karakteristikat dhe personalitetin e secilës shenjë, ne zbulojmë se cilat janë aktivitetet më të përshtatshme në bazë të zodiakut.

Dashi – Të lindurit e kësaj shenje nuk kanë preference të veçanta përgjithësisht, por mërziten shpejt me të njëjtin sport. Për ta është i rëndësishëm të alternojnë aktivitetin e tyre fizik.

Demi – Një shenjë toke, prandaj nuk i pëlqen të stërvitet në ambiente të mbylluara. Noti është i përshtatshëm për demin, por edhe sportet e tjera në ambiente të hapura, individuale si tenisi apo ekipore si futbolli.

Binjakët – Të lindurit e kësaj shenje janë shumë reflektues dhe përshtaten shumë mirë me jogën. Përshtatshmëria dhe aftësia për t;iu imponuar trurit i bën binjakët veçanërisht të aftë në shumë disiplina.

Gaforja – Një shenjë e predispozuar për të pëlqyer aerobinë dhe ushtrimet në ambiente të mbyllura e të qeta. Megjithatë, si shenjë uji, arrin rezultate të mira edhe nëpërmjet notit apo vaterpolos.

Luani – Protagonistë, të lindur për të qenë liderë, luanët nuk janë tipa që shkojnë me sportet e grupit. Atyre u intereson vetëm sporti individual. Arrijnë rezultatet më të mira në disiplinat e atletikës.

Virgjëresha – Për vetë karakteristikat, virgjëresha vendos shpesh objektiva të pamundura, si dobësimi me 15 kile menjëherë. Nuk ka rëndësi sporti, por një plan i detajuar saktë. Është e sigurt që virgjëresha do të zbatojë pikat që ka vendosur në axhendë.

Peshorja – Sekreti i peshores është ekuilibri, prandaj intensiteti i sportit lidhet ngushtësisht me aktivitetet e tjera në jetë. Preferon sportet e forcës, por ku ka rëndësi edhe strategjia, si boksi apo artet marciale.

Akrepi – Është një shenjë që nuk dorëzohet kurrë, prandaj mund të luajë rol të rëndësishëm në grup, por sidomos kur luan vetëm. Akrepi është veçanërisht i lidhur me trupin e tij, prandaj palestra është një zgjidhje.

Shigjetari – Të lindurit e kësaj shenje preferojnë shëtitjet dhe vrapimet në natyrë, jogging dhe kroset e gjata. Alpinizmi dhe montanjizmi janë alternativa të tjera që e bëjnë një shigjetar të ndihet mirë.

Bricjapi – Individualistë të sëmurë, bricjapët nuk preferojnë të ndihen nën presion apo të detyruar. Gjejnë argëtimin më të madh në sportet e rrezikshme, si parashutizmi, hedhja nga ura me litar apo garat e shpejtësisë.

Ujori – Një shenjë e dalluar për altruizmin, ujori është i prirur të jetë një lojtar i shkëlqyer skuadre. Megjithatë, mund të përshtatet edhe me sportet masive, midis të cilave edhe maratonat.

Peshqit – Predispozita e lindur artistike hap më shumë rrugë për aktivite fitness-i apo kërcime, por nuk preferoni lodhjen. Peshqit bëjnë veçanërisht mirë në sporte si skitë apo golfi.

waw sa interesant ja ke qelluar une jam shigjetar dhe me te vertete alpinizmin,dhe shetitjet,vrapimet i dua teper.

Edhe un jam Shigjetar po sporti nuk ma don hiq as nuk merem me kete lami teper te perhapur edhe pse Shigjetari shquhet si shej e aventurierve e sportisteve nuk ngjan aspak me mua qe jam Shigjetar