EXPLORER UNIVERS
Would you like to react to this message? Create an account in a few clicks or log in to continue.

Objektet fluturuese të paidentifikuara - UFO

Shko poshtë

Objektet fluturuese të paidentifikuara - UFO Empty Objektet fluturuese të paidentifikuara - UFO

Mesazh  Admin 20.05.08 15:59

Objektet fluturuese të paidentifikuara - UFO

Objektet fluturuese të paidentifikuara - UFO Adamski_type_ufo

Une po bej nje permbledhje te shkurter te materialeve qe kam ose qe kam lexuar per Ufo.

Mbase do kete edhe pasaktesi ne gjerat qe do shkruaj sepse do shfrytezoj kujtesen time por mendoj se do jene me interes.

Personalisht besoj ne ekzistencen e tyre madje me pelqen ideja qe ata te jene reale. Mund te them po ashtu qe kam pare ne nje rast te vetem para disa vitesh dhe nuk kam qene vetem, por kane qene me mijera shqiptare qe besoj kane pare te njeten gje me mua.

Perpara se te shkruaj ate qe di, po ju tregoj shkurtimisht eksperiencen time ne pamjen e ufove.

Me kujtohet me saktesi data dhe viti. Ka qene 9 Shtator 1990 rreth ores 9.30 te darkes ose dicka me shpejte.

Sic e dine shume prej jush ne ate kohe ne qytetin e Tiranes ka qene xhiroja tradicionale ne bulevardin kryesor.

Pra bulevardi ishte ii mbushur plot e perplot nga te rinj dhe njerez qe shetisnin kur vemendja e nje pjese derrmuese u terhoq nga disa drita. Shume filluan te tregonin me gisht ne qiell dhe pothuajse e gjithe xhiroja apo njerezit si me komande ndaluan te ecuren dhe shikonin nga qielli.

Ka qene pamja me e bukur e jetes sime. Rreth 5-7 objekte qe fluturonin ngadale me ngjyra te kuqe te ndezur, blu, portokalli te verdhe dhe te gjelber ne forme trekendeshi dhe qe udhehiqeshin nga nje objekt me i madh ne krye.

Papritur nga pozicioni qe po fluturonin, nderruan drejtim ben disa levizje jashte atyre normaleve qe jemi mesuar te shohim nga avionet apo helikopteret dhe ne te qindat e sekondes u zhduken me nje shpjetesi te frikshme. Te gjithe kishim shtangur dhe u deshen disa minuta qe te merrnim veten.

Po ate nate kur shkova ne shtepi degjova lajmet ne RAI UNO per te njejtit objekte te pare mbi qytetin e Romes dhe Te Brukselit madje edhe e filmuar nga disa operatore amatore. Pamja ishte ekzaktesisht e njejte me ate qe kishim pare ne disa minuta me pare.

Kjo gje eshte vene re edhe nga pikat ushtarake te vrojtimit por qe nuk u komentua sepse nuk dihej cfare ishte dhe per me shume ne ate kohe mungonte nje lloj njohurie kolektive persa i perkiste ufove.

Vetem 3-4 vjet me vone pata rastin te flisja me nje ish-oficer qe u intervistua per te njejtin problem nga nje operator i Radio Tiranes dhe ai konfirmoi pamjen e objekteve, natyren e tyre te vecante dhe sidomos menyren e fluturimit dhe shpejtesine qe ishte shume e vecante e krahasuar me objektet tokesore.

Oficeri ne fjale naten qe jane pare objektet ka qene me sherbim ne piken e vrojtimit ne malin e Dajtit. Kjo persa i perket ekperiences personale.

Kur vjen fjala te UFO (Unidentify Flying Objects) ose Objekte Fluturuese te Paidentifikuara ka mendime dhe teori te ndryshe dhe sic ndodh rendom ne raste te tilla opinioni ndahet ne dy pjese.

Ne te apasionuar apo ata qe besojne dhe ne skeptike qe ne shumicen e rasteve jane njerez te shkences per te cilet ne baze te cdo teorie duhet te kete dicka te provueshme.

Te dhenat per pamje te Ufo-ve jane shume te vjetra madje edhe te dokumentuara. Neper piramidat e Egjiptit ne shkrimet heliografike qe jane gjetur ka patur piktura te disqeve fluturuese madje disa prej tyre shume te qarta qe ngjasojne me kapsulat kozmike qe perdoren sot per misionte te ndryshme rreth hapesires se tokes.

Po ashtu eshte e famshme per te gjithe nje design i gjetur ne Mesapotamine e vjeter dhe qe njihet me emrin Karroja e Ezikelit.

Objekti ne fjale nuk eshte mundur te gjindet por nga figura qe eshte gjetur paralelisht ne Mesapotamine e Lashte po ashtu edhe ne Babiloni paraiqet nje lloj konstruksioni shume i avancuar per kohen e atehershme, i ngjashem me nje kapsule kozmike madje shikohet qarte edhe vendi ku rri austronauti.

Shkencetare te ndryshem duke ndjekur design e gjetur jane perpjekur te ndertojne te njejtin objekt dhe perfundimi ka qene shokues.

Ajo qe u perftua nuk ishte vece nje anije kozmike e nje dimensioni dhe modeli te panjohur madje mund te kuptoheshe dhe te shikoheshe qarte sistemi i propulsionit apo i shtyrjes sic quhet ndryshe, kabina e pilotit etj.

Edhe ne gjetje te tjera arkeologjike ka deshmi te ekzistences se nje menyre jetese te panjohur dhe objekteve te panjohura ene nga shkenca jone.

Psh ne kulturen e Inkasve te lashte jane hasur shpesh piktura murale ose gdhendje ne gur te objekteve fluturuese te ngjashme me disqe fluturuese, kozmonaut te veshur me skafandra, sisteme planetare qe vetem vone jane zbuluar nga shkenca dhe disa te dhena te tjera qe jane konsideruar te pamundura per kohen qe jane bere qe te ishin reale.

E megjithate ato jane aty dhe provojne nje njohuri qe ne si qenie njerezore e mesuam vetem kur arriten nje shkalle zhvillimi te larte.

Jane edhe ty objekte qe i hutojne shkenctaret per saktesine dhe funksionin e tyre dhe qe datojne ne nje kohe shume te lashte disa mijera vjecare dhe qe akoma sot e kesaj dite nuk mund te percakohet qarte pse jane ndertuar dhe kush i ka ndertuar. Ky eshte kozmodromi gjigant ne Bolivi.

Eshte quajtur i tille sepse nuk ka shpjegim tjeter per funksionin e tij aq me shume qe dimensionet qe ka i shkojne per shtat nje emri te tille.

Behet fjale per nje konstruksion gjigand ne formen e nje zogu Kondori qe shtrihet ne nje zone te pabanuar sot ne nje nga luginat e Bolivise.

Po ashtu eshte dhe sistemi i perkryer i kanaleve ne formen e Brumbullit qe eshte gjetur rastesisht ne nje tejter vend te Amerikes Latine por qe nuk me kujtohet.

Vetem kur njeriu u be i afte te fluturonte ne qiell atehere u pa dhe u kuptua forma e atyre kanaleve por nuk u kuptua asnjehere funksioni dhe arsyeja e ndertimit te tyre.

Edhe me pas ne shekujt e mevonshme kryesisht gjate mesjetes se hershme kemi deshmi per shfaqje te ufove ne zona te ndryshme te globit, kryesisht ne evrope.

Gjermani, France, Zvicer etj por qe quheshin si shfaqje te djallit. Duke konsideruar obskurantizmin mesjetar dhe ndikimin e fese ne jeten shoqerore ky shpjegim ishte me i pershtatshmi.

Ne disa afreske kishtare apo piktura te kohes sidomos ne njeren prej tyre ku eshte Shen Maria dhe ne sfond eshte nje bari me nje qen te vogel, me nje sy te kujdeshem mund te dallosh qe te dy, bariu dhe qeni i kane ngulur syte ne qiell drejt nej objekti qe nuk eshte gje tjeter vecse nje disk fluturues.

Po ashtu edhe ne kronikat e kohes sidomos ato te shekullit te 9 dhe me pas flitet per deshmi kolektive te shfaqjes se UFO-ve.

Nga Darius


Edituar për herë të fundit nga Explorer në 24.10.11 12:48, edituar 2 herë gjithsej
avatar
Admin

1132


Mbrapsht në krye Shko poshtë

Objektet fluturuese të paidentifikuara - UFO Empty Re: Objektet fluturuese të paidentifikuara - UFO

Mesazh  Admin 20.05.08 16:03

Le te vijme tani tek koha jone dhe kur u perdor per here te pare termi UFO. Merita e perdorimit te ketij termi i takon biznesmenit dhe pilotit privat amerikan Keneth Arnold i cili ne 24 qershor te vitit 1947 gjate fluturimit me avionin e tij hasi disa objekte fluturuese te paidentifikuara ne formen e disqeve.

Sipas shpjegimit te tij objektet fluturonin ne menyre te cuditshme, shfaqeshin dhe largoheshin sikur donin te luanin dhe papritur e pakujtuar benin levizje vertikale dhe horizontale me nje shpejtesi te pa imagjinueshme. Pra ai ne raportin qe beri ne komanden ajrore te bazes ushtarake perdori termin UFO, term i cili ne vitet e me pasme u be shume popullor dhe u zyrtarizua ne te gjithe boten.

Vetem disa jave me vone dhe pikerisht ne 2 korrik te vitit 1947 do te ndodhte ajo qe do trondiste boten shkencore dhe do ti jepte ekzistences sone ne univers nje tjeter dimension dhe kuptim. Behet fjale per te famshmin Rastin e Roswell ose sic quhet ndryshe Incidenti i Roswell. Naten e 2 korrikut gjate nje stuhie te fuqishme nje ufo do te rrezohej ne afersi te qyetit te Roswell ne shtetin e New Mexico.

Momenti i rrezimit eshte pare nga shume deshmitare okulare dhe pershkruhet si nje objekt i madh i rrumbullaket qe perkoi rrathe te medhenje ne qiell dhe ra ne periferi te qyetit, pikerisht ne fermen e Mac Brazel. Ishte ky i fundit qe te nesermen i shtyre nga kurioziteti per zhurmen dhe ndricimin e cuditshem qe kishte pare gjate nates, vendosi te inspektonte fermen e tij ku gjeti copeza te madhesive te ndryshme dhe te nje materiali te panjohur me pare.

Njoftohet sherifi i zones i cili nga ana e tij lajmeron autoritetet e Roswell Army Air Field te cilet ngarkuan per hetim majorin Jesse Marcel. Gjate inspektimit te objektit u gjeten disa trupa entitetesh qe nuk i perkisnin botes sone por ky fakt nuk u deklarua nga majori.

Menjehere mbas inspektimit te zones ai mban nje konference shtypi ku deklaron per rrezimin e objektit jashtetokesor dhe konfirmon faktin qe ishte nje dicka komplet e panjohur. Cuditerisht disa ore me vone kjo deklarate pergenjeshtrohet dhe mbas hyrjes ne loje te sherbimeve inteligjente ushtarake, cdo gje ndryshohet dhe incidenti quhet si nje rrezim i nje ballone atmosferike qe perdoren rendom per te llogaritur presionin atmosferik dhe parashikime te tjera per kohen.

Qe nga ky moment filloi ajo qe do te hynte ne histori si rasti i pare i nje cover-up masiv nga ana e qeverise amerikane dhe e sherbimeve te saj te inteligjences. Ngjarja u mbulua nga pluhuri i harreses, te pakten per pjesen derrmuese te popullsise dhe do te shfaqej akoma me fuqishem ne fillimet e fiteve 90. Shkak per kete u be nje konference e pervitshme qe mbahet ne San Marino per ufo-t dhe paraqitja aty nga nje person emri i te cilit sme kujtohet i disa bobinave filmike ku ishte e rregjistruar autopsia e bere ndaj nje alieni.

Ky filmim i bere nga operatori Jack Barnet tronditi boten mbare. Filmimi paraqiste autopsine ndaj njerit prej alieneve te gjetur ne incidentin e Roswell dhe sipas autorit te filmimit ishte bere ne bazen ushtarake te Fort Worth ne Dallas, Texas.

Mbase shume prej jush kane njohuri per rastin ne fjale dhe sja vlen te zgjatem por paraqitja e nje filmimi te tille shkakoti nje termet te vertete ne boten e shkences dhe sidomos tek ata qe studionin ufologjine si fenomen. Pati mendime te ndryshme, skepticizem dhe aprovim dhe ne perfundim te cdo studimi dhe analize u vertetu plotesisht qe filmimi ishte autentik.

Filmi si material ishte kodak i prodhuar ne vitin 1947, Cdo objekt ne dhome i perkiste modes se viteve 1947 dhe nje analize e detajuar e trupit te alienit qe u dyshua fillimisht se mund te ishte i nje femije te semure me sindromen e Progeries, u vertetua plotesisht qe nuk ishte i tille, pra i perkiste nje qenieje jashtetokesore.

Ana pozitive e filmimit ishte qe hapi debatet per ekzistencen e ufove dhe te qenieve jashtetokesore por ne te njejten kohe zbuloi vetem majen e ajzbergut te te ashtuquajtures cover-up qe qeveria amerikane dhe organe te specializuara te saj kishin kohe qe aplikonin mbi fenomente te konsideruara jo normale ose mistere.

Ndofta po zgjatem shume ne kete shkrim me gjera qe nuk ju interesojne por eshte me rendesi qe te jepet nje pamje e pergjithshme e fakteve dhe menyra sesi jane zhvilluar gjerat. Ketu eshte dhe pikenisja e shume deklaratave dhe deshmive te njerezve qe i kane jetuar keto ngjarje ose kane qene pjese e tyre ose kane qene te detyruar te heshtin si shkak i kercenimeve nga organizma te fshehta qeveritare.

Eshte shume pak te shkruar cdo gje per ufot vetem ne nje shkrim po besoj se tani e tutje meqe kjo teme eshte hapur dite mbas dite do shkruajme gjera qe dime dhe qe lexojme per te pasuruar njohurite dhe shuar kuriozitetin e lexuesve dhe te vetes sone.

Pra rasti i Roswell nxorri ne drite shume fakte dhe detaje qe implikonin direkt qeverine amerikane, sherbimet e saj te inteligjences deri edhe rangjet presidenciale. I famshmi dokumenti Majestic-12 i aprovuar nga presidenti i Amerikes Dwight D. Eisenhower u be fillesa e nje mbulimi te se vertetes per ufot dhe qeniet qe drejtohen prej tyre.

Eshte ky dokument i cili percaktoi shkallen e sekretit dhe pasojat qe vijne prej tij. Supozohet qe ne kete kohe jane krijuar edhe skuadronet famekeqe te njohura ndryshe si Man in Black ose Njerezit e Veshur me Te Zeza te cilet paraqiteshin kudo qe kishte raste UFO-sh dhe kercenonin deshmitaret me heshtje. Ka shume njerez qe vetem mbas berjes publike te autopsise se alienit te gjetur ne Roswell vendosen te flisnin dhe te tregoninate qe dinin dhe arsyen pse kishin heshtur per kohe te gjate.

Por nje nga deshmite me tronditese qe i vuri nje pikepyetje te madhe lirise se informacionit ishte ajo e Robert Llazar ose Bob Llazar nje shkenctar ne moshe fare te re me nje te kaluar te shkelqyer si inxhinier qe studionte sistemet e propulsioniti cili kishte punuar per disa vjet ne te ashtuquajturen Area-51.

Deshmia e tij eshte marre nga autoriteti gjerman ne fushen e Ufologjise doktori Michael Heaseman i cili ka studiuar per nje kohe shume te gjate jo vetem fenomenin e ufove por edhe vete Area-51 nje baze sekrete amerikane e shtrire ne shtratin e nje liqeni te thare ne Groom Lake, ne shkretetiren e Nevadas.

Sipas Llazarit Roswell dhe autopsia e alienit jo vetem qe jane reale por ato sjane asgje ne krahasim me ate qe ka ardhur me mbrapa. Ai flet per ufo te cilat mbahen ne vende sekrete te Area-51, prezence te alieneve ne kete baze dhe nje bashkepunim i ngushte midis shkenctareve amerikane dhe inteligjencave jashtetoksore.

Sipas Llazar, i kercenuar disa here me vdekje per deshmite e tij, bashkepunimi me inteligjencat jashtetoksore ka filluar ne fillim te viteve 50 dhe shume zhvillimeve marramendese te shkences i dedikohet ketij bashkepunimi. Ai flet per gjerat qe ka pare, per pranine e alieneve ne baze te cilet i pershkruan identik me ate qe shikohet ne autopsine e alienit te Roswell, per pranine e teknologjise se tyre e cila eshte jashtezakonisht e avancuar, tregon disa design te disa panaleve me simbolet e alieneve, komunikimin e tyre, bazat qe ata kane ne toke dhe ne Hene etj.

Deshmia e Llazarit eshte kundershtuar nga shume te tjere madje nga nje grup i caktuar dhe nga institucione te ndryshme amerikane eshte konsideruar si i papergjegjshem dhe me probleme psikike por mbetet fakt qe ai u zhduk mbas disa kercenimeve te bera rradhazi per jeten e tij sidomos mbas deshmise perfundimtare qe ka dhene ne shtator te vitit 1992 ku u shfaq plotesisht me fytyren dhe zerin e tij.

Prania e Ufo-ve dhe e qenieve qe i pilotojne lidhet ngushte edhe me nje tjeter fenomen qe rendom quhet ABDUCTION, ose rrembime. Une do permend 2 raste qe jane te dokumentuara dhe te studiuara me shume se te tjeret.

I pari i perket ciftit Betty dhe Barney Hill te cilet ne shtator te vitit 1961 ktheheshin nga pushimet nga Kanadaja. Kur ndodheshin ne New Hampshire rreth ores 11 te nates te dy dallojne nje drite te forte mbi makinen e tyre. Te bere kurioze ata ndaluan mjetin e tyre dhe pane nje objekt ne forme disku qe rrinte pezull mbi makine ne nje distance te afert.

Dalloheshin qarte nje brez dritaresh dhe qenie qe leviznin brenda tyre. Fillimisht Barney mendoi se do ishte ndonje avion i nje modeli te panjohur por kur e pane me qarte, objekti kishte forme diskoidale dhe me ngjyra te forta qe ndriconin ne nje distance te madhe. Ne kete moment te dy tremben dhe Barney nxorri nga makina nje revolver.

Objekti vazhdonte te qendronte pezull dhe nderkohe filloi te leshonte disa tinguj qe i ngjanin nje bip-bip. Te dy u tremben shume dhe vendosen te largohen por cdo gje elektrike ne makine nuk funksiononte. Pa pritur ata ndjene qe makina po shkeputej nga toka dhe me pas nuk mbajne me mend gje. Kur ata u bene te ndergjegjshme perseri ndodheshin ne te njejtin vend, ne mes te erresires dhe objekti i ndritshem ishte larguar.

Mbas raportimit te ketij incidenti dhe sidomos mbas ekzaminimit te disa shenjave te cuditshme ne makinen e tyre, disa pika dhe vrima pergjate gjithe pjeseve metalike te koraces, specialistet vendosen te benin disa seanca hipnoze me seicilin nga bashkeshortet. Ajo qe doli si rezultat i hipnozes ishte shokuese dhe e pabesueshme por fakti qe te dy bene seanca te vecanta, larg njeri tjetrit dhe sidomos perputhja e cdo gjeje qe thane i binden mjeket psikologe qe kishin te benin me nje eksperience rrembimi nga jashtetoksoret.

Natyrisht seancat e autopsise nuk u bene menjehere dhe u deshen vite te tera qe mjeket te arrinin ne konkluzionin e mesiperm. Nderkohe jeta per te dy Hills kishte ndryshuar shume dhe qetesia e tyre kishte marre fund. Ajo qe eshte turbulluese dhe qe ve ne dyshim pranine e alieneve ne toke eshte qellimi i tyre ndaj nesh. Sipas deshmise se Betty Hill ata bejne eksperimente me njerezit e tokes dhe gjate ketyre eksperimentve menyra sesi ata sillen me tokesoret sipas normave tona te sjelljes, eshte e vrazhde dhe injoruese.

Ajo i pershkruan ata si shtatvegjel, me lekure ne ngjyre gri, me sy te medhenj te zinj dhe pa kapake, me goje te vogel dhe me koke te madhe. Ky pershkrim perputhet me qeninen e gjetur ne incidentin e Roswell, me ate te pershkruar nga Llazar dhe shume pershkrimeve nga njerez te ndryshem.

Nje tjeter rast i njohur per te cilin eshte bere edhe nje film Fire in the Sky i perket Travis Walton nje druvar nga White Mountains ne veri te shtetit te Arizonas, i cili ne 5 shtator te vitit 1975 bashke me disa shoke kishte shkuar per te prere dru ne njerin nga shpatet e malit.

Duke u kthyer nga puna te gjithe shohin nje objekt te ndritshem qe kishte ndaluar pezull mbi nje lugine te vogel dhe i vetmi qe afrohet ishte Travis i cili thithet nga nje drite e fuqishme ne brendesi te mjetit fluturues. Shoket e tij te trembur largohen dhe raportojne ngjarjen ne polici e cila nuk i besoi dhe i akuzoi per vrasjen e tij. Vetem mbas 5 ditesh Walton lajmeron familjen e tij nga nje kabine telefonike diku ne afersi te vendit ku jetonte. Komplet i zhveshur dhe i shokuar ai merret nga familjaret dhe i nenshtrohet nje kujdesi mjeksor.

Ashtu si dhe rasti Hill ai demostroi nje frike dhe ankth por nuk mund te kujtonte gje nga ajo qe i kishte ndodhur. Vetem disa dite me pas ne kujtesen e tij vijne copeza nga rrembimi, mbajtja ne anijen aliene, eksperimentet e bera, shenjat e te cilave ishin te qarta ne fytyre dhe ne trup si dhe detaje te tjera te pamjes se alienve dhe teknologjise qe perdornin. Edhe ne rastin Walton alienet kishin te njejten pamje, pra shtatshkurter, lekure ne ngjyre gri, sy te medhenj e te zinj, koke te madhe etj.
Nuk ja vlen te permenden testet e shumta qe jane bere per te vertetuar autenticitetin e thenieve dhe eksperiences se tij.
Kjo qe une po shkruaj eshte rezultat dhe perfundimi final i studimit te bere per rastin e Travis Walton.

Ka disa teori per llojet e alienve qe marrin kontakt me njerezit ne toke. Nga studiuesit njihet nje pike referimi qe eshte Eduard Billy Meier, nje malesor nga Alpet e Zvicres qe prej vitesh kontaktohet nga alienet. Rasti i tij eshte studiuar shume dhe perfundimet qe kane dale kane qene shokuese.

Kontakti i pare qe ka patur Billy Meier me alienet ka qene ne janarin e larget te vitit 1973. Nje fshatar medioker, me nje nivel intelektual nen normalen me nje arsim te mjaftueshem sa per te lexuar me gabime dhe per tu shprehur me nje gjermanishte ne zhargon, papritur e kujtuar mbas kontaktit te pare me alienet demonstron nje zhvillim mendor te papare.

Njohuri te gjera ne fushen e shkencave te ndryshme, 7 gjuhe te huaja, njohuri mbi astronimine dhe sistemet diellore ende te pazbuluara nga shkenca ne ate kohe etj. Kjo ka qene nje nga gjerat qe ka mrekulluar studiuesit ne rastin e tij ndersa deshmite qe ka dhene gjithmone jane pare me skepticizem por sidoqofte jane marre ne konsiderate.

Sipas Meier alienet qe vizitojne ate jane ndryshe nga ata te pershkruar nga te tjeret. Jane shume te gjate mesatarisht nga 2.5 deri ne 3 metra. Jane identik me njerezit e tokes si paraqitje, bjond dhe me sy bojqielli.

Jane shume paqesore dhe te dashur dhe demostrojne nje dashuri dhe miresi pothuajse divine ndaj rraces njerezore ne toke. Ata vijne nga konstelacioni i Centaurit dhe arsyeja e pranise se tyre ne toke eshte per te na mbrojtur dhe paralajmeruar nga rreziqet qe na vijne nga rraca tjeter e alienve, dmth nga grite ose alienet e pershkruar me siper si dhe nga nje rrace tjeter alienesh qe quhen amfibiane per te cilet ka deshmi te shumta dhe qe paraqiten me nje trup njerezor por me nje koke si te amfibeve, trup te mbuluar me luspa dhe shume agresive dhe ostile.

Paralajmerimin kryesor qe bejne ata i perket rraces se grive te cilet kane qellime jo te mira ndaj njerezve te tokes. Prania e tyre ne toke ka filluar 50-60 vitet e fundit kur kane pare zhvillimin e shoqerise njerezore dhe nga alienet e Meier qe ai thote se e quajne veten Pleajdiane, percaktohen si shume keqdashes dhe armiqesore.

Nga Darius
avatar
Admin

1132


Mbrapsht në krye Shko poshtë

Objektet fluturuese të paidentifikuara - UFO Empty Re: Objektet fluturuese të paidentifikuara - UFO

Mesazh  Admin 20.05.08 16:09

Pranie e UFO-ve ne lashtesi dhe ne mesjete

Kur hapa kete teme bera nje permbledhje te percipte te disa fakteve dhe fenomeneve qe lidhen me UFO-t dhe me ata qe i pilotojne. Me poshte do shtjelloj cdo gje me detaje duke filluar qe ne kohet e vjetra deri ne ditet e sotme.

Kjo pjese e kesaj teme do shoqerohet me foto te shumta per te ilustruar me mire faktet qe ekzistojne per te kaluaren e larget si dhe per te argumentuar me mire temen dhe per te shmangur idete e fallcitetit apo te disinformimit.

Fjale mund te thuhen, mund te jene te verteta apo te rreme, por perpara dokumentave historike cdo gje ka vetem nje kuptim Te Verteten.

Gjate kerkimeve te shume arkeologjike, studiuesit kane hasur jo vetem te dhena per kerkimet e tyre, civilizime te zhdukura, zhvillime shoqerore te panjohura dhe po ashtu sisteme organizimi sociale qe disa here ose i jane afruar aty te sotme po edhe kane qene me te avancuara ne kuptimin shpirteror dhe atij shoqeror.

Ne zbulimet e bera ajo qe i perket temes sone ka dale e rastesishme, diku nje grafik e gdhendur ne gur, diku nje shkrim i lashte, diku nje statuje, diku nje mumje ose nje objekt disa mijera vjecar po qe mund te bente pjese me lehtesi ne teknologjine e diteve te sotme etj. Zbulime te tilla jane bere ne kohen kur arkeologjia mori nje vrull te madh, dmth mesi i viteve 1800 dhe deri ne ditet e sotme.

Natyrisht ne ate kohe shume gjera te tilla nuk mund te kuptoheshin dhe nuk mund te behej dot lidhja qe behet tani, por faktet jane aty, mund te shikohen nga te gjithe, mund te preken dhe te dilet vete ne konkluzione. Une smund te shkruaj ketu cdo te dhene nga gjetjet e bera sepse shkrimi do zgjatej shume po do paraqis vetem disa prej tyre per te argumentuar temen qe kam hapur dhe paraqitur faktet qe di.

Shume shpesh ne tekstet e lashta qe i perkasin civilizimeve te vjetra te tokes, te zhdukura ose te transformuara apo perzjera me civilizime te tjera, flitet per mjete fluturuese, per njerez qe zbresin nga qielli me mjete fluturuese te hekurta, per nje rrace superiore qe ka drejtuar njerezimin ne vigjiljen e tij, per teknologjinje e asaj kohe.

Ndonese gjuha e perdorur eshte e thjeshte dhe me plot krahasime figurative eshte e kuptueshme dhe te ndihmon per te dale ne konkluzione. Deshmi te tilla i gjejme tek sumeret e lashte, tek indianet e lashte sidomos ne shkrimet e shenjta te tyre Mahabharata, tek egjyptianet e lashte ne shkrimet e tyre dhe ne piramidat. Kohet e fundit eshte zbuluar nje shkrim i lashte ne gjuhen sankrite qe daton rreth 3500 vjet para eres sone.

Ky shkrim i perbere nga 250 kapituj ne nje pjese derrmuese te tij cuditerisht flet per menyren e fluturimit te nje disku, menyren e ndertimit nga brenda dhe sidomos kendet dhe levizjet vertikale apo horizontale qe edhe ne ditet e sotme nuk eshte e mundur te realizohen.

Si ka mundesi qe 3500 vjet me pare dikush apo disa kishin dijeni per nje gje te tille? Ajo qe eshte shume interesante lidhet me titullin e ketij kapitulli qe eshte Vimana Vidya qe do te thote Shkenca e ndertimit dhe pilotimit te nje anijeje kozmike.

Si eshte e mundur qe te njihej nje term i tille ne ate kohe? Po ashtu ne disa nga piramidat jane gjetur tekste qe bejne nje pershkrim interesant te arsyes se ndertimit te piramidave si nje rruge per ne qiell, pra qe njeriu mund te shkoje ne qiell me lehte. Jane pamje murale apo ne papirus te vjetra mbi 5000 vjet qe tregojne mjete fluturuese dhe njerez qe zbresin prej tyre. A mund te jete kjo fantazi?

Po ashtu piktura e gjetur ne Itali e gdhendur ne gur qe i perket nje kulture para etruske per vete moshen e saj disaj mijera vjecate dhe qe tregon dy qiene te veshura me kostum kozmonauti. Apo disenjo e famshme qe nga te gjithe quhet austronauti i Palenkos, i pikturuar mbi varrin e mbretit te Majave Pacal,e tempullin e Palenkut ne Meksike dhe qe daton rreth 3000 vjet para eres sone.

Apo fytyra e alienit ne nje nga pikturat murale ne nje nga piramidat e Egjyptit. Po bateria e famshme elektrike qe eshte me shume se 500 mije vjet e lashte e gjetur ne nje sedimant karboni. Raste te tilla gjetjesh ka plot, austronauti i famshem i Kievit i gjetur ne nje shpelle ne Kiev qe daton rreth 4000 vjet i lashte, pjata e famshme metalike e gjetur ne Nepal qe supozohet te jete mbi 12 mije vjet e vjeter dhe qe ka te gdhendur nje disk fluturues madje edhe nje alien etj.

Pra deshmite apo artifaktet jane te shumta. Ato jo vetem flasin per nje prezence te UFO-ve qe ne kohet e hershme te njerezimit por mbas edhe per nje nderhyrje te tyre direkte ne jeten sociale te asaj kohe. Faktet smbarojne ketu, ato jane te shumta dhe jane gjetur ne te gjitha kulturat e vjetra te tokes. Eshte e pamundur te paraqiten te gjitha ketu sepse do te duheshin shume faqe per te treguar cdo gjetje, rezultat shkencor apo konkluzion.

Ato qe permenda jane thjesht nje ilustrim qe tregon dicka qe nuk ka vend per skepticizem apo dyshim sepse i perket nje te kaluare te larget, eshte e prekshme dhe vizive per te gjithe, pra s'ka vend per falsitet apo mashtrim.

Persa i perket periudhes se mesjetes, faktet jane me te shumta me te ruajtura madje i gjejme aty ku sna i pret mendja, ne pikturat dhe afresket fetare, ne bazilikatat, kishat, manastiret dhe objektet fetare te kohes, pa harruar grafikat e shumta dhe shkrimet qe jane me te ruajtura dhe me te detajuara.

Dhe jo vetem kaq por ka edhe deshmi kolektive qe datojne shekuj te mevonshem deri afer lindjes se shekullit te teknologjise (shek i 19), fakte, pamje, skica dhe deshmi te shenuara qe smund te konsiderohen fallsitete apo sajime sepse ekzistojne neper kisha, libra fetare te ilustruar, piktura kishtare, biblioteka qe ruajen ne arkivat e tyre libra te vjeter te mesjetes etj.

Nga Darius
avatar
Admin

1132


Mbrapsht në krye Shko poshtë

Objektet fluturuese të paidentifikuara - UFO Empty Re: Objektet fluturuese të paidentifikuara - UFO

Mesazh  Admin 20.05.08 16:36

Historia Moderne e UFO-ve

Dokumentet dhe deshmite si ato te hedhura ne leter po ashtu edhe ne forme artistike neper piktura, dru dhe metal nuk mbarojne ketu. Numri i tyre eshte shume i madh dhe do te duheshin faqe te tera per ti pershkruar te gjitha.

Por besoj se ideja jepet mjaftueshem me ato qe kam shkruar me siper dhe mendoj se eshte me e udhes qe te flasim per UFO-t ne kohet moderne dhe njohjen e tyre si fenomen ne menyre zyrtare. Qe ne fillimet e shekullit te 20-te kemi disa raste te pamjeve te UFO-ve ne menyre masive nga nje grup njerezish ne vende te ndryshme te Europes, Gjermani, France, Zvicer etj.

Pamja e tyre pershkruhet si nje formen e nje cigare puro qe shpesh qendronte pezull ne ajer pa levizur, pa leshuar asnje zhurme dhe duke ndricuar ne menyre te shpeshte me drita te disa ngjyrave. Per kohen qe behet fjale natyrisht keto nuk mund te ngjallnin ndonje cudi sidomos po te kihet parasysh qe ishin vitet perpara Luftes se Pare Boterore ku dhe gara e armatimit sidmos midis Anglise dhe Gjermanise ishte kthyer ne nje mani dhe shpesh njerezit mendonin se mjete te tilla do ishin ndonje shpikje e re ushtarake.

Po ashtu sduhet harruar qe edhe aviacioni ishte ne hapat e para dhe pamja e mjeteve te tilla fluturuese ngjallte vetem kersheri dhe interes por jo ne masen qe e kemi sot. Vetem me mbrapa kur jane lexuar deshmite, jane pare pershkrimet dhe pikturat e mjeteve te tilla, eshte bere lidhja me ato qe shihen sot. Disa zera te turbullta flasin per disa pamje masive UFO-sh rreth viteve 30 mbi Gjermani dhe Angli apo Amerike.

Deshmi me te forta na vijne gjate periudhes se Luftes se Dyte Boterore ku shpesh avionet luftarake gjermane, anglez dhe amerikan jane shoqeruar nga mjete fluturuese diskoidale apo i kane hasur ato gjate fluturimeve te tyre luftarake. Ne kohen qe ndodhnin keto vezhgime sejcila pale mendonte se do ishin mjete konvencionale te pales kundershtare pra cdo gje mbulohej nga ky lloj konfuzioni.

Do te duheshin vetem 2 vjet mbas perfundimit te Luftes se Dyte Boterore qe bota te mesonte per ekzistencen dhe termin zyrtar te mjeteve fluturuese te paidentifikuara. Per fat te mire cdo gje qe ka ndodhur qe mbas asaj dite eshte e dokumentuar, fotografuar filmuar dhe deshmuar nga miliona njerez ne tere globin. Keshtuqe faktet jane te shumta dhe tema do arrije te paraqesi ate qe ka per qellim, shperndarjen e informacionit mbi UFO. Por le te kthehemi tek momenti kur zyrtarisht u pranua dhe u emerua faktori UFO.

24 Qershor 1947...
Kenneth Arnold, nje biznesmen dhe pilot privat po fluturonte me aeroplanin e tij mbi vargmalet Kaskade kur ne radio degjon lajmerimin per humbjen e nje aeroplani qe mund te kishte rene ne toke. Arnold vendosi te japi ndihmen e tij si pilot dhe u perfshi ne kerkim por pak caste me pas vemendjen e tij e terhoqi nje drite e fuqishme dhe e shkelqyeshme. Ndricimi vinte nga 9 objekte fluturuese qe fluturonin ne forme V.

Sipas pershkrimit te Arnold mjetet leviznin me nje shpejtesi prej 1500 miljesh ne ore. Kur zbriti ne toke, ai raportoi ate qe pa tek ushtaraket. NJe gazetar anonim i emertoi objektet "disqe fluturuese" duke ju referuar pershkrimit te Arnold qe i quajti si forme diskoidale qe rreshkasin njesoj si disqet kur i hedh ne uje dhe pershkojne distancen duke prekur siperfaqen e ujit. Raportimi i ketij vezhgimi sot njihet si fillesa e Periudhes se Arte ose e Eres se Arte.

Kjo periudhe u quajt e tille sepse ka qene periudha me me shume pamje ufosh dhe perfshin vitet 1947-1969. Perpara se te bej komentet e mija dua te paraqes ketu nje interviste te plote te Kenneth Arnold, interviste qe eshte bashkuar ne dosjen e te ashtuquajturit Projekti 1947. Mbase eshte pak e gjate si interviste por nese pretendohet te arrihet nje ide e qarte mbi UFO-t vertetesine apo jo te ekzistences se tyre, duhet ti referohemi te gjitha evenimenteve sic kane ndodhur duke perfshire sa me shume materiale.

Historia e meposhtme qe perjetova ne Vargmalin e Kaskadeve ndonese mund te duket e pamundur, eshte e verteta dhe ajo qe kam pare. Nuk kam kerkuar dhe sdo kerkoj kurre ndonje shperblim per ate qe po them dhe tregoj sepse e quaj te drejte te informoj nje dicka qe besoj cdo pilot do e konsideronte mese te arsyeshme te informonte Forcat Ajrore dhe ato Ushtarake.

Jam shume i bindur ne keto qe them dhe per asnje moment nuk mendoj qe ajo qe pashe mund te ishte rezultat i ndonje efekti natyror apo dicka e ngjashme. Syri im, si nje pilot i stervitur dhe me nje numer te konsiderueshem oresh fluturimi eshte i afte te kapi dhe kuptoje fenomene atmosferike dhe ajo qe pashe nuk ishte aspak i tille.

Ne daten 24 Qershor 1947, dite e Marte mbarova punen ne Chehalis, Washington dhe rreth ores 2 nisa fluturimin nga aeroporti i Washingtonit me idene per te vajtur ne Yakima (Shteti i Washingtonit). Fluturimi im po vonohej rreth nje ore per shkak se u perfshiva ne kerkimet e nje avioni qe mendohej se kishte rene ne krahun jugperendinor te Malit Rainier dhe nuk ishte gjetur (dhe nuk u gjet me kurre).

Po fluturoja ne drejtim te Malit Rinier ne lartesine 9500 kembe. mbasi kerkova per pak kohe ne ate pjese te malit madje edhe disa rrafshe te tija dhe kanionet u ktheva duke bere nje rrotullim prej 360 gradesh dhe perseri i dola perballe malit. Fillova ngjitjen ne lartesi deri sa arrita 9200 kembe. Ne krahun e djathte dhe mbrapa meje ne distance prej pothuajse 15 miljesh ishin dy avione te tipit DC-4 ne nje lartesi jo me shume se 14 mije kembe.

Qielli dhe ajri ishin te paster si kristal dhe shikimi shume i qarte dhe qe shkonte shume larg nga pika ku isha. Nuk ishin bere me shume se 2-3 minuta qe nga momenti qe caktova kursin e ri te fluturimit kur ne avionin qe po pilotoja u reflektua nje drite e forte. U shtanga per nje moment sepse mendova qe mund te isha afruar shume me ndonje aeroplan tjeter. U perpoqa te shikoja rrotull meje po nuk isha ne gjendje te dalloja asnje aeroplan.

Derisa ne nje moment ne krahun tim te majte, ne veri te Malit Ranieri duke ju drejtuar jugut me zure syri nje si zinxhir me 9 objekte, ne pamje fluturuese, ne nje lartesi jo me shume se 9500 kembe dhe me nje pjerresi prej 170 gradesh. Ato po i afroheshin malit me shpejtesi te madhe dhe per nje moment mendova se mund te ishin avione luftarake.

Ne ate moment e kuptova qe drita qe me ndricoi vinte nga keta objekte, me sakte nga dy ose tre prej tyre te cilet ne cdo disa sekonda benin zbritje lartesie te vogel dhe ndryshonin kursin e tyre duke bere qe dielli te reflektonte ne avionin tim. Mu duk shume e habitshme qe spo arrija te dalloja bishtin e tyre po perseri mendova qe mund te ishin aviona ushtarake te nje tipi te ri.

Vendosa te percaktoja shpejtesine e tyre dhe duke qene qe pamja ishte jashtezakonisht shume e qarte deri ne 50 milje, kjo gje do ishte e lehte per mua. Mbasi e llogarita shpejtesine nuk me beri shume pershtypje sepse aeroplanet tane luftarake fluturojne edhe me shpejt. Menyra e tyre e fluturimit ne forme trekendeshe si patat e egra qe formojne nje trekendesh dhe fluturojne paska si pjerret me habiti.

Por ajo qe po me bezdiste me shume ishte fakti qe nuk arrija ti dalloja dot asnje bisht sic kane normalisht avionet. Llogarita distancen qe kisha nga ato objekte dhe rezultoi rreth 20-25 milje. Pra ndonese shikimi ishte shume i paster fakti qe i dalloja aq qarte ne nje largesi te tille do te thote qe ato kishin permasa shume te medha si objekte. Sa me shume i vezhgoja aq me shume me rritej shqetesimi.

I njoh shume mire te gjithe llojet e avioneve dhe me eksperiencen qe kam mund ti dalloja ne distanca te tilla edhe llojit qe i perkisnin. Ne nje moment ato ju afruan kreshtes se malit qe lidhej direkt me malin tjeter Adams dhe ne ate moment i dallova akoma dhe me mire.

Mund te them qe gjatesia e "zinxhirit" qe krijonin keto objekte ishte rreth 5 milje. Ajo qe pashe me turbulloi akoma edhe me shume sepse kur i shikoja ne vije te drejte ato dukeshin thjesht si nje vize e zeze dhe ne momentin qe krijonin nje perkulje te vogel dallohej nje tjeter forme si rrethore po me nje prerje te cuditshme nga mbrapa.

Me pas menyra e tyre e fluturimit u be stabel. Ato as nuk uleshin as nuk ngriheshin me dhe dukej sikur pluskonin ne ajer. Pra nese mund te mendohej qe ishin raketa ose predha kjo do ishte e pamundur sepse flurudha e tyre eshte harkore.

Kjo me sjell ne mendje edhe raportime te tjera te bera ne USA per te pakten 5-6 objekte te tilla, me te njejten forme dhe madhesi. Mbasi kam raportuar tek ushtaraket ate qe pashe dhe lajmi u be publik, kam marre letra te shumta nga njerez te ndryshem te cilet me shkruanini per pamje te njejte qe ata kishin hasur dhe po ashtu vizatime qe i perputheshin shume atij qe une bera per ju.

Do te kisha dhene cdo gje qe kam vetem e vetem qe ate dite te kisha patur nje aparat fotografik. Kur zbrita ne toke e raportova ate qe kisha pare po shpjegimi qe mu dha ishte qesharak, here si fenomen natyral, here si ndonje prove me rekete luftarake apo predhe e leshuar nga ndonje poligon aty afer ose disa shpjegime te tjera qe do te benin te qeshte edhe nje femije. Kerkova nje hetim zyrtar nga ana e FBI-se po ashtu dhe nje analize te plote fizike dhe mendore per veten ne menyre qe te provoja gjendjen time te shendetshem nga te gjitha anet.

Ajo qe me habit eshte fakti qe kam marre letra dhe kerkesa per intervista nga shume njerez ne Amerike dhe ne bote, shkenctare, studiues, te apasionuar mbas fenomeneve te ndryshme po asnjehere nuk me vizituan ushtaraket qe duhet te kishin qene te paret qe duhet te kerkonin kontakt me mua. Ata e lane ne harrese nje dicka qe eshte shokuese dhe kjo per mua eshte e qellimshme. Numri i patentes sime te fluturimit eshte 333487. Pilotoj nje avion te tipit Callair, me tre vende dhe me nje motor i prodhuar ne Afton, Wyoming dhe i perkryer per fluturime ne lartesi.

Cerifikata kombetare per avionin tim eshte 33355.
/s/ Kenneth Arnold
Box 587
Boise, Idaho

Kjo eshte historia e treguar vete nga Kenneth Arnold. E shkurtova pak intervisten per te kursyer kohe dhe eleminuar detajet qe mund te dukeshin te merzitshme.

Sic e thashe me siper ajo qe pa ai shenon fillimin e kohes moderne per Ufologjine dhe i dha shtysa nje levizjeje qe sa me shume kalon koha aq me permasa vigane po merr ne mbare globin. Ushtaraket kur i referohen Kenneth Arnold, pranojne deshmine e tij, pranojne faktin e pershkrimeve qe ai ka bere por kur vjen puna per ti etiketuar aty goja mbyllet, fjalet mbarojne dhe komentet shterin sikur te behet fjale per nje sakrilegj.

Megjithate ndonese kjo ngjarje shenoi fillimin e studimit modern te ufo-ve, shenoi gjithashtu edhe fillimin e nje fshehjeje te se vertetes nga organizma te caktuara qeveritare amerikane.

S'do kalonin shume dite nga pamja e Kenneth Arnold kur dicka do te ndodhte, dicka qe edhe sot e kesaj dite eshte e mbuluar me mister por qe ka tronditur boten mbare dhe qe vazhdon e merret si pike referimi. E kam fjalen per ngjarjen e Roswell qe eshte objekti i ardhshem ne kete teme.

Nga Darius
avatar
Admin

1132


Mbrapsht në krye Shko poshtë

Objektet fluturuese të paidentifikuara - UFO Empty Re: Objektet fluturuese të paidentifikuara - UFO

Mesazh  Sponsored content


Sponsored content


Mbrapsht në krye Shko poshtë

Mbrapsht në krye

- Similar topics

 
Drejtat e ktij Forumit:
Ju nuk mund ti përgjigjeni temave të këtij forumi