Jashtëtokësorët e kanë vizituar Tokën

Jashtëtokësorët e kanë vizituar Tokën për dekada të tëra


Hellyer Pali, Ministri i Mbrojtjes Kombëtare të Kanadasë, 1963-1967.

Toronto, 3 maj 2010

Duke e akuzuar astrofizikantin e famshëm Stephen Hawking se është duke përhapur informacione të rreme në lidhje me kërcënimet nga jashtëtokësorët, ish-ministri i mbrojtjes Paul Hellyer, tha të djelën se jashtëtokësorët në fakt e kanë viziuar tokën për dekada të tëra.

Duke mos i sjellë asnjë të keqe njerëzimit, thotë ai, anijet e tyre (jashtëtokësore?), na kanë dhënë informacione për të zhvilluar mikroprocesorët dhe revolucionin industrial dhe teknologjikë në planetin tonë.

Hawking ka paralajmëruar kohëve të fundit rrezikun e njerëzimit nëse futet në kontakt me jashtëtokësorët.Gjeniu i shkencës Stephen Hawking deklaron se alienët ekzistojnë, porse do të ishte gabim fatal nëse do ti kontaktonim ata.

Profesori fizikant 68 vjecar jep detaje nëpërmjet një dokumentari të ri sesi do të dukeshin alienët.

Por, frika e shkencëtarit është pikërisht mundësia se alienët mund të vijnë dhe të kontrollojnë burimet e tokës. “Mendoj se ata jetojnë në disa anije të mëdha, duke përdorur të gjitha burimet e tyre të mundshme”, tha shkencëtari.

Duke vënë në dyshim deklarimin e Hawking, ish-Ministri i Mbrojtjes së Kanadasë, i cili është vetë një ekspert mbi këtë çështje dhe flet për jashtëtokësorët me vite të tëra, tha se jashtëtokësorët e kanë vizituar Tokën dhe kanë kontribuar në përparimin tonë teknologjikë.

Hellyer tha për Canadian Press se "realiteti është se ata (jashtëtokësorët) e kanë vizituar tokën për dekada të tëra dhe ndoshta me mijëra vjet dhe kanë kontribuar në mënyrë të konsiderueshme në njohurive tona.

Ai tha se ekranet tona kompjuterike e kanë origjinën e tyre nga jashtëtokësorët.
"Microprocesorët për shembull, fibri optikë, këto janë vetëm dy nga shumë gjëra që mendohet - dhe ndoshta e vërtetë - që vijnë nga anijet që u rrëzuan," deklaroi kanadezi.

Duke fajësuar Hawking se është duke e friksuarë njerëzimin nga jashtëtokësorët, ai thotë :"Ai (Hawking) angazhohet në një diskurs tepër të frikshëm dhe unë nuk kisha shpresuar që do të vinte nga ai. Unë mendoj se është me të vërtetë e dhimbëshme që një shkencëtar me një reputacion të tillë të kontiboi në atë që unë e konsideroj më shumë si dezinformatë rreth një teme mjaft të madhe dhe shumë të rëndësishme."