Psikiatri amerikan që konfirmonte rrëmbimet nga alienët

Nuk ndodh çdo ditë që një shkencëtar i kalibrit të këtillë të thotë se disa nga rastet e rrëmbimit të njerëzve nga alienët mund të jenë të vërteta. Një psikiatër amerikan, i cili ndërroi jetë në vitin 2004, mendonte se diçka ishte duke ndodhur.

Psikiatri John Mack nga Universiteti i Harvardit thotë se rrëfimet e disa njerëzve, që pretendojnë të kenë qenë të rrëmbyer, janë shumë reale, e vetë ata shumë të sinqertë. Një gjë tjetër që e bën atë të besojë në rrëmbimet e njerëzve të caktuar nga alienët, janë edhe shenjat e tyre fizike.

Për këtë shkak, ai thoshte se, derisa njerëzit debatonin rreth asaj a është një gjë e tillë e mundshme, apo jo, gjërat e tilla të ndodhnin para hundëve tona. Ai pranonte se, para se të bisedonte me njerëz të tillë, kishte qenë skeptik rreth këtyre rrëfimeve, por bisedat e shumta me të, ia kishin ndërruar mendjen.