Gurët sferikë, misteri i së kaluarës

Në rivierën Koekohe në Zelandën e Re, janë zbuluar disa gur të çuditshëm tepër të rrallë, që kanë një formë sferike.
Në të vërtet, nëse do të vendosnim pak fantazinë në funksion, e të ktheheshim pas në kohë, në të shkuarën e historisë, këto gur sferik, do të na kujtojnë se ata janë “fishekët” e fundit që kanë mbetur nga loja e Gjigandëve të dikurshëm.

Disa nga këta gur sferik janë të shpërndarë, ndërsa pjesa më e madhe e tyre gjenden të bashkuar në një vend.
Arkeologët dhe paleontologët, besojnë se këta gur janë krijuar në thellësinë e lashtësisë së hershme, pra rreth 56 milionë vjet më parë, nga ndikimet dhe fenomeni klimaterik.

Arkeologët dhe paleontologët nuk janë në gjendje të përcaktojnë me saktësi se ku janë krijuar këta gur sferik, por ata besojnë se janë krijuar nga një lloj balte, e cila nën ndikimin e kushteve atmosferike, pra nga tkurrja dhe ngurrja e materialit këto shkëmbinj të marrin formën sferike, formë që ne i gjejmë dhe sot.

Madhësia e tyre, forma kaq mbresëlënëse, vendi ku ata ndodhen, janë disa nga dukurit që i bëjnë këta gur, kaq të mrekullueshëm e të mistershëm, pasi dimensionet e tyre arrijnë në 1,5-2,2 metra dhe se disa nga këta janë kaq perfekt në formën e tyre sferike.