Masoneria - Shqipëri & Kosovë

[quote="estilen"]

maximus shkruajti:Per menidimin tim, cdo gje qe eshte mistike eshte dhe terheqese, por te masoneria dhe iluminatet jane shume konspirativ ne lidhje me ngjarjet e fundit qe po ndodhin.

Po i marrim gjerat me shkoqur maximus,ose maksi me thjesht,ashtu sic je shprehur ne paragrafin e mesiperm.Ti bie ne kundershtim me mendimin tend kur thua- por te masoneria dhe iluminatet jane shume konspirativ ne lidhje me ngjarjet e fundit qe po ndodhin-Ne se pranon qe jane shume konspirativ ti nuk ke mesuar asgje nga masonet,por komenton belbezitje njerzish nga rruga e madhe

maximus shkruajti:Gjithashtu dua te shtoj se duhet te hapim syte dhe nuk duhet te jemi kaq naiv sa te mashtrohemi nga nje gje e tille. Masoneria po na vret,

Qe kur ke filluar te japesh mesim per te keqiat e masonerise,pa ditur asgje nga ata,mbasi vete pranon qe jane konspirant...?

maximus shkruajti:po materializon shpirtin tone,po josh njerzit me pasuri dhe me vlera te shtirura intelektuale, po tenton te grabise lirine dhe te na beje te besojme ne superqenien njerezore sipas parimeve te Hegelit dhe historia na ka mesuar se cfare mund ti ndodhe njerzimit nese do te ecim me ato parime, sic ishte LUFTA E II- te BOTERORE.

Ne se vertete masoneria po materializon shpirtin tone dhe po josh njerzit me pasuri,atehere hallall or burri i dheut,kjo tregon se ata jane me te mencurit e botes qe dine te jetojne per vehte ne mireqenie,njekohesisht ndihmojne dhe te tjeret me tepricat e tyre.Sa per grabitje lirie,n.q.s e njeh historine me thuaj nje here te vetme kur ti ke qene i lire...?

maximus shkruajti:Do ju lutesha te gjithve te hapni syte dhe te hetoni ne lidhje me to, do te zbulonit shume intriga te rrezikshme kunder njerzimit dhe natyres se shpirtit njerzor. Shikojeni me ftohtesi kete mesazh dhe ju lutem mos u nxitoni ne gjykime.

Me keqardhje po te them se keto mesazhe populiste nuk i zene vend nje personi jo publik,si juve,apo dhe shume te tjereve si ne ketu ne Shqiperi dhe jashte saj,sepse vetem 2% e popullsise se pasur zoteron 50% te pasurive boterore.Prandaj kur degjoj te tilla mesazhe me ''keputet mesi'' nga te qeshurat,zoti MAXIMUS...

Me vjen keq qe lexon vetem pjeset qe te interesojne une nuk te njoh po ta them perseri. Nuk mund te nxjerr nje konkluzion ne lidhje me aftesite tuaja intelektuale por mesa duket te gjithe ketu perpiqen te shfaqin me shume veten sesa te jene objektiv ne lidhje me temen. Megjithate ju jeni paksa ndryshe dhe shume e drejperdrejte. Une i kam studiuar masonet per vite me rradhe dhe mund te flase me kopetence te plote dhe te rikonfirmoj ato qe kam thene me lart do te lutesha te mos me nenvleftesonit dhe mos qeshnit shume.

Duke nisur qe dje edhe ne Shqiperi eshte krijuar Lozha e madhe Masonike. Zyrtarizimi saj eshte bere ne nje deklarate per shtyp nga Elton Caci mjeshter i lozhes shqiptare por edhe nga disa te ftuar prej Lozhave Masone ne Shtetet e Bashkuara dhe Italise. Caci theksoi se hapja ne kete periudhe e lozhes shqiptare perkon me krijimin e kushteve te duhura politike dhe sociale. Nderkohe qe puna kishte disa vite qe kishte filluar.

Ndersa i ftuari i vecante ne kete ngjarje Tomas Xhekson sekretar ekzekutiv i konferences te Lozhave te medha Masonike tha se krijimi i kesaj lozhe eshte me rendesi per shqiptaret pasi do te kontribuoje ne promovimin e demokracise dhe tolerances. Ne duam te marrim disa qytetare te mire shqiptare dhe ti bejme me te mire per te kontribuar ne evoluimin e shoqerise shqiptare. Ne jemi aty ku ka demokraci.

Do te kontribuojme ne perhapjen e parimeve demokratike. Ne Shqiperi kemi njerez te rinj qe nuk jane perfshire ne regjimin e vjeter deshironim ti jepnim nje freski kesaj lozhe. Me duhet te theksoj se kjo nuk eshte nje parti politike deklaroi Tomas Xhekson sekretar ekzekutiv i konferences se Lozhave te medha Masonike.

Masonet jane nje organizate vellazerie e cila eshte themeluar ne rrethana jo shume te qarta ne fund te shekullit te 16 dhe ne fillim te shekullit te 17. Masoneria e lire ekziston ne forma te ndryshme ne te gjithe boten dhe numri i personave qe e kane perqafuar mendohet te jete 6 milione. Lozhat e medha jane ato te Skocise Irlandes dhe Anglise. Lozha e pare eshte krijua ne Mbreterine e Bashkuar ne vitin 1717. Para vitit 1813 brenda masoneve kane ekzistuar dy rryma ajo moderne dhe ajo e lashte.

Prape shume te rezervuar dhe aspak te qarte keta masonet edhe shprehen se jane vellazeri dhe larg politikes edhe plotesojne se do te kontribojne ne promovimin e demokracise dhe tolerances...????

Nuk e di dhe nuk mendoj se do te mund te dijm ndonjehere , por sipas tyre qellimet qe kane jane ne te mire te vendit tone ... edhe pse deklaruan se nuk jane nje parti politike , une mendoj se ato po e udheheqin me se mire tani Shqiperine .

Edhe pse etja për ta kuptuar thelbin e gjërave,nuk të ndihmon nga jashtë por njeriu duhet të futet në brendësi të saj,për të kuptuar të mirat dhe të këqijat e saj. Ne nga jashtë mundohemi me aq sa mundemi ti përkapim ato qëllime,që mendojm se mund ti deshifrojm nga deklarata e tyre.

Tani më dijet me siguri se qëllimet e ndonjë shoqërie sekrete apo të ndonjë shoqërie jo sekrete mund ti dijë ai që është anëtari i mbrendshëm i saj,dhe vetëm ai i cili i arrinë kufijtë e saj skajore dhe nivelizohet me dijetarët (Mjeshtrat) e saj më të mirë, i tejkalon ata dhe arrin shkallën në të cilën u bëhen të qarta ato thellësi dijesh,qëllimesh apo edhe plasaritje interesash në atë shoqëri , të cilat nuk i shfaqen përfaqësuesve të saj.

Vetëm atëherë mund të jetë e vërtetë ajo që ai konfirmon për qëllimin e asaj vallazërie si e quajn ata vetën e tyre,dhe që ka arritur në mos gradat më të larta të saj së paku ato mbimesataren sa të mund të thotë diç më sakt për planprogramet e tyre në lidhej me Shqiptarët dhe Shqipërin.Edhe pse mund të jenë plane djallëzore apo qëllim mira, ne nga jashtë vetëm mund të spekulojmë në lidhje me qëllimin final të tyre……….unë uroj që së paku qëllimet e tyre të mos jenë djallëzore..

Masonët shqiptar dhe krijimi i lozhës

Masone dalin hapur edhe në Shqipëri

Pas disa vitesh që dyshohej që masonët vepronin në Shqipëri tashmë s’është sekrete.

Të premten e datës 14 Tetor 2011 u mbajt ceremonia e lindjes zyrtare të Lozhës së Madhe Shqiptare (LMSH) masone me të emëruarin liderin apo mjeshtrin e tyre të madh siç e quajnë ata, Elton Çaçi.

Në këtë ceremoni zyrtare morën pjesë mjeshtri i madh Gustavo Raffi i Lozhës së Madhe Nënë (Grande Oriente d’Italia -GOI) i cili punoj që në vitin 2008-të për krijimin e Lozhës Shqiptare. Pasi pati sukses në krijimin e Lozhës së Madhe Serbe. Gjithashtu në zyrtarizimin LMSH-së morën pjesë segretari i përgjithshëm i Konferencës Botërore të Lozhës Madhe Tomas Xhekson(Thomas Jackson), mjeshtri i madh i Greqisë Nikolaus(Nicolaus) Vourgidis, mjeshtri i madh i Serbisë Petar Kostiç.

Masonëria dhe Shqiptarët



Masonëria e Lirë, e përhapur në gjithë botën ka pasur ndikim të madh në historinë e njerëzimit. Fillimi i shekullit 21, e ka gjetur Masonërinë në qendër të vëmendjes së mediave dhe gazetarëve në përpjekje për të zbardhur diçka nga organizata më sekrete e planetit.

Duke qenë se pjesë e Masonerisë kanë qenë shumë figura të shquara të politikës, artit, muzikës, sportit, biznesit, etj. organizata është bërë pjesë e akuzave të shkrimtarëve të ndryshëm se ajo ka si qëllim krijimin e Rendit të Ri Botëror.

Për gjatë shekujve Masoneria ka pasur si armik kryesor të sajin, Kishën Katolike të Vatikanit, e cila ua ka ndaluar besimtarëve të saj hyrjen në këtë organizatë.

Masonëria në trevat shqiptare

Historia e hershme

Fillimet e Masonërisë në trevat shqiptare mendohet të jenë andej nga vitet 1830'. Mendohet gjerësisht se Masonëria ka ndikuar në mënyrë të pashlyeshme në Rilindjen Kombëtare Shqiptare, dhe në Lidhjen Shqiptare të Prizrenit. Idetë iluministe të rilindasve shihen si ndikim i frymës masonike në inteligjencën shqiptare të kohës.

Gjatë viteve të sundimit të Ahmet Zogut, masonët patën liri veprimi dhe madje mendohet se ata ishin të përfshirë në disa prej atentateve të bëra ndaj Zogut. Nuk ka të dhëna të sakta, por mendohet se Durrësi, Shkodra dhe Korça kishin lozha masonike gjatë viteve 30'.

Gjatë periudhës së komunizmit masonët u shpallën të paligjshëm dhe u luftuan ashtu siç u luftuan edhe besimet fetare.

Historia post-komuniste

Me ardhjen e demokracisë Masonëria u ringjall, pa arritur të krijonte një lozhë. Në vitin 2005 u krijua në Tiranë me vendim të Këshillit të Lartë Masonik për Anglinë dhe Uellsin, dhe Këshillit të Lartë Masonik Botëror "e para Lozhë Masonike në vend, Lozha e Masonërisë së Lashtë, me emrin Lozha Akacia Nr.25, Shqipëri Nr.1".

Gjithsesi krijimi i kësaj lozhe është mohuar nga Maksim Zotaj (mason shqiptar), nga Jean Michel Quillardet dhe Lui Lopez. Në vitin 2007, në Shqipëri erdhi Mjeshtri i Madh i Grand Orientit të Francës, Jean Michel Quillardet i cili u takua me Kryeministrin Berisha dhe Presidentin Topi.

Më vonë Lui Lopez, një mason francez i vetëdeklaruar, tha se në Shqipëri e para lozhë masonike, ishte ajo e krijuar nga Grand Orienti i Francës. (duke marrë parasysh se Orienti i Madh dhe Masonët anglofonë nuk kanë marrëdhënie mes tyre, ndoshta Orienti i Madh, quan të parën lozhë shqiptare, Lozhën e saj.

Gjithsesi mbetet i habitshëm, reagimi i Maksim Zotajt, mason i New Yorkut, që thotë se në Shqipëri nuk ka Lozhë Masonike). Maksim Zotaj, i pari mason shqiptar i vetëdeklaruar erdhi në Shqipëri, në vitin 2007, dhe në vitin 2009 krijoi shoqatën "Miqtë e Masonëve".

Në 3 vitet e fundit, shtëpitë botuese shqiptare kanë botuar një sërë librash mbi masonët dhe akuzat ndaj tyre, duke e bërë këtë organizatë gjerësisht të njohur.

Në Kosovë, vëllazëria filloi të njihej pas vitit 1999. Mendohet se aty ka dy lozha, por nuk ekzistojnë fakte të sakta. Në Pejë në vitin 2005 u krijua Shoqata Rotari, me udhëheqës Neshad Asllanin. Ndonëse nuk ka lidhje me masonërinë, shkrimtari Saad Gashi deklaron se në fakt ajo është një lozhë masonike.


Flamuri shqiptar gjatë viteve 1912-1914, burim teorish se Ismail Qemali ishte mason. Shqiponja me dy koka është simboli i shkallës 32 të Masonërisë, ylli sipër, është Ylli i Davidit, simbol i flamurit të Izraelit sot.

Opozita anti-masonike shqiptare

Në trevat shqiptare, masonët nuk gëzojnë mbështetjen as të fesë dhe as të popullsisë së gjerë. Shkrimtari më aktiv anti-mason është Kastriot Myftaraj, i cili në gazetën e tij "Sot" nuk ngurron të akuzojë figura të njohura të politikës shqiptare si masonë dhe si neo-çifutë.

Nga 3 besimet fetare shqiptare, Islami mbetet më anti-masoni. Elementë me bindje të thella islame, në rrjetet sociale Facebook, Twitter, apo MySpace shkruajnë vazhdimisht për komplotin çifuto-mason ndaj shqiptarëve dhe myslimanëve.

Dukshëm, elementët islamikë tentojnë të krijojnë një imazh të keq të çifutëve (Izraeli vazhdon luftën në Palestinë duke vrarë myslimanët) në Shqipëri kur dihet ndihma e shqiptarëve ndaj hebrenjve gjatë Luftës II Botërore.

Në Kosovë opozita anti-masonike mbetet shumë e fuqishme. Anti-masonët e Kosovës deklarojnë se Masonëria kontrollon gjithçka duke filluar nga politika, biznesi deri tek kultura dhe muzika. Në Shqipëri nuk mungojnë zërat se televizioni më i madh i vendit Top Channel është mason. Gjithashtu anti-masonët janë përqëndruar edhe tek simbolika e institucioneve shqiptare, për të deklaruar sundimin mason dhe atë të Illuminatit.

Masonët shqiptarë

Lista në vijim është përpiluar me emra nga interneti, kryesisht të forumeve të ndryshme, dhe faqeve islamike anti-masonike.

Maksim Zotaj - i vetëdeklaruar, Lozha Blu, New York

Neshad Asllani - sipas Saad Gashit

Gjergj Kastrioti Skënderbeu-i hamendësuar nga njerëz të ndryshëm si pjesëtar i Illuminatit

Jeronim De Rada - sipas deklaratave të Maksim Zotajt

Abdyl Frashëri - sipas deklaratave të Maksim Zotajt

Sami Frashëri - sipas deklaratave të Maksim Zotajt

Naim Frashëri-sipas deklaratave të Maksim Zotajt

Petro Nini Luarasi - sipas deklaratave të Maksim Zotajt

Hoxha Tahsim - sipas deklaratave të Maksim Zotajt

Vaso Pasha - sipas deklaratave të Maksim Zotajt

Mit'hat Frashëri-sipas deklaratave të Maksim Zotajt

Mehmet Ali Pasha - sipas deklaratave të Maksim Zotajt

Lasgush Poradeci - sipas deklaratave të Maksim Zotajt

Ismail Qemali - sipas deklaratave të Maksim Zotajt

Nuredin Bej Vlora - sipas deklaratave të Maksim Zotajt

Nikolla Paço - sipas deklaratave të Maksim Zotajt

Faik Konica - sipas deklaratave të Maksim Zotajt

Enver Hoxha - sipas Kastriot Myftarajt

Veton Surroi - sipas Saad Gashit

Edi Rama - sipas Fatos Nanos dhe Kastriot Myftarajt

Erion Veliaj - sipas Kastriot Myftarajt

Sali Berisha-sipas hamendësimeve të ndryshme

Adelina Ismaili - sipas hamendësimeve të ndryshme

Ibrahim Rugova - sipas hamendësimeve të ndryshme

Hashim Thaçi - sipas hamendësimeve të ndryshme

Fatmir Sejdiu - sipas hamendësimeve të ndryshme

Albin Kurti - sipas hamendësimeve të ndryshme

nga wiki

Duan të më vrasin
Kallëzimi i rrallë i kreut të masonëve

Kreu i shoqatës “Miqtë e Masonëve” i ka kërkuar prokurorisë të hetojë tentativat e vazhdueshme për eliminimin e tij fizik, të cilat, sipas tij, bëhen nga njerëz të pushtetshëm.

Maksim Zotaj, që pretendon se është masoni i parë shqiptar dhe drejtues i një shoqate që synon përgatitjen e masonëve të rinj në vendin tonë, ka depozituar një kallëzim penal me anë e të cilit kërkon të vërë në lëvizje organin e akuzës për rrezikun e vazhdueshëm që i kanoset, duke mos përjashtuar as eliminimin fizik.

“Kërkojnë të më helmojnë me oksid karboni” - mësohet të ketë deklaruar në prokurori Zotaj, i cili pas qëndrimit gati 15-vjeçar në Shtetet e Bashkuara të Amerikës, është kthyer në Shqipëri si masoni i parë shqiptar.

Zotaj ka pretenduar në Prokurori se jo vetëm që është masoni i parë shqiptar, apo ndryshe Frimason, por edhe anëtar i Llozhës Blu të masonëve në Nju-Jork të Shteteve të Bashkuara të Amerikës.

Pozicioni i tij në shoqërinë e masonëve dyshohet se është edhe motivi i përpjekjeve të denoncuara nga Maksim Zotaj, për ta eliminuar atë fizikisht.
Kallëzimi i pazakontë për Prokurorinë është dorëzuar më datën 3 dhjetor dhe mban vulën e shoqatës “Miqtë e Masonëve”, që drejtohet nga 52-vjeçari me profesion gazetar.

Sipas burimeve të rezervuara, mësohet se në kallëzim Zotaj ka renditur disa ngjarje që, sipas tij, nuk janë të rastësishme.

Të gjitha episodet e përshkruara në mënyrë të detajuar kallëzuesi i ka shoqëruar me provat respektive, të cilat mund të hedhin dritë mbi një konspiracion të mundshëm që po i bëhet masonit të parë shqiptar, sikundër pretendon se është Maksim Zotaj.

Në kallëzimin e firmosur prej tij thuhet se gjatë tre viteve qëndrim në Shqipëri, pas kthimit nga ShBA-të, persona të ndryshëm, përfshi edhe njerëz të tij të afërt, kanë tentuar ta helmojnë me oksid karboni, një lëndë kjo që, sipas tij, shkakton atë që quhet “vdekje e ëmbël”.

Për këto ngjarje që kanë ndodhur në vazhdimësi kallëzuesi pretendon se ka vënë në dijeni disa herë uniformat blu, të cilat nga analizat që i kanë bërë lëndës kimike ka rezultuar të jetë gaz helmues.

Deri tani, përveç kallëzimit penal, ku përmenden të paktën 30 persona që mund të kenë dijeni për këtë ngjarje, Zotaj ka vënë në dispozicion të akuzës vetëm fare pak prova, të cilat kryesisht janë fotografi që u janë bërë pajisjeve të dëmtuara, sipas tij, nga oksidi i karbonit.

Në një nga rastet e paraqitura kallëzuesi thotë se gazi karbonik me veti helmuese ka hyrë në ambientet e banesës së tij nëpërmjet tubove të ujit që gjenden në tualet dhe për këtë pretendim ai ka paraqitur disa fotografi të tualetit të dëmtuar pikërisht nga gazi karbonik.

Si pasojë e rrezikut që pretendon se i kanoset, Zotaj, pas kthimit nga Shtetet e Bashkuara të Amerikës në vitin 2006, ka ndryshuar disa herë banesën, por sërish, sipas tij, këto forca, që synojnë të luftojnë masonët për shkak të misionit të tyre, janë përpjekur sërish të injektojnë gaz oksid karboni në ambientet ku ai qëndron.

Burimet thonë se menjëherë pas marrjes së kallëzimit është marrë dëshmia e Maksim Zotajt, i cili ka rikonfirmuar gjithçka ka deklaruar në kallëzimin penal, duke dhënë detaje të tjera për llogari të hetimit.

Por ky rast duket se ka vënë në vështirësi organin e akuzës, i cili has për herë të parë një rast të tillë, kur një person, i cili pretendon se është masoni i parë shqiptar, thotë se rrezikon të eliminohet fizikisht.

Rasti në fjalë mësohet se i është nënshtruar një analize të detajuar në organin e akuzës, ku janë vendosur edhe hapat e mëtejshëm të hetimit për këtë çështje.

Momentalisht prokuroria thotë se ende nuk ka vendosur nëse do të regjistrojë një procedim penal për këtë çështje, por vendimi do të merret pas analizimit të të dhënave të mbledhura, por edhe ato që do të sigurohen gjatë verifikimeve paraprake.

Leonard Bakillari

Histori e shkurtër e lëvizjes masonike në Shqipëri

Ky ishte pra viti 1717, kur katër loxha të Londrës vendosën që të bashkoheshin, nëpërmjet një inisiative të përbashkët, dhe si pasojë e kësaj ngjarje, lindi lozha e madhe e Anglisë. Nga ky moment historik i masonizmit anglez, mori rrugën zyrtare edhe data e fillimit të historisë së masonizmit modern në mbarë botën. Pse u quajt kështu dhe cila ishte domethënia e vërtetë e saj? Le të bëjmë një kthim të shkurtër në kohë, për t’i kuptuar gjërat që nga fillimi...

Me gjithë botimet e shumllojshme dhe interpretimet gati në kufijtë e legjendës mbi masonët dhe masonizmin, ende askush nuk ështe në gjëndje që të thotë diçka të plotë mbi origjinën dhe kohën kur e ka zanafillën dhe ku ka filluar masonizmi... Ky fakt ende mbetet një monopol i thellësisë së mijra-vjeçarëve!

Vetë masonët, ende nuk janë në gjëndje që të japin një definicion të saktë për një gjë të tillë. Një fakt i dukshëm eshtë se mbas vitit 2000 është shtuar shumë prezenca e temave dhe kërkimeve në këtë fushë në median elektronike dhe në atë të botimeve periodike. Tashmë në vëndin tonë flitet lirshëm, ka biseda serioze edhe intervista nga më të ndryshme mbi masonët.

Masonizmi dukshëm nuk është më një tabu sot dhe gjithkush ka të drejtë të japë opinionin e tij në këtë drejtim. Shpesh shihen edhe manipulime apo shkrime mbi këtë temë të cilat në thelb kanë shpirtin e revanshit apo motive të kundërta me ato çka kërkon një qëndrim serioz dhe i bazuar në aktin e të vërtetës. Megjithatë edhe sot e gjithë ditën kërkimet vazhdojnë intensivisht, në këtë moment të madh të ndriçimit të mëndjeve të qënieve humane...

Por ç’po ndodh në të vërtetë? Flasim mbi masonizmin në përgjithësi dhe kjo gjë a ka të bëjë me të kaluarën e historisë humane apo me vjetërsinë e saj? Ky fakt a ka të bëjë gjithashtu me origjinën e jetës sonë në tokë... Në masonizëm elementët filozofike përmblidhen në ritualet, dhe pasqyrohen tek besimi i njeriut si krijesë e zotit. Ritet janë të lashtë, dhe me qëllim ato ruhen dhe aplikohen brënda lozhës. Lozha nënkupton vëndin e shenjtë ku vëllazëria mblidhet rregullisht dhe ku burrat janë të barabartë në mes tyre.

Ky shkak i bën ata ta duan dhe ta nderojnë njëri-tjetrin, si vëllezër ku zoti padyshim është babai i tyre i përbashkët.

Aty ata edukohen së bashku duke u ndriçuar me idealet e larta të humanizmit, me idenë fisnike që, njeriu ështe dhe mbetet gjithmonë referenca në kërkim të qëndrës së universit.

Kjo filozofi praktikohet dhe është e mbështetur simbolikisht mbi të dy shtyllat e Herkulit! Në gjuhën masonike këtu e kemi fjalën për Moralin dhe Metafizikën. Për të kaluar më në thellësi të filozofisë masonike duhet të themi se zoti i masonëve është “ARKITEKTI I MADH I UNIVERSIT”! Pra siç thonë ndryshe ata, besojnë tek një “Qënie Superiore”, ( të mbinatyrshme )... Masonizmi në mënyrë të padiskutueshme është dhe mbetet urdhëri më i vjetër i regjistruar në koshiencën humane.

Por duhet theksuar se shpesh ky urdhër në vënde të ndryshme ka egzistuar në mënyra të ndryshme, në shfaqjen dhe në praktikën e të manifestuarit të elementëve të vet. Por në substancë ai ka mbetur i njëjtë! Flet për masonizëm dhe praktikat e ndryshme të tij, dhe mundesh të dallosh në elementë të caktuar nga njëra-tjetra, në të njëjtën kohë kupton qartë se është fjala për të njëjtën gjë.

Qëllimi mbetet i njëjtë, ruajtja e ritualit masonik qysh nga njeriu i parë, i cili vendosi atëherë të jetonte në tokë, dhe e konsideroi atë si shtëpinë tonë të përbashkët.
Mësimet të cilat na vijnë nga thellësia e mijvjeçarëve nuk duhen harruar kurrë. Kjo edhe sot është shumë e rëndësishme dhe primare, pothuajse!

Ato (mësimet) janë: E djeshmja, e sotmja gjithashtu, dhe padyshim e nesërmja, e cila me të panjohurën e saj na intrigon kaq shumë.
Por a nuk tingëllon kjo gjë, si tre dimensionale?

A nuk do të ishte e drejtë gjithashtu që ta përdornim këtë gjë si një arësye më shumë për të zbuluar se nga vijmë, pse ndodhemi këtu, dhe ku qëniet humane do ta kenë stacionin tjetër të jetës së tyre në një të ardhme të afërt apo të largët?
Cila do të jetë shtëpija jonë e re në univers?
Pikërisht këto pyetje fare të thjeshta e bëjnë njeriun më human, apo jo?

Masonët besojnë tek njohuritë universale, dhe ata i përcaktuan ato qysh në fillimet e veta. Ishte fjala për shtatë artet e lira. Këto shtatë arte të lira do të bëheshin baza dhe thelbi i njohurive të përbotshme:
Drejtësia, Gjeometria, Matematika, Fizika, Oratoria, Astronomia dhe Astrologjia.

Pra këto shtatë arte (shkenca) janë gjithashtu edhe esenca e Metafizikës, si njohuri universale!
Përsa i përket moralit brënda konceptit masonik, ndaj tij ne kemi kërkesa shumë të rrepta. Simbolikisht prezenca e moralit tek njeriu, do të thotë prania e zotit...

Le ta kuptojmë edhe kështu! Masonët për shkak të moralit të tyre të lartë në sensin humanist konsiderohen pëgjithësisht edhe si “ Burrat e Mirë” të kësaj bote.

Por sa qëndron kjo në realitetin tonë të përditshëm? Nëqoftëse do t’i hidhnim një sy të shpejtë historisë moderne të njerëzimit, do ta kuptonim se për çfarë në fakt po flasim... Eshtë një listë e gjatë me emra të famshëm masonësh të cilët të paktën shekujt e fundit i kanë dhënë inteligjencës së shoqërisë humane, gjithçka që ka të bëje me zhvillimin, me zbulimet, apo edhe në aplikimin e teknologjisë në kohën moderne...

Ja disa nga këta emra: Isak Njuton, Uilliam Shekspir, Xhejms Huku, Kristofor Marlou, Lord Bajroni, Robert Bërnsi, Edmond Hallej, në Angli.

Në Francë kemi emra të tillë si Viktor Hugoi, Volteri, Napoleon Bonaparti, Zhyl Verni; nga industria e motorrave emra si: Reno, Pezho, etj.

Në Gjermani gjithashtu kemi emra si Gëtja, Hajne, Lesingun, Bahun, etj...
Në Austri kemi Moxartin, Vagnerin, Hajden, Franc Listin, Zigmund Frojdin, familjen e Hadsburgëve etj!

Po ashtu në Itali kemi emra si: Xhuzepe Garibaldin, Mazinin, Karlo Kolodin, Pucinin, Totonë (humoristi), Salvadore Kuazimodon, familjen Di Mediçi etj.

Edhe në Shqipërinë e periudhës së rilindjes dhe gjatë kohës së kryengritjes për pamvarësinë nga pushtimi Otoman, dolën në këtë drejtim emra të shquar si: Sami dhe Abdyl Frashëri, Vaso Pasha, Naum Veqilharxhi, Kostandin Kristoforidhi, Ismail Qemali, Faik Konica, Jeronim De Rada, etj. Por për hatër të së vërtetës ky është vetëm një numër modest emrash të cilët kanë luajtur një rol të madh në historinë botërore dhe në historinë tonë gjithashtu...

Kjo gjë na kujton neve faktin se jemi rritur dhe edukuar me një frymë idealesh të mëdha për jetën dhe moralin shoqëror...

Masonizmi nuk është Fe, por është thjesht formë e të shpjeguarit të jetës! Organizimi masonik është i ngrirë brënda kornizës së një urdhëri! Një kandidati i cili inspiron të bëhet anëtar i këtij urdhëri, i kërkohet fillimisht të konfirmojë qartë se ai ka besim të patundur tek Zoti! Ndërsa, përsa i përket fesë të cilës ai i përket, qëndrimi ynë masonik është një qëndrim krejtësisht liberal. Një kandidat i caktuar për tu bërë mason, nuk pengohet që të bëhet i tillë nga shkaku i besimit të tij fetar.

Janë vlerat universale të humanizmit së fundmi, ato që përcaktojnë besimin dhe moralin e një frimasoni. Zoti i masonëve quhet ndryshe edhe si: “Arkitekti i Madh i Universit”, pra dukshëm një qënie superiore dhe jo Humane.

Kushdo që beson në Zot, mund të bëhet frimason... Pra ky është modeli i “Njeriut të Mirë” të cilin ne shpesh e ndeshim në jetën tonë të përditshme. Ky njeri ka gjithashtu një bagazh të caktuar intelektual dhe eksperiencë shoqërore.

Edukimi që ai fiton brënda aktivitetit të një lozhe masonike kur ai bëhet i tillë, e ngre në nivele shumë herë më të larta intelektuale se sa ai ka zotëruar fillimisht. Ky është një fillim i ri dhe një rilindje e vërtetë në rrafshin mendor dhe emocional.

Një mason është i prirur gjithmonë drejt së të vërtetës absolute, ai nuk kënaqet me gjysëm të vërtetën, as me të vërtetën që mundet t’ja sygjerojnë të tjerët. Ai është në kërkim të vetvehtes gjithashtu, mbetet i sjellshëm dhe i gatshëm që të ndihmojë të gjithë ata që nuk u ka prirë fati, ose që nuk janë në gjëndje që të ndihmojnë vehten e tyre...

Por kur është formuar llozha e parë masonike në aspektin historik? Sipas dokumentave të deri sotme, ne njohim lozhën e “OLD CHARGES”, pra lozha e detyrave të lashtë. Ajo është e dokumentuar me egzistencën e saj qysh nga viti 925 A.D. Këto dokumenta janë ruajtur nga njëri prej nipave të Alfredit të Madh në Athelstain, Angli.

Më tej akoma egzistencën e lozhave masonike e gjejmë në vitet 598-600 A.D. Por ishte perandori romak Konstantius Klorus (Babai i Konstandinit të Madh) më 298, A.D, mbas djegjes së Galisë, i cili dërgoi Albanin e Shenjtë, në Britaninë e Madhe që të prezantonte masonizmin si teori dhe praktikë atje.

Albani i Shenjtë, një Yllir, ishte arkitekt për nga profesioni. Arkitektët gjithmonë kanë qenë të organizuar në urdhëra sekrete. Edhe shumë më herët se në kohën e Romakëve apo edhe Egjiptianëve gjithashtu, dhe prazenca e tyre në të tilla rrethe vërtetohet edhe sot e gjithë ditën, duke u zbuluar nga gjetjet e vjetra arkeologjike të ndërtimeve të lashta në vënde të ndryshme të botës.

Arkitektët, dihet që janë njerëz të zgjedhur, dhe ruajnë sekretin e ndërtimeve me fanatizëm brënda formave të organizimeve të tyre të fshehta. Evidencat e zbuluara dhe interpretimi i tyre, ka qenë dhe do të mbetet gjithmonë një objekt interesant studimi.

Pra, ky quhet ndryshe me termin e sotëm edhe si: “Masonizmi Operativ”, i organizuar në Urdhër për të mbrojtur interesat e Arkitektëve, që kanë qënë edhe ndoshta do mbeten më pas, simbolikisht në të njëjtat pozita. E thënë ndryshe, njeriu i ka krijuar organizimet e veta sekrete si rezultat i rrethanave të presionit të ashpër dhe shtypës, të cilin zakonisht e përdor pushteti absolut për qëllime mbijetese.

Dimë se pushteti absolut sjell represion, dhe nën regjime të tilla historia na mëson se vlerat elementare humane janë të kërcënuara rëndë, ose në disa raste të veçanta ato janë të
zhdukura krejt.

Pra me këtë rast dua të theksoj se jo çdo gjë sekrete ka një karakter negativ. Megjithatë kur është fjala për masonët dhe masonerinë botërore në përgjithësi gjërat kanë ndryshuar, sidomos në këtë dhjetë-vjeçarin e parë të mijvjeçarit të ri! Ata janë më të hapur ndaj publikut të gjërë, dhe informacionet e tyre nuk janë të vështira për tu konfirmuar. Sot gjithçka mund të gjënden në faqet e internetit, deri tek listat e anëtarëve të tyre së bashku me të dhëna të tjera të nevojshme.

Sistemi demokratik e ka lehtësuar njohjen dhe komunikimin në mes njerëzve.
Shumë gjëra që deri dje konsideroheshin si krejtësisht të pamundura, tashmë janë kthyer në një realitet të përditshëm.

Ende shumë gjëra të tjera priten të ndryshojnë. Pritet që njeriu të kthehet në qëndër të vetvehtes në cilësitë bazë të humanizmit të tij brënda një shoqërie të lirë dhe demokratike. Pritet që jeta të sulmojë standarte të reja, që natyrisht vijnë nga përpjekjet tona të përditshme dhe nga sakrificat, nga bashkëpunimi ynë më i madh me njëri-tjetrin, dhe respekti reciprok që buron nga ky bashkëpunim.

Kemi hyrë tashmë në botën e teknologjisë dhe informacionit dhe kjo pritet që të sjellë një zgjim kolektiv të ndërgjegjes sonë. Kjo do të thotë gjithashtu, se do të kemi më shumë përgjegjësi për vehten dhe të tjerët, dhe më pak mashtrues dhe dallkaukë nëpër këmbët tona. Siç duket po flasim për rëndësinë e padiskutueshme të Moralit dhe Metafizikës. “ Njihe vehten, O njeri !”

Po tradita Shqiptare deri ku ndodhet në këtë pikë?
Si qëndron ajo në linjën e ditëve të sotme?

Ne përmendëm në përgjithësi një listë masonësh shqiptarë... Ata së shumti i përkasin periudhës së shkuar por veçanërisht asaj të rilindjes Shqiptare dhe Europiane. Nën perandorinë Otomane mund të përmëndim dy lozha të famshme të cilat u anëtarësuan nga shumë shqiptarë të njohur. Emrat e lozhave janë kryesisht ato të Selanikut, Stambollit, por nuk duhet harruar edhe ato të Rumanisë, Bullgarisë, Sirisë, Egjyptit, Italisë, etj.

Por kështu kemi aktivitet masonik gjatë periudhës së pamvarësisë së Shqipërisë...
Midis dy luftrave Shqipëria kaloi një periudhë relativisht të qetë në dukje, por të varfër ekonomike. Nga ky shkak një pjesë e shqiptarëve dolën nëpër botë nën presionin e mjerimit ekonomik. Me këtë rast është me vënd të kujtojmë se një numër i madh emigrantësh shqiptarë u shpërndanë në disa vënde të Europës Perëndimore si: në Angli, Francë, Gjermani, Austri, Itali, etj... Veçanërisht, kujdes mendoj se duhet që të tregojmë në rrafshin e dokumentave historike me dosjen e shqiptarëve emigrantë në Amerikë.

Atje njihet tashmë fakti se ishte numri më i madh i shqiptarëve të cilët u organizuan në shoqata patriotike. Evidenca të tilla mendohet se ka plot. Nga këto evidenca vijnë emrat e shquar të Faik Konicës, Nuredin Vlorës, Dervish Dumes, dhe shumë të tjerëve të cilëve nuk ua dimë emrat ende. Kjo do të na bëjë më të kujdesshëm dhe të organizojmë kërkime efikase me qëllim studimi mbi të kaluarën tonë masonike, e cila pret që të riformatohet tashmë mbi baza thellësisht shkencore...

Por gjithashtu masonizmi shqiptar i ka rrënjët e veta të thella në historinë e përbotëshme. Shqipëria dhe “Bijtë e Shqipes”, të paktën këto 1000 vitet e fundit kanë pasur një eksperiencë të hidhur historike! Dikur, Shqiptarët, një nga popujt më të rëndësishëm të historisë Europiane dhe atë botërore, kanë pasur një rol të veçantë në civilizimin perëndimor. Gjatë këtyre mijëra-vjeçarëve ata panë të ngrihen përpara syve të tyre, dhe në territorin e tyre, perandoritë e famshme të Hititëve, Persëve, Maqedonasve, Romës, Bizantit, dhe së fundi të asaj Otomane. Ishin idetë, gjaku, dhe sakrificat e tyre që i sollën këto perandori në jetë.

Dhe ata, Shqiptarët, bënë rolin e dëshmitarit të dorës së parë, kur panë ngritjen e tyre në zenith, dhe më pas nën rrafshimin e këtyre gërmadhave. Megjithëse sot, kjo ishte dhe ka mbetur prapë toka e “Yllirëve të Shenjtë”, apo ajo e “Pellazgëve Hyjnorë”. Këta quheshin atëherë “Bijtë e Shqipes”, ashtu si edhe sot e gjithë ditën! Ende shqiptarët flasin të njëjtën gjuhë të vjetër dhe nga ana e gjakut trashëgojnë të njëjtin gen trashëgimor.

Pra ka qënë një kohë kur Yllirët i zgjeruan territoret e tyre në një periudhë të caktuar, më pas u tkurrën gjithashtu, duke përfunduar në këtë hapësirë të vogël që mezi duket në hartën e sotme botërore. Atdheu i tyre me famë “I Shqiponjave” të dikurshme, tashmë është i ndarë në disa shtete të Europës së sotme! Sipas këtij fakti na lind e drejta të themi se edhe historia, kultura, dhe gjithçka tjetër është e shpërndarë në shumë shtete të Eúropës, gjithashtu! Tamam në atë pikë të vogël të hartës botërore e cila sot quhet Albania, ka mbetur nën shtresëzimin e shekujve një substrakt domethënës i civilizimit të lashtë dhe të ri të historisë botërore.

Kjo për ne si shqipëtarë, ndonëse kaluam së fundmi edhe kolerën komuniste, tregon që prapë mbetemi trashëgues realë të civilizimit universal, i cili thirret thjesht civilizim i mbështjellë në guackën e masonizmit të sotëm. Dhe është pikërisht ky moment i cili mbijetoi dhe na dha ne mundësinë për një fillim të ri, me dimensionin modern.

Humanizmi ishte spuntoja që në fillim të shek. XIX, i bëri shqiptarët të orientohen drejt vlerave masonike.

Një shëmbull që mund ta përmëndim me këtë rast është edhe revolucioni i ashtuquajtur Grek i vitit 1821, që përfundoi me krijimin e një shteti të ri ballkanik. Udhëheqësit më të rëndësishëm të këtij revolucioni si Kapodistria dhe Kollokotroni, apo edhe Boçarët dhe shumë emra të tjerë masonësh të asaj kohe, ishin thjesht shqiptarë, dhe në fakt ata luftuan për çlirimin e atdheut të tyre të atëhershëm nga perandoria Otomane.

Ky revolucion, i cili u konkretizua siç e përmendëm edhe më lart me formimin e shtetit Grek, kishte qënë dikur një territor shqiptar dhe njerëzit e atyshëm ishin shqiptarë.

Ky është një leksion që na e jep historia, së bashku me arësyet e gabimeve të europianëve të atëhershëm, që kishin maninë të krijonin shtete të rinj, në territoret e shteteve të vjetër - duke injoruar faktin që aty jetonte i njëjti popull i lashtë, qysh prej mijëra-vjeçarëve.

Më vonë nga fundi i shek. XIX, tipike do të ishte lëvizja Xhonturke brënda Perandorisë, e cila kishte si qëllim të transformonte “Perandorinë e Plakur” të asaj kohe në një shtet të ri modern, me tendencë tipike kulturore europiane perëndimore.

Edhe në pjesën më të rëndësishme të kësaj lëvizjeje u bënë një numër i konsiderueshëm shqiptarësh të asaj kohe, të cilët ishin edhe masonë të lozhës Turke si: Sami Frashëri, Abdyl Frashëri, Mehmet Aliu i Egjyptit, Mustafa Qemal (Ataturku) ose babai i Turqisë moderne, Hasan Tahsini etj. Po ashtu edhe Vaso Pasha, Guvernatori i Libisë nën perandorinë Otomane, Naum Veqilharxhi, Konstandin Kristoforidhi, Petro Luarasi, Ismail Qemali kryeministri i parë i shtetit Shqiptar, të krijuar nga kongresi i fshehtë i Londrës në vitin 1913, Jeronim De Rada poet rilindas, Mihtat frashëri, Nikolla Naço, Kostandin Çekrezi, Ali Këlcyra, dhe sa e sa emra të tjerë, për të cilët ne ende nuk kemi në fakt një informacion solid, por që pritet të studjohen si pjesë e masonerisë shqiptare dhe të asaj botërore.

Por mbas rënies së komunizmit gjithçka do të ndryshonte në atdheun e Shqiponjave. Filloi të flitej për masonët qysh në fillim të viteve 90’ e në vazhdim. Fshehurazi larg syve të opinioni publik filluan edhe disa kontakte të para me masonizmin Italian dhe kryesisht me GOI-n. Por i pari artikull me sa kuptoj unë për këtë qëllim u botuar nga Mitro Çela, dikur publicist aktiv dhe politikan i krahut demokratik, gjithashtu. Ai doli në mos gabofsha me dy artikuj mbi masonët, të parin aty nga viti 2001 dhe të dytin aty nga viti 2002.

Esenca e këtyre artikujve ishte ndërtuar nën një këndvështrim negativ mbi vlerat dhe rolin e masonëve në histori! Në këto rrjeshta vihej në lojë një farë “Konti i Monte Karlos”, i cili siç dukej edhe ndoshta e kishte vizituar Shqipërinë gjatë periudhës në fjalë. Gjithashtu në artikull përmendeshin edhe dy “masonë kosovarë”, të cilët kishin bërë rolin e shoqëruesit për “Kontin”, gjatë një kalimi të tyre nëpër shqipëri (gjithmonë sipas artikull-shkruesit, Çela).

Në pjesën në vazhdim të artikullit Çela binte shumë poshtë nga argumentet që kishte përdorur. Aty kishte etiketime negative, sulme dhe fyerje që nuk ishin thënë kundër masonëve qysh nga koha famëkeqe e inkuizicionit...
Kjo periudhë siç e dimë edhe nga historia, është e regjistruar si “Periudha e Heretikëve të Pabesë”.

Një nga viktimat e famshme të asaj kohe të errët për humanizmin, ishte padyshim edhe Xhordano Bruno, matematikan brilant dhe frimason. Po kështu edhe një tjetër astronom i famshëm i kohës ishte Galileo Galilei, i cili ra nën vordullën e akuzave të inkuzicionit dhe u detyrua të dalë në gjyqin e Kishës, megjithëse ishte në një moshë të thyer.

Në fakt pas kësaj ndodhie ndjeva keqardhje për Mitron, i cili kishte kryer edhe studimet në ekonomi, (shkenca e shifrave), dhe që nuk e kishte ditur se Xhiordano Bruno kishte qënë një Frimason.

Më vonë lexova edhe disa shkrime të tjerë mbi masonët gati një vit më vonë, mbasi unë isha kthyer nga emigrimi im i gjatë në Sh.B.A.
Në shtator të vitit 2007-të, botohen dy artikuj në gazetën“Korrieri”, të cilët kishin tituj vërtet bombastikë.

I pari: “Masonët me celulë në Tiranë”, dhe i dyti: “Mariza Lino, anëtare e masonëve”... Më tej në këto artikuj theksohej se trupi i huaj diplomatik i akredituar në Tiranë, po kujdesej që të ngrihej dhe të funksiononte në mënyrë të rregullt një lozhë me emrin “Akacia”!

Ndoshta ky fakt do të ishte vërtet i mirë po të kishte ndodhur. Akacia është një pemë që i ka rrënjët të thella, të cilat i ruan gjatë, dhe simbolikisht korrespondonte me traditën e masonizmit në shqipëri. Dhe po të ndodhte vërtet kështu, kjo gjë do të krijonte kontradiktë të thellë me kushtetutën masonike në aspektin teknik të saj. Rregullat masonike nuk lejojnë që në një vënd të pavarur, të huajt të krijojnë lozha masonike.

Në Shqipëri, sipas kushtetutës masonike, vetëm Shqipëtarët kanë të drejtë që të ngrejnë llozhat e tyre masonike...

Një tjetër informacion ishte se ish-ambasadorja amerikane Mariza Lino na paska qenë masone. Do ta uroja përsëri një gjë të tillë... por prapë janë rregullat e brëndëshme të masonerisë botërore që nuk e lejojnë një gjë të tillë. Ndoshta mbetet një përjashtim në një rast të tillë. Le të theksojmë këtu faktin se babai i saj, Bro. Luis L. Lino i përket “Valley of Portlend” në shtetin e Oregonit, dhe është një mason me një shkallë të lartë kualifikimi masonike, 32º!

Pra që ish-ambasadorja amerikane në Tiranë Mariza Lino vjen nga një familje me rrënjë masonike, dhe nuk përjashtohet mundësia që ajo të inkorporohet në aktivitete të tilla si: “Vajza e Masonit” ose “Masonic Daugher” në anglisht, gjë që tregon një diferencë të vogël brënda vëllazërisë tonë! Megjithatë me këtë rast duhet theksuar, fryma e shkrimit nuk ishte negative, por e qetë dhe pa sulme të pa motivuara të cilat i ndeshim rëndom në këto raste. Jo dhe aq për faj të artikull-shkruesit pjesa tjetër e shkrimit vuante nga niveli i informacionit dhe nga mungesa e tij, shkak që ky shkrim ngjante më tepër me një shashkë tymuese.

Një muaj më vonë, Kastriot Myftaraj, një personazh i njohur për tema të tilla në gazeta, dhe aspak serioz në qëndrimin e tij, gjithashtu debatues në median televizive, boton një opinion kritik mbi “Mjaftin” e E.Veliajt, në gazetën “Sot”! Kjo ndodhi më 25 tetor të 2007-tës. Pse “Mjafti” i Erion Veliajt, ka natyrë masonike dhe pushteti okult pas Erion Veliajt” ishte titulli i analizës së tij, në “Sot”, etj, etj...

Unë nga çfarë lexova në artikull, nuk besoj se ia vlente që e gjithë përralla e Myftarajt të botohej me një titull kaq bombastik, vetëm e vetëm për të shpjeguar dallaveret e disa njerëzve të ndyrë dhe të rafinuar të politikës së sotme shqiptare, njerëz të cilët mjerisht po i përdornin këlyshët e vegjël të “Mjafti-t” për interesat e tyre të fëlliqura.

Por me sa duket, siç më ka thënë edhe vetë Myftaraj në një rast bisede të lirë me mua, gjithmonë sipas tij, gazetat shiten mirë kur në artikujt e tyre përdoret emri “Frimason”. Emri “mason” tashmë në Shqipëri tingëllon shumë seksi, thotë një nga miqtë e mij të ngushtë gjithashtu! Ky është ndoshta dhe “mëkati” i Dan Braunit i cili vazhdon të shkruaj intensivisht romane interesante mbi masonët dhe masonizmin.

Në një gazetë tjetër, në atë të Rilindjes Demokratike, njëfarë Besnik Aliaj, në një nga intervistat e tij, me një siguri të frikshme thoshte se masonët dhe grupet masonike, po e përçajnë Partinë Demokratike... “Prite Zot”, i thashë vehtes sime! Nga kjo deklaratë del se sipas z.Aliaj, të gjithë grupistat, klanistat, xhepistat, qurrashët dhe dallkaukët ordinerë të gjitha ngjyrave, dhe që nuk është çudi që të kenë penetruar edhe brënda P.D-së, duhet që të jenë patjetër masonë nga qëndrimi i tyre!!! Shkurt sipas z. Besnik Aliaj, i bie që këto monstra të jenë patjetër kopukë dhe masonë, gjithmonë sipas artikullshkruesit...

Ky trim i vogël, me një gur po na vriste papritur dy zogj të mëdhenj. Por me këtë rast unë do të doja ti kujtoja një gjë z. B. Aliaj!

Në qoftë se masonët në Shqipëri, do të kishin qënë anëtarë të P.D.-së dhe të P.S.-së gjithashtu, ose të çfarëdo lloj partie tjetër, ata do të ishin padyshim një faktor i fuqishëm progresi dhe uniteti. Po kështu ata do të ishin një faktor prosperiteti ekonomik dhe moral, i cili do t’i bënte ata, një gur themeli në përsosjen e marrëdhënieve midis njerëzve!

Pra, z. Aliaj le të mos i shesë masonët kaq lirë, sepse nuk ja ka lënë askush në dorë atij një gjë të tillë... Le të jetë pra ky fenomen një lapsus i gazetarisë së çoroditur Shqiptare e cila kontrollohet nga mafia kriminale në të gjitha segmentet e saj, se sa nga fakti i ditës dhe nga të shkruarit esëll...

Një fushë tjetër ku është komentuar dhe “regjistruar” masonizmi i ashtuquajtur shqiptar, është padyshim edhe media e internetit. Ajo duket më e sofistikuar dhe më enigmatike në rastin tonë.
Po pse kështu?

Kujt do t’i interesonte një gjë e tillë që të ashtuquajturat lajme të sakta dhe të dokumentuara mbi masonët shqiptarë, të rezultojnë një ditë të gënjeshtërta dhe të përfundonin në koshin e plehrave!!! E kujt do të ishte kjo lojë? Ja disa nga faktet të cilat unë dua t’i përmënd me këtë rast…

Në këtë media thuhet se janë bërë përpjekjet e para për krijimin e një lozhë masonike qysh nga viti 1993! Por kjo mbeti thjesht një lajm pa konfirmim; përpjekje... ??? Pastaj përmendet diçka më 1999! Krijohen disa Webb-Site fantazmë, që përveç titullit s’kanë kurrfarë informacioni tjetër, etj, etj... Do të ishte pikërisht viti 2000, kur do të kishim një informacion të shpallur në një “letër lajm” të masonerisë Italiane, konkretisht GOI, ku në pak rrjeshta shpallej krijimi i të ashtuquajturës lozha “e parë” shqiptare!!!

Një lajm vërtet interesant për tu analizuar, i cili siç e përmëndëm në disa rrjeshta më sipër, ishte hedhur në internet nga Grand Orienti i Italisë, që po përpiqej “të ngrinte në këmbë” masonerinë shqiptare... Aty thuhej shprehimisht: Më datën 19 shkurt 2000, Mjeshtri i madh Massimo Bianchi, i shoqëruar nga një tjetër Mjeshtër i madh Gustavo Oraffi, bëri një udhëtim në Sh.B.A, për të marrë pjesë në një Konferencë Botërore të Mjeshtrave të Mëdhenj të Amerikës së Veriut.

Këtu, në këtë aktivitet, Massimo Bianchi ka deklaruar në mënyrë solemne se ka iniciuar një ceremoni për 10 profanë të nacionalitetit shqiptar në Llozhën “Cairoli Risorta (777)”, dhe 5 të tjerë në një lozhë tjetër me emrin “Saggezza Triumfante (984)”, lozha të cilat janë të lokalizuara në zonën e Barit (Itali). Ky lajm në vazhdim thekson se, këto janë zhvillime në shtëpinë masonike të Barit, nën drejtimin e Mjeshtrit të Madh Aggiunto Mario Misuri, ish Mjeshtrit të Madh Virgilio Gaitto, dhe një numër mjeshtrish dhe vëllezërish të tjerë, të cilët kishin ardhur jo vetëm nga zona e Pulias, por edhe nga zona të tjera të Italisë.

Këta vëllezër të rinj, të cilët morën pjesë në familjen tonë të traditave kulturore antike, përgjithmonë janë të lidhur me vëndin tonë, dhe janë ndër më të mirët shqiptarë - në fushën profesionale, akademike dhe artistike. Për shumë vite ata kishin qenë të lidhur me kryemjeshtrin e atëhershëm dhe të tanishëm Virgilio Gaitto, dhe kanë manifestuar dëshirën e tyre të fortë për tu edukuar nga drita masonike e GOI-t.

Për të qartësuar përfundimisht situatën politike, me rënien e diktaturës komuniste, nën të cilën shumica e tyre kanë vuajtur persekutime të ndryshme, më në fund ata po realizojnë aspiratat e tyre, falë kujdesit konstant të ish mjeshtrit të madh dhe të përndriturit.

Ata (mjeshtërit), kanë arritur të vendosin si prioritet ardhjen në Itali të 10 profanëve, të cilët do të mund të ndërtojnë themelet e një lozhe shqiptare, e cila nuk ka egzistuar më parë. Më pas e ka marrë fjalën kryemjeshtri Massimo Bianchi, i cili në fjalën e tij duke e përforcuar fjalën e kryemjeshtrit Giatti, ka dëshmuar në mënyrë konstante mbështetje për fillestarët e rinj që kanë formuar tashmë në Tiranë shoqatën para-masonike me emrin “Vëllazëria Shqiptaro-Italiane”, që gjëndet e regjistruar konform ligjeve, dhe që mund të shërbente gjithashtu si një bazë për themelimin e llozhës së madhe Shqiptare.

Vëllai Giatto ka theksuar rëndësinë e veçantë të penetrimit të masonerisë Italiane në “vëndin e Shqipeve”, duke përfituar nga demokracia e re në vënd. Kjo gjë i bën “Vëllezërit Shqiptarë”, të sotëm dhe të nesërm, me ndihmën Italiane, për të mbrojtur dhe forcuar principet e masonerisë, universalitetin e saj nën ritin e lashtë. Pranimi i 10 profanëve (fillestarë) të cilët i përkasin fesë muslimane, u krye duke bërë betimin solemn mbi kuranin (i cili konsiderohet si libri i shenjtë për ta), dhe si një simbol i ligjit moral i cili inspiron një mason të vërtetë...

Një tjetër informacion nga interneti është dhe ky, që po ju tregojmë tani. Në vitin 2005, në muajin prill, lozha e madhe e Anglisë, në buletinin e saj të lajmeve, vë në dukje se në Shqipëri është krijuar llozha e parë Shqiptare, e cila quhet Lozha “Ha-shem Nr.39”!!! Pra ata me krenari e deklarojnë dicka të tillë, dhe nënshkrimi i këtij lajmi është bërë nga Brother.

Eye Rue Alexander Gabiro, në cilësinë e Sekretarit të Përgjithshëm të këshillit të Lartë Masonik për Anglinë dhe Uellsin. Gjithashtu me këtë rast jepet edhe një adresë, e cila është: 16 Victoria Park, Dover, Kent, CT16 1QS England. Jepet edhe numri i telefonit të tyre (44) 079 09 65 39 86 dhe kontakti me postën elektronike masonicconcil@gmail.com.

Kjo konsiderohet nga Këshilli i Lartë Masonik për Anglinë dhe Uellsin si llozha e parë e konsakruar në Shqipëri, në kryeqytetin e tyre Tirana...

Por në nëntor të vitit 2006, pra një vit më vonë, është një tjetër vëlla me emrin Ken, i cili nën dixhiturën “Vizitor Ndërkombëtar”, përgënjeshtron faktin se në Shqipëri egziston një lozhë e tillë, e cila ishte anoncuar një vit më parë nga Këshilli i Lartë, siç dhe ishte deklaruar prej tyre!
Konkretisht ai ishte shprehur nëpërmjet e-mail-t që i dërgon vëllezërve të lozhës së tij në Angli:
Në udhëtimet e mija më të fundit, unë kalova nëpërmjet Sërbisë, Kroacisë, Malit të Zi dhe Shqipërisë... Vonë në mbrëmje sot, do të mundohem të arrij anijen për në Korfuz të Greqisë... Shqipëria është një vënd i mrekullueshëm. Tashmë ajo dallohet për një diversitet të madh, në disa situata nga më të mjerueshmet të cilat unë kam parë, dhe mundet të shikohen në kontrast me shumë pallate të reja fantastike të cilat janë ndërtuar buzë rrugëve kryesore.

Shqipëria bëhet interesante gjithashtu nga e kaluara e saj historike... Dhe një javë më parë unë pata lexuar informacione nëpër gazeta të ndryshme që të gjitha fetë kishin qënë të ndaluara në periudhën e komunizmit për 45 vite me rradhë. Por tani feja është e lirë në Shqipëri, aq sa mund ta kem kuptuar unë! Megjithatë, kishat dhe xhamitë janë të rralla...

E prapë se prapë, unë nuk pashë asgjë e cila mund të fliste për masonizmin këtu. Për më tepër, asnjë informacion i tillë nuk ishte rregjistruar në internet... (Ky e-mail është regjistruar në postën elektronike më datë 30.11.2006, nënshkruar: vëllazërisht nga Kent)!

Por sipas këtyre burimeve të çuditshme të internetit, na lind e drejta të mendojmë se aktualisht në Shqipëri kemi dy lloje lozhash masonike: njëra prej tyre, siç theksohet edhe më lart, paskësh qenë formuar në vitin 2000, nën kujdesin e “GOI”-it; dhe tjetra në 2005, nën kujdesin e “Këshillit të Lartë Masonik të Anglisë dhe Uellsit”. (???!!!)

Por në të vërtetë, realiteti Shqiptar, pamvarësisht nga të tilla informacione në dukje ineresante, nuk na afron asgjë serioze, asnjë lozhë të rregullt ose të parregullt, apo edhe të përzier sipas standarteve minimale, në Shqipëri!

Çfarë po ndodhte në të vërtetë? Pse gjithë ky interesim i madh mbi fillimin e masonizmit në Shqipëri?

Ne të gjithë i dimë cilësitë dhe funksionimin e një lozhe të rregullt, e cila bazohet në parimet themelore të frimasonizmit. Porse neve po e theksojmë përsëri se ende nuk e kemi parë një llozhë të tillë brënda territorit të Shqipërisë... Por qënka e shkruar diku që, paradokset në këtë drejtim ende të vazhdojnë...

Në 6 dhjetor të vitit 2009, në një lajmërim të shkurtër gati telegrafik të periodikut të GOI-t, thuhet se janë 15 shqiptarë të cilët janë bërë mjeshtra masonë, nën kujdesin e tyre! Sikur të mos mjaftonte ky informacion i përmendur pak më parë me deklarata dhe kundër-deklarata mbi lozhat masonike shqiptare INEGZISTENTE, prapë G.O.I. Italian bëri shakanë e radhës.

Por lind pyetja? Përse kaq shumë propagandë për gjëra të tilla të cilat nuk mbështeten nga realiteti?

Përse të flitet kaq shumë për lozha masonike kur në Shqipëri nuk ka masonë të mirëfilltë të cilët të jenë ngritur në nivelin e mjeshtërit nëpërmjet një rituali, i cili zhvillohet normalisht brënda një lozhe të caktuar kudoqoftë? A është në interesin e ndokujt që të monopolizojë lëvizjen masonike Shqiptare, duke e bllokuar me gënjeshtra dhe përralla të këtij lloji?

Unë tashmë si një mjeshtër mason me një eksperiencë relativisht të gjatë, i ardhur për këtë qëllim nga lozha e Madhe e Nju Jorkut, me forcë e besoj një gjë të tillë...

Unë po besoj gjithashtu, duke marrë shkas nga të tilla informacione të kombinuara nga media e huaj e internetit dhe ajo shqiptare, se për një kohë të gjatë segmente të mafies shqiptare dhe asaj botërore, fshihen mbrapa këtyre lajmeve të rreme mbi llozhat INEGZISTENTE.

Éshtë pikërisht kjo mafie dhe elementë të korruptuar të piramidës së shtetit Shqiptar, të cilat e shikojnë potencialisht të rrezikshme për pushtetin e tyre, funksionimin e lozhave të rregullta masonike...

Pra ishte e qartë tashmë se vetëm masonizmi me autoritetin e tij të padiskutueshëm do të sillte elementët e vërtetë të demokracisë së shumëpritur shqiptare!

Mbasi kisha punuar intensivisht me një grup modest dashamirësh të masonizmit për muaj të tërë, duke eleminuar dukshëm të gjitha gabimet e paraardhësve tanë të mëparshëm që i treguam pak më lart, me seriozitetin më të madh, ne më në fund arritëm të krijonim të parën shoqatë masonike në Tiranë, mbas një periudhë shkëputjeje të një kohe tepër të gjatë.

Ajo erdhi në jetë me emrin “MIQTE E MASONËVE”! Kjo ndodhi kur gjykata e Tiranës aprovoi kërkesën tonë për një gjë tillë. Kjo siç është edhe e regjistruar, e mori të drejtën e qytetarisë nga Gjykata Civile e Tiranës, konform të gjitha ligjeve të shtetit Shqiptar. Ishte pra dita e 3 Nëntorit të vitit që shkoi, 2009-tës! Por në fakt në qershor të vitit të kaluar, një grup modest dashamirësh së bashku me mua, u mblodhëm për të marrë një vendim të tillë.

Në qershor ne porositëm një vulë për shoqatën tonë të ardhëshme dhe ajo u bë gati. Më pas u morëm me përgatitjen e dokumentave të përshtatshme për t’i paraqitur në gjykatën e rrethit siç e përmëndëm edhe më lart.

Por përgatitja e dokumentave na mori disa muaj kohë, nga mungesa e eksperiencës sigurisht, por edhe sepse askush nuk ishte në gjëndje që të na ndihmonte për momentin nga ana juridike në një rast të tillë. Askush nuk dinte të thoshte diçka të qartë mbi masonizmin dhe qëllimet e egzistencës së tij. Siç duket dëshira e mirë nga ana jonë nuk mjaftonte në këtë rast.

Por falë këmbënguljes së A. Alliut dhe inteligjencës natyrale të A. Bogdanit, së bashku edhe me nja dy-tre miq të tjerë po të këtij grupi, edhe ne arritëm më në fund të ndërtonim diçka të mirë.
Çdo ditë mbas pune, gati në orët e mbrëmjes, ne mblidheshim mbi kompjuter dhe përpiqeshim që t’u jepnim formë juridike, gjithçkaje që kisha mësuar unë si mjeshtër frimason, njohuritë e mia gjatë viteve si frimason i ardhur nga lozha e madhe e Nju Jorkut! Implementimi i këtyre ideve dhe mënyrës se si duhej t’i përshtateshin si rregulla një shoqate, do të inspironte që ta kthente traditën masonike shqiptare, dhe që t’i jepej mundësia kësaj lëvizjeje të ngrihej mbi dy këmbët e saja dhe të ecte si dikur...
Kjo ishte një ditë e madhe për shqiptarët!

Por në Shqipëri sot, gjërat e mëdha i lakmojnë krimbat e vegjël. E kam fjalën për pushtetarët tanë të cilët më së shumti i trajtojnë ngjarje të tilla me mediokritet dhe me xhelozi, dhe më shumë se kaq i luftojnë pa mëshirë ato, për faktin e vetëm se ndiejnë rrezikun e ditëve të reja që do të vijnë.

“Të majtët” dhe “të djathtët” në Shqipëri sot, sillen si një sajesë e ligë, dhe që i kanë transformuar shqiptarët e sotëm në specie që shikojnë ëndërra me sy hapur, dhe i detyrojnë të vazhdojnë ta presin demokracinë pafundësisht si një gjë që nuk do të vijë kurrë, sepse kështu duan ata!

Por masonizmi përditë e më shumë po bëhet një realitet i prekshëm nga të gjithë. Shoqata jonë tashmë ka dy mbështetje shumë të forta, atë të Lozhës së Madhe të Nju Jorkut, nga ku unë erdha, dhe atë të Lozhës së Madhe të Austrisë. Kjo e dyta me kontaktin që patëm në prillin e këtij viti në Vjenë, vërtet ishte një fitore premtuese për këtë lëvizje relativisht të re.

Ne kemi dalë në publik dhe çdo ditë e më tepër po forcohemi si faktor masonik. Së shpejti në bazë të përgatitjes teorike të “Miqve Tanë”, ata janë gati që të përfaqësohen me kandidaturat e tyre të para për t’u pranuar në nivelin e parë të çirakut ( The Entered Apprentice).
Urime kandidatëve të parë!

Më në fund ne do të dalim nga errësira e gjatë, nga manipulimet e pështira të ish pinjollëve të klasës kriminale komuniste e cila luan në të gjithë gjatësinë e segmenteve të saj, si organizatë mafioze. Ata kanë bërë përpjekje që të krijojnë lozhat e tyre (zoti na ruajtë nga kjo hata e madhe). Po kë quajnë lozhë këta derdimenë, dhe kë quajnë masonë gjithashtu?!!!

Por një gjë dihet mirë, se këta kriminelë, hajdutë, pederastë, dhe armiqtë më të egër të popullit shqiptar, nuk do të kenë shancin më të vogël për t’u bërë masonë.

Dhe me që ra fjala, në disa artikuj dhe përkthime të hedhura në internet si rastësisht, përmënden emra të tillë si Enver Hoxha, Fatos Nano, apo edhe Edvin Rama, midis shumë të tjerëve emra të cilët nuk kanë treguar moral dhe dëshirë për të punuar për njerëzit e këtij vëndi i cili quhet Shqipëri, emra që nuk kishin dhe nuk kanë as shancin më të vogël për tu bërë frimasonë. Ky është një mallkim ndaj punëve të tyre të liga që kanë bërë ndaj popullit dhe vëndit të tyre, sot e përgjithmonë.

Për pasuesit e tyre, të korruptuarit e çdo forme, pseudo-demokratët, dhe sharlatanët e të gjitha ngjyrave të cilët mendojnë se paraja dhe krimi do t’i çojë përpara, nuk do të kenë mundësi gjithashtu që t’i afrohen masonizmit!
Dhe më në fund një këshillë për mercenarët dhe ata që arrijnë të penetrojnë në lozhat apo shoqatat paraprake masonike:
Të kenë kujdes dhe t’i rrinë larg urdhërit masonik!

Përndryshe ata do të kenë ndoshta fatin më të hidhur se të gjithë të tjerët të cilët i përmënda pak më lart. Mercenarët duhet ta dinë se do konsiderohen tradhëtarë dhe spiunë të kësaj çështjeje kaq të madhe dhe humane, dhe do ndëshkohen shumë egër, ashtu siç është parashikuar edhe nga kushtetuta masonike.

Brënda një Lozhe masonike gjithmonë ka dhe duhet të ketë vënd vetëm për njerëz me zemër të madhe, vizionarë dhe njerëz me virtyte të larta, të cilët vënë gjithçka të mirë që kanë brënda vehtes së tyre, në shërbim të familjes, atdheut, dhe frimasonizmit, si filozofi dhe praktikë të përditshme të

Nga Frimasoni Maksim Zotaj

Lozha Masonike Shqiptare merre njohje ndërkombëtare



Me poshte gjendet raporti i shkruar nga nje gazete mbi ngjarjen e mbajtur ne Sh.B.A nga Komisioni i Njohjeve Nderkombetare:

“Atlanta 24 Shkurt 2012

Lozha Masonike Shqiptare i ka te gjitha kushtet per tu shnderruar ne nderkombetare.

Kjo u vendos nga Komisioni i Njohjeve Nderkombetare, gjate konferences te ‘Grand Masters’ ne Ameriken e Veriut. Orienti i Madh i Italise gjithmone ka qene perkrah vellezerve ne Shqiperi.

Vetem pak vite me pare dukej si nje ender, ngritja e shtyllave ne Token e Shqiponjave. Ajo eshte tani nje realitet ne zemer te Vllazerise Universale. Gjate punimeve te Konferences se “Grand Masters” ne Atlanta, kryeqytet i shtetit te Gjeorgjise ne Shtetet e Bashkuara, u mblodh komisioni qe ka per detyre verifikimin dhe pranimin e Lozhave ne mbare boten.

Mjeshtri i Lozhes se Italise, Gustavo Raffi, argumentoi para komisionit kerkesen per njohjen e Lozhes Masonike te Shqiperise, te themeluar nga Lozha Italiane e Masonerise “Grande Oriente” me 14 Tetor 2011.

Kete jave komisioni publikoi raportin duke vendosur se Lozha Masonike Shqiptare i ploteson te gjitha kushtet per te mare njohje nderkombetare.

Vellezerit e Orientit te Madh te Italise - Palazzo Giustiniani, perqafon dhe uron vellain ‘Grande Maestro’ te Shqiperise, Elton Çaçi, dhe gjithe vellezerit e lidhjes masonike ne Shqiperi. Tani me shume te bashkuar per te miren e njerezimit, nje shenje ne boten e ndertuesve te lirise.”

njeri ithjeshte apo nje mason
shfar forse intelegjente egziston me kete bote a thua amund te jem pjes e tire nese.

Per n`Shqiperi nuk di qfar t`them rreth masoneris.. por n`shqipri dhe n`Kosov ka shum Ateista ' n`Kosov mason sipas meje ma merr menja qe ska.. per arsye se te jesh mason duhet te jesh Miliarder ' dhe ktu n`Kosov shumica prej tyre sja din as zanafillen te quajtur Masoneri..

Frymarrja shkruajti:Per n`Shqiperi nuk di qfar t`them rreth masoneris.. por n`shqipri dhe n`Kosov ka shum Ateista ' n`Kosov mason sipas meje ma merr menja qe ska.. per arsye se te jesh mason duhet te jesh Miliarder ' dhe ktu n`Kosov shumica prej tyre sja din as zanafillen te quajtur Masoneri..

Masonet jane njerez me pushtet,ose njerez qe kane ndikim te pupullsia e thjeshte.Ne Kosove dhe Shqiperi ka shume nga keto njerez,por ka edhe me shume "servila" bejne cdo gje,thjeshte per tu afruar sa me me shume atyre.
Dua te shtoj dhe dicka qe eshte faktike: Nje miku im jeton ne pallat me Maksim Zotaj,dhe me ka thene qe ka shum personalitete qe shkojne shpesh per vizita te shtepia e "Maksit",sidomos deputete dhe ministra.(nuk dua te permend emra).