Vdes, njerka e kthen nga “parajsa”

Një burrë ka përshkruar çastet pas vdekjes, duke thënë se njerka e tij e vdekur e kishte kthyer nga parajsa, pasi pësoi një sulm të rëndë në zemër.

Shoferi Brian Miller, nga Ohio, pati një sulm në zemër dhe duket se tani është duke u shëruar në spitalin ku zemra e tij papritur ishte ndalur së rrahuri për 45 minutave.

Doktorët e Ahuja Medical Center provuan të ringjallnin 41-vjeçarin, madje duke përdorur elektro-shokun katër herë derisa ai ishte nisur për në “parajsë”.

Por derisa doktorët i frikësoheshin më të keqes, zemra e tij filloi të rrah normalisht. Ai i kishte shpëtuar për mrekulli dëmtimeve të trurit apo ndonjë funksioni tjetër trupor.

Tani Millerit po i kujtohet sesi ai kishte parë një dritë të bardhë, dhe tha se kishte ecur për në parajsë përgjatë një shtegu të mbuluar me lule, para se njerka e tij t`i thoshte që të kthehej në trupin e tij.

Ai ka thënë se nëna e tij Kay ishte shfaqur së bashku me njerkun e tij Jack, i cili gjithashtu kishte vdekur. Ata i thanë se ai ende kishte “gjëra për të bërë atje poshtë”.

“Gjëja e vetme që më kujtohet është se unë fillova të shoh një dritë dhe eca në një rrugë të ndritshme. Ajo ishte gjëja më e bukur që kam parë. Nëna më dukej ashtu si në ditën e parë kur e kam takuar. Dhe dukej shumë e lumtur”, ka thënë Miller.

“Ajo më kapi dorën dhe më tha: ‘Nuk është koha jote, ti nuk ke nevojë të jesh këtu... atje poshtë ke shumë gjëra për të bërë’”.

Miller tha se kjo përvojë ia ndryshoi pikëpamjet e tij për jetën pas vdekjes dhe se është i bindur që ekziston parajsa në të cilën njerëzit kanë nevojë të besojnë.

Kjo i mbetetet secilit ta vertetoje kur te vdes.
Une kam nje koleg pune i cili ka pasur nje aksident me makine dhe ka pasur perafersisht te njejten pervoje sikur ky personi me emrin Briean Miller.