Piloti shmang përplasjen me UFO-t?

Piloti shmang përplasjen me UFO-t?



Një aeroplan 'A320 Airbus', ka hasur një disk metalik fluturues në më shumë se 10 mijë metra lartësi. Kjo ngjarje e pazakontë ka shokuar pilotët, të cilët nuk kanë arritur në kohë të identifikonin me qartësi atë çka kanë parë.

Piloti bëri një manovër për të shmangur kontaktin me diskun fluturues dhe pasi gjendja u qetësua, mjeti fluturues i paidentifikuar u zhduk. Pilotët raportuan rastin tek autoritetet vendase menjëherë sapo u ulën në aeroport.

Këta të fundit nuk dhanë asnjë shpjegim lidhur me ngjarjen. Në raportin e shkruar për incidentin citohej: "Piloti ishte nën presion për të shmangur përplasjen. Reagimi i tij ishte i menjëhershëm dhe nuk kishte kohë për të njoftuar". Autoritetet e përcaktuan si "diçka të paqartë atë që ishte në ajër".