UFO 'inspekton' autostradën në Kosovë?

UFO 'inspekton' autostradën në Kosovë?



Një objekt i paidentifikuar është kapur të martën rastësish nga kamera e një qytetari në fshatin Sllapuzhan te Komunës se Suharekës. Qytetari, Nuhi Llugaxhiu, rreth orës 10:30 ka fotografuar një objekt të pa identifikuar rastësisht mbi fshatin Sllapuzhan, përderisa ishte duke fotografuar punimet në autostradën Morinë-Mendare.

Ai ka thënë për Kosovapress se këtë objekt të pazakontë e kishte vërejtur pasi që i kishte bartur fotot në kompjuter, sepse në momentin e fotografimit nuk kishte parë dhe dëgjuar asgjë.

“Asgjë nuk kam parë me sy gjate fotografimit, por pasi që i kam rishikuar fotografitë kam parë se kam fotografuar diçka të pazakonshme”, është shprehur ai.

Sipas tij këto fotografi janë bërë brenda dy-tre sekondave. “Nuk mund të them se çfarë objekti mund të jetë, e di se kemi qenë shumë ngadalë duke lëvizur dhe nuk kemi dëgjuar as zhurma, dhe nuk e kemi vërejtur me sy, aparati fotografik ka qenë ai që ka ‘parë’ gjithçka dhe e ka zënë si objekt”, thotë LLugaxhiu.

Llugaxhiu i cili më herët ka punuar edhe si gazetar, thotë se me të parë fotot në kompjuter, menjëherë i kishte shkuar mendja për UFO-t.

“Pasi i kam parë këto objekte në fotografitë që i kam bërë vet, për një moment isha i shokuar dhe mendova për UFO-t”, ka thënë ai.

Gazeta Express

Mos me ta marr menja