Femrat me te fuqishme ne Shqiperi

Femrat më me ndikim në Shqipëri



Ashtu siç bën çdo vit revista legjendare “Forbes”, e themeluar nga dinastia skocezo-amerikane me të njëjtin emër, edhe në Shqipëri për herë të parë nis rrugë një nga klasifikimet më të çuditshme.

Një grup studentësh të Universitetit Publik të Tiranës, prej kohësh kanë themeluar klubin e tyre social të emërtuar “campusALBANIA”. Pa konsumuar kohën nëpër kafene lagjesh, studentët e masterit për gazetari të Fakultetit Filologjik bëjnë kërkime interesante vullnetare dhe pas grumbullimit të informacioneve, hartimit të një database-i listojnë emra individësh,kompanish apo titujt e medias më me influencuese në vendin tonë.

Pas kontakteve dhe bisedave me studentët e shkëlqyer masterizantë Ola Xama, Alba Kekezi, Alket Saliasi, Jurgen Spiro, Gëzim Neziri, Anri Bala, Reldar Dedaj,botohet në gazetën më të madhe të përditshme “Shekulli” listimi i 10 femrave më me influencë në këtë vend.



1-Argita Malltezi Berisha.

Juristja 37 vjeçare, fëmija i parë i kryeministrit të vendit udhëheq listën e femrave më të pushtetshme. Flitet se ka një influencë absolute në vendimmarrjet e të atit. Truri i të gjitha bizneseve familjare kryeministrore, zonja Malltezi emërtohet ndryshe edhe kryeministrja background e këtij vendi.

Qysh me ardhjen në pushtet të të atit më 2005, kontrollon në mënyrë absolute pikat më nevralgjike të pushtetit ekonomik duke vendosur në krye të tyre shoqërinë e saj ose besnikë farefisi.

2-Linda Rama Basha

Bashkëshortja ekonomiste e liderit të opozitës ka ngjitur shpejt shkallët e këtij listimi. Edi Rama nuk e ka vetëm grua, por edhe një partnere, shoqe dhe këshilltaren më të mirë. E mirëarsimuar në vend dhe e specializuar në Perëndim, zonja Rama ka një karrierë të pasur si financiere e zonja, lektore dhe aktiviste e shoqërisë civile. Ka drejtuar Agjencinë Kombëtare të Privatizimeve edhe gjatë kohës kur Sali Berisha ka qenë President i Republikës.

Thuhet se Berisha ka njohur nga afër korrektësinë dhe racionalitetin e Linda Ramës e ndryshe nga herët e tjera ka qepur gojën duke pranuar në heshtje meritat e bashkëshortes së Edi Ramës. Në familjen përmetare Xhillari ku zonja Rama ka qenë nuse për herë të parë gëzon një respekt të jashtëzakonshëm.

3-Lirie Berisha

Listën e vazhdon përsëri një nga eksponentet e familjes kryeministrore. Mjekja pediatre Lirie Berisha e lindur dhe e rritur në Tiranë me nënë serbo-malazeze dhe baba shqiptar shquhet për një inteligjencë mesatare.

Besnike e bashkëshortit të saj, momentalisht zonja Berisha ushtron influencën vetëm te garderoba dhe kuzhina e kryeministrit. Qëndron larg vendimmarrjeve të burrit, por në raste të veçanta mendimet e saj nuk diskutohen, vetëm zbatohen. Ka bërë kompromis me Argitën, që pas 2005-ës kryekëshilltare të jetë kjo e fundit.

4-Jozefina Topalli.

Numri dy i partisë në pushtet, kryeparlamentarja shkodrane ka forcuar pozitat e saj këto gjashtë vitet e fundit. Pinjolle e një prej familjeve të arsimuara, të pasura, katolike dhe të persekutuara nga regjimi komunist po zgjeron oreksin e saj duke punuar underground për drejtimin e PD-së pas largimit të Berishës.

Klani i saj në pushtet i druhet vetëm influencës së Argita Malltezit, e cila kërkon që të kontrollojë vazhdimin e drejtimit të PD-së me kukullën e saj Lulzim Basha. Priten zhvillime të forta në vjeshtën e 2013. Zonja Topalli është pasuruar shumë financiarisht vitet e fundit duke rimarrë asetet e patundshme të paraardhësve të saj.

5-Monika Kryemadhi

Ish socialistja e thekur e konvertuar në integriste të heshtur, gjatë kohës kur burri i saj Ilir Meta ishte kryeministër ka qenë me plot kuptim monarkistja absolute e vendit. Me një influencë të jashtëzakonshme dhe me impaktin që çlironte qeverisja e korruptuar e burrit të saj skraparlli, gjatë viteve 2000-2002 jo zyrtarisht ka kontrolluar financat, rendin, shëndetësinë, diplomacinë,drejtësinë dhe transportet në Shqipëri.

Dibrane me origjinë, vajza e një ish-ushtaraku të nomenklaturës bolshevike ka një karakter biologjik altruist. Pas koalicionit që partia e Ilir Metës bëri me armikun tradicional të tyre Sali Berisha, zonja Kryemadhi është zhvendosur në hije. Drejton LSI-në dhe komandon ministritë që kjo parti ka zgjedhur në qeverisjen Berisha 2.

6-Vjollca Hoxha

E veja e ish administratorit të përgjithshëm të Top Media-s, pas vdekjes tragjike të bashkëshortit Dritan Hoxha mori përsipër drejtimin e kompanisë më të madhe mediatike në vend. Menaxhon televizionin më të madh dhe më me influencë Top-Channel si dhe biznese të tjera veçanërisht kafen e famshme Lori.

Ka ditur të suksesojë punën, kontributin dhe avangardën që la pas burri i saj. Një nga të paktat femra milionere në Shqipëri, zonja Hoxha ende ruan një profil mjaft populist, racional dhe këmbëngulës në drejtimin që u bën kompanive të saj.



7. Deborah Jones

Zëvendës ambasadorja e Shteteve të Bashkuara të Amerikës është e vetmja femër e huaj që listohet në këtë ranking. Me një karrierë modeste në diplomacinë amerikane, zonja Jones njeh jo vetëm gjuhën por edhe mentalitetin shqiptar.

E sertë, këmbëngulëse dhe mjaft strikte në detyrën e saj së bashku me ambasadorin Arvizu përfaqësojnë në mënyrë deçizive dhe tepër diplomatike dy nga njerëzit më me influencë në Shqipëri. Kanë arritur deri tani të mbajnë nën kontroll politikën sharlatane të Tiranës pavarësisht se herë nga e majta dhe herë nga e djathta atakohen primitivisht.

8-Vera Grabocka

Mund të quhet pa frikë regjisorja, menaxherja dhe producentja e frikshme televizive shqiptare. Themeluese e spektaklit shqiptar, bashkëshortja e aktorit Timo Flloko është kthyer në institucionin më produktiv mediatik. Kudo ku shkel këmba e saj garantohet sukses dhe mjaft televizione shqiptare e përdorin si patentë e garancisë së programeve të tyre.

Pasurohet vit pas viti me trendet e reja, idetë e saj të çmendura&të guximshme. Të punosh me të është një “tmerr” dhe një univers pa fund. Nuk plaket kurrë dhe momentalisht mbetet ikona e shkollës televizive domestike. Ka dy nështetësi, amerikane dhe shqiptare.

9-Teuta Topi

Ndryshe nga Zonjat e Para në vendet e tjera, bashkëshortja e Presidentit të Republikës është një grua e thjeshtë. E tërhequr më tepër pas jetës familjare dhe rutinës së punës së përditshme që bën në Ministrinë e Bujqësisë. Indiferenca karshi objeksioneve dhe vendimmarrjeve të burrit të saj e klasifikojnë Teuta Topin në vendin e parafundit.

10-Ina Rama

Në fillim e etiketuan Silvia Conti, më pas manekina që vetëm krihet dhe qesh deri sa këtë fillim viti e shigjetuan me epitetet lavire, ndrikull, shoqe bulevardi, tradhtare. Kryeprokurorja e përgjithshme e këtij vendi, 39 vjeçarja Ina Rama pavarësisht postit publik që mban, ka një influencë të limituar në publik dhe sidomos mbi politikën e egër të këtushme.

Rënia në ujdi me të majtën dhe të djathtën e kanë kthyer simpatiken durrsake në një vegjetuese të parrezikshme në krye të organit të akuzës. Zonja Rama, vajza e një skenaristi dhe regjisori lokal është e martuar dhe ka dy vajza.

Shekulli 19/07/2011

U qetsova kur në fundin e shkrimit pashë se shkrimi ishte botuar në gazetën ''Shekulli'' Estilen, ndryshe s'do më zinte gjumi pasi pasaktësia e të dhënave është mjaft e madhe.

Ti marim me radhë, duke ditur maskilizmin e K/ministrit tonë dhe vendi nga ai vjen dy damat e shtëpisë së tij bien poshtë.Berisha është nga ata burra të mbrapshtë ndoshta për një pjesë të mirë të popullit, por pikërisht akuzohet për diktator se nuk pyet për dhe Zotin vetë.

Bashkëshortja e Ramës as që njihej ditë më parë, por duke parë dhe ditur se si është sjellë z Rama me gratë të fejuarat apo edhe dashnoret e tij edhe ky argumnent bie poshtë pa hyrë mëtej.

Zonja e rondokopit Meta, dikur i bënte ligjin të shoqit dhe vetë gjysmës së PS-së, por kjo dikur është goxha e largët, kjo zonjë veçse bën ligjin dhe s'lë njeri të flasë në emisionet e televizionit të Kabulit ''Klan'' në rastet që është e ftuar ndonjëherë...

Deborah Jones, mbush boshllëqet e meksikano-japonezit me emër t'vështirë që fatkeqsisht është ambasador i një vendi shumë të rëndsishëm në vendin tonë, të gjithë e pamë se ai nuk reagoi fare ndaj vjedhjes së hapur të votës tiranase.

Zonja e Top Channel s'ka pushtet më, të gjithë e dimë se mezi po ruan 51% e aksioneve në kompanitë e të ish të shoqit, të gjithë gjithashtu e dimë se për nga pushteti dhe influenca s'i afrohet askund atij që ishte njeri i madh në bisnesin e medias elektronike.


Gjithashtu edhe zonjat Rama e Topalli s'janë të zonja për ndonjë punë pasi kemi parë se janë të influencuara sidomos K/parlamentarja
Zonja Topi thjesht është një dekor në krah të Presidentit, dhe e vetmja që mund të meret seriozisht në konsideratë për sa i përket kulturës që ajo rrezaton në fushën e sajë, është padyshim Grabocka por ajo thjesht ka ''pushtetin'' e t'argëtuarit të spektatorit televiziv, ndonjëherë dhe me kopje por në këtë botë asnjeri s'është absolut apo jo ?

Përshëndetje dhe faleminderit Estilen, komenti ishte thjesht opinioni im se si i shoh unë gjërat, i shkrova pak popullorçe pasi ''izmat'' nganjëherë prishin goxha punë..T'uroj shëndet dhe sa më shumë shkrime që përgjithsisht i keni mjaft të bukura dhe të goditura !

te gjith e dim se gazeta Shekulli eshte gazeta ma e shpifun ne shqiperi dhe eshte gazet komplet e majt,anti Berish.
Si estilen qe asht e gjitha e majt dhe kur shkruan per politiken çdo gje anti Berish,anti PD.
Sa do i poshter te jet Berisha me shoket e vet eshte me i mir se Edi Rama me mafien e vet.