Djaloshi magnetik

Djaloshi magnet nga Brazili

Braziliani Paulo David Amorim, 11 vjeçar nga Rio Grande do Norte, mori pseudonimin “djaloshi-magnet” pasi sendet e metalit ngjiten në trupin e tij si me ngjitës.

Babai i tij, Junior Amorim, pa rrëfimin për “djaloshin-magnet” nga Kroacia, Ivan Soiljkovic (6 vjeçar) dhe vendosi ta testojë edhe djalin e tij.

E luti t’ia sillte thikën dhe pirunin. “E vendosa në të dhe u habit kur pa se ato u ngjitën për trupin e tij”, tha babai për Globo.

Djaloshi mund të ngjet në trupin e tij lugët, pirunët thikat, gërshërët bile edhe tenxheren.

Paulo David tha se shokët e shkollës vazhdimisht e shtyjnë t’i demonstrojë aftësitë e tij. “Mendojnë se unë di ndonjë numër magjie”, tha djaloshi.

Mjeku Dix-Sept Rosado Sobrinho thotë se nuk kishte parë kurrë një gjë të tillë. Megjithatë, thotë se aftësia e djaloshit nuk paraqet kurrfarë rreziku për shëndetin e tij.