Parashikimet astrologjike

Parashikimet astrologjike


Në këtë kohë nuk ka revistë që nuk ofron llogaritjet dhe parashikimet e saj astrologjike nga harku i qiellit. Për kënaqësinë e lexuesit, me qindra parashikime të llojllojshme botohen në fillim të vitit. Një studim i fundit tregon se 90% e njerëzve njohin shenjën e tyre zodiake dhe një e treta e popullsisë zvicerane beson se "mund të ketë disa të vërteta në astrologji". Ndërsa në Google ofrohen gati 140 milionë shpjegime për "horoskopin" dhe gati 22 milionë për "astrologjinë".

Megjithatë, kjo mani ende lë shumë shkencëtarë skeptikë. Profesori i biofizikës, Henri Broch, është edhe drejtor i Laboratorit të Universitetit në Nices Sophia Antipolis. Si i tillë, ai mëson artin e dyshimit. Një dyshim, i cili për të është i nevojshëm, për astrologjinë dhe horoskopet – një fushë pa themele shkencore. Por, thotë ai, i cili punon nëpërmjet teknikave të ndryshme të thjeshta.
 


“Efekti lavaman”: Më flisni për mua

Sipas profesorit Broch, astrologjia "punon" kryesisht nëpërmjet përdorimit të zgjuar që ata e quajnë "Efekti lavaman". Ai shpjegon: "Shumë i njohur në psikologji, ky parim ka qëllim të bëjë fjali boshe dhe të paqarta që nuk kanë kuptim të veçantë. Megjithatë, kur një person i lexon këto fjali, ai shton pothuajse automatikisht rrethanat personale që i bëjnë këto deklarata të besueshme për të. "Më konkretisht", në qoftë se ju themi se ju keni nevojë që të tjerët t’ ju duan dhe t’u admirojnë, por që ju jeni në gjendje të kritikoni vetveten, është e qartë se ky përshkrim mund t’ ju përputhet... sikur që mund t’iu përputhet pothuajse të gjithëve".
Me pak fjalë, sipas tij, ne jemi të prirë të pranojmë deklarata të diskutueshme apo të rreme në qoftë se ato janë duke shkuar në një drejtim që na përshtaten dhe që janë mjaft pozitive. Dhe, shpjegon profesori Broch: "Ne jetojmë në një shoqëri të vetëpërqendruar dhe njerëzve u pëlqen të flasim për ta”. Kur u themi se yjet janë duke kërkuar fatin e tyre, është po ashtu pjesë e kësaj prirjeje.
 
Bazat e shenjave janë zhvendosur


Bazat e astrologjisë janë shumë të thjeshta: karakteri dhe fati i një personi përcaktohet nga pozicionet e diellit, hënës dhe  planeteve në momentin e lindjes. Nga llogaritjet dhe interpretimet e bashkëveprimit në mes të këtyre pozicioneve të ndryshme, një astrolog mund të ndjekë dhe të shpjegojë personalitetin dhe çastet e rëndësishme të jetës së njeriut. Megjithatë, sipas Henri Broch, "fizika ka dëshmuar në mënyrë të qartë se planetet kanë më pak ndikim mbi njerëzit sesa objektet e jetës së përditshme. Dhe se boshti i Tokës, i cili sillet në vetvete, sipas një mekanizmi të njohur (presioni i ekuinokseve), të gjitha shenjat e zodiakut kanë ndryshuar gjatë shekujve. Kështu që të gjithë ata që janë të shenjës Dashi, në të vërtetë janë të shenjës Peshku!
 


Numrat: një çështje e probabilistike

Për të shpjeguar se disa parashikime "luajnë", Henri Broch kthehet në "ligjet e probabilitetit". Disa vjet më parë, laboratori i tij kishte arritur të dëshmojë se në një horoskop, i cili mbulonte 1096 ditë, parashikoheshin 169 tërmete. Në realitet, ndodhen vetëm 33 tërmete. Megjithatë, në qoftë se ne aplikojmë formulat matematikore, kjo shifër 33 korrespondon saktësisht me rezultatet që do të ishin arritur po të kishim bërë parashikime  të rastësishme"


Parashikimet e shumta, ose “llogaria e rojtarit”
 
Sa për astrologët që arrijnë të çudisin botën me leximin e ndriçuar të së ardhmes duke paralajmëruar saktësisht disa ngjarje falë yjeve qiellore, Henri Broch tregohet shumë skeptik. Ai mendon se këta astrologë përdorin “goditjen e rojtarit”. Në thelb, shpjegon shkencëtari, ata përgatisin "20 parashikime të ndryshme dhe i shpërndajnë te 20 rojtarë të ndryshëm. Në varësi të ngjarjeve që ndodhin, rojtarët dalin në shesh duke thënë se ky astrolog e kishte parashikuar.