“Krijesa e Tenbit”

“Krijesa e Tenbit”, kafsha pa emër e Uellsit

Kalimtarë të rastit në bregdetin e Tenbi në Uells u bënë dëshmitarë të zbulimit të trupit të pajetë të një krijese që shkencëtarët britanikë ende nuk mund t’i vënë një emër.

Bëhet fjalë për një krijesë pa qime, me katër këmbë, putra në formën e ariut, kokën në formën e kalit, trupin e një derri dhe dhëmbë e pjesën e nofullës me ngjashmërinë e një baldose.

Trupi i pajetë i krijesës monstruoze (dhe misterioze) u zbulua nga 27-vjeçari Peter Bailey. Fillimisht autoritetet njoftuan së bëhej fjalë për qenin e humbur të një banori, por 27-vjeçari këmbënguli se “monstra” e zbuluar ishte tepër e madhe për të ngjasuar me një qen.

Ai postoi fotografi në internet, ndërkohë që disa prej tyre i dorëzoi tek profesori Dan Forman i Universitetit të Shkencave në Suanse. Edhe ky i fundit, specialist i fushës e kishte të jepte një emër për krijesën, nisur nga fotografitë e marra.

“Është e vështirë të thuhet se cfarë kafshe është. Por nisur nga fotografitë, duke gjykuar nga përmasat dhe këmbët, them se mund të jetë një baldosë”, tha Forman.

Zbulimi ka tërhequr vëmendjen të shkencëtarëve, publikut dhe mediave, të cilat në mungesë të një emri të saktë, i bënë pagëzimin “Krijesa e Tenbit”.