Keqpërdorimet e Hipnozës në praktikë!

Keqpërdorimet e hipnozës në praktikë!

Edhe pse eksperimentet e ndryshme të bëra me hipnozën nga shërbimet e ndryshme shtetërore sekrete në botë, zakonisht, mbeten të fshehta dhe mbajnë vulën rigoroze "Top sekrete", aty këtu, ndodh që, nga ndonjë viktimë e dëshpëruar të merret guximi që kjo e vërtetë të depërtojë në opinion.

Njëra ndër rastet që kanë thyer barrierat e fshehtësisë rigoroze "Top sekret" dhe kanë bërë bujë të madhe në opinionin demokratik amerikan, është ajo e Keti O'Brajnit. Keti kishte pasur fëmijëri të rëndë. Babai i saj ishte alkoolist, ndërsa nëna as që guxonte ta kundërshtonte atë.

Ajo, kur i kishte mbushur gjashtë vjet, fillon të keqpërdoret seksualisht nga i ati. "Më mbante me ditë të tëra të mbyllur në bodrum", deklaronte Keti "Vinte natën vonë, i dehur dhe kërkonte të sillesha butë me të.

Më rrihte me duar dhe shqelma dhe, pas gjithë asaj, pasonte dhunimi. Në mëngjes, kurmë lejonte të dilja nga bodrumi më detyronte të heshtja, kinse asgjë nuk kishte ndodhur...

Më vonë, filloi të binte në banesë edhe njerëz tjerë, të cilën bënin çfarë dëshironin me mua. Shpesh më merrnin edhe në banesën e tyre ku "seancat" seksuale me mua i regjistronin edhe në videokaseta...

Babai im u arrestua për shitje ilegale të videokasetave me përmbajtje pornografike. Mirëpo, çuditërisht, iu ofrua imuniteti!

Në vend se të dënohet me disa vjet burgim, ai u lirua me një kusht, që mua të më dorëzojë te Gerald Fordi, njëri ndër personalitetet e shquara të programeve sekrete të CIA-s dhe më vonë, pas Niksonit, edhe presidenti i SHBA-ve.

Eksperimentet në laboratoret e CIA-s

Ende pa i mbushur tetë vjet, Keti u gjend në laboratorët sekrete të CIA-së. "Ndaj meje silleshin shumë mirë, e kisha dhomën time, ushqimin e rregullt, rrobat dhe të gjitha gjërat që më nevojiteshin!", deklaronte Keti.

"Askush nuk më rrihte dhe as nuk më dënonte... vetëm nuk guxoja të dilja jashtë kopshtit, ku shpesh i sillnin edhe disa fëmijë të tjerë. Kisha edhe mësues, por kurrë nuk jepja provime Mësoja gjuhë të huaja, kërcim dhe këndim, si të dukesha më e bukur, si të sillesha në shoqëri etj.

Kur i mbusha të shtatëmbëdhjetat, dukesha shumë e bukur dhe tek atëherë fillova ta pyesja veten se ku jam? Kush jam unë, dhe, në të vërtetë, çfarë kërkohej nga unë? M'u lejua të këndoj me grupin e Aleks Hjustonit, por kohë pas kohe më dërgonin në Uashington, në Shtëpinë e Bardhë.

Gjithçka mbaronte me zgjimin tim në ndonjë vend tjetër dhe asgjë nuk dija se çfarë kishte ndodhur me mua ditën dhe natën e kaluar...".

Tek më vonë Keti kuptoi se ajo dërgohej nga Aleks Hjustoni, atje ku dëshironte senatori Robert S. Bert. Edhe në kohën e Reganit, ajo ishte mysafire e rregullt e Shtëpisë së Bardhë. E dërgonin deri te dera e prapme dhe aty e pranonte përcjellësi që ta dërgonte më tej.

"Më dërgonin deri te dera ku shkruante" "Hyrja zyrtare". Më lexohej me zë ai shkrim dhe unë bija në gjendje transi. Gjithçka, pastaj, zhvillohej normalisht, vetëm se më nuk mundja të refuzoja asnjë kërkesë. çdo gjë që kërkonin nga unë, ua plotësoja. Po të më thoshin kërce nga dritarja, unë ishanë gjendje ta bëja..."

Përcjellësi i Ketit, mbishkrimin në derë (Service Entrance, fonetikisht, Servis Entrans - Hyrja zyrtare) e lexonte si "Serv as in trans".

Me kalimin e kohës, Keti gjithnjë dyshonte në vete dhe gjithnjë brengosej se diçka ka ndodhur me të, diçka nuk është në rregull.

Në këtë hamendje me vetveten, fati e do që ajo, rastësisht, të njoftohet me psikiatrin Mark Filips dhe ky përmes seancave të ndryshme hipnotike, e bën që ajo të kujtohet për të gjitha ngjarjet që i kishin ndodhur.

Keti permanent ka qenë e hipnotizuar dhe si sugjestion pas hipnotik, i është rrënjosur shifra e rënies në trans dhe, në atë gjendje, asaj kushdo që të ishte, nuk ka pasur kurrfarë pengesa t'i kërkonte asaj çfarë të dëshironte.

Pas kurimit të tërësishëm, Dr. Filipsi e bind Ketin të mos frikohet dhe çështjen t'ia prezantojë opinionit.

Ashtu edhe ndodhi...

Jo vetëm CIA, si shërbimi më i organizuar dhe më i sofistikuar i një sigurimi shtetëror më të madh botëror, sikurse është SHBA-ja, merret me këso eksperimente psiko-mentale, por ato bëhen edhe nga sektet dhe vëllazëritë e ndryshme religjioze dhe gjysmë-religjioze kudo në botë, veçanërisht nga disa parti ekstreme, për imponimin e ideve të reja dhe dominimin ndaj masave të gjera të besimtarëve.

Si i hipnotizonin të burgosurit shqiptarë?

Ka mjaft dëshmi bindëse mbi ekzistimin e keqpërdorimeve me hipnozën dhe dhe nga ana e shërbimit sekret serb, gjatë marrjes në pyetje të shumë të burgosurve kosovarë, të akuzuar dhe dënuar për të ashtuquajtur, separatizëm dhe nacionalizëm shqiptar.

Se, vërtetë ka mundësi që organet policore dhe ushtarake serbe të përdorin edhe këso metoda të rafinuara mistike për realizimin e qëllimeve të tyre politike, pohonte dhe gazeta londineze "Times", e cila kishte ribotuar një artikull të revistës beogradase "Profil", në të cilën, ish-zëdhënësi i APJ-së, L. Stojadinoviq, pos të tjerash theksonte se, "strategjia serbe gjatë luftërave Ballkanike mbështetej në mistikë dhe astrologji".

Pra, Serbia dhe politika e saj shumëvjeçare e mbajtjes së Kosovës nën sundim, përveç në filozofinë dogmatike religjioze, gjithnjë është mbështetur edhe në metoda mistike dhe okuliste, prandaj, fare nuk duhet të jetë e pabesueshme se, për aq sa ka zgjatur pushtimi i tyre në Kosovë, këto dhe metoda të tjera të kësaj natyre, janë përdorur edhe ndaj shqiptarëve të burgosur për bindjet e tyre politike dhe liridashëse.

Këta ishin vetëm shembuj ku kepërdorohet hipnoza nga shërbimet e mëdha dhe të fuqishme sekrete në botë, por fatkeqësisht, ka raste ku kjo metodë në emër, gjoja të shërimit, keqpërdorohet edhe nga mjaft shërues tanë alternativ (popullor).

Ata, gjatë aplikimit të seancës shëruese hipnotike, përmes "instalimit" të formulës së caktuar, gjithnjë janë në gjendje që një paciente, edhe kundër vullnetit të saj, ta detyrojnë në nënshtrime ndaj kërkesave të tyre shfrenuese seksuale.

Mjafton që, viktima të ftohet me telefon dhe t'i shqiptohet "formula e fshehtë" e instaluar më parë. Ajo do të jetë tërësisht në shërbimin e keqbërësit.

Ndoshta e pabesueshme, por e vërtetë. Këso rastesh konkrete ka edhe te ne në Kosovë?!!