Konfirmohet lidhja mes gjenialitetit dhe çmendurisë

Një hulumtim i kryer në Suedi ka treguar lidhjen mes gjenialitetit dhe çmendurisë.
Skizofrenia dhe çrregullimet bipolare janë më të shpeshta tek njerëzit krijues dhe inteligjentë. Idenë e ka zhvilluar grupi shkencëtarësh, të cilët po ashtu vuajnë nga çrregullimet mendore.
Kay Redfiels Jamison, nga shkolla e mjekësisë ”Johns Hopkins”, e cila po ashtu vuan nga çrregullimi bipolar, ka treguar që testi i inteligjencës të cilin e kanë bërë një numër 16-vjeçarësh nga Suedia, ka treguar që te fëmijët me inteligjencë të lartë ekzistojnë shumë shanse për zhvillimin e një prej çrregullimeve mendore.
”Rezultatet kanë treguar se personat, të cilët janë të avancuar mendërisht kanë katër herë shanse më të mëdha për të zhvilluar çrregullimin bipolar”, thotë Jamison.
Piktori i njohur holandez, Vincent Van Gogh dhe autori Jack Kerouac ishin gjeni, por po ashtu kanë treguar tendenca edhe për vetëshkatërrim. Ajo që është e paqartë është pse qeniet njerëzore e kanë të zhvilluar këtë karakteristikë.
Ideja për gjenitë problematikë dhe shkencëtarët e çmendur ndoshta është diçka më shumë se vetëm thënie.
Hulumtimet tregojnë që çrregullimi bipolar dhe skizofrenia janë të lidhura me kreativitetin e lartë dhe inteligjencën. Gjatë hulumtimeve u pa se gjeni i njohur si DARPP-32 është fajtori kryesor për lidhjen mes gjenialitetit dhe çmendurisë.