Amazonet

Amazonet



Dilema për ekzistimin e Amazoneve, femra-ushtare të shkëlqyeshme, rrjedh qysh nga Grekët. Më saktë, gjithçka ka filluar nga Homeri dhe nga Iliada e tij në të cilën Amazonet kanë luftuar në luftën e Trojës. Herodi me hapësirë i ka vendosur në stepat e Rusisë jugore. Amazonet janë të egra, guximtare dhe ushtare pa mëshirë të cilat kanë jetuar veçanërisht në fise femërore.

Legjenda e pazakonshme për femrat-ushtare joshëse e mrrekullon vëmendjen njerëzore e kthen shumë vjet mbrapa. Sipas Herodit, emri “Amazone” rrjedh nga fjala skife që do të thotë “Vrasës i meshkujve”.

Teoria më e përfaqësuar është ajo e gjenezës së emrit që vjen nga fjala greke “amazos”, që do të thotë pa gji, kurse tregimet thonë se Amazonet vajzave të reja ua kanë hequr apo amputuar gjirin e djathtë që të mos u pengojë gjatë përdorimit të harkut dhe shigjetës apo shtizës, por kjo është teori e gabuar, sepse femra mund të përdorë armët e lartpërmendura në mënyrë të njëjtë pa operacione të tilla. Kanë jetuar në fise femërore dhe një herë në vit kanë thirrur meshkuj nga fiset e tjera me qëllim që të fekondojnë. Fëmijët femra janë mbajtur, kurse ata meshkuj janë përzënë te baballarët e tyre apo i kanë vrarë.

Në shekullin e 15-të me zbulimin e Kolombos, legjenda është ringjallur përsëri, kësaj here në mënyrë më intenzive. Ai është gjendur në një ishull ku kanë jetuar vetëm femra, që për një moment e ka shtyrë të mendojë se e ka zbuluar burimin e legjendës greke. Por, hulumtimet në lumin Amazon dhe në bregdet nuk kanë dhënë kurrfarë rezultatesh.

Në vitet e fundit hulumtuesit dhe arkeologët kanë pasur fat dhe sukses në zgjedhjen e këtij misteri antik. Në hapësirat e ish Bashkimit Sovjetik janë zbuluar disa vende arkeologjike për të cilat konsiderohet se kanë qenë vendbanime të popujve nomadë skitët që kanë pasur teknologji lartë të zhvilluar për prodhimin e armëve luftarake dhe stolive të arit.

Veçanërisht i vlefshëm është zbulimi i mbetjeve të lagjeve dhe varrezave të femrave-ushtare. Gjenden afër territorit të sotshëm të Rusisë, ku 600 vjet para erës sonë ka jetuar një fis i quajtur “Amazonet”. Në këto lokacione janë gjetur shumë mbetje të armëve që pjesëtaret e këtij fisi mjaft të rrezikshëm i kanë shfrytëzuar si mbrojtje ushtarake.

Janë gjetur rreth 40 varreza me femra. Disa prej tyre kanë pasur gjëra jo të zakonshme për femrat e asaj periudhe – armë të ndryshme dhe mburoja: shigjeta, thika, shpata. Përshtypja e parë ka qenë se ai armatim është shfrytëzuar për gjueti të kafshëve të egra, por varrezat e Amazoneve kanë pasur lëkura dhe eshtra delesh, kuajsh dhe devesh, jo kafshësh të egra, që do të thotë se Amazonet nuk kanë qenë gjuetare, por janë përkujdesur për kafshët.

Zbulim tjetër ishin tatuazhet që janë mundur të shihen në lëkurat e rëna. Sipas shumë miteve, Amazonet kanë përpunuar tatuazhe të veçanta si ritual pas çdo armiku të vrarë. Tatuazhet e gjetura lëvizin nga totema të ndryshme të kafshëve e deri te kafkat njerëzore.

Këto zbulime janë veçanërisht të besueshme, në mënyrë hapësinore dhe kohore korrespondojnë me tregimet për Amazonet, por nuk është vërtetuar se a bëhet fjalë ekskluzivisht vetëm për fis të femrave luftëtare.

Ekzistimi i Amazoneve është i besueshëm sa edhe ekzistimi i Atlantidës.
Ose Grekët kanë pasur fantazi të bujshme ose kanë ditur shumë më shumë se ne.