Ankthet bërthamore!

Kriza e Iranit vazhdon të thellohet, ndërsa ditën e dielë, “burime të mirëinformuara” brenda vendit njoftuan se është pranë hapjes një reaktor i nëndheshëm bërthamor.

”Impinati bërthamor në Fordov për pasurimin e uraniumit do të jetë në funksionim në të ardhmen e afërt”, shkruante e përditshmja iraniane Kayahan, duke cituar drejtuesin më të lartë të Organizatës për Energjinë Bërthamore Iraniane, Fereydoun Abbasi Davani.

Hapja e një qëndre të tillë tregon se vendi është gjithmonë e më pranë prodhimit të bombës së tij të parë bërthamore.

Irani, tashmë subjekt i shumë bllokadave dhe shtrëngimeve financiare, përballet me një presion ndërkombëtar gjithmonë e më të lartë për shkak të programit të tij, për të cilin Teherani pretendon se ka vetëm qëllime civile.

Më parë gjatë muajit, kërcënimet e Iranit për një mbyllje të mundshme të ngushticës së Hormuzit sollën një reagim të ashpër ndërkombëtar, me SHBA-në që paralajmëroi për pasoja serioze dhe Britaninë e Madhe që nisi një luftanije drejt zonës.

Shërbimet e fshehta të shtetit islamik kanë arrestuar disa persona të cilët akuzohen se janë spiunë të Shteteve të Bashkuara si dhe janë përpjekur për të sabotuar zgjedhjet parlamentare në Iran, më 2 mars.
Ky lajm është bërë i ditur nga vetë Ministri i inteligjencës së Iranit, Heydar Moslehi, i cili ka dhënë edhe sqarime të mëtejshme për aktivitetin e tyre. Sipas tij, të dyshuarit, ishin në lidhje me kontaktet e tyre jashtë Irakut, nëpërmjet internetit duke bërë jo vetëm propogandë kundër shtetit por duke u marrë edhe me sabotazh. Megjithatë ai nuk ka dhënë numrin e saktë të arrestuarve dhe as kombësinë e tyre.
Autoritetet e Iranit, herë pas here bëjnë publike arrestimin ose ekzekutimin e spiunëve të dyshuar të Shteteve të Bashkuara ose të Izraelit.

observer

Ky eshte thjeshte nje konspiracion,iranianet jane te sekstit shia,kurse shiat jane anti islam,pra iran+israel+amerika= the same

Irani ka nisur procesin e pasurimit të uraniumit në një qendër të fortifikuar rëndë pranë qytetit të shenjtë të Qomit, konfirmoi Organziata e Kombeve të Bashkuara.

Agjensia Ndërkombëtare e Energjisë Bërthamore (IAEA – në anglisht), argumentoi se procesi ka nisur në reaktorin e Fordos.

Irani pretendon se është duke kryer një pasurim të mesëm të uraniumit, për ta çuar atë në nivelet e përshtatshme për përdorim civil, por njëkohësisht, ky është një hap i rëndësishëm drejt ndërtimit të armëve bërthamore.

Ekzistenca e impiantit nëntokësor të Fordos u zbulua vetëm pasi u identifikua nga agjensitë perëndimorë të zbulimit, në shtator 2009.

Teherani nisi punën për kompletimin e procesit në 2007-n, edhe pse IAEA beson që zanafilla e tij të jetë edhe 1-2 vjet më e hershme. Korrespondenti i BBC-së në Iran, James Reynolds, shprehet se ngrehina ka tërhequr shumë dyshime rreth vetes, pasi në mbrojtje të saj janë vendosur edhe disa divizione elitë të ushtrisë iraniane.

Nëntokë, ai është i mbrojtur nga sisteme modern kundërajrore, që e bëjnë tepër të vështirë goditjen e tij nga ajri. Më parë, Shtetet e Bashkuara të Amerikës dhe Izraeli nuk kanë dhënë garanci për mossulmimin e Iranit.

Sipas IAEA-s, “Irani ka nisur pasurimin e uraniumit deri në nivelin 20%”. Komunikata e Agjensisë që operon me mandat të OKB-së erdhi në një ditë tensionimi të ri të marrëdhënieve midis Uashingtonit dhe Teheranit, pasi një shtetas me pasaportë amerikane u dënua me vdekje në Iran, pasi sipas autoriteteve, pranoi akuzat e spiunazhit në interes të CIA-s.

ky irani nuk po ngopet me sanksione

Sipas shumë media amerikane dhe europiane, Pentagoni ka nisur punën për krijimin e një bombe të re e cila do të përdoret kundër Iranit. Bomba do të quhet “shkatërruese bunkerësh” dhe Pentagoni ka si synim që me anë të saj të shkatërrojë strehimet nëntokësore iraniane.
Ekspertët në bazë të studimeve që kanë bërë për strehimet nëntokësore iraniane kanë arritur në përfundimin se kjo ngarkesë eksplozivi mund të mos mjaftojë në rast se vendoset të bombardohet Irani nga ana e SHBA-ve. Edhe Izraeli mendon të njëjtën gjë se është shumë e vështitrë që bombat e reja të SHBA-ve të shkatërrojnë bunkerët iranianë. Mediat amerikane kanë shprehur shqetësimin e Pentagonit lidhur me impiantin bërthamor iranian “Fordow”, që në bazë të informacioneve të fundit, gjendet në brendësi të një mali. Thuhet se për ndërtimin e këtij strehimi brenda në mal kanë kontribuar shumë inxhinierët e Koresë së Veriut, që janë specialistë pikërisht për ndërtimin e këtyre lloj tunelesh, të pashkatërrueshëm nga asnjë lloj bombe.
Investimi për prodhimin e kësaj bombe deri tani ka kapur shifrën e 330 milionë dollarë por për Pentagonin kjo është e pamjaftueshme dhe ka kërkuar dhe 82 milon të tjera.

obsserver

irani eshte kercenim i madh por amerika eshte kercenim edhe me i madh sepse amerika eshte shkaktarja