Bëjeni më të mirën

Bëjeni më të mirën tuaj



"Ne duhet të kemi një dëshirë konstante që të jemi më të mirët"

Secili prej nesh dëshiron të jetë i suksesshëm aq sa mund të jetë. Si qenie njerëzore ne kemi dëshirë të jemi të lumtur, të plotësuar dhe në afërsi me driten e Krijuesit. Ne duhet të kemi një dëshirë të vazhdueshme për të qenë më mirë se që jemi si në punën tonë fizike ashtu edhe në atë shpirtërore.
Nëse kjo është dëshira juaj, është edhe e të gjitha qenieve njerëzore. Por pse nuk është secili më i miri?!

Pra, pyetja është si të jem i pari? Pse duhet të jetë kjo e rastit? Nëse s'mund të jem i pari apo i dyti, a mund të jem i treti?
Përgjigjëja është: Nëse ju keni filluar rrugën tuaj, atëherë filloni të përpiqeni të jeni më të mirët.

Ndonjëherë ne ndjehemi aq larg nga potenciali ynë i vërtetë dhe kjo na ul posht. Mos u mundoni t'i kënaqni të tjerët. Sigurohuni të jeni një person që gjithëmonë bën atë që duhet, pamarrparasysh qfarë.

Disa ditë jemi më të lumtur se të tjerat. Disa periudha jemi më të suksesshëm se në të tjerat. Çelësi i suksesit është që të jemi më të mirët që mund të jemi, dhe kurrë të mos supozojmë se është mjaft dhe kemi arritur.

Zgjohuni!
Edhe me sy të hapur ne shpesh shkojmë nëpër jeten tonë në gjumë. Ne ëndërrojmë çka ishim dje ose si do të jemi nesër, duke humbur mundësinë për të krijuar lumturi të madhe dhe zgjidhje të drejtë në këtë moment.

Çfarë dëshironi?
Kur shohim prapa në dëshirat tona të paplotësuara, ne shpesh shikojmë se nuk kemi atë që kemi dashur dhe si të tillë do të vdesim pa të.
Kuptoni se çfarë Ju me të vërtetë dëshironi - jo ajo që nëna, bashkëshorti/ja, miqtë, mësuesit ua thonë.

Eshtë e rëndësishme të ndjeheni me fat.
Nëse vazhdimisht ecni në një rrugë të pashtruar, si prisni të mos bëheni me pluhur?
Pyesni veten sa herë keni bërë ndryshime të vërteta në jetë, rrethanat kanë ndryshuar, miqtë poashtu dhe nuk është e thënë që të gjithë të pajtohen me rritjen tënde.
Sot, njihni rrugën e jetës suaj, jo të gjithë do t'ju mbështesin, por kjo është në rregull. Ju vazhdoni.

Pritni për pak kohë
Asgjë nuk meriton të ndodhë brenda natës. Gjithqka në kohën e duhur, miqësia, dashuria, karriera, lidhjet shpirtërore. Mos i nxitoni gjërat e rëndësishme. Praktikoni durimin dhe këmbënguljen, në mënyrë që gjërat të jenë të forta dhe të qëndrueshme.

Jini vetvetja
Kur ne përpiqemi t'i bëjmë të gjithë të lumtur, s'e kemi bërë asnjë, madje as veten. Ndoshta dikush nuk ju pranon ashtu si jeni, parashtrojani veti pyetjen: "Pse më duhet miratimi i tij/saj?"
Ne nuk kemi nevojë të jemi 'kushdo' për të fituar dashurinë apo respektin e dikujt.

Jetojeni këtë jetë
Jeta është menduar për t'u jetuar. Ju jeni menduar për t'i ndjekur ëndrrat tuaja dhe për t'i marrë përsipër rreziqet në këtë jetë. Kjo do të thotë t'i japim dyshimit një pushim dhe shpirtit një shans për të folur të vërtetën e tij.
E vetmja gjë që qëndron në rrugën tuaj jeni JU.
Dilni nga rutina dhe zbuloni të panjohurën tuaj.

Çka ju nevojitet?
Të gjitha të këqijat e mëdha apo të vogla fillojnë nga egoizmi. Nuk do të kishte të këqija nëse secili do të shihte edhe nevojat e tjetrit ashtu si për vete, pa provuar të ndërhyjë apo të shkaktojë dhimbje e shkatërrim.

Goja - Pika e mesme
Goja është pika mes zemrës dhe kokës, sepse kjo është pika e frenimit.
Eshtë një betejë e vazhdueshme midis asaj që ne ndiejmë dhe asaj që mendojmë deri në gojët tona për t'i pajtuar të dyja.
Mos besoni në çdo gjë që ju mendoni. Kushtoni vëmendje asaj që ndieni.

Kryeni punët e lëna përgjysmë.
Talenti dhe frymëzimi juaj le të ndahet me të tjerët. Nëse keni lënë një projekt përgjysmë, atëherë ju e keni privuar dikënd nga Drita e tyre.
Rifilloni projektet që keni lënë në raft. Ju kurrë s'mund ta dini jetën e cilit mund ta përmirsoni ose ta ruani, kur ta përfundoni atë.

Jeta është falje
Pa marrë parasysh atë që keni apo nuk keni bërë, ju gjithmonë mund të mbështeteni në një ditë të re. Shpreheni se e keni falur dikënd.
(...)

Elizza, flm per kete postim te mrekulleshem.

flm per postimin je e mrekullueshme

m'pelqeu shume, Elizzaa..

Theni muret e frikës
Sipas një studimi të bërë kohëve të fundit shumica e njerëzve kalojnë mesatarisht 8 orë me shqetësime në ditë. Vetëm 8% e frikës së tyre doli të jetë e vërtetë.
Ju, nga se keni frikë?
Kaloni mbi murin e frikës sikur të ishte vetëm perde.

Merreni gjithçka qetë
Kur jeni duke kaluar nëpër kohë të vështira, kur nuk e shihni diellin kujtojani vetes se gjithçka është ciklike. Vetëm pse nuk e shihni dritën s'do të thotë se nuk eksiston.
Jini i/e qetë. Shikoni kërkesat që ia keni vënë vetes, të gjitha me kohën do të realizohen.

Lidhuni me realitetin
Ari nuk do t'ju sjell lumturi. Të keni marrdhënie të forta me të tjerët, ndjenja të lidhura me qëllimet tuaja dhe ta jetoni jetën me integritet.
Dilni me miqtë, lexoni një libër të mirë, shëtituni në natyrë. Lidhuni me realitetin e vërtetë - Dashurinë dhe Dritën

Jepni dashuri
Dashuri pa kushte është të pranuarit dikënd ashtu si është, pa e gjykuar. Dhe kjo nuk ndodhë thjeshtë. Kjo është një mal që ju duhet t'i ngjiteni vazhdimisht, duke shikuar në maje edhe atëherë kur jeni ne gjunjë. Kjo është dashuri pa kushte.

Ne shpesh i njohim dhe i çmojmë gjërat në bazë të së kundërtës së vet. Ne e mësojmë gëzimin përmes pikëllimit, dritën përmes errësirës, begatinë nëpërmjet varfërisë.
Pse kur përballemi me një problem të mos e shohim anën pozitive?

Bëhuni të vetdijshëm
Nëse nuk e dini se për qka jeni të zënë tërë kohën, atëherë ju nuk mund të prisni rezultat. Fokusohuni në atë që vërtetë dëshironi, në atë që do ta mbushë jetën tuaj. Dijeni çfarë po bëni.

Duajeni veten
Nëse ecni përmes urrejtjes, s'ka mundësi për mirësi. Duajeni veten dhe jini të hapur për t'ju dashur edhe të tjerët. Rrethojeni veten me njerëz që e shohin të mirën tuaj dhe ju falin për gabime. Rruga juaj shpirtërore le të jetë e mbushur me njerëz që ju duan dhe ju mbështesin.

Përballoni jetën tuaj
Transformimi shpirtëror nuk do të thotë stehim nga problemet tuaja. Nuk është ndezja e qirinjëve dhe mendimet e lumtura. Eshtë përballja me kaosin dhe reagimet tuaja ndaj tij.
Nëse jeni të ulur në një jastëk dhe qëndroni i/e qetë me sy mbyllur, ju mund të ndjeheni të rifreskuar përkohësisht, por nuk mund ta çrrënjosni çdo sjellje apo model në jetën tuaj që vazhdimisht ju shkakton dhimbje.
Hapni sytë. Shikoni pengesat. Jini mirënjohës që ato ekzistojnë.
Kapërceni një nga një - dhe Drita do të shkëlqejë.

Trajtoni me drejtësi të tjerët
Keqtrajtimi i një personi tjetër është ekuivalent me futjen e gishtit tuaj në prizë. Ka pasoja sepse të gjithë njerëzit përmbajnë një shkëndijë Hyjnore në shpirtërat e tyre.
Qoftë ai mik apo armik, familjar apo i huaj, nevojtar ose jo, trajtojeni drejt.

Shkelni në terren origjinal
Kur të marrim inciativën të ndryshojmë përbrenda, duke shkaktuar një gjendje të gëzuar, jemi duke shkelur në një terren të ri dhe origjinal. Por diçka zakonisht na sjell në atë që është 'e njohur'.
Eshtë Dyshimi. Atij s'i pëlqen të largohemi nga vetja e zakonshme. Ai dëshiron të na mbajë në botën tonë të vogël.
Largojeni dyshimin. Kjo është mënyra për të qëndruar zgjuar dhe të përqendruar për të bërë atë që me të vërtetë duam.

Vetëm sytë tuaj
Njerëzit e mençur shohin vetëm me sytë e tyre. Ata përceptojnë me sytë dhe zemrën e tyre.
Shikoni atë që mund të përceprohet vetëm nga sytë tuaj, jo çfarë shohin tjerët. Besojini intuitës.

Mësime të jetës
Vështirësitë janë pjesë e projektit të madh që ju ndihmojnë të zhvilloheni dhe të ndryshoni. Nëse vit pas viti e gjeni veten në të njëjten dramë, arsyeja është e thjeshtë: Ju nuk e keni mësuar ende mësimin që po ua mëson jeta.

Fjalët kanë fuqi
Fjalët kanë fuqi të jashtzakonshme për të shëruar dhe bekuar, si dhe forcë të tmerrshme për të dëmtuar dhe mallkuar.
Synimi ynë i përcakton të gjitha. Kjo është arsyeja pse është e rëndësishme të merret parasysh personi me të cilin flasim.
Mendoni para se të flisni. Kontrolloni çdo fjalë që del nga goja juaj. Përdorni fjalët tuaja si një forcë për të ndihmuar të tjerët.
(...)

Faktori i përmbushjes
Kushdo që ka ego, kurrë nuk do të ndjehet i plotë, sepse gjithmonë i mungon diçka.
Çdo person mund të arrijë çdo gjë që ai kërkon në këtë botë. Problemi është se kur ju merrni atë që dëshironi, jo gjithmonë ndjeheni të plotësuar. Dhe kjo është pika, të ndjeni plotësinë e jetës.
Kontrolloni faktorin tuaj të përmbushjes. Sa shumë gjëra dhe ndërveprime gjatë ditës tuaj ju sjellin kënaqësi të vërtetë, dhe sa të tjera janë vetëm fiksime.

Fishkëlleni derisa punoni!
Bëni që lidhjet tuaja me gëzimin dhe ndërgjegjen t'ju sjellin bekimet që ju dëshironi.
Vendosni më shumë energji në rutinat e vjetra.

Vlen edhe për Ju!
Puna juaj këtu është të mësoni të jeni tolerantë ndaj të tjerëve. Eshtë e vështirë, por durimi vie shpejt kur kuptoni se Krijuesi na ka krijuar secilin për të na dhënë mundësinë për të ndryshuar.
E njëjta gjë vlen edhe per Ju!
Kur ta keni vështirë ta toleroni dikë, mos harroni se as ju s'jeni shumë më ndryshe se ai person. Ju gjithashtu keni shumë për të korrigjuar, dhe prandaj është më e mençur të mëshironi dhe të pranoni.

Koha për të vërtetën
Është gjithmonë më e lehtë për t'iu treguar njerëzve atë që duan të dëgjojnë. Kjo është shpesh më e mirë për të rënë dakord me dikë, madje edhe nëse nuk pajtohemi në zemrat tona. Dhe kjo mund të jetë po aq e frikshme për t'u përballur me të vërtetat e dhimbshme për veten tonë, miqtë tanë dhe të familjes mund të ndjehen të detyruar të na tregojnë vetëm atë që ne duam të dëgjojmë.
Kur ju duhet të tregoni të vërtetën, keni guxim hapni zemrën tuaj si dhe gojën tuaj. Dhe kur ju duhet të dëgjoni të vërtetën, keni urtësinë për t'i hapur veshët tuaj dhe për të mbyllur gojën tuaj.

Nuk dëshironi të gjykoni, por...
Përpara se të gjykoni dikënd, gjykojeni veten! Kjo është një gjë e mirë, sepse aktivizoni diçka brenda vetës, një pjesë që 'ka qarë' për ndryshim.
Mbajeni mend se ju jeni të rrethuar nga 'pasqyra' që reflektojnë atë që shpirti juaj ka nevojë për korrigjim.

Vendosja e një toni
Të jetosh me një qëllim pozitiv përcakton qëndrimin e ditës tuaj.
Lejojani vetes që të ecni me atë që sjell një buzëqeshje në fytyrën tuaj.

Mos i analizoni njerëzit
Mënyra më e lehtë për t'i ndihmuar ata është që të mendoni se ata nuk kanë dashuri. Jepni atyre kujdes, vëmendje dhe dëgjoni qetë.
Përqëndrohuni në një shok/ koleg/anëtar të familjes që nuk kishte shumë rëndëri për ju. Harrojeni rëndësinë. Duajini ata.

Si ta rrisni motivimin tuaj?
Nxitoni për veprime. Filloni diqka. Kaloni kohën në një projekt personal. Ndërmerrni veprime fizike, ato nxisin dëshirën tuaj për më shumë.
Mos prisni në 'grevë' për inspirim.

Jini të mëshirshëm
Ju gjithmonë mund të gjeni arsye për tu zhgënjyer nga njerëzit. Por mos harroni, të gjithë i kanë dhimbjet e tyre. Nganjëherë gjëja më e mirë që ju mund të bëni është që të jenë të mëshirshëm.
Zgjedhni një person me të cilin jeni të mërzitur dhe gjeni një mënyrë për t'i ndihmuar atij. Vendos çfarëdo qoftë ajo që ju mërzit mënjanë, dhe ndani diçka të bukur me të.

Jini të hapur
Kur ju mbylleni nga njerëzit, ju mbylleni nga arsyeja e të qenit gjallë.
Hapeni veten. Lejoni të tjerët të hyjnë. Bëjini bisedat që i keni shmangur. Shiheni më të mirën te secili.

Shikojeni të ardhmen
Mjeti më i fuqishëm për të parë të ardhmen është mësimi nga e kaluara.
Përpara se të merrni një vendim, kujtone herën e fundit kur ju keni qenë në një situatë të ngjashme. Mendoni se si doli. Çfarë mund të bëni ndryshe këtë herë?

Mos jini normal
Ju, si pjesa tjetër, keni vështirësi që përballeni në shumë ditë të jetës suaj. Dhe duke u fokusuar në këto vështirësi e probleme, shqetësimi është normal.
Mos u bëni normal! Fokusohuni në gjëra të mira që ju keni, ajri në mushkëri, rrobat në trup, mundësinë për të jetuar...
Luftoni për këtë fokus!


Fjala është ndryshimi i vogël i heshtjes.
Do të doja të ishte imja kjo, por e kam lexuar diku. Mendoni për këtë. Sa herë keni folur vetëm për shkak se nuk jeni ndjerë rehat ose duke u përpjekur për të rregulluar apo kontrolluar situatën?
Heshtja ka fuqi të madhe dhe lejoni dikë të ketë vëmendjen tuaj totale.
Nganjëherë dëgjoni njerëzit. Shikoni shprehjet e tyre. Lexoni në mes të linjave të tyre. Shihni ata.

Si të ndihmoni
Nëse ju jepet mundësia t'i shihni dhimbjet e të tjerëve, kjo tregon se keni mundësi të bëni diçka për ta. Ju jeni dëshmitari që mund të ndikojë në ta.
Njihni dhimbjet e të tjerëve, pyesni veten si t'ju ndihmoni. Sot gjithkush ka nevojë për pak ajër.
Kërkoni përgjigje, ajo do t'ju jepet. Ju do ta kuptoni, do ta ndjeni udhëzimin e intuitës suaj. Besoni asaj.

Çelësi i lumturisë
Në fund të ditës çelësi i lumturisë është marrja e përgjegjësive për reagimet tuaja gjatë gjithë eksperiencës - qofshin ato reagime të mira apo jo. Çkado që hynë në jetën tuaj është diçka që ju përmbush.
Edhe nëse ndonjë ngjarje në jetën tuaj nuk ka kuptim në kontekstin e përvojës së përgjithshme, ju duhet të pranoni një mësim prej saj.
Mos harroni që plotësisht kuptimi dhe pranimi i përgjegjësive është e vetmja mënyrë për të gjetur lumturi, përmbushje dhe qëllimin tuaj në këtë udhëtim.

Jeta që ju duhet
Ne të gjithë kalojmë nëpër momente të errëta kur duam të kemi jetën e dikujt tjetër.
Mënyra e hedhjes dritë mbi këto momente është pranimi i vetes dhe jetës ashtu siç është. Kuptojeni se ju jeni pjesë e planit perfekt, keni pikërisht gjithçka që ju duhet.

Pushoni së ndaluri
Një ide e madhe vie te ju. Ju jeni të ngacmuar tërësisht në lidhje me të. Pastaj zë vend zvarritja. Ju kaplon dyshimi...
Rrezistoni përtesës. Rezistenca nuk do të thotë ndalim, por qëndrim ende në këmbë.

Përballoni
kur të jeni në konfuzion para vendimeve të rëndësishme, të brengosur për ndikimin e tyre në jetë, është e natyrshme t'i analizoni, të brengoseni, të jeni në merak dhe në stres.
Qëllimi është të përballoni, kur i largoni mendimet nga problemi zgjidhja vie atëherë kur më së paku e prisni.

Fara e të vërtetës
Çdo gjë që ju shihni te të tjerët është reflektim i Egos suaj. Kur ju shihni diçka që ju pengon, është reflektim i 'gabimeve' tuaja të fshehura.
Për me tepër, arsyeja pse e shihni ashtu është: se është koha ideale për të hedhur posht Egon.
Puna juaj është të gjeni farën e të vërtetës në atë që ju shihni.

Revolucioni i brendshëm
Ngrihuni dhe qëndroni besnik për atë që në zemrën tuaj është e drejtë, edhe nëse varka godet shkëmbin. Kjo është një gjë që kurrë nuk duhet shmangur në transformimin tuaj. Krijimi i një revolucioni të brendshëm është shikimi i rezultateve përfundimtare.

Shkatërroni Egon tuaj
Dëshira që të ndjehemi të lavdëruar dhe të njohur është shenjë e llafazanëve, egoja e të cilëve është në lulëzim. Kjo është arsyeja pse poshtrimi është arritja më e shpejtë e tyre.
Mirëprisni momentet e sikletshme si kontribut për ndryshim, kur mjaft njerëz ta shohin egon e tyre se si punon dhe e shkatërrojnë atë, ne do të arrijmë të kemi një masë kritike dhe bota do të ndryshojë.

Zvoglojeni gjykimin tuaj
Zvoglojeni gjykimin tuaj ndaj të tjerëve. Ju kurrë nuk mund ta shihni të njëjten pamje. Kurrë.
Janë një mijë arsye pse një person mund të jetë sjellur në një mënyrë. Ju ndoshta s'e dini çfarë po ndodh, çfarë e ka motivuar të veprojë në atë mënyrë. Poashtu se dimë se si do të reagonim ne po të ishim në këpucët e tyre.
Pak nga pak, të mësojmë të falim dhe të krijojmë një vend ku njerëzit do të ndihmohen e jo të gjykohen.

Luftoni për jetën tuaj
Çdo gjë e vlefshme duhet të mësohet dhe të praktikohet. Jo gjithmonë aftësitë vijnë vetë. Ato kanë nevojë për këmbëngulje, vullnet, ju duhet të luftoni me rrymat tuaja negative.
Por shpërblimi është i madh dhe me të vërtetë përmbushës. Kjo vlen përpjekjen.

Vetëm një moment
Ju duhet vetëm një moment ëmbëlsie dhe vlerësimi të thellë të ringjallni buzëqeshjen e një personi.

Vlerësimi i thellë
Vlersimi është mënyra më e thellë e marrjes. Për çfarë ju jeni mirënjohës?
Të keni qëllim edhe mirënjohjen ndonjëherë.

Qeshja është pa pagesë
Ju nuk keni nevojë të paguani për të qeshur. Jeta është plot me gjëra që mund t'ju sjellin kënaqësi dhe plotësim, pikërisht tani.
Gëzojuni gjërave të thjeshta.

Ndryshimet ndodhin
Ndryshimi është një zgjedhje. Nuk është një zgjedhje e lehtë, sepse me të vërtetë duhet të punoni shumë për t'i ndryshuar gjithë negativitet tuaja, por duke bërë zgjedhje, ju do ta shihni se ndodh ndryshimi.
Lidhuni me qëllimin tuaj për të ndryshuar. Sa më shumë që të zgjedhni aktivitetet dhe njerëzit që mbështesin lëvizjen tuaj, më të fortë ju do të bëheni.

Kërkoni më shumë dashuri
Ju jeni në luftë me dyshimet tuaja. Gjithmonë kujtojeni. Kur jeni afër një niveli të ri, dyshimet iu sulmojnë. Në vend të kësaj kërkoni më shumë dashuri nga vetja.

Gëzojeni të sotmen
E kaluara është e pakthyeshme. E nesërmja kushedi çka sjell. E sotmja është e çmueshme.
Jepini vetes leje ta gëzoni ditën e sotme. Bëni diçka që ju jep kënaqësi.

Shko dhe mëso
Një student një herë iu afrua një të urti, i cili ishte shumë i aftë në doktrinat shpirtërore dhe artet mistike. Ai kërkoi nga mjeshtri që t'ia mësoj të gjitha sekretet sublime të jetës - t'ia shpjegojë të gjitha misteret madhështore të kozmosit që janë të fshehura në të gjitha librat e shenjtë.
Dhe ai e pyeti nëse të gjitha këto mund të bëhen në kohë, që një person të mund të mbetet i balancuar në një këmbë.
i urti e mori parasysh me kujdes këtë kërkesë. Ai buzëqeshi ngrohtësisht dhe u përgjigj:
"Duaje të afërmin tënd si veten tënde. E gjithë pjesa tjetër është koment. Tani shko dhe mëso."

Arma e Dritës
Dashuria është armë e Dritës dhe ajo ka fuqi për të zhdukur të gjitha format e errësirës. Ky është çelësi. Kur ju ofroni dashuri edhe për armiqtë tuaj, ju shkatërroni errësirën e tyre dhe urrejtjen - e cila është arsyeja që ata u bënë armiqtë tuaj në rend e parë.
Zgjojeni dashurinë për bashkëshortin/ten tuaj, miqtë, familjen, kolegët dhe për vetën.
Shpërbëjeni çdo armiqësi dhe hidhërim që mund të ketë lindur pas një grindjeje me një të dashur ose bashkëpunëtor.

Faleminderit eliza si gjithmone e mrekullueshme