Dasma te shenjat Zodiake

Dasma te shenjat Zodiake



Dashi

Dashi gjithmonë origjinal, dëshiron që të jetë në qendër të vëmendjes, prandaj ceremonia tradicionale nuk është opsioni më i mirë për të. Ai e paramendon dasmën e tij si ngjarje unike, për të cilën do të flitet me vite të tëra. Ai ëndërron për një dasmë ekzotike.

Demi

Demi ka dëshira më reale. Meqë është adhurues i madh i natyrës, Demi preferon që të martohet në bjeshkë, në ndonjë lokal në natyrë, apo në ndonjë vend romantik. Është adhurues i ushqimit të mirë, prandaj nuk do t’i lërë mysafirët të uritur.

Binjakët

Edhe pse varen nga adrenalina, Binjakët janë tradicionalë kur flitet për martesë. Ata duan dasmë sipas zakoneve të së kaluarës dhe zgjedhin vende që kanë sharm historik. Dasma jashtë vendit vjen në konsideratë, vetëm nëse mund t’i marrin të gjithë shokët me vete.

Gaforrja

Gaforrja romantike preferon ambientin familjar, prandaj dasma në ndonjë lokal me livadhe është e preferuara e tij. rëndësi të madhe për të ka edhe ushqimi dhe kënaqja e mysafirëve.

Luani

Luani çdo gjë e bën me stil, prandaj në dasmën e tij duhet pritur të përkryerën dhe hotelin me pesë yje. Atij i pëlqen dielli, prandaj dasmën dëshiron ta zhvillojë në natyrë.

Virgjëresha

Virgjëresha e ndërgjegjshme edhe kur martohet i kushton kujdes çdo leku, por edhe asaj që çdo gjë të jetë në pajtim me natyrën. Ajo ju ofron mysafirëve gjithçka, por pa harxhuar tepër.

Peshorja

Është njëra ndër shenjat më romantike dhe dasma për të ka rëndësi të madhe. Ajo dëshiron që gjithçka të jetë madhështore, prandaj mund ta bëjë dasmën në ndonjë kështjellë të vjetër. Por, mund ta ndërrojë edhe mendjen, duke u përcaktuar për një vend krejtësisht të kundërt.

Akrepi

Akrepi dëshiron me çdo kusht ta ruajë privatësinë, prandaj përcaktohet për prona private të cilat ofrojnë mbrojtjen më të mirë. Nëse nuk mund ta bëjë dasmën në këto vende, atëherë përcaktohet për ndonjë vend ekzotik, ku do të shkojë vetëm me partnerin.

Shigjetari

Dëshiron që të jetë ndryshe nga të tjerët, prandaj preferon ta bëjë dasmën në destinacione ekzotike të largëta, për t’ia pasur zilinë tërë miqtë. P.sh, në Dubai.

Bricjapi

Bricjapi është tejet tradicional dhe dasmën e paramendon si në të kaluarën. Për të adetet kanë rëndësi të madhe, prandaj nuk lejon që nusja të bartë fustan të nusërisë të ndonjë ngjyre tjetër, pos të bardhës.

Ujori

Edhe Ujori preferon dasmën ekzotike. Sikur të mund të zgjedhë, ai do të donte të martohej midis oqeanit. Ai udhëhiqet nga filozofia “sa më pak e rëndomtë, aq më e mirë”.

Peshqit

Edhe për Peshqit rëndësi ka tradita, por pik së pari duan që të martohen afër ujit. Ndonjë pushimore në bregdet është vend ideal për dasmën e tyre. Për ta kanë rëndësi edhe muzika dhe vallëzimi.