Trupi mund të parashikojë të ardhmen

Trupi mund të parashikojë të ardhmen



Déjà vu, rrëqethja e pashpjegueshme në pjesën e fundit të shpinës, rrëqethja e qimeve në qafë... Njerëzit kanë besuar gjithmonë që trupi ka shumë mënyra me të cilat na tregon se çka do të na ndodhë në të ardhmen.

Shkencëtarët të cilët kanë kryer hulumtimin pohojnë se si trupi ynë me të vërtetë mund të parashikojë të ardhmen, të parashikojë ndodhitë ose të kuptojë që do të ndodhë diçka, por pa shenja që do ta tregonin këtë.

Shkencëtarët kanë bërë 26 teste të ndryshme, me të cilat i kanë dëshmuar këto pohime. Pjesëmarrësve në hulumtim u kanë treguar fotografi të rastësishme nga të cilat disa kanë qenë neutrale, ndërsa disa të dizajnuara për stimulim.

Kanë zbuluar që disa sekonda para ndodhisë shfaqet efekti i parandjenjës – eksitimi fiziologjik i cili shfaqet 10 sekonda para ndodhisë. Zemra fillon të rrahë më shpejt, rritet shpejtësia e qarkullimit të gjakut dhe aktiviteti i trurit.

Ky zbulim tregon që trupi njerëzor nënvetëdijshëm parandien se cilat gjëra të rëndësishme do të na ndodhin në të ardhmen edhe pse shumë njerëz mendojnë që nuk e dinë këtë, shkruan revista Live Science.

Hulumtuesit kanë theksuar se si nuk besojnë që ky është fenomen mbinatyror, por rregulla të bazuara shkencërisht të cilat askush nuk i kupton akoma.

Hulumtimin e kanë kryer Julia Mossbridge nga Universiteti Northwestern në Illinois, Patrizio Tressoldi nga Universiteti Padova dhe Jessica Utts nga Universiteti California.