Kërkime për forma jete jashtëtokësore në Antarktidë!

Nisin kërkimet për forma jete jashtëtokësore në Antarktidë!



Formë jete jashtëtokësore shpresojnë të zbulojnë shkencëtarë britanikë, në studimin që ata do të ndërmarrin në një liqen që fshihet nën akujt e Antarktidës, për më shumë se 500.000 vjet.

Bëhet fjalë për një studim me përmasa shumë të mëdha, pasi në të marrin pjesë dy institute dhe 8 universitete, transmeton BW!

Sipas programit, shkencëtarët do të kryejnë një shpim me thellësi prej tre kilometra nën akull, në një nga zonat më të vështira të ujit, me qëllim që të pompohet mostër uji dhe kampion të grumbulluar në fundin e Liqenit Elsgouorth, i cili prej 500.000 vjetësh është i mbuluar me akull, ndërsa territori ku do të kryhen studimet do të përfshijë një zonë gjatësi prej rreth 10 km. Liqeni gjendet në Perëndim të Antarktidës dhe ka një gjerësi 203 km.

Është një nga 400 liqenet e ngrira të kontinentit të veriut, të cilët ruajnë ende dhe sot elementin e lëngshëm, falë presionit nga sipër dhe temperaturës së Tokës.

Shkencëtarët konsiderojnë se disa prej këtyre liqeneve të veçuara, do të mund të ruanin mikroorganizma të panjohur nga shkenca, që ka shumë gjasa të disponojnë informacione rreth kufijve të jetës në planetin tonë.

Me këtë hulumtim, ndoshta mund të jepet një shpjegim për atë se nëse ne jemi të vetëm në univers dhe disponojmë kushtet e mundshme për jetën jashtëtokësore, siç ndoshta dhe gjenden molekula të ujit nën sipërfaqen e akullt të satelitëve të Jupiterit dhe Saturnit.