12.5% e njerëzve në botë vuajnë nga uria

12.5% e njerëzve në botë vuajnë nga uria



Një në tetë persona në botë është i kequshqyer, ka bërë të ditur agjencia Kombeve të Bashkuara për Ushqim, duke paralajmëruar se është zvogëluar progresi në luftimin e urisë që nga viti 2008, kur çmimet e larta të ushqimeve kishin nxitur trazira nëpër disa vende të varfra.

Në raportin e tyre të fundit, agjencitë e OKB-së kanë vlerësuar se 868 milionë njerëz vuajnë nga uria, ose rreth 12.5 për qind e popullatës së botës, që është një rënie nga vlerësimi që ishte bërë në vitet 1990-92 kur të kequshqyer ishin rreth 1 miliard njerëz, ose 18.6 për qind e popullatës globale. Çmimet e ushqimeve janë ngritur vazhdimisht gjatë muajve të fundit, për shkak të thatësirës në SHBA dhe Rusi si në vendet e tjera eksportuese të mëdha në botë.