Ufo-t gjate fatkeqesive natyrore

Kili - Ufo para termetit

Para disa javësh, Kilin e goditi njëri prej tërmeteve më të fortë në histori, ndërsa tash banorët lokalë për çdo ditë flasin për objektet e paidentifikuara të para një natë para katastrofës.

Pas tërmeteve të mëdha shpesh janë parë UFO-t, vetëm natën që ka ndodhur tragjedia në Kili janë raportuar 16 raste. Shumica e këtyre dukurive të çuditshme janë dëshmuar me video-incizime.

Ufologu Rodrigo Fuenzali thotë se koncentrimi më i madh i raporteve vjen nga Las Condes, Penalolena, Providenca dhe Colina, ndërsa ka dëshmi të ndryshme të atyre që kanë parë një objekt në formë të hënës, por në anën e kundërt të qiellit, deri tek objekti i paidentifikuar i cili doli nga deti pak para se të ndodhte tërmeti.

Udhëtarët e një autobusi në Iquique thonë se kanë parë një humanoid të paidentifikuar, ndërsa Rodrigo Fuenzalida thotë se ka gjithnjë e më shumë dëshmi, por njerëzit kanë frikë t’i raportojnë, sepse e dinë që askush s’do t’u besonte.