Pesë fakte se fantazmat kanë pushtuar shtëpinë tuaj

Disa mendojnë se fantazmat ekzistojnë.

I të njëjtit mendim është edhe hetuesi i aktiviteteve paranormale John E.L. Tenney, i cili ka dhënë pesë fakte që tregojnë se shtëpia juaj është e pushtuar nga fantazmat.


E ndjeni se ju preku diçka kur askush nuk është në shtëpi


Tenney ka thënë se fantazmat fillojnë të shfaqin praninë e tyre me prekjen e njerëzve.

“Nëse e ndjeni se ju preku diçka kur e dini se vetëm ju jeni në shtëpi, atëherë është prezenca e një fantazme”, ka thënë ai.


Orenditë lëvizin vetë


Sipas hetuesit të aktiviteteve paranormale, njerëzve nuk u duhet një hetim i vështirë për të vërejtur se shtëpia e tyre është e pushtuar.

“Mjafton që të shikoni sesi orenditë në shtëpinë tuaj kanë lëvizur nga vendi i mëparshëm”, ka theksuar Tenney.


Njerëz të vdekur në shtëpinë tuaj


Njerëzit mendojnë se vdekja ose vrasja në shtëpi i thërret fantazmat në atë vend. I të njëjtit mendim është edhe hetuesi i cili ka thënë se shumë shtëpi janë të pushtuara nga vetë shpirtrat e njerëzve që kanë vdekur në atë shtëpi, transmeton koha.net.


Dëgjoni zëra të çuditshëm

Ashtu siç e ndjeni prekjen e dikujt, ju mund të dëgjoni edhe zëra të çuditshëm kur jeni në shtëpi. Sipas Tenneyt, fantazmat e bëjnë këtë kur dëshirojnë të tregojnë diçka te njerëzit.


Papritur ndjeni parfumin e njeriut tuaj të dashur që ka ndërruar jetë


Hetuesi ka thënë se kur njerëzit nuk binden me veprimet e deritanishme të fantazmave, ata fillojnë të shfaqin praninë e tyre përmes parfumit.

“Është parfumi i thjeshtë të cilin i vdekuri e ka përdorur sa ishte në atë botë”, ka thënë Tenney.

Koha.net