EXPLORER UNIVERS
Would you like to react to this message? Create an account in a few clicks or log in to continue.

Një bishë misterioze në Ukrainë

Shko poshtë

Një bishë misterioze në Ukrainë Empty Një bishë misterioze në Ukrainë

Mesazh  Luli 05.09.14 16:26

Nuk arritëm akoma të marrim veten pas fundit të shumëpërfolur të botës dhe dyndjes së vampirëve serbë në vitin e kaluar, kur mbi kokë na ra një e keqe tjetër: pak kohë më parë në Ukrainë u shfaq Çupakabra - një krijesë mitike legjendare kjo me origjinë nga Amerika Qendrore. Me sa duket, mallkimet e atdheut të civilizimit Maya po vazhdojnë të përhapen në mbarë botën.

Një bishë misterioze në Ukrainë 11kupania_sochelnik

Nëse dikush nuk e di, Çupakabra është një krijesë me katër këmbë, njëfarë kryqëzimi në mes të qenit apo kajotës me çatallë të mëdhenj dhe feçkë derri e ardhur nga Porto Riko, e cila gjuan bagëtinë e shtëpisë dhe i thith gjakun asaj. Një lloj vampiri në botën e kafshëve. Natyrisht, që nuk njihet kurrsesi nga zoologjia zyrtare, po ashtu si dhe Nessie apo Njeriu i dëborës (Yeti, Bigfoot).

Gjatë gjashtë muajve të fundit janë regjistruar tashmë dhjetëra sulme mbi kafshët shtëpiake. Habitat i gjuetisë së kësaj kafshe misterioze janë bërë tashmë qytetet Kiev, Lvov, Hmelnickaja, rajoni i Ternopolit dhe Çernigovskaja.

Kësaj here përbindëshi-vampir është parë në rajonin e Karpateve, në fshati malor Gollinj, ku viktima të tij u bënë lepujt 1-vjeçarë. Familja Parashiak merret tashmë që prej shumë vitesh me rritjen e lepujve, por një mënxyrë e tillë në fermën e tyre ndodh për herë të parë. Sipas rrëfimeve të të zonjës së fermës, Lesia Parashiak, një kafshë e panjohur në kuptimin e plotë të falës kishte shqyer me dhëmbë drynin e kafazëve dhe i kishte pirë gjakun të gjithë lepujve të ngratë. Dhe gjëja më e habitshme konsiston në faktin, se trupat e pajetë të kafshëve doli se ishin absolutisht të paprekur. Domethënë, nuk ka gjasa që ky të jetë një sulm i kryer nga dhelpra, ujku apo kunadhja.

E zonja e Llajmës - qenit të madh bari Kaukazian - madje as që u zgjua gjatë sulmit të natës mbi lepujt.

Zoologu Dimitri Isonkin u përpoq të shpjegojë për Radiokompaninë "Zëri i Rusisë" pse ekzistenca e Çupakabra-s është vetëm një nga legjendat urbane, dhe se kush, në fakt, mund t’i ketë pirë gjakun kafshëve në Ukrainë:

- Vetkuptohet, se të gjitha këto histori të tmerrshme për kafshët e lëna pa gjak nga Çupakabra misterioze nuk janë veçse rrëfime të hiperbolizuara nga njerëz, shpesh herë, për të qenë i sinqertë këtu, jo fort të arsimuar. Për më tepër se këtë bishë të habitshme nga afër nuk e ka parë askush, ndërsa të gjithë ata që gjoja e kanë "parë", shpesh herë ngatërrohen dhe nuk përkojnë në dëshmitë e veta. Zakonisht në këtë mënyrë bagëtia mund të sulmohet prej kafshëve të sëmura nga tërbimi, sidomos në periudhën e hidrofobisë (angl. hydrophobia).

Në këtë fazë të sëmundjes rritet në mënyrë dramatike ndjeshmëria ndaj stimujve ndijorë - dritës shumë të ndritshme, tingujve të ndryshme (kafshët e tërbuara mund t’i ketë ndjellë zhurma që vinte nga kafazët) dhe etja e tmerrshme. Kafshët e sëmura bëhen tejet agresive, mund të kenë madje haluçinacione. Domethënë, për të sulmuar mund të sulmojnë, por trupat e pajetë i lënë të paprekur gjatë kësaj.

Nëse është kështu në të vërtetë apo jo, vështirë gjykohet. Tani për tani nuk ka prova të besueshme shkencore për të konfirmuar ekzistencën e Çupakabra-s. Megjithatë, në institucionet shkencore të disa vendeve po zhvillohen hulumtime në bazë të gjurmëve të lëna, siç presupozet, nga kjo krijesë.
Luli
Luli

"Duhet bredhur shumë në errësirë derisa të preket drita"

861


Mbrapsht në krye Shko poshtë

Mbrapsht në krye

- Similar topics

 
Drejtat e ktij Forumit:
Ju nuk mund ti përgjigjeni temave të këtij forumi