Jashtetokesoret do te gjenden pas 25 vjetesh

(Edhe nje mashtrim i radhes nga Nasa dhe Seti - Zattoo)

Jeta inteligjente në planetët tjerë mund ta gjemë pas 25 vjetësh, ka thënë njëri nga hulumtuesit kryesorë për formën jashtëtokësore të jetesës.  

Set Schostak nga instituti SETI ka shfaqur parashikimet e veta në konferencën që e organizoi NASA. Ai beson se çelësi është në skanimin e qiellit dhe në kërkim të sinjaleve elektromagnetike që vijnë nga planetët tjerë, transmeton Koha. net.

“Në vend që të shikojmë në mijëra sisteme yjësish, duhet t’i përfshijmë miliona sish gjatë 24 vjetëve të ardhshëm. Njëri nga pesë yjet ka, të paktën, një planet në të cilin mund të ketë jetë. Kjo është një përqindje e lartë dhe fantastike. Kjo do të thotë se në galaktikën tonë janë dhjetëra miliarda botë të  ngjashme me Tokën", ka thënë Schostak .

Hulumtimet për sinjalet e jashtëtokësorëve kanë filluar në vitin 1960 kur astronomi Franck Drick ka skanuar dy yje të ngjashme me Diellin me anë të antenës të gjerë 26 metra në Virxhinian Perëndimore.

Ato kanë vazhduar në 50 vjetët e fundi e astronomët kanë filluar në ndërkohë të përdorin teknologjitë e avancuara.  Megjithëkëtë, SETI tërheq vëmendjen pa pushim se i duhen edhe më shumë para për hulumtime. Për shembull, supozimi për gjetjen e dëshmive për ekzistim të jashtëtokësorëve me forma inteligjente varet nga mjetet financiare, ka thënë Schostak.

Ai ka shtuar se në hulumtimet për jashtëtokësorë janë garë shkencëtarë në tri shtigje, ata të cilët kërkojnë qytetërime të avancuara, shkencëtarët që po e studiojnë Marsin dhe hënën e  Uranit , ndërsa në Evropë shkencëtarët që po studiojnë gjetjen e mikroorganizmave në egzoplanetët e afërt.

"Mendoj se secili nga këto ekipe ka shans për fitore, dhe, sipas mendimit tim gjatë 20 vjetëve të ardhshëm”, ka thënë Schostak.